莎巴馬來西亞餐廳 (已搬遷) 新店位置

莎巴是與一班好朋友飯聚胡鬧的好地方，時時人山人海。古馬咖哩、炒貴妃苗、薯仔薄餅、青檸梳打是我的至愛。另外，間中，油鬆餅配一口熱拉茶，又會讓人好滿足，香香甜甜的。莎巴的海鮮(魚)價格不算便宜，不過，卻真的惹味。喜歡清淡的日子，莎巴可能就不適合了，因為餐廳味道濃。薄餅啊，無論如何也要試一下它的薄餅，是整餅大叔(食客可以隔著玻璃看他整餅)即叫即整的。記得有一次，我們幾個女孩子去莎巴，叫了好多好多薄餅(四款左右)，剛好，那夜我們坐在整餅大叔前，他看見我們食餅食得滿足快樂，竟然，叫待應送了一份薄餅給我們．．．嘩，好開心。當然，我們亦醒目地對他甜笑+豎起手指公表示好味道．．．嘿，那個夜，大家好飽。嗯，人與人與食物之間，互相欣賞就好。

10月7日重陽節~ 2個懶人訓夠覺, 決定出法去灣仔找尋已經係西環消失咗既好好味莎巴馬來西亞餐廳! 推開門, 入面既裝修同西環舊有的如出一轍, 仍舊有塊大玻璃可以比食客近距離欣賞師傅做薄餅~ 不過因為假期, 冇set lunch要散叫~::: 加多加多 ::: $50今次係第一次食加多加多, 唔知呢個正唔正宗 (因為平時見人地食有蝦片伴碟呢個無~) 不過呢個都好大堆頭~ 好香好吸引呀! d蘿蔔絲同青瓜絲又排得靚, 食落又新鮮又夠爽~ 個沙爹花生醬好冶味, 同d烚蛋薯仔夾得armarm好, 食完又唔會覺得滯~ yeah~ 推介呀!!::: 馬沙拉咖哩牛腩 ::: $72用個好淺既薄碟上, 所以咖哩汁唔多~ 但係牛腩就好多! 以為個masala會好辣, 因為好多辣油蒲面, 但係其實係香而不辣, 配料既番茄,洋蔥仲令個咖哩甜甜地添! 牛腩夠晒軟淋有咬口, 薯仔都幾入味~ 不錯~ 係個碟太淺裝得唔多汁jek! 感覺之前食既比較辣~::: 油鬆餅 ::: $20相對黎講油鬆餅有d遜色~ 西環個間好食d! 當然呢度都係好味既~ 皮夠脆亦香麵粉味, 不過就唔夠熱, 同埋擺得耐會淋.始終唸唸不忘西環的

日期：2008年10月16日人物：阿M, Chris & Polly1:05落到去，等左十分鐘有位，waitress事先幫我地落定order，一坐低一陣就有得食．店鋪細細，位都有ｄ迫，所以係比較嘈架．Set lunch有湯，主菜，甜品，飲品HK$60．青豆蟹肉湯：好清，又有ｄ青豆同蟹咬口．檳城炒貴刁：炒得很香，辣辣地，好有火氣，正．雞配油鬆餅（唔記得個名）：紅色既汁，甜甜地，鹹鹹地，又有ｄ椰汁香，頗特別．椰汁咖哩羊肉配油鬆餅：好香椰汁味, little spicy only粟米椰汁糕：粒粒corn，好食啊！

15/10/20087點幾到個時要拿飛仔等位入等左十令分鐘就入得喇我地嗌左海南雞飯,莎巴薄餅同埋亞參喇沙個海南雞飯都好出色,雞油飯味香,d雞肉好嫩滑!亞參喇沙用沙甸魚既魚湯來整所以有少少腥,不過都可以接受,食食下你就會覺得越來越辣感覺都幾好架!最後就係莎巴薄餅喇,當時一追先知道miss左,好快就俾到我地喇個薄餅入面有花生餡食落d皮好薄,但係又好煙韌比起以前食過既任何一間都出色唯一叫做唔好既就係都幾嘈下!@_@~~

十月十四日(星期二)今日我們一行八人到莎巴試菜!終於成行了到達時都已經是12:45,幸好不用等得耐!...而且,還可以坐在一檯呢!在門口見到lunch set都頗吸引,有海南雞,咖哩雞油鬆餅等!又包餐飲,湯,甜品,比散叫吸引,可是沒有海鮮喇沙,我們都覺得是招牌菜,所以要坐地起價呢!經過相討後,我們決定要一個海鮮喇沙和海南雞飯餐呢!因為聽說海南雞很好吃得很!先來的餐湯是蟹肉湯,有點怪怪的味道,不是不好吃,而不是我們常吃的那種味道,可能是東南亞風味而已!餐飲可以叫果汁,有橙汁以及西瓜汁,我們要了西瓜汁,不錯呢!.....而同事要了凍奶茶,她們說茶味濃!先來海南雞飯,看來好吃,嗅到香香的雞味!....心想應該會是好評的一餐!雞很嫰滑呢!.....比較肥了些少!老公說好時的比較有雞味,但是這裡算不錯呢!....油飯也香!而海鮮喇沙就很出色!.....用料十足!有青口,魚片,豆腐卜等!...湯底非常好呢!椰子汁味香!...十分醒胃,有少許的辣!!!.......用的是米粉!........湯底令我想起也留口水了^^...甜品是椰汁糕,一般啦!....小小的!

黎食 lunch, 同事係馬拉人, 話呢度幾地道, 試一試佢地既野. 果然唔差 ~ 碟頭飯同啲牛都幾好食,又大份, 另一位同事叫港式炒飯, 又得....呢間野既廚都幾強, 港/馬/ 日 都唔錯, 又一港食肆生存之道.

上星期五去左呢度Lunch，係第一次黎呢間食，我點左E餐，咖哩牛+油酥餅+西瓜汁。咖哩牛一如其他仁兄既食評講得咁好味~~至於油酥餅‧‧‧允許我借用KFC廣告用語 : "Finger Licking Good"!!!d油酥餅除左有齊頂級油酥餅既所有要求外，佢仲係‧‧‧甜的!!!我一咬落去塊油酥餅，呢種甜味令我好錯愕!!竟然係甜的?!呢種甜唔單止係餅既材料有甜味，而且仿佛係被甜既火烤過，令到塊餅附帶住帶"甜的熱力"，係一種神奇既甜味!!呢種甜味藉由熱力向我既鼻同舌頭進攻‧‧‧我傻左，我竟然分開食油酥餅同咖哩牛‧‧‧點可以令我可愛既油酥餅被咖哩牛沾污?!不過呢，當油酥餅冷卻後，神奇既"甜的魔咒"消失左‧‧‧味道大打折扣‧‧‧咪又係餅一塊?!所以我呼籲各位食油酥餅時要襯熱食^^

店的裝修令人感覺很舒服 燈光有一點點暗 很不錯客人中有不少foreigner的點了海南雞飯 xx海鮮喇沙 油酥餅先說海南雞飯($7x)好的在於它的飯很入味 好香 而雞呢 則是全去骨的 讚!但呢 雞一放入口 就知道不是新鮮雞 但整體來說還是不錯的!然後是xx海鮮喇沙($7x)唔..對海鮮的新鮮程度早已沒啥期望的 一道喇沙菜出色與否在乎其湯底但這一道卻稍為遜色了..喇沙湯底不夠濃還是很掛念很掛念天后叻沙.....最捧的 就是油酥餅!!($2x)不懂如何形容 總之 一定一定要食太好味了 剛送上時暖暖的 無得頂即使過了差不多一小時 雖然暖意跑掉了 但依然很好味喔~很有衝動買它作外賣回家啊...不見了它的靚仔樣 : (注意那裡的食物份量是蠻適中的(for ladies)最後我倆只吃剩少少喇沙xx不得不提的是令人印象深刻的服務態度話說差不多吃完那碗喇沙, 湯底已所剩忽然那裡的經理行過來問 「不如幫你地加d湯? 無咩湯會無咁好味架」附加超有禮貌的tone和笑容雖然不是什麼俊男 但即使令我覺得 「嘩 未免太細心!」而由一開始步進店內到離開所有waiter的態度都令人很滿意!(except for 一個

We went back after a long while. The restaurant is still very crowded and busy; we drove there and was well served with a car park (hence, there was no headache for us). We were sit down with good glass of water and then welcoming smiles. We ordered Roti, Seafood Curry, Penang Rice Noodle and Malaysian-style stirred fried vegi. We then got our favourite Milk Tea with Ginger, Malaysian 'Jun - Do' icy drink.All good - family style, good curry taste and roti with good testure.We will go back alt

動漫展，上了半天的物流、人流處理課堂，短短數小時已收下數萬元現款，累得半死，趁空檔閃出來吃個極速午餐。同街中南亞食品以這裡最貴，平均消費每人六十五，但每到午市總是大排人龍，獨個來，要找個位也不算太難，很快有得坐。套餐均一價六十元，要快，就叫下海南雞飯，等的時候送來蟹肉湯，蟹肉是生拆的（因為吃到殼）加上酸醋煮的湯，下了些粉喝起來也頗為滑溜，作為餐湯也滿意了。看著師傅搓躂、拋餅，這裡的酥油餅也吃得過的，未幾，海南雞來，是泰式海南雞飯，伴以酸辣及薑蓉，雞肉皮薄又浸得嫩滑，蘸些雞油浸的幼細薑蓉，很快手已清碟，金黃的雞汁飯，乾爽帶著雞汁及微微南薑味道，很對辦，除沙嗲軒外，是少數雞及飯皆做得有水準的地方，惟一要彈的是沒跟上雞湯，略為失色一點。價錢不平，食物卻很有水準，可能太耐無來了，感覺這裡的海南雞做得比從前更好，回再來的。埋單，又要跑回工作崗位，努力搵銀。

今日同太太及外父母來吃晚飯。四人點了一個椰汁咖哩羊肉、加東牛肉、一碗海鮮叻沙、白飯及油鬆餅。另外一杯拉茶及一杯珍多冰。椰汁咖哩羊肉非常好吃，用來伴飯非常開胃，我吃了足足兩碗飯。外父母也很喜歡。加東牛肉好吃是好吃，不過比較辣，我們喜歡羊肉多些。太太的海鮮叻沙她說不錯。拉茶及珍多冰都OK。我喜歡這裡的馬來西亞菜夠authentic。如果有人想吃正宗的馬來西亞食物，此餐廳應該算是香港中比較好的了。不過價錢貴了些，兩個菜、一碗叻沙及兩杯飲品、兩個油鬆餅及三碗白飯，我們埋單都已經360元。

晚飯來此，之前看過網站推介，星期日晚人又不太多，環境一般．酥炸咖哩雞翼－想吃香香的雞翼，賣相不錯，但全無味道，幸好有醬汁才好一點，而且要近一點才臭到咖哩味，完全失望．瑪沙拉咖哩羊－羊味不錯，沒有酥味，咖哩雖濃，甜但不太辣，但感覺一般．檳城炒貴刃－炒得很香，很有色澤，很有火氣，算是不錯之選．整體以言，或許期望高了點，又或者未嘗最出名的菜，只是普通，一點的晚餐，但價錢就感覺不太值了．

11-7-2008收工等「下場」兼搵地方食晚飯, 0黎試試呢間星馬菜館. 俾海南雞飯的 $72 嚇親, 結果叫了平少少的海鮮喇沙 ($60).賣相「杰撻撻」, 好多料, 幾吸引. 先飲啖湯, 面頭0個 d 果真杰撻撻的, 似汁多過湯底, 帶濃郁的咖喱味, 幾惹味的, 不過愈「畢」就愈食到下面0個 d 湯味道好淡, 真奇怪; 用的係米粉, 好索湯, 不過我都係鍾意檬粉/油麵多 d; 配料有青口, 蝦, 魷魚, 魚片, 豆卜芽菜, 仲竟是有粒帶子, 都幾豐富, 咁多樣以好索湯的豆卜及彈牙魚片最好食. 可惜又欠了鰤魽啦... 仲以為收人 $60 一碗, 製作會認真 d tim. 環境一般, 衛生可以接受; service 都係一般, 印象唔深.連加一 $66, 唔貴, 抵唔抵就見仁見智. 雖然印象一般, 但一碗喇沙真係唔代表 d 乜, 相信會再幫襯試試佢 menu 上其他0野食.

昨日難得好友食家"乜都放入窿"又要過海, 於是再次相約師傅結伴午膳, 師傅當然求之不得啦! 而今次嘅行程係往灣仔方向, 坦白講閒時師傅好少行到咁遠, 但難得有好友食家"乜都放入窿"帶路, 師傅梗要跟實啦! 去到附近好友食家"乜都放入窿"提議左幾間食店, 間間師傅都未試過, 咁啱講到巴東牛肉, 呢個大鄉里師傅又未試過, 所以好友食家"乜都放入窿"就決定黎呢間食店, 等師傅可以一試! 坐底後, 當然睇下有咩好食啦, 師傅從來都未食過, 梗係等好友食家"乜都放入窿"發板啦! 最後好友食家"乜都放入窿"幫師傅柯打左一客巴東牛肉配烤薄餅, 加一杯拉咖啡; 而佢本人就要左一客午餐, 係咖喱雜菜配油鬆餅, 餐飲要左健怡可樂! 先講下個午餐先, 午餐原來有餐湯同甜品; 餐湯係青豆茸湯, 好友食家為免吃得太飽, 所以就比左師傅飲, 青豆湯將d青豆煲得好溶, 基本上係唔會見到有一粒粒嘅青豆, 而味道可口, 加上湯面上有個類似"巴"字嘅忌廉, 睇得出幾有心機整, 值得一讚; 咖喱雜菜嘅咖喱唔係太辣, 但係都幾好味, 唔錯; 而油鬆餅真係一絕, 燶燶地但食落口又好鬆軟, 一d都唔油唔膩, 第一次食呢個油鬆餅

又要舞獅, 仲要係勁早勁大雨, 呢d咪灰機囉!上完堂, 又與師傅出征! 今日嚟個反方向, 向灣仔出發!由於師傅好少喺呢面揾食, 故今日由小弟發辦! 當然亦會視乎師傅想食d乜啦, 事關呢度著實太多選擇!經過呢度, 見大家與其油鬆餅推崇備致, 另外又知愛‘辣’妺既師傅從未試巴東牛肉呢個經典名菜, 故二話不說便喳喳林入圥去啦!小弟叫了個咖喱雜菜餐配油鬆餅, 餐有:綠豆茸湯, 師傅話幾好飲.咖喱雜菜, 不是太辣, 一道清清哋既咖喱, 唔會太刺激, 啱晒lunch, 幾好!油鬆餅, 呢個真係唔係浪得虛名, 雖則叫做油鬆餅, 但佢有少少燶燶哋既feel, 烤得恰到好處, 食落乾身兼鬆身, 絕無油膩之感, 真係小弟食過最好的! 同前幾日喺food court食到嗰件比, 高下立見, 高手高手! 必食之選!餐飲, diet coke.甜品: 芋頭紅豆糕, 味道還ok, 但過淋, 一d咬口都冇.師傅叫了:拉咖啡, 由於有煉奶, 師傅覺得幾滑, 但同時亦因為煉奶, 令師傅覺得過甜, 正所謂針無2頭利, 呢d咪就係大自然定律囉, 降服吧渺小的人類!巴東牛肉, 嘩個汁非常精采, 香辣惹味, 無論撘飯, 油鬆餅