莎巴馬來西亞餐廳 (已搬遷) 新店位置

碰巧在這裡吃tea當午飯，點了雞絲喇沙、拉茶，雞絲是雪藏貨，碗內還有兩大舊薯仔，但喇沙湯底的確不錯，有椰香，有香料味，少少辣，最重要是杰度適中，索了湯的米粉好正，拉茶不夠香不夠滑，仲要加八蚊有點不值。看見鄰桌的油酥餅，又點多份加咖啡，油酥餅即叫即整、熱辣辣上桌，餅本身微燶，帶甜味，也不油膩，點着微辣的咖喱同吃，十分正，最後以即磨咖啡作結。出了門口，口裏還有着咖喱加咖啡混合的香味，回味無窮。

昨天和朋友在灣仔去完話劇後，便和朋友去了近期好評如潮的莎巴餐廳吃晚飯，我們点了如下食物：1 油鬆餅，不太甜，做不出以前焦葉的味道，尚算0K2 香蕉薄餅，有香蕉夾在裏面，好味3 牛和雞串燒，雞還可以但牛肉很勒沙哆醬一流，值得一讚。4 巴東牛肉，牛肉唔得，好勒咖喱汁一洈，我們用來点油鬆餅5 二個甜品，一個椰汁黑糯米，一個摩摩喳喳，好味，如果可以再甜些就更加好由於坐位有限加上有人等位，我們吃完也怱怱埋單。

本為「海南雞飯」而來，最後卻被一蕉「香蕉薄餅」技術性擊倒，實在是意料之外。「莎巴馬來西亞餐廳」的人氣指數不斷上升，喜歡吃海南雞飯的我，是專程為它而來。相信我們是首檯客人，找了個靠窗的位置坐下，店內坐位不算多，大約可容納四五十人。「水吧」旁是薄餅師傅的表演場地，廚房雖在較深位置，但烹調食物時的聲音也可清晰聽見。店子雖小，但洗手間也分開了男廁及女廁。店員有禮貌及細心，會安排客人吃完某一款熱的食物才送上另一款，亦會主動替客人將食物打包。看了餐牌，款式實在太多，加上圖文並茂，很多食物也想一試，可惜只有兩個人的關係，最後點了「海南雞飯」($72.00)、「咖哩角 - 羊肉餡及素菜餡各二」($42.00)及「香蕉薄餅」($28.00)。收到「柯打」後，薄餅師傅馬上開工，從遠處見他手起手落地將粉團轉來轉去，加了一些材料，再放到爐裡，不一會，熱辣辣的「香蕉薄餅」便送上。餅皮很薄，烤得金黃而香脆，餅皮不像油酥餅般香味四溢，因為需要和內裡主角的味道混合一起。香蕉甜美而沒有一點兒酸味，軟軟的香蕉餡跟香脆的薄餅皮一起放入口內，豐滿的感覺頓時而生，實在非常幸福。但高潮那麼快便出現，實在有點害怕會無以為繼。再來的

之前睇過食評,所以昨天2/1/09下午我和妹妹去莎巴食tea.聽說啲食物好好味,好多人讚!!roti (plain)薄餅水準就差一點, 薄餅不夠熱, 而且吃起來很"實", curry 汁又冇咩味,又冇料, 又晤是辣,no good!!素食咖哩角就一般,清清地,即叫即炸,so 好脆,inside 是薯蓉和carrot ; 沙律不是太特別,都是紅腰豆,薯仔,carrot,但好fresh 最好食是椰汁雞絲喇沙,好重椰汁味,有豆卜,芽菜,雞絲,香葉,薯仔,不算太spicy , 湯底不錯!!佢地tea set price是大約廿幾元,可以選擇fresh juice,soft drink,咖啡or tea 可以(hot /cold),又不設加一服務費,tea set 還有一些香港style 的下午茶,eg 法蘭西多士,三文治,香港式湯麵, 好似餐旦麵之類...整體上,我都好enjoy 這餐tea set , 環境好舒適,好多外國客人和OL,環境不算太吵,服務生都好nice , 他們都好好禮貌,very good!!

珍多冰菠蘿海鮮炒飯油鬆餅(必食推介)因為女朋友生日，所以希望搵一間比較有水準的餐廳興祝，早前喺ＴＶＢ睇到某節目介紹，所以決定去呢間餐廳試下。不過為左唔駛等位，所以三日前已經訂定枱，一去到就有得食，雖然當時只是七點多，但餐廳已經開心多人，其它人黎到，職員都叫佢地半個鐘後返黎，如果再夜啲，可能要等成一個鐘多，可見名聲效應真係ＷＯＲＫ～好彩我早三日已經ＢＫ定枱，咪要女朋友等就唔好！其實電視都介紹過好多樣菜式，好多樣野都想試下，不過因為只得兩個人，同埋仲有個生日蛋糕，所以只好叫左一個菠蘿海鮮炒飯，油鬆餅同一杯珍多冰。油鬆餅味道十分好，油味唔會太重，加埋咖哩汁，真係好好味，好可惜我地唔係好識點食，食到成手都係油，仲搞到個餅爛哂，不過味道真係好好，好回味。菠蘿海鮮炒飯，用料很足，雖然唔係甚麼特別名貴食材，亦都唔知佢係咪用新鮮蝦，但係炒出黎既味道一留，一個人食一碟都得，因為有菠蘿，炸腰果，提子乾，所以好開胃，最重要既係，佢炒呢碟飯應該唔係放左好多油，食完之後都唔覺油膩，碟上都唔係有一大堆油，所以炒飯黎講算係高水準。珍多冰，味道唔錯，同其它餐廳飲到既都差唔多，唔可以特別，但珍多冰其實唔一定要咁多冰，飲

我們8人去這間餐廳吃午餐,叫了海南雞半隻,串燒,海鮮炒飯,油酥餅,印度薄餅,香蕉薄餅,炒河等等食物,都覺得好好味.極力推介:海南雞,油酥餅 ----正! 正!正! 而且他們的服務都非常ok!所以真的由屯門這麼遠出來幫襯佢都低啦!

平安夜的午飯, 我跟幾個同事選了這間餐廳, 是的, 平安夜的午餐應該選西餐, 為甚麼我們會選馬來西亞菜? 因為這間餐廳的油鬆餅和拉茶做得真的好好~ 而且當大部分人都選西餐的時候, 我們在莎巴等位的時間變相對少了~ 莎巴的油鬆餅和拉茶做得好是因為他們有正宗師傅坐鎮, 一邊看著他們"表演", 一邊吃他們的手藝, 一樂也! 他們的串燒和海南雞飯也不錯, 以每個人大概65元的一個午飯價錢來講, 真的是滿足了口福. 只是, 莎巴比較嘈和座位比較窄, 人多就做得不太舒服, 還是2-4個人來最好~

我朋友是馬來西亞華人在香港生活今日我們一行八人到這家標榜馬來西亞人的飯堂莎巴試菜我地嗌左~馬來盞炒通菜~馬來盞味不夠濃,也不夠辣.不過還是好吃.椰汁咖哩羊肉配油鬆餅：好香椰汁味食落d皮好薄,但係又好煙韌海南雞飯都好出色,雞油飯味香,三款醬齊.d雞肉好嫩滑係這兩年我試過最好味的海南雞飯沙爹牛肉6串雞6串.沙爹醬汁很好味有花生粒，很夠味但牛肉就太嚡咖喱雜菜咖喱香汁再濃些更好最後都食唔哂直到甜品仲有炸香蕉香脆內裡棉軟地方吾錯但樓底比較低比較局促服務也很好職員禮貌亦不錯總括而言，這裡可以一試無妨

上星期特地到了灣仔莎巴馬來西亞餐廳食海南雞飯，好好味。order了一客海南雞飯(連菜湯的)，海南雞很嫩滑無骨很好吃，不過油飯就不夠香，菜湯也很有青菜的鮮味，這暫時算是我吃過最貴的雞飯，盛惠72元正。巴東咖哩牛肉，汁很好吃，有冬陰巧既香葉、香茅味、少少甜味，不辣，只是牛肉有點太"鞋"。我覺得極好吃的雞絲喇沙，還要是下午茶餐連飲品，只不過$3x多元，因為吃東西的時候太肚餓，所以這張照片是吃到一半才記得拍，很喜歡那個湯汁，甜咖哩+椰汁味，而且雞絲和米粉都"索"了很多湯汁，正！

我是馬來西亞華人,在香港生活了4年,一直希望能找到家的味道~~終于,這味道在莎巴找到了~~之前經過但是沒有進去,是因為之前吃過其他所謂的"好吃"的星馬料理都失望而回.這次是因為從臺灣來的叔叔太想吃馬來嘢,所以就一於試試看.同行的還有一位香港朋友.點咗~馬來盞炒通菜~馬來盞味不夠濃,也不夠辣.不過還是好吃.海南雞飯~味道和馬拉的一模一樣.吃了第一口已經幸福到爆啦.尤其是飯的味道,加上醬汁.馬來椰漿飯~吃下第一口,即時返到馬來咁,真的一模一樣的家鄉味.金桔水~可以不點,感覺搵笨.總體來講,這是我在香港吃過最正宗的馬來美食,因為太多濫竽充數的所謂星馬美食.也許對香港人而言是無法分辨出真正的馬來口味,但是我在這里還是誠意推薦,想試正宗地道的馬來味道,來莎巴包沒錯.$300樓下可以吃飽之余還能一解思鄉之情,太值啦~~~!

來灣仔辦點事，約老友茶敘，這裏有下午茶餐多款，我選了馬來西亞肉骨茶拉麵配鮮橙汁 $28，老友要法蘭西多士亦配鮮橙汁 $20。可能馬來西亞肉骨茶有別於新加坡肉骨茶，藥材味不太濃，如不太喜歡中藥材的人會容易入口，我則覺得若湯味濃點較好，有三幾件豬排骨，雖然已離骨，但死死實實，應是急凍肉，拉麵可口，如湯能熱些較好，鮮橙汁雖不是即搾，但也飲得出是天然產物，老友的法蘭西多士煎得金黃及頗香，內有粗粒花生醬，不錯。看食評譽多於毀，有空來試正餐。

成家人6個人唔想食BUFFET，黎左呢度食叫左好多野...包括...海南雞飯︰份量幾大，好食 =)椰汁咖哩雞︰雖然話係最少辣，不過我都有D受不了串燒(3雞3牛)︰好好食，好香，特別係牛，唔會太"un"油鬆餅︰好香，鬆化香蕉薄餅︰香蕉味好濃，又香牛油味...一流=)羊肉串燒︰好大粒的羊肉，幾貴下，但真係好好食，肉的口感剛剛好，而且不(蘇)馬拉盞︰份量多，好食雜錦拼盤︰有蝦餅、春卷之類，差唔多100蚊好似，幾貴，味道一般服務都幾好，waiter落單態度好好 =)

行左一個下午, 終於到食晚餐時間, 爸爸提意去灣仔美利堅吃北京填鴨, 嘩! d價錢貴到離譜, 入都唔想入去食, 為由食其他野, 行到謝斐道附近諗住去德興打邊勞, 要等成兩個鐘, 為由放棄, 無意鐘見到阿蘇介紹過既莎巴, 唔離咁多, 立即入去食!一入去第一個感覺間舖好細, d位好迫, 侍應好熱情帶位, 一打開menu d價錢都幾貴, 但都可以接受, 點左咖哩大蝦, 海鮮沙喇, 印度薄餅, 香葉魚(唔係好記得個名), 雞肉同羊肉串燒, 同珍多冰, 個海鮮沙喇湯底好夠味, 有青口, 魚片, 蝦同魷魚, 大家去食一定要點咖哩大蝦, d汁好多不辣用薄餅點最perfect, 有6隻大蝦, 好多肉呀, 好想食多次香蕉葉魚, 麻麻地又唔係好差, 只不過係煎倉魚同用香蕉葉包住條魚, 有少少香蕉葉味印度薄餅, 比其他舖厚好多, 好好味, 熱辣辣串燒, 之前想叫羊肉串燒, 但問個貌似張敬軒侍應, 個侍應好老實話只得兩串, 要成$60, 太貴了, 介紹我地食雞肉同羊肉每樣有3條, 幾好味, 好好肉服務幾好, 個個都快手快腳, 只不過個d位真係好迫, 提提大家要係7點前就要去食, 我6點15分去已經坐在好幾台

今日專程黎試海南雞飯, 因為知道lunch hour 一定好多人, 特登等1.45pm 至去到,點知今次真係懶醒喇, 去到海南雞飯已經賣哂啦…..卒之食左肉骨茶, ,咖哩雞跟油鬆餅咖哩雞好香濃, 油鬆餅都幾好食, 亦冇想像中咁油但肉骨茶既豬肉好好食, 應該係新鮮豬肉? 湯方面我就覺得唔夠藥味, 係馬來西亞食到既好食d.因太飽冇叫拉茶, 下次我要早d黎, 一次過試海南雞飯 & 拉茶

3個人夜晚諗唔到去邊到食飯，突然間諗到呢間野，特登由銅鑼灣打的去謝菲道。入到去唔洗等位，價錢算是中規中舉，服務態度都ok，整餅既師傅都係中東人士。分別食左:油鬆餅 : $20 : 和重慶大廈的差唔多，ok香蕉薄餅 : $28 : 值得推介，香蕉味好濃，熱食更佳蒜香西蘭花 : $55 : 普普通通泰式青咖哩雞 : $68 : 老實講，麻麻地，d雞好硬椰汁咖哩羊 : $75 : d羊唔係太得莎巴菠蘿炒飯 : $68 : 好味，配料多椰汁冰 : $25 : 正，椰香味好重,飲完一杯都仲想再飲紅豆椰汁冰 : $25 : 唔係我飲,唔知點椰青 : $25