萬豚屋

營業中

休息中

星期六lunch到萬豚屋, 由於地方不大, 幸好剛有一張枱, 之後很快便滿座, 叫了牛肉烏冬及黑芝麻豬扒鳥冬, 豬骨湯底濃郁, 全用石頭鍋上，可keep住夠熱, 這裡強調是手打鳥冬, 鳥冬確實彈牙,黑芝麻豬扒是炸的, 與烏冬分開上, 但只是一般, 並不覺特別香口, 埋單簽卡, 但部機壞了需付cash

七點等到差不多八點訂位? 個電話無人聽ga wor坐底發現半個餐牌的烏冬暫停淨反個d又有一半賣晒...海鮮烏冬, 無!醬油豬手烏冬, 無!黑芝麻湯底, 無!at last, 四個人兜野都一樣=___=之後叫果汁又話無比錢個陣又話唔收卡成餐飯就係無依樣無個樣=_=侍應態度,差!! 好差!!即係呢你已經乜都無都唔使黑住面話我知你無ga!講聲唔好意思賣晒都唔係太難ze?

又再一次到訪, 可幸公司就在尖沙咀, 六點多到來排隊絶無問題.日本回來, 很掛念那美味的吉列豬扒飯. 一到來, 見餐牌上有, 便立刻點了, 還有:1.醬油豬手烏冬: 跟之前一樣, 唯有少少鞋咗….可能今次的瘦了點卦, 咁下次要嘈肥d啦...2.蟹肉蟹籽沙律: 依然新鮮. 蟹肉又多, ooshi...3.吉列蠔. : 蠔當然唔係特別鮮味, 唯吉列炸得乾身, 加上燒汁, 唔錯.4.吉列豬扒: 呢個嘛嘛, 用了較濃味的豉油來醃, 不是我那杯茶. 而肉汁也欠奉, 唔係太好. 這也可能因之前係日本的太美味了. 相對之下, 失色了.除了這個之外, 其他的仍算不俗. 會繼續支持!

在Openrice一直有注意到此間日式主題豚肉店的存在，昨晚終約了友人到萬豚屋晚饍，可幸我預早一天訂了位，看著站在門外面的人龍，心裡卻有點沾沾自喜。興幸自己訂位是明智決定。坐下來即order了一個石鍋厚切豚肉烏冬及石燒上級豚肉鍋。石鍋厚切豚肉烏冬一上桌，鍋面放上菜苗及洋蔥外，奶白色帶有很多肥豬油的豬骨濃湯受石鍋高溫熱力影響下，濃湯不停沸騰着像與在石鍋內那那幾塊厚切豚肉一起共舞。但愛吃豚肉的人，何必理會豬油這東西?當然! 豚肉沒脂肪肥膏，又何來好吃?儘管吃到一半，濃湯仍然沸騰着。豬骨濃湯味濃且帶鹹，烏冬沒北角電氣道已結業的手打烏東屋般滑溜彈牙，而厚切豚肉的口感像吃平時用來拜神的燒腩肉，但像白焯燒豬腩肉，豬腩肉肉質鬆嫩，肥膏也帶甘香。石燒上級豚肉鍋的豬骨濃湯同樣沸騰着，但沸騰時間沒石鍋厚切豚肉烏冬般久。豚肉肉質柔嫩，最愛豚肉沾上醬油同吃含有燒酒的醬油也能即時提升肉質之味道來。吃完過後，身軀還感受一股暖氣。離開踏出門外，仍排著一條長長的人龍。

早果排上openrice 見到依間餐廳食評不俗~所以諗著試下...咁諗著打個電話黎book 位啦..點知個電話長期忙線, 正當我以為電話係流既...無端端又打得通喎...條線忙到丫...打左我近百次...仲以為買緊演唱會飛...anyway, 個waitress 都nice!點知黎到, d 服務態度就認真麻麻, 黑口黑面咁..算啦, 唔講服務態度, 講下環境..細細間, 氣氛都唔差, 如果唔係咁岩有群後生仔..我一定會俾滿分..算啦, openrice, 野食先係主題...低能的我們叫左一個海鮮鍋巴壽司..脆既壽司, 又幾得意, 不過十二蚊舊..唔抵..之後低能d 叫左一個石鍋厚切豚肉烏冬..而低能c 就叫左一個吉列豬扒烏冬..都係石鍋上.. 一上果陣真係曉噴泡架(我講緊d 湯, 唔係我個口)..d 豚肉好林, 有d 似..豬利咁既味..至於吉列豬扒反而麻麻, 有d 林..可能俾d 蒸氣焗到..不得不提係佢個湯, 真係整得幾好..雖然之前食tea 食到冇乜胃口, 都仲頂得著..兩個人食左大約百七蚊, 尖沙咀收費算係咁..d 野食都幾好, 但係冇之前既食評講得咁好短期內應該唔會再去..

本人與男友住尖沙咀一帶，但呢間野成日爆人，想試但未有機會。今晚男朋好神心，六點就帶我去把頭位，但原來有人仲早過我地黎，利害，好彩都有位。內心欣喜，但睇左餐牌有一半野食都暫停，是但啦，可能佢地想專心做好只賣幾樣野食。叫左蟹肉沙拉，炸蠔，同豬手烏冬蟹肉沙拉—材料好新鮮，蟹子係靚貨，車離茄又好爽好甜，但係佢用果種生菜有陣苦味，汁亦好小，成個沙律苦苦地，好怪，唔算好味。炸蠔—中等貨色，蠔大但唔夠新鮮，炸粉好厚，蠔味淡，唔好味，金水壽司果D炸蠔好食好多豬手烏冬—個豬骨湯底做得好好，烏冬有米味，質感彈牙。石頭鍋上，夠滾夠熱，但食得太慢烏冬開始諗，可能係個石頭鍋不停係咁boil住佢。豬手係分開上，好大個豬手炆得好諗，豬皮夠味但D肉無乜味，可能太大兩個人都係食左一半，其實佢個烏冬55元凈係飲湯都抵，下叫凈烏冬仲好。總括黎講我覺得口味清淡，無好食得咁誇張，服務都唔差。多人排隊下次我會叫外賣食，但係只會再食烏冬，係幾抵食！

第二次黎食啦~~~六點半先開門，六點五就黎左lu~~叫左豚肉烏冬，黑芝麻牛肉烏冬+ 黑芝麻焗豬扒+ 2 x朱古力==> $200真係好正，滾住咁上~~豚肉真真正正係入口即溶!!!!!烏冬比一D專門店更好味!! 好有咬口，食到最後都冇變淋!! 而且個石碗夠熱!!如果吾係日日都咁多人我應該會成日去食….=_=不過D Service果D妹妹仔又真係幾串…. -_-BTW~~~個焗豬扒冇特別…咪試…..

今日終於同為食女朋友到此一遊.行完街大概於6點20分到咗呢度,已發現有幾個人0係度等開門,再過幾分鐘竟然已有一條長龍,非常誇張...一坐低就覺得間鋪真係好細間,menu入面唔係太多選擇,而且好多食物都暫停供應,令人失望.最終叫咗牛肉烏冬,海鮮燒餅,豬肉飯,同豬手(好快賣晒).....咁多樣嘢最好味係豬肉同豬手(果然係名不虛傳），但個烏冬真係唔係太得，個黑芝麻湯底真係麻麻哋，而個海鮮燒餅就ｏｋ，ａｂｏｖｅ　ａｖｅｒａｇｅ啦．．．整體而言，呢間食店係有其過人之處，但是否值得等成個鐘去食呢，我又唔會喎，一次試過就可以的經驗啦．．．

見近日多人追捧這間位於赫德道的小店,我又來人云亦云,襯下熱鬧先.中午十二點半之前去到,店方說未有位,要到一點幾先有位.心想開門無耐,咁快比人霸晒檯?)唯有去附近剪個髮先.一小時後回來,可以直行直入.但食客仍不絕.眼見人人一窩烏冬,天氣乍暖還寒,來個窩心盅然的烏冬,錯不了.午市定食有飯同烏冬之間可選,店名叫得"萬豚屋",當然要個豬肉,而且要極上級數.所以就要個石鍋極上豚肉烏冬.製作需時,看罷一遍電影節booklet的時間便送上面前.面前的烏冬仍是大滾狀態,石鍋熱力逼人,起碼有幾百度高溫.一不小心碰著,隨時會燙傷.櫻桃小咀都會變含x咀.先嚐一口奶白色的湯底,是豬骨湯,味道濃甜.自稱手打烏冬,又真的幾似.烏冬煙齦之間亦帶點彈牙.藏在下面的豚肉,一件件四方五花腩,又或者是"疑似"東坡肉.豚肉肥瘦之間涇渭分明,當中肥膏位最令人回味,甘香油潤,入口近乎即化.下面的瘦肉,肉質纖維幼細鬆化.有點意想不到地好,我估不到.再在個鍋淘兩下,好物沉歸底,又發現到隻水煮蛋,呈半生熟狀態之下來解決.甜美的蛋油隨之流出.突然令到這個本來已濃甜的湯底,再多一份層次感.去到最後,一滴不剩,以示敬意.下月HKIFF期間,

d烏冬好彈牙好爽口,正的!但book位經常都冇位....

本人想親身試勻＋大好評的食肆，第一站揀選万豚屋是因本人工作之地方最近此「＋大」。其實試過三次想Walk-In用膳，但三次都被侍應拒誅門外，可能得各位在此盛讚，此店現在常發現有人在等候...今日因為＋ニ點已在門外等候，所以今次終於成功「入舖」，可能侍應們認為我們太早到而沒有給他們充足時間準備，所以他們的面色及態度也不是太好...午餐選擇不多，石窩烏冬類、大碗飯類、咖喱類...等，大概十五六款選擇，這也做法正確，專心做好某幾款出品比張張刀無張利更好。我在坐下後三分鐘點了一個石窩燒黑芝麻豬扒手打鳥冬，同事點了鰻魚飯，我的石窩鳥冬在十五分鐘後到，分開上的豬扒卻要在烏冬到後的八分鐘後才到，對上菜情序有要求的我略為覺得不妥當...其實，有質數的出品要等耐點是不打緊，最怕那些要出品好又要超快出品速度的人...不過一款食物前後腳出就唔係太好，而且點食物時侍應又無提及會咁樣...石窩鳥冬賣相好，燒熱的石窩令豬骨湯沸騰着，天氣冷吃倍覺知味，手打鳥冬應該是現貨的讚崎鳥冬，淥的時間掌握得不錯，湯烏冬打了一隻蛋及加了點粟米等作配料，湯好像重手了點，吃開重口味的我也覺有點口渴。炸豬扒沾黑芝麻其實唔錯，豬扒芝麻的香

睇完食評決定來一試一早訂左位所以唔使等不過佢安排d位好怪大家都係兩個人,比左張大枱ge其中一格我地,人地就坐4人位算!有位坐已經好好叫左海鮮烏冬烏冬煙"un",唔會淋得滯,又唔會痴埋一"pat"海鮮係幾新鮮ge,不過份量太少整體都唔錯ge係d侍應態度有待改善

上次經過見到很多人排隊，本來我一早六點四來到還未有人排隊，怎料到六點十已經排了長長的龍，結果等了差不多一小時才能進去。我們叫了石燒牛肉和豬腩烏冬，還有個海鮮鍋巴壽司。烏冬端來的時候，湯還在滾，所以就算吃了很久也很熱，很適合天氣冷時吃，而且也不能很快便吃完。我很喜歡這個湯底，感覺不是味精湯底但味道又十足，不過手打烏冬就不是特別好。不過成碗烏冬也是很有水準。不過鍋巴與海鮮沙律又真的不搭，所以不需要試。然後吃完差不多九點還見到出面很多人排隊，但這裡寫著九點關門，真的不知店主會否這麼忍心，讓久等的人白等一趟。

夜晚同朋友去試呢間萬豚屋book 左枱, 唔駛等位~入到去..... 見到好多食物都售罄有d 灰最後叫左牛肋骨飯+ 冷烏冬+ 一個小食味道係唔錯既~ 係差在其他無得叫law

係生記食完小食,到主菜出場,即刻由油麻地轉去老尖,點知去到竟然仲未開舖,想坐低等又唔比,唯有四處逛,打個白鴿轉返黎,已經見到一pair情侶係度等開門.舖內檯子不少,但大多已給人訂下,而當我在店內等食之間,但凡有電話響起,侍應隨即拿起便放下,根本唔會聽電話,服務一項是可以比負分的.反而在店內有問題想問,可能店內只得四,五檯客,雖未至於有禮貌,但都一一作答.一坐低二話不說是先端上一杯熱麥茶,係店外吹風吹到手腳凍時有d熱飲係唔同.此店主打石燒手打烏冬,而店名’萬豚’,無理由唔叫豚肉架?就選了石燒上豚肉手打烏冬,等了大約十五分鐘, 一窩熱騰騰的烏冬便在眼前嘖氣,幾條溫室豆苗及少許蔥花平放在肉塊之上,而湯面浮了一層豬油,踫一踫窩邊,熱得辣手,是原窩煮的沒錯,先喝一口湯,熱燙得要命,但實在鮮甜,再咬一口豚肉,脂肪是入口即化,瘦肉亦煮得淋中帶柔嫩,好吃得不得了,碗底有少許粟米已不重要,而烏冬吸收了肉湯的精華之後亦變得有層次起來,煙韌得來彈牙,帶點肉香,從外觀到食料的選材,都是令人滿足的一餐,如能在服務水平上加一把,在我心中的評分會更高.