450
161
95
港鐵尖沙咀/尖東站 N3 出口, 步行約3分鐘 繼續閱讀
電話號碼
35986282
59774359
營業時間
今日營業
12:00 - 15:00
18:00 - 23:00
星期一至四
12:00 - 15:00
18:00 - 23:00
星期五至日
12:00 - 23:00
公眾假期
12:00 - 23:00
付款方式
Visa Master 現金 銀聯 JCB
座位數目
40
其他資料
Wi-Fi
酒精飲品
電話訂座
外賣服務 詳細介紹
加一服務費
食評 (749)
等級4 2019-06-26
2108 瀏覽
尖沙咀嘅食店多得數唔到,但有質素嘅就不多。位於赫德道嘅人氣石鍋烏冬萬豚屋,早已bookmark係我本搵食日記內,今日就去咗😊餐廳裝修簡約,牆上手繪多隻小豬🐽圖案及菜式名稱,令我覺得自己好似置身於日本當地食店裡面🤗🔸黑魔女美肌担担手打烏冬🍲$78「美顏 、美髮、美味」,被呢幾個字吸引住😅今期推介呢款,選用大阪老字號和田萬嘅胡麻。擔擔麵🍜就食過,但擔擔麵湯底嘅烏冬就第一次食。石鍋上枱、喺到滾緊🔥,d胡麻香散發出嚟👍🏻成個湯底好濃郁,先飲番啖,嘩🤩!好似食緊咸味芝麻糊咁👅豚肉就好厚切,仲有麵豉豚肉碎,手打烏冬有咬口,正👍🏻🔸山葵醬油鮮蝦毛茄$28呢個前菜不錯,一般秋葵都用麻醬配撘,原來用醬油有另一番風味😋加上切粒嘅鮮蝦、蟹籽,好有鮮味🎈🔸照燒雞扒$42燒得脆脆嘅皮,將多餘嘅油脂🔥走咗👏🏻👏🏻雞肉嫩滑絶不過火,i like it😍🔸燒活鰻串1串$46外層燒得金黃、皮香脆,肉質飽滿、非常彈牙,焦香惹味,好好食🥰🔸木魚豚肉玉子燒$52平時食到嘅玉子燒都係厚厚的🥚,呢到就有d似奄列,薄薄一層嘅玉子包住好多豚肉、椰菜、蟹柳同埋粟米🌽, 上面鋪滿木魚同沙律醬, 用料十足,份量大,正😚食飽出來,大約7:30已經要係門口排隊😅好彩早d嚟啫😜 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-18
1485 瀏覽
每次諗起手打烏冬,我就記起呢間餐廳主打石燒既手打烏冬,每次係尖咀行過都無機會親身試下,今次終於有呢個機會啦,本身我約左個朋友食飯,可惜我因為行程上有改變,原本已經取消左,但我因為某個活動延遲左,突然騰空左個時間,咁岩又係尖沙咀,咁點可能唔過黎試呢?咁究竟石燒烏冬係咩黎咖呢?其實原理係石頭可以儲存大量熱能,要令到食物keep住係高溫或達到沸騰既狀態,再經過十六個鐘熬製既豚骨濃湯同埋手打烏冬,咁就成為左人氣之冠啦!餐廳裝修精緻簡約,牆璧上以人手採繪畫左大概 50 隻小豬圖案,帶動左成個活潑氣氛,令我覺得自己好似置身於東京小食店裡面,有種地道風味!👇📌活花甲手打烏冬配香菌濃湯 - $98👉成個石頭鍋擺左係火上面係咁燒,果種沸騰感覺係好真實,個心都一路滾緊咁呀,石燒鍋可以令你食完都仲係覺得熱,花甲就真係好抵食啦,又大隻全量又多,新鮮又乾淨,我今次湯底係香菌濃湯,即刻忍唔住飲左好幾啖,真係要小心睇熱,唔好一黎就擺入口呀,辣親個咀就食都食得唔開心啦,最緊要等佢cool down少少先,呢個口感就無得頂啦!📌黃金胡麻擔擔石燒手打烏冬 - $88👉再黎就整返個濃厚味道既擔擔麵啦!用擔擔面既湯底配合烏冬的確好有新鮮感,當中既胡麻係黎自百年老店"大阪和田萬"懷石料理既黃金胡麻,味道相當香濃,再配合東方麻醬,正宗又有啅頭!偏少少辣,但食落更加惹味,當然唔少得厚切豚肉啦!食到豐富既油香味!而兩個烏冬面頭都灑左溫室豆苗去綠化成件事,感覺即刻同油膩感講bye bye!📌木魚豚肉玉子燒 - $52👉作為一個大吃貨,兩個烏冬點夠喉呀!一定要試埋店長推介既豚肉玉子燒啦!師傅功架唔錯,蛋既外邊燒到岩岩好食既時候入面做到有少少流心,蛋漿係口腔裡面瞬間爆哂出黎,再配埋裡面醬汁一齊食,真係相當滿足!📌香煎豚肉餃子 - $28/3隻👉絕對無失望!即叫即煎,外脆內嫩,雖然都要等一陣先有,但慢工出細貨,好野值得等既!食得過呀!埋單每人都係$150左右,尖沙咀黎講呢間算係幾抵食!有機會會再黎! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-17
985 瀏覽
喺尖沙咀做完野黎到萬豚屋食午餐,兩個人叫左一個小食、兩個烏冬同埋一件蛋糕。墨魚炸彈係墨魚滑包住溏心蛋一齊炸,墨魚滑彈牙、溏心蛋流心度十足,加埋類似明太子嘅醬汁,口感味道都唔錯,一定要趁熱食。香菌濃湯上級牛肉手打烏冬,湯底非常濃郁,睇到有至少兩種唔同嘅菇菌,面頭仲加左一匙有少少似黑松露又有少少似菇菌味嘅醬,令味道更豐富,烏冬好好咬,間中又可以食下豆苗清清味蕾,牛肉有牛味唔會過肥。友人被「美味!抗衰老!」吸引,叫左餐廳特別推介大阪風石燒金胡麻擔擔烏冬,湯底用嘅「大阪和田萬」黃金胡麻店內都有得賣,每檯都放左一個吉樽做sample。友人形容胡麻味道簡單直接唔會太滯太漏,加左擔擔麵嘅肉醬香濃惹味,帶微辣,豚肉油香豐盈。福岡柚子豆乳芝士蛋糕有驚喜,估唔到手打烏冬店竟然有咁出色嘅甜品。柚子味重,感覺清新,好岩炎熱嘅夏天食,面頭灑上紫薯粉,有心思。胡麻烏冬同蛋糕本身都有跟餐飲品,我叫嘅凍檸茶正正常常,友人加錢要左活乳酸爆珠特飲,係乳酸飲品加乳酸味爆爆珠,鐘意calpis嘅佢話大滿足呀。店內嘅牆壁都畫滿左唔同嘅豬公仔,好可愛。店內冷氣夠凍,大熱天時食熱騰騰嘅烏冬都唔會滿頭大汗。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-13
157 瀏覽
好食手打烏冬同男友難得放平日,去尖沙咀睇戲,下午茶時間同男友去左萬琢屋醫肚。我地嗌左香菌濃湯上級牛肉手打烏冬、大阪風石燒和田萬胡麻手打烏冬、燒活鰻串同木魚琢肉玉子燒。上菜都叫快,10分鐘左右。香菌濃湯上級牛肉手打烏冬見到d湯滾下滾下,用石窩熱湯,生生地既牛肉好快都熟食得。烏冬上面有幾多豆苗,仲有一舊仔黑松露醬,好香。個湯吾錯,好濃,好香菇味。仲有大粒溫泉蛋。烏冬都多,底仲有幾舊菇,連埋湯,烏冬,牛肉同黑松露醬一啖食,yummy!大阪風石燒和田萬胡麻手打烏冬呢個係男朋友食,都係滾住湯咁上台,湯入面有肉碎同小小芝麻粒粒,味道幾好。奶白色湯帶有胡麻香,比香菌濃湯濃郁,黃金胡麻可以抗衰老。有5舊琢肉,琢肉入晒味,吾鞋口,比其他琢肉更好味。燒活鰻串鰻魚上有連鰻魚汁一齊燒,所以好鬼死香。鰻魚好肥美,啖啖滋味,但都吾怕膩,因為邊碟有成注豆苗。木魚琢肉玉子燒呢個似奄列咁,蛋入面包有琢肉、粟米粒、椰菜同配菜,外面有沙律醬同木魚絲。個味好夾,岩岩煎好熱辣辣,一口食,又有沙律醬同粟米粒既小小甜,又有琢肉咬口,連埋木魚絲小小香,好食,好日式。 繼續閱讀
(以上食評乃用戶個人意見 , 並不代表OpenRice之觀點。)
上星期睇演唱會前去左尖沙咀搵食~開業16年曾紅極一時,星期五六日仍會大排長龍,所以嗰日趁佢中場休息後就去潮聖下👆-☆ 墨魚炸蛋黑蒜咖哩烏冬 HKD$88墨魚炸蛋好有驚喜😛!形狀似雞蛋,有三個個次不同層次,外面係一層薄薄炸皮,中層係彈牙墨魚滑,內層係超流心溫泉蛋,口感非常特別👍。咖哩湯係日式咖哩味,略嫌咸左少少,但整體尚算不錯。-☆ 厚切豚肉手打烏冬 HKD$88厚切豚肉係餐廳名物,豚肉大大塊堅厚,質地夠哂軟腍🤤,好好食。而湯底有三種選擇,我揀左香菌濃湯,湯底配上黑松露,令菇菌味更突出,香味非常濃郁😚。烏冬屬粗身類,十分煙韌彈牙。另由於用石鍋上,能令溫度一直保持,所以食到尾都仲熱辣辣噴緊煙,讚👍!-☆ 木魚豚肉玉子燒 HKD$52玉子嫩滑有蛋汁,內裡材料豐富,有厚切豚肉粒、蟹柳、粟米、椰菜,加上鋪面有我最愛木魚碎同厚厚沙律醬,大愛🤩。-**溫馨提示當日食完7點,餐廳已full house,所以建議早啲嚟排隊啦~ 繼續閱讀
(以上食評乃用戶個人意見 , 並不代表OpenRice之觀點。)