莎巴馬來西亞餐廳 (已搬遷) 新店位置

昨晚2人來,小小哋叫咗:1)珍多冰-唔多得因唔夠甜,淡口咗d,而且帶小小酸,所以覺得小小怪2)青檸梳打-友人說正常,ok-觀其顏色,應足青檸味3)炸蝦餅-1碟3件,碎上-入口夠熱,蘸上甜酸醬,肉質都彈口-唔錯4)古馬咖喱羊肉-是完全唔辣的菜式-有腰果,洋蔥,青椒,羊肉同薯仔-汁帶甜,最"arm"送油酥餅-友人欣賞5)油酥餅-唔算好多油,有些部份小硬,不是全個都鬆-但都可叫合格-店唔大,昨晚都幾多人,坐得幾迫吓

好想食油酥餅,所以黎呢度食,一入黎先發覺地方比想像中細,都算整潔,唯獨是d椅比較殘破,人客方面,當中不乏外籍人士我地兩個人order 左:－１）肉骨荼(細) $65　　以小小既砂鍋盛載，侍應拎過來一打開蓋已聞到　　濃烈既味度，佐以剪好左既油炸鬼一小碗，呢個　　係我人生中第一次食既肉骨荼，正唔正宗真係唔知２）沙爹串燒(半打)牛&雞$48 完全合格３）油鬆餅Roti(plain) $20 上檯時會有一細碗咖哩汁跟埋俾你，好周到，　　ｄ餅好爽身，唔會攪到隻手油淋淋，但唔係　　乾爭爭果隻，yummy,好滿意啊！　４）海南鷄飯$72　　油飯ｄ黃色好深色，食落都好入味，飯有咬口，唔會"淋bat bat"咁，跟飯既鷄湯好油，入口既味同"出前乜丁"鷄蓉面既湯ｄ味好似有機會都會再黎～　

o係openrice見過食評幾好, 帶左一個好鍾意食喇沙既朋友黎試,2個人叫左3樣野:海鮮喇沙: $55 真係好細碗, 一個人食又多得滯, 兩個人又唔夠分, 湯底ok啦, 不過不失....冇乜驚喜.蕉葉燒魚: 呢個我覺得好好食, 係倉魚黎架, 又唔算好多骨, 上台時係用蕉葉包住, 面頭舖左好多洋蔥, 仲有個好惹味既辣汁....好好味~馬拉盞通菜: 好普通既一碟通菜囉, 所以no comment.環境衛生都幾好, 不過因為隔離係bar, 我地坐o係度feel到個地o係度震...不過避免唔到丫!

晚飯時間,入到去見到o既都係以外籍人士為主,仲要多數都只係飲下酒唔食野...我地叫左:::冬陰公湯---好咸,飲左2啖已經唔想飲...><...炒貴勺---無食到...因為見到佢真係好油...咸魚雞粒炒飯---都ok幾好味...炸蝦餅---好香口,幾好味印薄餅---呢個真係麻麻...一舊硬崛崛無乜味o既野...但算係全晚至唔油o既一味...油酥餅---呢個好味好多,不過相對比較油,所以都係唔敢食咁多...咖哩雞---個咖哩層油勁厚...一上枱大家都呆一呆...原來應該好受歡迎o既咖哩汁,結果餘返一大碟,原因係佢太油大家都唔願點d汁...串燒---3串牛3串雞...全靠個沙嗲醬好味...馬拉盞通菜---都係超油...睇住d油浸住咁...無食到...我都明食呢d係比較油,但比起我地以為食過o既的而且確係油得太過份...所以味道雖然ok,但我深信我唔會再去...

跟同事到這兒吃午餐，未夠十二點九，巳經full house，誇張得很！午餐每份$55，不設加一，有五、六款選擇，如海南雞飯、串燒午柳飯、咖哩羊、炒貴刁…。跟餐湯、甜品、餐飲。餐湯係「龍蝦濃湯」。店家上桌前在湯面倒了少許忌廉以造成cream soup 效果（！？）。所以在陰暗的餐室裡，賣相方面，……就好比「嚒嚒喳喳」！味道方面，當然係普通的廉價龍蝦濃。主食方面，同事的‘海南雞配黃薑飯’係招牌貨，差極有限。‘串燒牛柳配飯’係OK juicy，份量係兩串，都OK。‘椰汁咖哩羊腿’的羊腿數埋都無三湯匙，量甚少。配食的油酥餅係師傅逐份整，所以遲點便要等。甜品係椰汁紅豆糕，細細件，就算再甜都係兩啖事情，不名何以班女同事因為舊糕甜又話甜，唔甜又話唔甜，挑挑剔剔，好煩啊！餐飲方面，可選西瓜汁、橙汁、啡、茶…。我點了穩陣的凍檸茶，果然夠穩陣。要彈就是，因人多，服務不足，遲點便會出餐出得很慢。以及，燈光陰暗，環境勁擠迫，可搭枱，感覺怪怪。

看了食評, 和朋友往吃晚飯.兩人要了肉骨茶, 海鮮喇沙, 馬拉盞通菜炒牛肉.肉骨茶: 味道確濃, 個人認為太濃, 難入口海鮮喇沙: 抱很高期望, 但一看, 怎麼size如此細? 55元的啊, 加上味道不見突出, 相比蝦麵店的喇沙較正及抵食馬拉盞通菜炒牛肉: 沒期望, 味道是三樣中最滿意的埋單$185, 不值

看了食評, 和朋友二人往晚餐.肉骨茶:份量合理, 個人認為太濃烈, 朋友尚可接受海鮮喇沙($55):抱很高期望, 但感失望; 首先以此價錢size太細了, 味道不見突出, 相比之下蝦麵店更抵食馬拉盞通菜炒牛肉:三樣中唯一無失望的埋單$185, 不值

去左沙巴食lunch, 叫左海南雞飲同細肉骨茶海南雞飯--- 味道不過不失, 肉比較"鞋". 但計埋加一要七十蚊, 我寧願去好時沙嗲, 又平過佢, 又好食過佢肉骨茶--- 比起我o係馬來西亞食果個, 味道濃d, 好飲d

6-3-2007 灣仔活動, 約好太座, 我先到莎巴等位。午餐青咖喱雞配油鬆餅: 油鬆餅幾好食, 青咖喱不是泰式那種, 只是普通青色的不辣咖喱, 雞OK啦午餐炒米粉, 都幾好食啦!

4月10日, 下午在灣仔見完工, 在謝斐道行來行去, 有茶記, 越南菜等等, 最後都入左呢間食下午茶,肉骨茶拼出前一丁, 有3大舊排骨, 因為真係無食過肉骨茶, 所了唔算好唔好味只係$23蚊有個麵同凍檸茶, ok啦!!!!!

叫左4個食送1.蕉葉燒魚(Grilled Fish in Banana Leaves $98)--好味,個汁帶出條魚的鮮味,唔辣2.椰汁咖哩羊(Curry Mutton w/ Coconut Milk $68)--個咖哩好好味,羊夠哂林3.油鬆餅(Roti $18)--個印度廚師即場表現整的,佢見我地望住佢,佢就飛個鬆餅飛多幾下4.馬來羅渣沙律(Rojak Salad w/ Shrimp Paste Sauce $40)--超難食,千萬唔好叫,0的蔬菜切得太大粒,好硬,個汁又太甜,好似好多甜醬mix埋0的蔬菜咁,完全接受唔到~沒有豪華裝修,比茶餐廳好0的,好乾淨,有好多雙子搭的相,每個waitress 都好有禮貌,多數識講中文,見到老闆,老闆娘同埋個女,應該係馬來西亞華僑,都好多外國人去食,我應該都會再去試其他食物。

我第一次去莎巴，才剛開始。今天再去，已經過了這麼多個月，真的有一轉眼的感覺。由於剛行了一段山路才吃飯，有點肚餓的感覺，所以點菜也不禁多了一點，包括：咖喱牛腩，沙爹雞牛串，薯仔薄餅，和淨雞油飯。淨雞油飯是因為她喜歡雞油飯那口感，其實用黎送牛腩真係唔錯，點薯仔薄餅是要試點新野，最好吃的是串燒，當中又以雞肉勝牛肉一籌，因為牛肉有點韌。雖然咖喱牛腩也是不錯，但和串燒有點距離，計埋價錢，就更顯出高低。最後都食唔哂，不過我地都好滿足。服務也很好，不過餐廳實在多人，加埋鬼佬們的高談闊論以及鬼叫，真係好嘈！

今日晏晝一個人食lunch,想食餐好ga lunch,可惜星期日好多舖頭都關門走到黎依度,就想延續"尋找好味海南雞飯"的故事,但佢無offer set lunch,唯有散叫一客68蚊ga海南雞飯..先上個湯, 唔錯, 有雞腎+蔥+蒜頭煮ga湯, 味道不錯, 但味精都應該不少, 用黎做湯粉ga湯底會好d...雞飯連三色醬一齊上, 食第一口雞時, 感覺幾好, 幾滑, 但又係香港海南雞飯既通病---無雞味..應該都係冰鮮雞...但食到最後果2舊..就覺得唔太好食..不過幾鐘意用青瓜舖底...個飯就幾好, 唔太油又幾好味~不過食唔晒個飯要比較,北角間沙嗲軒好少少...大家價錢都差唔多...有d失望..香港到底邊都會有新鮮雞做ga海南雞飯???

中五會考過後，同友人參加ｏ左星馬五天團，差ｏ吾多將所有地道菜，包括海南雞飯﹑肉骨茶﹑金枕頭，都食渾晒．．．但係，印象中真係無食過喇沙（ｌａｋｓａ），有ｄ遺憾，今日就ｏ黎沙巴馬來西亞餐廳到，試ｏ下佢ｏ既招牌：亞參喇沙千呼萬喚．．．哩碗喇沙竟然等ｏ左我半粒鐘聞到有股酸酸ｏ地ｏ既味道．．．．用筷子撩ｏ下，發現到有魚肉﹑菠蘿絲﹑蔥片．．．．再飲啖湯，味道酸甜，有點蝦膏的鹹香和青瓜的清爽．．．　幾辣ｏ下；魚肉十分入味，應該係燒過ｏ黎．．．ｏｖｅｒａｌｌ，味道怪怪，ｏ吾係ｏ甘ｏ岩我．．．好在份量ｏ吾大

一個人來吃，純粹是見個午餐的選擇中有海南雞飯。午市人客不少，座無虛席之餘亦有不少人在等位，不過我只一人，可以輕鬆搭檯坐下，當然環境是不太舒適。先來湯，是粟米忌廉湯，似乎來一碗雞什湯會適合一點，亦多多少少反映了這裡的海南雞飯的水準；雞汁飯乾身，對辦，吃落還有淡淡香茅的味道，收貨；只得辣椒蓉及薑蓉兩款醬汁，雞件已全去骨，而連一隻翼尖也褪了骨的，真的很少見。雞皮厚而不爽脆，亦太肥。肉是雞胸部份，但也沒有什麼味道，不太嫩滑，一般。侍應非常有效率，但談不上有什麼服務，在這麼旺市的一間餐廳，見怪不怪。甜品是一件小小的千層糕，連飲品，盛惠48蚊，沒有加一，也不算貴。不過單論海南雞飯的話，只屬麻麻，似乎還是來吃油酥餅及咖哩羊好一點了。