疫情期間 各大餐廳都推出外賣優惠 另外 外賣質素都好緊要。 今日行開信德中心同同事一齊搵左呢間老媽拌麵做牛餐， 太耐冇得去旅行 好懷念台灣既味道 門面相當之乾淨企理 餐牌上邊亦都好多選擇有傳統嘅牛肉拌麵 炸醬拌面 仲有就係我今次選擇左嘅花雕雞拌麵 單點有得配套餐又可以 講到係新品就試下喇 拎到返公司 首先第一樣要讚既係 好夠熱 份量都好夠 首先係個花雕雞拌麵 我選擇左粗面 粗面好煙韌 唔會話放耐左會淋左 醬汁好香好濃 但唔會太咸。 花雕雞 都有6 7件 雞好入味 而且又夠滑 啖啖肉 CP值好高 另外菜都好新鮮 好爽身 套餐加$15 有菜又有清新茶類飲品 我呢杯荔枝綠茶 好refresh , 入面仲有荔枝肉 唔會係死甜。 不錯不錯 真係可以再食過

真係唔明白點解咁多人讚好 因為成件事真係好伏 香港個環境真係好普通 一黎好難搵 二黎坐得好唔舒服 三黎 比左幾杯水果底都好污糟 邊個敢飲 之後$9一只蠔 唔expect 有幾好 但真係偏細 瘦 同好腥 開頭心急冇影到 不過$9只就算 日本西冷 真心多根左少少 而且肉質比較鞋 同又難咬 都成$200 一塊 都好大進步空間 薯角就夠脆 最後個白汁煮蜆 叫合格 咸左的 酒味太重 蓋過咗海鮮原本味道 如果你至在黎開支酒 食下蠔 佢有套餐係平 但酒既質素就唔清楚 但期待唔好高 地點比較難搵

大商場 餐廳主是以集團經營 食到厭 為有走出中街 難得一行人都過想食西餐 經過呢一間西餐廳 FiftyFifty 感覺好企埋 門口都排左幾枱客 就決定一試 侍應帶位坐底後 只係比低張紙 心諗 Menu 呢？ 原來餐廳推行緊用QR code 點餐 甘就唔洗成班朋友 不停傳Menu 大家食的咩 都幾有心 前菜方面 巴拿馬火腿配哈蜜瓜沙律 巴拿馬火腿 咸味適中 帶少許脂肪 哈蜜瓜非常清甜 最怕有的餐廳 完全冇注重哈蜜瓜 乾巴巴 就算再好既火腿配落都扣哂分 主菜 炭燒阿根廷天使粉紅蝦闊蛋面 餐廳推介 天使粉紅蝦 仲可以單點 我地都好欣賞佢既闊蛋面 唔會煮得太稔 剛剛好 蝦🦐都有兩隻 香煎三文魚柳 配檸檬生油汁 三文魚大約7成熟 外皮非常香 由於未有全熟 肉質比較稔 加上檸檬醬汁 一的都唔會油膩 今次主菜重中之重嘅火焰豬手 豬手上枱嘅時候侍應會點火 除咗噱頭特別之外係會令到豬手嘅外皮非常脆 而且可以加熱豬手 份量大過一只手掌 兩三個人分都可以 外皮不單止香脆 而且唔算多脂肪 肉質亦都烤剛剛好 配上酸甜醬汁 食落一啲都唔油膩 就算唔加醬汁食 肉汁都出哂黎 果然係廚師推介

韓式烤肉開到成行成市相信喜來稀肉 一間餐廳都算係數一數二出名嘅韓式燒肉 仲記得早前新聞報道呢間餐廳需要早一個星期訂位 遲15分鐘都智冇位 今日再黎到踩踩點 雖然仲要等位但其實大概15分鐘就可以入座 餐廳裝潢仲算新 而且好闊落 兩個人總共叫左三碟肉 其實都夠飽 每份肉都好大碟 前菜有韓式泡菜蘿蔔等等 首先講到最好味嘅就係牛肋骨肉 個葉仔嘅牛肋骨肉唔需要再另外加配料或者醬汁 燒完過後肉汁豐富 包上生菜 既可以吸去多餘嘅油脂 不失原本牛肋肉嘅香味 牛五花 非常薄切 放喺板上唔夠10秒鐘 其實就可以食 未到唔及牛肋肉嘅香 但因為脂肪比例比較多 食落有脂肪溶化香口嘅口感 但係非常容易燒過龍 最後嘅牛舌其實都冇咩特別 只係比較薄切 會冇咗牛舌原本嘅煙銀口感 而且其實冇咩牛味 今次嘅燒牛晚餐 尚算中規中矩 而且一肥牛大概百幾蚊 非常之大份

哈利波特風格既裝橫
餐廳位唔多 最好預定位

餐牌都好有心design

做到好似本魔法書甘 連餐點名稱都用上一些哈利波特書中一些字體 街道名 如果有不清楚既地方都可以問侍應


餐廳滿滿畫作書本 帶食客進入魔法世界
好有氣氛

食物方面


首先點了杯奶油Beer
其實係無酒精既Soda
甜甜地幾好飲 上邊一層cream 好札實 唔會飲飲下就散開 沈入Soda 中


黑松露雞肉扁意粉
意粉上枱黑松露香 份量剛好
意粉偏硬身
雞肉方面稔身 簡單調味 恰到好處


紅酒燴羊膝
酒味不算濃
羊味幾香 一點都唔會酥 稔身既羊肉 咬開一絲絲
份量足夠

以主題餐廳黎講 質素不錯 而且環境安靜 讚

淘大商場新開幕既居酒屋 7點就已經要排大隊 我同朋友都唔執輸 坐位算舒適 多梳化位 居酒屋既食物選擇就唔算多 串燒6-7款 拉麵3款 飯1款 等 首先講下串燒 $38 價錢中等 上枱熱辣辣 皮脆 但雞肉無咩味 燒雞軟骨串 $28 比較普通 無咩驚喜 睇落比較有特色既 火山石清酒煮花甲 $68 上枱嘅時候侍應會主動將搬胡清酒倒入鍋中 之後會已沙漏倒數3分鐘後即可食用 但係數量上只有八隻 而且有只無左肉 有些少失望 而且清酒未完全揮發花甲味道稍為比清酒蓋過 北海道牛油拉麵 $68 中價 但份量偏小 如果係男士們食嘅話可能唔足夠 湯底略嫌鹹咗啲 食完比較口渴 整體來講有待改進

肚餓了呢間餐廳響朋友圈之間甚為出名 大家都叫我有機會一定要去試吓 品嚐完後 第一個感想就係 性價比高既一間串燒店 餐廳雖然比較狹小 但非常有氣氛 牆上不但掛有黑板 寫上食物 而且掛上不同類型既大海報 串燒種類眾多包括雞肉牛肉豬肉羊肉 海鮮以及蔬菜等等 枱面上會提供鹽孜然粉辣粉等等 供客人使用 蒜蓉燒虎蝦 自家製芝士金黃醬燒扇貝 蒜蓉燒廣島蠔 首先虎蝦有手掌大既size 而且唔會因爲用蒜蓉燒就令蝦肉好乾 蝦肉肉質岩岩好 唔會因為令黎燒就用次等貨 芝士扇貝 大大隻 芝士仲可以拉到絲 廣島蠔 好Juicy 燒到岩岩好 小心燙手 個人原本唔太喜歡食茄子 但朋友好想試 一嚐之下 發現原來燒茄子可以甘好食 一絲絲拉上 非常滿足 口感有蒜蓉嘅脆口又帶點茄子既稔身 翡翠螺 但是用薑蔥加點酒 已經非常香 食唔停口 螺肉鮮甜 有驚喜 好欣賞肉類串燒既燒汁 好入味 而且份量多 肉汁溢出黎 如圖所見 串燒邊如果overcook 既位置都會剪掉 都很用心 牛舌 同 雞腎 燒得有點乾 咬起上黎比較有咬口 但可以接受 而且非常厚切 滿足滿足 安格斯牛柳粒 雖然要$79 但係醬汁調味料配答很好 牛柳粒非常軟熟 而且有6粒 用料實在 咬落去牛味濃郁

如果你係和牛愛好者 相信你對呢一間 和牛燒肉。純 應該有所耳聞 話說之前從日本返嚟之後 我哋嘅和牛非常好食 自此之後我對和牛嘅質素要求非常高 而呢一間位於尖沙咀嘅和牛燒肉。純 性價比非常高而且相當有質素 有漿料檸檬同海鹽 不同嘅配料能夠引出和牛不同嘅香味 首先介紹嘅係前菜豆腐沙律 簡單嘅一個前菜已經好有質素 首先豆腐非常滑配上芝麻醬非常夾 而且番茄仔同生菜非常新鮮 再嚟到我哋今日嘅主菜和牛特選套餐 剛上菜既時候 最吸引我哋嘅目光 係和牛既雪花 呢一知和牛套餐主要有不同價錢 質素既牛肉 再有五花肉 組成 首先嘅係右下角嘅牛扒肉 牛排肉 雖然入口有筋 但係非常稔身 牛肉香味 湧出黎 兩邊大約燒二十秒就食得 肉質 粉嫩 果然係日本每日運送 用料非常新鮮 沾上醬汁 大快朵頤 再黎既係 特選日本產和牛牛排肉 再較之下 雪花紋分佈平均 油脂味較濃郁 入口既感覺帶油脂味同時又唔會搶左原本和牛既肉味 非常平均 配上少許鹽 已經足夠 輕輕帶出高質牛肉既原汁原味 主角嚟到特選日本產和牛肉眼 入口嘅感覺簡直係非筆墨所能形容 好似一舊牛油慢慢溶化響你個口度完全覺得自己其實食緊牛肉 同我對上去日本食嘅高級和牛質素完全不分上下 肉質不單止鮮嫩 我哋甚至唔加鹽以及醬汁 兩邊燒15秒 將肉汁鎖住 之後一啖入口 我同友人 互相對望以及報以滿足嘅笑容 近睇望返 雪花片片 雖然價錢上相較貴 但性價比非常高 一定令大家有所驚喜 俾 最後黎都五花肉 我哋將五花肉放到最後燒 因為油脂分布比較多 比較搶火 而且我哋燒嘅時間比較長因為係豬肉 但係燒完之後肉質依然 完全唔會乾 而且邊位非常脆口 另外聽到隔離枱話雞脾肉非常好食 睇嚟又會好快再光顧下次

其實行去商場 原本諗住一家人去飲茶 可惜一等再等 等到人都餓 都未有位 所以一家人轉去試新菜 今次黎到呢間餐廳叫莆田 餐廳裝潢非常簡單燈光柔和 以下推介幾道必食小菜 相當有驚喜 黃金荷葉包 一個黃金荷葉包 首先要用刀開一半 之後放入肉絲同洋蔥 炒香肉絲同洋蔥非常爽口 而且所用嘅將針有種莫名嘅吸引力 加上荷葉包非常脆口 可以話係必食之選 伴隨荷葉包嘅肉絲同洋蔥分量剛剛好 而且餐廳配以手套比食客拎上手食 更有風味 椒鹽豬手 呢個椒鹽豬手係前菜 分量較少可要求侍應一開二 講到呢個豬手由於 同荷葉包一同上菜 椒鹽豬手我哋放咗响食完荷葉包之後食 原本以為唔夠熱嘅椒鹽豬手會油膩而且豬手皮會唔夠爽脆 但竟然相當有驚喜 首先 豬手皮 咬落去已經有好似食緊粟米片嘅口感 雖然豬手肉唔多但係大有骨膠原 椒鹽味唔算太濃 唔會蓋過原本豬手嘅味道 莆田滷麵 莆田滷面 係侍應推介 首先提及湯底 非常濃郁 唔會太咸 因為配上海鮮 因而帶點海鮮既鮮甜味 面既口感方面 唔會太稔 反而會有的咬口 黏黏韌韌 $80一大煲 夠3個人食配料仲有香菇芥菜蝦米等材料 九轉小腸 幾乎每一枱都叫 套餐上既必有前菜 上菜時小腸只係暖暖地 原來係要用火慢慢加熱 九轉小腸絕對唔係得九層 食落口感非常充實 原本唔愛好食既媽媽試左一件之後 都唔停口 大讚好食 記住一定要慢慢加熱之後食

自從元朗 Yoho Mall 擴展之後 各式各樣特色餐廳進駐商場 連鎖餐廳 中菜館 日本餐廳 西餐廳 而且商場更設有戲院各大名牌化妝品 係一個非常好逛嘅大型商場 令我更喜歡入到元朗走走 今次一試COMEBUYTEA 一睇佢沖茶嘅方式已經吸引唔少少女嘅目光 大排長龍 呢間COMEBUYTEA 賣既係 專業 特色 用茶葉既質素 一杯索價$30 左右唔算貴 現時界外多間連鎖台式飲品一杯珍珠奶茶已經需要$20至＄30 顧客可以喺呢個開放式嘅廚房欣賞整個沖茶過程 非常治癒 最後選擇左呢杯錫蘭紅茶配上皇家厚奶再加上黑糖晶球 茶底尚算合格但未算濃郁 但比起出面連鎖飲品店已經係中上質素 奶味方面就普通 未算特別濃郁 未嚐到所謂濃厚既口感 最值得一讚係黑糖晶球 以為佢係一般嘅珍珠奶茶嘅珍珠 點知真係用黑糖做出好似蒟蒻一樣嘅口感 唔太甜 非常岩一的唔太好甜既朋友 $30杯黎講算唔錯 希望冇甘多人既時候會沖得更好飲