莆田 (荷里活廣場)

營業中

休息中

一年一度到鑽石山墳場掃墓，以往就會晌返附近搵食，今次就同家人落咗荷里活廣場食晏。認識福建菜、福建嘅食材，都喺始於「莆田」，其實，晌香港賣福建菜嘅餐廳都屬小眾，唔似得京川滬呢幾個菜系。故此，帶佢哋試試咩喺福建菜，不經不覺，佢已經喺米芝蓮一星餐廳。呢家分店幾年前都有幫襯過，店內環境骨子古雅，餐廳源自新加坡，故又有點點馬來懷舊風。因為我哋都嚟得早，出面大堂位差唔多坐滿人，而裡面陸續先開始慢慢有客。無論鋪面，還是枱上，都有介紹福建產嘅蟶子，比慣常食海鮮所見嘅蟶子短啲，但就肥啲，既然喺推廣緊，都點咗一客試試。不過好搞笑，餐牌印有8款食法，但點菜時店員話只得冰爽酒糟蟶子及薑蔥炒蟶子兩款，真喺有少少理解唔到。原本我哋嘅心水喺鐵板鹽焗蟶子，唯有退二求其次，揀咗薑蔥炒蟶子。九轉小腸 $79呢道前菜喺「莆田10醉」之一，喺頗有特色嘅心機菜嚟，點解？將啲豬腸去晒內壁肥膏，一圈又一圈捲成，正所謂九轉之意喇。故此，食落有少少爽爽哋嘅感覺，加上滷得入味，就算喺大腸，都絕不邪惡。薑蔥炒蟶子 $99以薑蔥炒都喺處理海鮮嘅好做法，一碟望落去好似唔喺好多，但都已有十多隻，且勝在啲蟶子肉真喺頗肥美，有肉地，亦都挺鮮甜，帶有

繼上次老細請食飯之後，今次第1次嚟食 lunch。我地4個人要咗個2人餐，加兩碟蟶子。其實心水清就睇到兩個2人餐係平過一個4人餐嘅。如果兩個2人餐，食物仲可以多d選擇。我地點咗2人套餐B，蒜蓉蒸蟶子同哆頭蟶炒蛋。開胃菜係紫菜，鹵水花生眉豆。正常嘢。蟹肉豆腐紫菜羹，清淡的~ 還好~滷水自製豆腐，隻碟好大隻... 正常嘢。蒜蓉蒸蟶子係鮮嘅，自己食到一隻蟶子有沙，可能洗漏咗... 莆田荔枝肉，好似一碟分一半出嚟嘅咕嚕肉咁... 軟煎黃花魚，好普通嘅醬汁味道。哆頭蟶炒蛋，即雞蛋雜菜炒蟶子，好有住家菜嘅感覺。興化炒米粉，上枱嘅時候只見到呢d餸，都幾失望架，原來有魚仔乾同蛤仔喺底，食落都香香地魚仔乾味嘅。呢個辣醬帶酸甜，有少少細細粒好似辣椒籽同青瓜粒，加落米粉到剛剛好。好開胃架，不過辣醬入口酸甜，後勁比較辣。全餐飯我最鍾意個辣醬。甜品－花生湯圓，淡淡的...場內都多位架，後嚟都愈來愈人坐。不過唔知點解，我地嗰枱上菜好慢，唔問都唔出咁。隔離枱遲過我地仲快到食完走先。食個 lunch 終於食出個半鐘！可能食材比較特別又靚啦，呢個價錢食呢個味道同服務質素又唔太接受到...

今日難得有半日假，唔使湊仔，同媽媽兩個人二人世界行下荷里活廣場，購物方面未有咩收穫，但係午餐方面都食到好嘢喎！話說荷里活都幾多嘢食，比較穩陣都係同阿媽食中餐啦……之前一直都想試吓呢間門面俾我有少少神秘感的中餐，今日終於入來一次，裏面嘅裝修都幾有風格！而且俾人好舒適大方嘅感覺，色調方面都好襯佢個招牌。百秒黃花魚！ 聽個名都覺得好有噱頭，話說佢用咗剛剛100秒嘅時間炆呢條魚，識落我都真係驚嘆廚師有咁精準嘅烹調技巧，呢100秒好緊要！真係食到條魚煮得剛剛好，成條都係熟嘅，但係啲肉係勁滑，一啲都唔會overcook，黃花魚嘅魚香完全保留着，除了加咗有啲薑，去吓腥味咁樣，都保存原汁原味。酒糟蟶子，我哋兩個一致讚好！酒香更加帶出蟶子的甜。啲蟶子肉厚豐滿，又爽口！鐵板蟶子第一次食！最得意，就係近貝殼邊嘅聖子肉受到鐵板高溫嘅影響，焗得有少少焦香，但同時裏面一樣保持肉嫩鮮甜興化米粉都好特別，簡簡單單一碟炒米粉，都唔簡單女，去邊其實好多配料，表面睇有紫菜花生炸蒜，食落有發現其中原來有蜆肉，冬菇片，令到呢個米粉嘅味道相當之多層次，最正就係呢個米粉嘅質地真係超幼，幼到好似頭髮咁，味道又幾香。

荷里活廣場經常有免消費泊車優惠 所以我都黎得幾密下亦因爲咁 都幫襯過莆田幾次 真心推介我最鍾意佢個魚湯, 百秒黃花魚 同炆飯仲有個藥膳蝦湯 都相當吾錯佢d菜式比較特別 亦有驚喜佢地既菊花茶亦好清 值得一試既餐廳

自從年初經朋友介紹,都光顧了這間品牌好幾間分店. 今次來晚飯.環境:如出一徹的裝潢,令品牌的一致性更特出. 依間仲有獨立洗手間,好方便!服務:當晚都滿座,可能傳菜的有點忙,總是忘這忘那,比啤酒唔比杯,比魚唔比匙!食物:講吓喺其他分店食過的,有得比較!  興化米粉 - 呢度炒得"LUP"少少,覺得無咁好食.芋香鴨 - 水準保持.

男朋友上年已經話莆田既蟶子好好味, 但要帶我食既時候已經完左今年見到又出番就即刻帶我黎試番,今次係lunch 黎食, 好好彩唔使等位~鐵板鹽焗蟶子一上檯已經好熱辣辣, 店員話唔夠味可以再沾下粗鹽,蟶子真係好肥美, 真心推介係度食馬來風光早排去完新加坡, 食左當地既馬拉盞炒通菜, 一路都好掛住佢既味道, 所以今次一定要叫番個菜食呢個菜唔會好辣但係好惹味興化炒米粉男朋友話呢個係必食就要試下啦, 米炒唔會炒到好油, 都好乾身, 我最鐘意就加埋莆田既辣椒油食, 變得仲更加香仲好味蔥薑炒蟶子呢個比頭先個鹽焗仲更加好味蟶子都食唔到有沙, 好好味要趁佢未完之前再黎食多次蟶子餐呀

跟朋友看電影後隨心地看到門面顏色像Tiffany Blue，所以到莆田吃晚飯，這間新加坡米芝蓮指南一星餐廳是以福建菜為主。福建菜雖然於香港並不是主流的中國菜，事實上卻是中國八大菜系之一，與本地主流粵菜齊名。當中以百秒黃花魚黃花魚為姐的強烈推薦! 其肉質鮮甜嫩滑、配合上湯那種原始味道就像活捉即煮，這道菜是必點的。而九轉小腸的豬腸做得很精緻，像蛋捲一樣，配上滷水汁及小量米酒的味道香醇，而且口感爽口彈牙。至於莆田扁肉湯最初都不太清楚是什麼，純粹被門口的展示吸引而點這道菜。上菜後發現外觀有點像小雲吞，咬下口感 煙韌，而扁肉湯濃度剛剛好。皮薄彈牙豬肉饀亦是多。興化炒米粉算是意想不到的驚喜，米粉雪白幼細，而且應該有用上湯炆炒過、而且配料亦特多。一定要點這個啊。無心插柳下的一頓美味晚餐、滿足!

以前一直以為莆田係食日本野，聽家姐講先知原來係食福建菜，今日終於有機會品嚐一下餐廳頗大，所以唔洗等位碗碟的藍色碎花圖案與莆田淺藍色的招牌好夾打開menu發現呢度既菜式雖然唔算太多，但勝在夠獨特而且多清淡款可選價格由幾十至百幾不等，份量比較精緻，適合貪心想試不同菜式既食客見到menu有個叫藥膳竹筒蝦，頗具特色第一道菜我地點左九轉小腸，一般人食豬腸都會擔心洗得乾唔乾淨，但呢度menu寫住洗足3小時，而且有齊12種香料滷製，所以入口完全無異味，而且好爽口近睇見到好多分層，所以口感超有層次扁肉湯味道酸酸地好開胃，加上蔥花清淡不油膩，幾有家常菜風味百秒黃花魚，故名思義係用100秒燘熟一條魚！入口魚肉鮮嫩，清香易入口福建特色興化米粉，米粉好幼身仲有紫菜，蝦球，小白菜，地道風味埋單每人約160

香港有咁多餐廳選擇, 會回頭再食既餐廳真係少之又少! 但係計埋今次應該係第四次再食莆田了，不論食物質素, 價錢,餐廳環境都係值得回頭。點完菜後,侍應送上頭盤小食, 炸紫菜..非常可口, 又唔好好油膩! 食到停唔到口第一道菜先來黃金荷葉包，其實就係炸饅頭般但中間𠝹開可以將炒肉絲放進去。荷葉包炸得香脆，內裏不會硬實，最重用醬油洋蔥炒的肉絲惹味到不得了。一人一件好似唔夠喉，不過少吃多滋味。砂鍋魚湯魚煮得剛好而且份量頗多，湯頭是魚味十足，內有蒜子，炒得香，經湯浸軟後入口即化。最有驚喜還是找到有竽頭，吃一口，軟淋淋，竽頭吸了魚湯鮮味，混合本身令味道更上一層樓。興化炒米粉每次必點菜式，不過今次沒有之前炒得均匀香氣四溢。算是略有不足。還好米粉尚算乾身，不太油。除了炒米粉不夠香之外，其餘均超有水準，絕對值得繼續捧場!今次兩個人食不能叫太多菜色,但之前食過有幾樣菜色都好值得推介是: 莆田燜豆腐百秒黃花魚酥炒芋頭

母親節當天我和媽媽第一次在荷李活廣場試下莆田，雖然食物質數不俗，但百秒黃花魚全冇鮮味，更有魚腥味道，唔推介！其次女侍應服務超級差，我見另一枱客人多次叫她們加水，她們見到當見不到，最後婆婆自行加水先有侍應幫她。接着輪到我，我只是叫結賬，足足叫了2 次，更等上十分鐘以上都未有單，因當時我趕着走，我只可以走去收銀處結賬，頓時職員立即黑面對著我收錢，令我感覺好差！我不會再光顧吧！最後沒有服務又為何可以拿米芝蓮一星呢？

遇上哆頭蟶節的海報，才知道這餐廳榮獲新加坡2016米芝連一星餐廳，它主要介紹鐵板鹽焗蟶子，我們第一次光顧，都忍不住點一個嘗試下！雖然味道不錯，但這個價錢不便宜其他都不錯！我們也點了甜品。。。正！

約了朋友飯聚她話帶我食點特別的菜式 ... 福建菜講真的 ... 儍媽真是第一次食福建菜所以任由友人發辦點菜 ~~如果你也好似我咁 ... 第一次來莆田食福建菜可以在『莆田 10 醉』裡面揀幾道經典菜 ...先來 ... 傳統莆田扁肉湯第一次食扁肉湯，賣相有點似水餃，但是入口似魚皮餃多點細細粒，皮很薄，湯頭帶點醋酸味，很開胃九轉小腸 .... 是一道費時的手工菜，廚師以腸套腸的方法，一層一層疊出來的有無九轉真是不知，因為根本無數過 ....小腸洗得好乾淨，入口無腥味異味鹵得入味，味道適中又不會死咸百秒黃花魚 ... 將黃花魚放在熱騰騰的砂鍋上湯內悶煮 100 秒後上枱魚肉細嫩鮮甜，一定要趁熱食，涼了就會腥喔 !!!興化炒米粉米粉較幼，食起來帶點靭度炒得乾身又不油膩，加了香脆花生和紫菜去提味和增加口感，不錯炒米粉記住配埋店家特製的辣媽醬不起食裡面有辣椒、魚露和青檸等配料，有點泰式風味，酸酸辣辣的，與米粉很夾的 ** 以上分享是以我的口味、喜好和情況作出分享及感受，一試 / 合用與否請自行決定

第二次到鑽石山莆田, 今次是一個人的下午茶浪漫。我點了下午茶餐, 自選主食要興化米粉, 米粉很幼小, 乾身得來很軟熟, 配料有鮮蝦, 蜆, 瑤柱絲, 蝦米仔, 豬肉絲, 芥菜碎, 冬菇絲, 豆卜片, 炸蒜, 蔥粒, 洋蔥絲, 再配合自家製辣椒醬, 實情頂瓜瓜般豐富味蕾。真的能做到品牌的口號"堅持好食材 原味福建菜".小食方面, 我點了莆田燸米丸, 它像芝麻湯圓糖不甩, 芝麻溶香易不會太甜, 粉皮厚薄適中而且很軟, 外層有糖, 花生碎粒, 很好味。還點了酥炸莆田扁肉, 它是小口的, 有約八小粒, 脆而多肉, 果少點油更佳。最後還糖水, 紅棗雪耳, 很濃, 膠質重, 極潤！我仍會再去! 仍有太多食物想試😋

收工同媽咪去咗鑽石山廣場睇戲，睇之前先去咗莆田醫肚每次經過都比佢個TiffanyBlue吸引九轉小腸 $79餐廳介紹依道菜用咗3小時去反覆清洗，係幾乾淨既下面有火一直熱住，一來熱食更好味，二來唔會“瓊”油，味道鹹香，好彈牙傳統扁肉湯 $28 依道係傳統福建菜，飲第一啖湯覺得有d酸，因為上枱前已經落咗醋，第二啖食粒鮮肉餃再加一啖湯好好味，個餃子扁扁地，肉汁豐富，鮮甜，好抵食丫百秒黃花魚 $69賣點係餐廳用100秒燜熟一條魚，魚質嫩滑，香甜，魚湯鮮味興化炒米粉 $78米粉份量唔算多，不過都幾多材料有蝦、蜆等等，不過米粉比較乾身，整體味道都唔錯餐廳送咗2粒冰鎮枇杷果

早幾晚帶左阿媽去屋企樓下荷里活廣場食飯, 佢話開左咁耐都未食過莆田, 叫我帶佢去食.一開始先叫左每人一碗傳統扁肉湯， 入面有D扁肉， 皮薄有餡，成碗湯有少少酸，飲完好開胃！  另外, 叫左個九轉小腸，洗得好乾淨，而且咬落彈牙，最讚係唔會有油膩感。之後黎個百味黃花魚，魚肉嫩滑，煮得入味之餘亦保持到肉質，黃花魚仲吸收盡湯汁既精華，入口鮮甜。最後叫左個興化米粉， 份量超多，比起一般米粉幼細，配料豐富，有蝦亦有蜆，阿媽好中意食。