蘇媽.蘇媽馬來西亞茶餐室 (已結業)

一直想試呢間位於深水埗橫街的馬拉餐廳好耐，但次次都排長龍，今日行過終於冇乜人。一入到去當然有驚喜，見到有人飲一杯青色嘅飲品，個樣好似鬼口水，原來係椰汁班蘭葉凍飲。我哋最後叫咗肉骨茶（一字骨），檳城亞森叻沙，再加多兩杯凍飲。肉骨茶本身跟兩碗例湯同一碗飯，味道相當好值得推介。而肉骨茶係有四部曲食法，但我冇跟都好夠味。而叻沙係又酸又辣，但我本身唔食辣嘅人都勉強食到。記住飲品可以跟餐，會平啲。

一心去深水埗試下呢間 " 蘇媽.蘇媽 馬來西亞茶餐室 "，但睇見門口排隊排到出街，心知不妙，所以見勢色唔對 ，決定買外賣返屋企吃。招牌砂煲老鼠粉 69元 和 沙爹豬、牛、雞各兩串 76元。沙煲老鼠粉用黑醬油 加碎豬肉 碎蛋 同炒，香口惹味， 我個人覺得加點辣就更出色。 沙爹豬、牛、雞 三款 都足料入味，其中以沙爹豬最好吃，其次是牛，再其次是鷄肉，而蘇媽.蘇媽的沙爹汁更是靈魂，沙爹汁裏面含香茅花生蝦米，香味和口感，都讓人念念不忘。另外值得一提，就是蘇媽打包啲外賣盒， 用紙盒包裝 精緻美觀 感覺環保。

雖然成日睇openrice，但都會有諗唔到食咩既時候，呢個時候，問朋友就最好啦！朋友介紹我黎深水埗既蘇媽蘇媽食野，咁我就特意黎試試！我當日夜晚7點就到啦，已經好多人拎飛等候。門口好有特色，可惜太多人我無特意影低。等咗30分鐘倒到，終於入得！【椰香咖央多士】唔～ 呢個咖央好薄好香脆，而中間既醬係好厚好多既，所以啖啖都好好味！【玻璃魷魚配通菜】唔算非常特別，但香港好少食到咁細既空心菜，我好喜歡咁細既空心菜既，所以加咗d分！【馬拉沙嗲串燒(豬牛雞各一)】我最中宜佢個豬串，其他兩串都普通啦我覺得。【招牌老鼠粉】佢有好多唔同既料係入面，令到個口味食落多咗層次，但我個人就唔覺得有幾特別啦，可能我唔係特別中宜食乾既粉類啦。但可以一試既如果未食過。【野飲】總結，唔差既馬來西亞特色菜～ 值得一試！但如果下次我就未必會特登排隊等啦！

去過沙巴同埋檳城都有試過當地既肉骨茶，估唔到香港都有間咁高質既肉骨菜去到等左大約十五分鐘到，就有位入去啦，坐低就可以劃野啦，叫左個皇帝骨，係限量供應既，好彩當日都仲有，幾好食，肉味都好夠。仲叫左個特制辣椒板麵，檳城叻沙米線，兩個面都好好食啊，好野味😂 係個板面有少少咸姐，野飲就叫左檸檬薏米水，桔仔話梅水，兩杯野飲都ok，配埋個面食就好perfect laaa，最後要推介既係椰香咖央多士，真係好脆好好味 同埋特別，唔係出面可以食到👍🏻

【深水埗蘇媽馬來西亞】深水埗蘇媽馬來西亞 椰香叻央多士 咖央落既比例好多 椰香好重味 配 檳城白咖啡 享受辣死你嗎配咖喱雞肉$50椰漿飯 配菜 有乾魚仔、蝦片、青瓜、咖喱雞 飯係好大碟 性價比高 雞肉肉質不是很嫩 整體不錯 每碟餸菜份量都幾大最好兩個人食因為我自己都食唔晒啲飯 整體來講 環境都算大 有幾多位置但有時都需要排隊 所以記住早啲嚟食，最推介都係咖央多士真 係有馬來西亞嘅風味 入邊嘅醬都係好多蘇媽.蘇媽地址：深水埗基隆街251號地下

深水埗街巿再走，常有等位的人龍。今天找不到人龍，還以為自己走錯路！大概因為五時多，時間尚早🤣不想排隊的朋友可試試這時間來唷！一到步，先來一碗熱肉骨茶（免費，可添飲）香濃，在別的地方比較難找到。點了一字骨配椰漿飯，椰漿飯可單吃、配肉吃和跟肉骨茶一起造成湯飯，各有各精彩。凍白咖啡跟mocha相約，不是濃咖啡的那種，愛重奶味的朋友應該較喜歡。平凡日子中的不平凡味道😋

好少會好想食馬拉菜，但呢間好食到會一去再去～望到個門面已經好有感覺，今次已經係第二次黎啦～因為上次叫咗好多小食，所以今次就試吓啲主菜啦！辣死你媽 |聽到個名已經覺得好得意、好想叫～綠色嘅飯原來係落咗椰奶，所以有淡淡嘅椰香～再配埋濃濃嘅咖喱牛肉，牛肉都非常香淋而且味道非常之夾。另外入面仲有啲蝦片同花生碎，食飯個時唔會太寡有啲咬口椰香咖央多士 |多士不太燶，非常脆口，咖央醬有椰香而且不太甜，絕對推介～但係叫咗呢個就唔好食咁多其他主菜，因為都幾飽～

今日和女朋友去左呢間所謂人氣餐廳試下。結果再一次証明openrice對餐廳既要求已經係接近0了門口完全無顯示唔收1000紙。埋單去到收銀位先話唔收。問佢點解打開門做生意有錢都唔收。個靚女就叫我自己行出去前面再轉右既超市換散紙。完全唔明有得找又唔找。要個比錢你賺既客人服務返你地。Openrice應該幫呢間餐廳既資料補充埋 :換散紙既位置步行方向。咁既餐廳都攞到獎？難怪香港人無乜邊個信openrice選出來既餐廳啦

店內空間比較狹窄，坐得比較擠逼。客人直接畫在點菜紙上，選好了交給店員便可。牆上貼有「肉骨茶4步曲」教導客人如何食到肉骨茶的特色。肉骨茶放在細小的茶壺內，眼見點了肉骨茶的客人，店員都因應人數放下湯碗，再由茶壺中倒出肉骨茶。相信肉骨茶是一式一樣的，而湯料會再因應客人所選的另外上桌。肉骨茶呈深啡色的，喝下去有點藥材味。皇帝骨 ($54)皇帝骨，帶點脂肪，有嚼勁的口感, ；如果覺得肉骨茶不夠的話，可請店員添湯，是免費的。椰香咖央多士 ($22)多士十分香脆，咖央醬份量亦很多，而且帶點椰香，很好吃。招牌砂煲老鼠 ($68)老鼠粉即是銀針粉，用砂煲盛載著，份量蠻多，材料足。先將材料與粉拌勻，一路拌著香氣四溢，吃下去惹味香口，真的不錯。馬拉沙嗲串燒 (3串/$40；6串/$75)(豬肉/牛肉/雞肉)沙嗲醬汁不錯，但串燒卻很一般，特別是豬肉，十分油膩，吃了幾口便覺得很膩，不想再吃下去；牛肉很韌，很難咬開；雞肉肉質還可接受。

Yeah 今日收工即嚟，三四個人係門口等緊，我同職員講「一位」，職員老遠點頭，我再講「一位」佢竟然叫我入去坐（有位😍），等左一秒，正！今次試第二D「檳城亞參叻沙米線」👈🏻我唔食辣，呢個辣算頂得順，不過比較細碗。「百吉爹肉骨茶（豆卜金菇）」👈🏻由於米線太少，再加埋對面搭枱叫左呢個，嘩！一見到佢咁多豆卜，就叫埋呢個食啦😂😂😂😂實在太正喇，照溝佢個醬嚟點，冧！「馬來西亞拉茶（凍）」👈🏻岩岩坐正望到廚房，廚師左倒右，右倒左咁，加埋冰，就拎嚟比我喇，幾好飲。例牌食完出門口，都係有一堆人等緊位。

每次經過都大排長龍👫👭👬👭👫，今次6點半左右，拎飛等3張，幾分鐘內就有位喇！🤩餐牌有圖而落order就要畫落佢張已過膠的純文字餐牌，相當環保！點左兩款肉骨茶（皇帝骨同豬腳彎）、辣死你嗎配參巴魷魚、咖央多士、馬來西亞拉茶。百吉爹肉骨茶（皇帝骨同豬腳彎）落單後，店員先上肉骨茶暖暖胃，飲完第一口時，偶然聽到隔離枱話覺得一般，無咩胡椒味，同新加坡飲既唔一樣。我諗係因為店名係馬來西亞吧？馬來西亞湯底比較著重藥香味及色水，跟新加坡的濃郁胡椒香味帶微辣感覺，係兩種不同的口味。不過真係要問下老闆至知😂可能純粹老闆偏好🙈再嚐一口肉骨茶，蘇媽既肉骨茶帶有藥材味，入口回甘，加上無限添飲的，👍🏻！而兩款肉骨茶既肉各有特色，豬腳彎超含骨膠元feel，好滑，而皇帝骨肉香味重，帶脂不油，但始終都係被煲完既肉，相對鞋口，需要配店提供既醬料幫助入口。我諗我下次會再點豬腳彎😍辣死你嗎配參巴魷魚魷魚爽脆配椰漿飯一流，不過參巴醬真係好辣，要靠老公包底🙈而蝦片就唔知係咪呢幾日潮濕，偏潮不脆。咖央多士兩塊微烘既多士塗左咖央醬再一開四，咬落清脆，咖央味同星馬食到既一樣，正！如果俾我塗，我個人好鐘意塗醬塗到邊位咁就更perfect喇

在上星期日下午 12:30 到，一個人，等了 20 分鐘才入座。叫了三款食物:1. 咖央多士是必食，明顯是預先烤好，上桌時已是冷了。由於烤得好，咖央醬夠多，還是覺得很好味。2. 肉骨茶豬肚，肉骨茶的味道較濃，我飲慣中藥，覺得 ok, 免費肉骨茶是較易入口的。期望豬肚可炆得軟 d, 整體仍是ok。3. 沙嗲肉串，三串都是豬肉。很脆，很易入口，不過，爽口是代表脂肪多，吃完兩串後已覺得很膩，沙嗲醬很好味，仍是值得一試。昨天是星期日，下午三時多人仍有十多人排隊，應該很多人是慕名而來的。

百吉爹肉骨茶（肉骨茶🦴）💲54砂煲老鼠粉🐭 💲68半熟溫泉蛋♨️ 💲 10桔仔話梅水🍊 💲19（跟餐）炸香蕉配雪糕🍌 💲48✅ 肉骨茶任添 味道算正宗🍲✅ 桔仔話梅水酸酸甜甜幾開胃😋❔ 老鼠粉亦即銀針粉 味道普通 食到最後亦痴底😖❔ 熱辣辣既炸香蕉配雪糕有冰火交融既感覺🤩 可惜價錢較貴👅Taste：3/5💰CP值：3/5🙋🏻‍♀️Service：3/5👁‍🗨Stylishness：3/5

滿懷期待的心情，和家人一起去嘗嘗此店，店門前很多人等候，排隊大慨等了1小時。在入座前，先點菜，坐下來，店員為我們各人送上肉骨茶，感覺也可以。我們選了一字骨，豬肚，招牌老鼠粉，牛肉撈麵，炸鹵肉卷，芥央多士。天啊，味道簡直比自家煮的差得要命，我的孩子吃了一點便停下來。失望 !

今日同男友去左深水埗搵食今次我地黎試呢間食馬來西亞野食嘅蘇媽 蘇媽馬來西亞茶餐室！6點半左右去到唔駛等位直接入！個門面裝修好特別，有道小推門；而入面嘅裝修都好有心思！不過坐位就逼左啲。因為得2條友，好可惜無辦法點咁多野食。我地點左皇帝骨肉骨茶，馬來西亞咖哩麵同埋一杯檸檬薏米水。飲野就無咩特別，檸檬🍋味好重，薏米味無咩，而且仲煮得唔夠好硬。肉骨茶部分，店員會先倒2碗肉骨茶，如果唔係睇到人地點完肉骨茶嘅過程，就會諗肉呢？原來肉係後上嘅！我飲唔慣肉骨茶，我覺得好苦，而男友係覺得ok 嘅！我覺得馬來西亞咖哩幾特別，唔會太辣，而個麵好得意，好彈牙～