莆田 (荷里活廣場)

營業中

休息中

閒日嚟呢度原來唔多人，餐廳有一半都係吉嘅，我哋係度食晚飯都好舒服！我哋4個人叫咗好多樣嘢，傳統扁肉湯，百秒黃花魚， 九轉小腸，輕化米粉，酥炒芋芯，包菜飯，芋香鴨同黃金荷葉包。食個日有枇杷送作為飯前果，不過我食嗰粒就酸咗啲。首先嚟嘅係傳統扁肉湯，每客上嘅，上菜嘅時候已經預先加咗醋，所以湯頭酸酸的，加上迷你扁肉都幾好食！再嚟就係百秒黃花魚，魚來到當然要趁熱食免得變腥，標榜用100秒炆熟條魚，魚肉好鮮嫩，配上上湯令魚變得更滋味，我同男朋友share一條都唔係好夠喉，慢半秒都俾佢食晒！九轉小腸，睇到真係轉咗好多層，但食落一啲都唔韌，而且用咗秘制香料，無豬味，改變咗我對豬腸嘅睇法，好易入口。輕化米粉，個人覺得還好，米粉比平時食嘅幼好多，所以難啲炒得乾身。酥炒芋芯，有啲似韓國街頭小食蜜糖蕃薯咁，呢度嘅做法就係用蜜糖配上芋頭，甜甜地我好鍾意，而且夠香脆，食食下好快就食晒！包菜飯用木桶上，幾可愛，食落感覺較為健康。芋香鴨，面頭炸得好鬆化，另外有醬汁附上，唔乾身，好飽肚。黃金荷葉包，2個起售，配上甜甜的肉絲，大滿足！肉絲仲可以送飯！整體嚟講，個人覺得食物好好食，環境乾淨企理，座位闊落，啱晒朋友同家庭聚會

今日同屋企人一行4人黎左食晚飯，妹妹成日話呢間好食終於黎食啦！第一次食福建菜就奉獻咗比佢啦哈哈，平日嘅7點來到，唔使排隊都入到。放工好肚餓所以一打開menu就叫咗好多嘢哈哈－枇杷－送咗4個俾我哋，可能係比我哋開胃叫多啲嘢食哈哈－酥炸芋芯－炸得好香，面頭有一層薄脆，鹹鹹香香好好味！－傳統扁肉湯－好似水餃咁，不過係mini版，湯頭酸酸地，好開胃。－蝦苗拌頭水紫菜－青瓜片包住水紫菜嘅冷盤前菜，酸酸味味又係開胃菜！－九轉小腸－厚實嘅豬腸，無臊味，好易入口。－百秒黃花魚－標榜住100秒燜熟黃花魚，果然名不虛傳，肉質好滑，配上上湯100秒都好入味！－香芋鴨－外皮好鬆脆香口，一陣厚厚地芋頭再包住鴨肉，好好味！鴨肉唔會韌，仲好琳身添，入面仲有少少鴨油超香，正呀！－黃金荷葉包－好鍾意嘅一味菜，黃金包炸得外脆內軟，上面嘅一片芝麻亦都炸得好香，切開黃金包，再將肉絲包入去，熱辣辣好好味！不過可能用吸油紙索咁啲油會覺得無咁油膩。－興化炒米粉－質感似台灣嘅麵線，比平時係香港食嘅米粉更加幼，加上豐富嘅配料蜆，菜粒，花生，肉絲，紫菜炒埋一齊，味道不錯。略嫌米粉有少少痴埋一舊，比較難夾開。

今日同屋企人一行4人黎左食晚飯，妹妹成日話呢間好食終於黎食啦！第一次食福建菜就奉獻咗比佢啦哈哈，平日嘅7點來到，唔使排隊都入到。放工好肚餓所以一打開menu就叫咗好多嘢哈哈－枇杷－送咗4個俾我哋，可能係比我哋開胃叫多啲嘢食哈哈－酥炸芋芯－炸得好香，面頭有一層薄脆，鹹鹹香香好好味！－傳統扁肉湯－好似水餃咁，不過係mini版，湯頭酸酸地，好開胃。－蝦苗拌頭水紫菜－青瓜片包住水紫菜嘅冷盤前菜，酸酸味味又係開胃菜！－九轉小腸－厚實嘅豬腸，無臊味，好易入口。－百秒黃花魚－標榜住100秒燜熟黃花魚，果然名不虛傳，肉質好滑，配上上湯100秒都好入味！－香芋鴨－外皮好鬆脆香口，一陣厚厚地芋頭再包住鴨肉，好好味！鴨肉唔會韌，仲好琳身添，入面仲有少少鴨油超香，正呀！－黃金荷葉包－好鍾意嘅一味菜，黃金包炸得外脆內軟，上面嘅一片芝麻亦都炸得好香，切開黃金包，再將肉絲包入去，熱辣辣好好味！不過可能用吸油紙索咁啲油會覺得無咁油膩。－興化炒米粉－質感似台灣嘅麵線，比平時係香港食嘅米粉更加幼，加上豐富嘅配料蜆，菜粒，花生，肉絲，紫菜炒埋一齊，味道不錯。略嫌米粉有少少痴埋一舊，比較難夾開。

今日食福建菜，真係未食過，想試咗好耐！我地叫咗兩客招牌扁肉湯，個湯好飲酸酸哋好開胃，真係無介紹錯，啲皮好有味，細細粒咁啱啱好👍🏼之後叫咗個九轉小腸，好有驚喜！因為賣相靚之餘，仲好細心咁跟埋個小蠟燭一齊上，唔會食食下嘅時候啲豬腸凍咗，然後變硬👏🏼 食落口一啲都唔油膩，仲好有口感，我本身都驚佢會有豬腸啲異味，但呢個一啲都無，值得推介👍🏼👍🏼跟住就係百秒黃花魚，原來真係用百秒去整熟條魚😱 估唔到可以咁入味，好嫩滑！最後來個興化米粉，米粉好幼細，所以特別入味，但略嫌唔夠爽口，食完就已經好飽喇！值得一讚的是，呢度嘅茶係菊花茶，好香好refresh，食完一道菜可以清下個口再食！😜

今日要同同事食飯慶祝生日....一行十人就去咗鑽石山荷理活廣場食飯...佢哋話要去一間舒服好食嘅餐廳...卒之就嚟咗呢間...莆田呢間莆田專食出名福建菜下午黎仲有套餐食添呢三個小食都ok...只係中間個筍唔夠爽口海蜇就幾爽口彈牙衹是個炸皮蛋一般般蒜蓉蒸蝦好大隻.......我一個人都食三隻不過有一個發現....福州菜嘅芡汁都打得幾濃....好唔好食就見仁見智喇。不過十個人.....埋單要千六元...好似貴咗少少

常常在荷里活廣場行街，都留意到有間小店門前總係排滿人，今日時間尚早，終於有機會一試。睇睇餐牌，已經留意到佢哋的食物都係比較有特色的。原來餐廳雖然係新加坡米之蓮餐廳，卻係主打傳統福建菜。媽媽好鍾意飲湯，所以我哋就點左招牌的傳統扁肉湯。湯底清香，一啲都唔油膩，加上少少蔥花，非常醒胃。肉湯來裡有一粒粒類似小雲吞的東西，都幾好味。傳統的媽媽，成日出街食飯都想食魚，而呢度就有佢最愛的黃花魚。黃花魚魚肉嫩滑但多骨而且易化開，要煮得入味又保持肉質的質感實在唔容易。大廚將黃花魚煮得巧妙，吸收盡湯汁的精華，又無化開的感覺。入口淡淡鮮味，實在值得一讚。而我就點左店員介紹的一道名菜，名為九轉小腸。賣相好靚好吸引人，連平時唔鍾意食內臟的媽媽都好欣賞。因為經過反覆的清洗,小腸上面冇任何污糟野，唔會有太多多餘的脂肪。有別於平時食豬腸的油膩感覺，作為冷盤的九轉小腸，入口竟然有點爽脆又彈牙，實在好出色。興化米粉絕對係福建菜的signature，加上辣椒醬調一調味，就更加惹味。

蝦苗拌頭水紫菜做頭盤，冷吃，酸酸甜甜很開胃。九轉小腸，份量不多，很入味，多吃幾粒都不會膩口，下次都要再點😋糖醋皮蛋，普通至極。酥炸馬鮫魚雖然香口，但沒什麼魚味，勝在啖啖肉。酥炒芋芯，誠意推介👍🏽糖霜包著芋頭蓉來煎，甜度恰到好處，手工菜。大白菜燉軟豆腐，普通，湯下了很多味噌。乾炸荔枝肉是哥哥仔的誠意推介，外貌平實到不得了，咬下去有些汁，不俗。不是潮州那款高溫炸的蠔餅，這個是煎的，蠔很多，每一口都有，沒有炸的膩口感覺，喜歡👍🏽金銀蛋菜咁上下，其實味道不錯，但菜太老所以扣分。興化米粉，外貌很麻麻，但推介🤭這個綠豆蒸粿甜點很香綠豆味，老人家大愛。黃金京粿，用糖霜包著粿，似乎用糖霜是這裡的慣常做法🤔上面那粒是提子乾。順帶一提，有位哥哥仔叫Ben服務態度很好，謝謝。有問題及需要幫忙只有他幫到手。其他嬸嬸們答完同沒答一樣👍🏽有個更直接說：「我去廁所，唔得閒」，不得了🙊🙊

家人最愛餐廳之一 一有時間便會特意過來，雖然他們每次來點都差不多蝦苗伴頭水紫菜簡簡單單的涼拌紫菜加上少許醋 裡面更有不少小蝦米作為開胃菜相當不錯家人每次來都會點的百味黃花魚用上100秒燜煮，烹調時間短所以魚油跟魚鮮仍能保持食起來魚肉非常滑嫩我個人就比較喜愛九轉小腸豬腸鹵得入味，口感爽彈酥炒芋芯外皮焦脆的酥炒芋頭內里粉糯香甜，鬆化香口興化米粉以多種不同海產，而燜炒而成的興化米粉粉條來得非常幼細，而且炒得很乾身食起來軟卻不失咬口鑽石山龍蟠街3號荷里活廣場2樓214舖

最近這味道一直走回我的腦海中，前陣子在鑽石山看完戲後，想也不用想便到莆田回味一番。相當舒適的空間，吃起來會更美味。蝦苗拌頭水紫菜加了醋的紫菜，帶微酸的味道，蝦苗令味道更加鮮味。九轉小腸用一個小小的火保持小腸溫度，層次相當分明，吃起來口感實在，完全不覺油膩。百秒黃花魚令我回味的一道菜，用一百秒燜熟的黃花魚，湯頭鮮甜無比，肉質非常嫰滑，連不愛吃魚肚的我都完美解決這條黃花魚，超讚，忘不了。酥炒芋芯入口酥脆，最外層有微微的醬汁增加了鹹香令甜甜的芋芯增加多一份味道。興化炒米粉味道不算太濃，米粉相當幼身，份量蠻多，吃起來較乾身。

是日同媽咪級長老一起晚飯，第一次試福建菜，原來福建菜是咁的....同廣東菜差不多所以都岩口胃。must食黃金荷葉包，佢好似山東肉夾膜咁既夾餅。先係外脆內軟的包（有啲似炸饅頭），再自己切開放肉絲入去，其實唔放都已經好好食，難怪要$26個。記住一定要襯熱食！福建滷面此面浸於濃濃的漁湯中，個湯杰來唔會黏口，啲料都好多，有蝦有蜆有肉有🍄，係好足料既，唔食飯都一定要食。九轉小腸雖然唔明係咩9轉，睇腸入面真係好多轉既。個腸唔蘇又乾淨，親戚用脆來形容，係既，佢唔係外面車仔面果種淋。事實上佢無咩味，咁先食到佢既原味。仲係怕既朋友就可以加少少辣醬，包你話好味！仲有個好似加左荔枝去整既咕嚕肉，不過不失無特別！

我的家鄉菜- 莆田- 福建菜蝦苗拌頭水紫菜 ：酸酸地好開胃！紫菜炸海蠣，香脆👍🏻紫菜燉豬蹄，細膩👌🏻👌🏻👌🏻 百秒黃花魚，甜滑，最緊要飲埋d 湯！👍🏻👍🏻

其實行去商場 原本諗住一家人去飲茶可惜一等再等 等到人都餓 都未有位所以一家人轉去試新菜今次黎到呢間餐廳叫莆田餐廳裝潢非常簡單燈光柔和以下推介幾道必食小菜 相當有驚喜黃金荷葉包一個黃金荷葉包 首先要用刀開一半 之後放入肉絲同洋蔥 炒香肉絲同洋蔥非常爽口 而且所用嘅將針有種莫名嘅吸引力 加上荷葉包非常脆口可以話係必食之選 伴隨荷葉包嘅肉絲同洋蔥分量剛剛好 而且餐廳配以手套比食客拎上手食 更有風味椒鹽豬手呢個椒鹽豬手係前菜 分量較少可要求侍應一開二講到呢個豬手由於 同荷葉包一同上菜 椒鹽豬手我哋放咗响食完荷葉包之後食 原本以為唔夠熱嘅椒鹽豬手會油膩而且豬手皮會唔夠爽脆但竟然相當有驚喜 首先 豬手皮 咬落去已經有好似食緊粟米片嘅口感 雖然豬手肉唔多但係大有骨膠原 椒鹽味唔算太濃 唔會蓋過原本豬手嘅味道 莆田滷麵莆田滷面 係侍應推介 首先提及湯底 非常濃郁 唔會太咸 因為配上海鮮 因而帶點海鮮既鮮甜味面既口感方面 唔會太稔 反而會有的咬口 黏黏韌韌$80一大煲 夠3個人食配料仲有香菇芥菜蝦米等材料九轉小腸幾乎每一枱都叫套餐上既必有前菜上菜時小腸只係暖暖地 原來係要用火慢慢加熱九轉小腸絕對唔係得

之前已經食過佢既馬鞍山分店係超多人,身為後代福建人點都要新年去食下福建菜加埋第一次食撈起🍊😋今次去左鑽石山店,一去到七點幾好彩吾係好多人吾駛等,叫左主角大前菜撈起,原來撈起個味係酸酸尾尾既幾開胃,未食過一直以為係鹹,無林過係酸酸地,主菜叫左百味黃花魚,的肉超嫩超林有小小骨,吾係大條所以一陣已經俾我清左條魚🐟,天寒地凍飲碗熱扁肉湯好辛福,個湯亦係酸酸地,裡面有細細粒肉雲吞,仲有輕化炒米粉,嫲嫲平時都有炒米粉不過個米粉吾同,佢呢個米粉幼身,然後碟米粉有小小乾,吾同米粉口感不同,不過整體今次還可以,都係上次係馬鞍山食點左湯羹同麵果類覺得比較出色🙂不過蒲田可能係新加坡福建人既菜式,我身為香港後代福建人佢有好多菜都係第一次食😇,好好奇新鮮

新正頭梗係要食返d意頭菜式! 莆田有新春MENU, 同成班朋友試下, 攞返個好意頭先!!撈起食落去酸may may, 好開胃, 最緊要係成班人一齊撈起撈起, 寓意風生水起, 越撈越旺!! 百味黃花魚雖然唔算好大條, 但味道真係唔錯, 黃花魚好新鮮, 肉質鮮甜傳統扁肉湯 湯內有好多細細隻餃子, 湯底應該加左醋, 所以飲落去酸酸地, 幾好味, 有屋企嘅味道輕化米粉同其他餸一樣, 都係份量好多! 米粉好幼身, 又唔會好油, 又有好多配料, 不過食落好似乾左少少!

鑽石山莆田第二次食 假日午市套餐 免加一今次食二人套餐$198 B餐 加椒鹽豬手12:00時間 餐廳寬敞 適合2人 幾人 或一大班人飯聚 女服務員💁🏼來自新加坡🇸🇬 非常熱情 態度親切 笑容可掬 用餐環境好有味道的紫菜湯 味道不俗有滷味 味道一般荔枝肉得一粒但糖醋排骨好好食 外脆內軟 好juicy 醬汁不錯 不過啲菜上得快 食既時候啲魚都變左微溫～主食揀左莆田滷麵 比較淡 食既時候 加左莆田獨有的甜酸辣醬 令整體味道提升不少～好好味的甜點 清新得黎甜度適中 每次黎食 必叫呢個豬手 喺食過 最好食的豬手 外脆內軟 肥而不膩 令人食完想再食得感覺 個人建議每次食一個就夠喉 吊住個癮 留待下次再品嚐