莆田 (利舞臺廣場)

營業中

休息中

又去莆田食海蟶～每次去都有新嘅海蟶菜式，絕對唔會悶～今次有7種吃法🎉💲228點2款❗️抵呀～其中「黑松露海蠣燒豆麵」同「撈汁海蠣」（辣）都係🆕菜式！今次💲228我揀咗以下兩款：🔹🆕 黑松露海蠣燒豆麵 （原價 $148）海蠣嘅鮮味搭配香郁嘅黑松露，湯汁特別可口～豆麵煙煙韌韌好入味～🔹九層塔香燜海蠣 （原價 $128）鮮甜嘅海蠣有香口薄脆嘅外層，食前撈勻鍋底嘅醬汁更加惹味～🐟 鹹香黃花魚💲88 煎得香口完全不油膩～而且鹹香調得適中，唔需要另加調味啦～ 🦆芋香鴨💲98 外皮炸得薄脆不油膩，芋泥炸得鬆軟棉密，鴨肉軟嫩完全不乾澀～入口先有芋泥嘅香甜，接著有清香肉甜，層次豐富～🥬 金銀時蔬💲88呢日係菜苗，翠綠鮮嫩～～最後嗌咗兩個甜品：🍮 薄荷琵琶凍💲48似四川冰粉，清甜又清涼～薄荷同枇杷味恰到好處～ 🍐 桂花陳皮燉雪梨 （熱）💲48熱食好岩現時清涼嘅天氣，入口好香陳皮味，雪梨又香甜入味，食落好滋潤～ **$18/茶位🫖加一**

海蠣被譽為海中牛奶，有益又好味，嚟到食海蠣嘅季節了😍海蠣節菜品$228可以食到兩款～🦪酥炸海蠣即叫即炸，粒粒外觀金黃，入口酥脆，咬下去仲有啲咇汁，內裏口感滑嫩。🦪海蠣湯湯品鮮甜清爽，帶有海鮮鮮味，入口濃郁滋味濃郁而不膩口。莆田扁肉湯位上，扁肉外皮有啲似魚皮餃，內裹口感鮮嫩爽滑，肉質細嫩，湯汁帶有微微肉香和鮮甜。百秒黃花魚魚身完整，魚肉多汁，帶有淡淡甜味，好鮮嫩！蒜香荷蘭豆外觀翠綠，我哋order咗少油，入口更清爽。經典南煎肝豬肝表面煎至微焦，肝質鮮嫩，酸酸甜甜，味道醇厚。另外點少得清爽嘅甜點，桂花陳皮燉雪梨和薄荷枇杷凍兩者清爽又解油膩，啱晒做飯後甜品。

🧧𝐏𝐑𝐄-𝐇𝐀𝐏𝐏𝐘 𝐂𝐇𝐈𝐍𝐄𝐒𝐄 𝐋𝐔𝐍𝐀𝐑 𝐍𝐄𝐖 𝐘𝐄𝐀𝐑Gavin媽係好著重儀式感🤭❤️農曆新年就快到喇～今年我約埋 @jasper_heihei 希希媽媽一齊黎莆田試下佢地既《新春如意2人套餐》，一邊食住飯Girls Talk，兩位小朋友就自己玩下食下野😆到左之後店員好友善咁帶位，仲好貼心咁準備好BB櫈同埋小朋友既車車餐具🚗～小朋友可以坐定定，媽咪先可以好好地食飯😝🥢鴻運發財鮑魚撈起店員幫我地一邊落配料，一邊講好多如意吉祥既說話，然後大人小朋友一齊撈撈撈，撈到風山水起呀😂🥢盤滿缽滿鮑魚大蝦盆菜呢個盤菜超足料✨無論大蝦、日本乾貝定係原粒鮑魚都係大大隻，鮑魚口感岩岩唔會好韌。另外仲有髮菜、鴨掌、花菇、蟶乾、魚鰾、燒肉、海參、白靈菇同埋白蘿蔔🤤一共有12種食材，好豐富！🥢黑松露炒帶子好香既一道菜式～帶子唔會煮到好鞋口，配埋西蘭花🥦小朋友都無法抗拒👦🏻🥢媽祖平安麵呢個平安麵…大人們食左第一啖即刻大讚好好食😂口感好似燴麵咁，最後連Gavin都幫襯係咁食…仲要encore叫我再𢳂比佢🤤🥢蟲草花魚鏢蟹肉羹Gavin媽最羮類係情有獨鍾💓而呢個蟹肉羮都足料，蟲草花又好健康，到我想encore😂

新年做節會想食下盤菜，發現莆田推出咗個套餐有2人份嘅盤菜，咁就啱曬人少少嘅家庭。新春如意2人套餐 $998鴻運發財鮑魚撈起 撈起呢款菜式好有趣，店員會一邊講祝福語、一邊將啲食材撈埋一齊，寓意新一年風山水起。食材有紅蘿蔔絲、黃瓜絲、紅菜絲、生菜絲、薄脆及粉絲等等，仲特别配上鮑魚，顯得份外矜貴。盤滿缽滿鮑魚大蝦盆菜2人份盤菜用料十分豐富，包括有鮑魚、海參、大蝦、燒肉、瑤柱、魚蛋、冬菇、芋頭、髮菜等等。黑松露炒帶子帶子份量十足，配上黑松露特別鮮香。媽祖平安麵麵條吸收晒湯底嘅鮮味，入口順滑，配料有瑤柱粒、冬菇、蝦肉、雞蛋、紫菜等等。蟲草花魚鏢蟹肉羹湯羹用蟲草花、魚鏢和蟹肉煮成，每一口都滿滿湯料，加少許醋，味道提鮮不少。桂圓銀耳湯配莆田紅團桂圓雪耳糖水，味道清甜，滋補養顏。紅團茶果口感煙韌，顏色鮮艷，綠豆餡料味道不錯。莆田會員可憑出示優惠券於門市預訂盆菜或新年套餐滿$1,000減$100；$2,000減$200，如此類推。莆田會員網店訂購6人份盆菜即刻享有85折優惠，下單即送莆田精品媽祖麵線一盒訂盆菜即刻下載Storellet成為會員short.storellet.com/Timable-put

今年非常忙，唔得閒煮團年飯，所以就同大嚿預約咗去莆田食賀年套餐。佢哋嘅賀年套餐有三大款，分別係吉祥如意同埋鴻運，由2人餐至10人餐都有，我哋就揀選咗中間價位嘅新春如意套餐（$998-2人）。.成個套餐裏面包括咗有以下幾樣食物，由前菜到到甜品都齊晒。#鴻運發財鮑魚撈起 #盤滿缽滿鮑魚大蝦盆菜2人份#黑松露炒帶子#媽祖平安麵#蟲草花魚鏢蟹肉羹#桂圓銀耳湯配莆田紅團.第一兜上嘅撈起，寓意撈起粉起，風生水起，整體口感幾豐富，有少少脆脆，紫菜乾，有彈牙嘅鮑魚，仲有大量清爽嘅蔬菜絲同薑絲等等，最有趣係一邊撈嘅過程，服務員會一路講喜慶嘅句子，再叫我哋跟住講，成件事好好意頭食！落去酸酸甜甜凍凍地幾開胃。.然後就係二人份量嘅盆菜，雖說係二人份量但係其實都幾大兜，裏面嘅材料好豐富例如有芋頭、蝦、福州魚丸、鮑魚、豬手、豬皮、瑤柱、髮菜、冬菇、雞翼、腩肉同海參等等。整體食材都用得非常之好，芋頭入口即化，鮑魚質感紮實，豬手咬落帶淡淡骨膠原嘅感覺，外皮Q彈。雞翼亦都非常入味，冬菇就夠厚身，後來有爆汁嘅感覺，海參亦非常彈牙。.黑松露炒帶子嘅味道調得恰到好處，西蘭花爽脆爽脆的，帶子軟嫩鮮甜，加上大量黑松露醬，整體不錯

米芝蓮餐廳莆田，最近出咗新春Menu🌹2人到10人嘅套餐都有，好方便聚會！我哋兩個撐枱腳，就率先食咗如意二人套餐～🌺鴻運發財鮑魚撈起撈起擺盤精美，店員一路幫我哋撈，仲會一路講祝賀說話，感覺好好意頭呀！賣相豪華，入口凍冰冰，酸酸甜甜，越食越開胃。🌺盤滿缽滿鮑魚大蝦盆菜2人份大大盤，滿滿嘅海味，份量豐富，鮑魚、大蝦、海參肉質，入口鮮美多汁，令人驚喜連連。🌺黑松露炒帶子大大隻炒帶子鮮嫩白淨，黑松露碎末點綴，炒至剛熟程度，口感柔軟，和黑松露香氣好夾。🌺媽祖平安麵麵條入口滑溜又吸湯，配料有好多海鮮，整體口感鮮美清爽。🌺蟲草花魚鏢蟹肉羹蟹肉豐富，魚鏢入口似花膠，都幾juicy，湯汁濃郁，入口帶有海鮮風味。🍡桂圓銀耳湯配莆田紅團紅團有啲似茶果，入口煙煙韌韌👍賣相精美，見到都覺得好喜慶。桂圓銀耳嘅湯品，口感柔軟清爽，感覺甜甜蜜蜜！

新年食乜好？食撈起！朋友新年要飛 所以我哋提早食個開年飯先🥰 去咗銅鑼灣利舞臺莆田 有好多圓形卡位同大枱 相對闊落幾好坐 啲店員都好有禮貌 仲要係米芝連餐廳🤫新春如意2人套餐 $998鴻運發財鮑魚撈起「撈起撈起，風生水起」 💕最正係店員會搵你一齊撈起 佢一邊撈 一邊講祝賀語 有氣氛又好意頭👍🏻👍🏻👍🏻 呢款撈起有好多配料 有鮑魚 柚子 蘿蔔絲等等 再配特製酸甜醬汁 酸酸甜甜 開胃又好食盤滿缽滿鮑魚大蝦盆菜估唔到2個人都可以食到盆菜 仲要咁高質🥺 盆菜足料 有鮑魚 大蝦 海參 髮菜 花菇 瑤柱 蟶乾 福州魚丸 仲有炸芋等 鮑魚海參炆得好腍同入味🫶🏻 魚丸幾得意 入邊有餡🤓 蟶乾就好有莆田特色 夠鮮又特別黑松露炒帶子黑松露味香同帶子好夾 帶子炒得啱啱好 唔會太老😆 另外仲有啲西蘭花作陪襯 西蘭花食落都好爽甜媽祖平安麵平安麵寓意平安健康長壽 麵條長長幼幼 咬落有少少煙韌 配上各種餸料 比如蝦、紫菜、炸豆腐條、花生、蟶乾 係傳統福建麵線😙蟲草花魚鏢蟹肉羹羹入面有好多魚鏢蟹肉 啖啖都食到餸🤩 可以略加少少醋 味道會更帶鮮味桂圓銀耳湯配莆田紅團未食甜品已經幾飽🤭 桂圓銀耳湯好好味 銀耳好滑 湯水夠

農曆新年就快到，同媽媽買完賀年食品後，就到「莆田」食晚飯。 餐廳空間寬敞，燈光鮮明，裝修風格簡約、舒適，富有現代感。 😋是日選擇：新春如意2人套餐：1️⃣鴻運發財鮑魚撈起🍽上菜時，分了不同的小碟，還有鮑魚，食材均色彩繽紛。加上「撈起撈起，撈得風生水起」，咁好意頭，點少得呢！2️⃣盤滿缽滿鮑魚大蝦盆菜2人份🍽盆菜寓意「盤滿缽滿、豐衣足食」。這個盆菜，材料十足，包括：鮑魚、海參、大蝦、花菇、燒肉…等等，煲得夠入味。3️⃣黑松露炒帶子🍽黑松露好濃，帶子鮮甜，翠綠色澤的西蘭花，食不停口。4️⃣媽祖平安麵🍽麵條細細長長，寓意著健康平安。配上蝦仁、荷蘭豆、蟶子、豬肉…等等，令湯更鮮甜。5️⃣蟲草花魚鏢蟹肉羹🍽蟲草花、魚鏢、蟹肉，令湯底很鮮味，給人一種滿滿的飽滿感。6️⃣桂圓銀耳湯配莆田紅團🍽桂圓銀耳湯湯底香甜，滋味濃郁。莆田紅團賣相吸引，還象徵吉祥團圓、甜甜蜜蜜。

🌸《莆田 · 福建菜 · 銅鑼灣》❗️❗️❗️HIGHLY RECOMMEND❗️❗️❗️-𝐅𝐨𝐨𝐝 𝐑𝐞𝐯𝐢𝐞𝐰 食評 🦪辣子鮮海蠣 $128海蠣好新鮮好大隻🫢辣炒唔會太辣而遮蓋左海蠣本身既鮮味，分量對於兩個人黎講偏多，真係無呃秤啊🥹而家仲要$228就有兩款海蠣節菜品呢個優惠，真係好抵食🙆🏻‍♀️❤️‼️-🐠百秒黃花魚 $78黃花魚好嫩滑🥹食落好有魚鮮味！一試就知無overcooked‼️造型亦都有落足功夫，將黃花魚劏開一半再蒸煮，好有心思🙆🏻‍♀️-🦪辣汁花蛤 $98花蛤好大隻，成碟菜唔會淨係得返花蛤殼，隻隻有肉地，呢個價錢真係去街市食都唔會有‼️辣汁唔算太辣，岩曬唔食得辣但係又想食落好香既朋友仔‼️-🐷莆田荔枝肉 $98食落似咕嚕肉，豬肉有一層薄薄炸粉，就算放耐凍左，食落口依然好脆身，醬汁有少少拉絲效果，旁邊真係會有幾粒荔枝肉，真係貨真價實🥹推薦‼️-🦐酒香竹筒蝦 $38竹筒蝦蝦肉好爽口、彈牙，蝦頭非常多膏，而且無黑點，好新鮮‼️湯底好重酒香，亦都食得出好重芎歸香味，係小編最鍾意既味道，湯底好清香😍-🥯黃金荷葉包 $38包面好多芝麻，食落好酥脆，配埋旁邊用洋蔥炒香左嘅肉絲，真係食到停唔到口🫢非常大家試下呢個，

呢間福建中菜餐廳屋企人一向都好鍾意食，見新推出左海蠣星級套餐一於試下先。#海蠣星級套餐 $498職員先奉生特色小菜。#福建特色海蠣煎 外皮煎得金黃酥脆，咬落去海蠣鮮嫩多汁，啖啖都係海蠣的鮮甜，而用蛋作底色澤金黃更吸睛。#特製椒鹽豬手 用獨特鹹香椒鹽整，炸到外皮焦脆，內裡的肉爽滑彈牙，有大舊好似手掌咁大，最驚喜係一咬下就骨肉分離，老人家冇乜都食到，第一次食呢道菜真係好有驚喜呀😍主菜可任選一道 #福建海鮮滷麵 或 #興化炒米粉， 我地就揀左黎親必叫的白如雪細如絲的炒米粉，仲有有蝦、蟶子、花生同紫菜等作配菜，記得沾上莆田特製酸辣醬食更加惹味！飯後甜品包括有 #蓮子雪耳湯同 #薄荷枇杷凍 ，我就鍾意較少有機會食到的枇杷凍多啲，因為另一道屋企都經常煲黎飲。額外再點左 #石鍋滑豆腐（例） $98用石鍋上，打開蓋磁磁聲熱辣辣😍滑豆腐、肉碎同蝦肉用秘製芡汁煮好，真係色香味俱全，送飯一流！

莆田經常會有時令食物提供最近到咗海蠣節有多款菜式都以🦪入饌每款都好吸引👍🏻🌟福建特色海蠣煎每粒🦪都漲卜卜且嫩滑帶雞蛋既蛋酥香味 再配上莆田特製辣媽醬 更加惹味🌟脆皮蒜香雞皮脆肉嫩嘅雞肉兼帶濃郁蒜香味🌟鮮貝燴絲瓜絲瓜口感軟嫩清甜多汁配上鮮貝更鮮甜🌟鹹香黃花魚以海鹽等配料醃製黃花魚煎到金黃色魚皮夠哂酥脆 鹹香鮮味十足🌟福建海鮮滷麵 有多款材料 包括蜆,蠔,蝦,蟶子,豬肉,豆腐,冬菇同小棠菜等湯底熬足八小時 麵條亦都吸收晒湯底既精華

我自己是海蠣🦪控，望穿秋水莆田海蠣節番來啦，所以帶埋另一半一起來到銅鑼灣的莆田，現時都是有七款新鮮海蠣食法，$228 可以選2款菜式，我覺得是平靚正之選🧡店員更推介海蠣有出新品煮法：黑松露海蠣燒豆面 黑松露香味俱全，把海蠣🦪煮得更為惹味十足，感覺更上一層口感，使我忍不住食完再食！另外再加上點了皇牌推薦的佛跳牆 ， 尊貴食材新鮮的燉湯，真材實料，養生又好吃呢莆田銅鑼灣波斯富街99號利舞臺廣場7樓A號舖

$228元就可吃兩道海蠣菜，感覺很抵吃，因一道黑松露海蠣燒豆麵都$148元了，套餐很抵，必吃～黑松露海蠣燒豆麵～豆麵煙煙韌韌，質感Q彈，上湯的味道都充份浸到麵裡；海蠣隻隻都肥嘟嘟，跟黑松露味也夾～九層塔香燜海蠣～海蠣沾了炸漿先炸香，再加上醬汁及九層塔，味道特別香～金湯佛跳牆～用料十足，有海參、花膠、鮑魚、瑤柱、鮮雞、竹笙、松茸及鵪鶉蛋，當中海參的刺針更是非常明顯，花膠也是花膠筒那種，材料都是較昂貴，而湯頭非常濃郁，有點黏黏的～桂花陳皮燉雪梨～非常滋潤，味道帶點桂花香及微甜，雪梨燉至冧軟，大人小朋友都啱食～粟米汁～很清甜的粟米味道，暖暖的，冬天喝一流～

莆田海蠣節🦪番黎啦🥳為食妹👧🏻係莆田粉絲 梗係嗱嗱臨沖去試 🫰🏻 海蠣🦪有7種吃法 一次點倆 $228 認真抵食👍🏿🦪海蠣星級A二人套餐🦪✨精美雙小拼✨福建特色海蠣煎✨椒鹽豬手✨福建海鮮滷麵/興化炒米粉✨建蓮雪耳湯/薄荷枇杷凍雙小拼係蝦苗頭水紫菜拼家鄉燜筍乾 兩款小食咸香開胃😮‍💨海蠣煎香脆惹味 啖啖肥嘟嘟珠蠣 鮮味十足😋椒鹽豬手炸到香脆鬆化 滿滿骨膠原☺️炒米粉質感幼滑彈牙 配料豐富 搭配辣媽辣椒醬酸辣酸辣 更添滋味😛甜品比較之下枇杷凍更加出色😍枇杷熬汁成凍 酸甜爽口 一試愛上❤️追加酥炒芋芯 外酥內糯 甜甜的 亦是人氣之選💞

莆田呢間餐廳食物水準一向穩定。今次我哋食得富貴一啲。首先叫咗冰鎮南日鮑$68/隻，呢隻鮑魚嘅肉質好好，冰鎮令到口感更好。而家有時令海蠣，有多款菜式。揀咗莆田漁民鹽漬海蠣$118，係凍盤。呢啲海蠣粒好滑鹹鹹地帶有鮮味。而家天氣凍凍地，叫返個暖笠笠嘅湯品就最啱。一定唔可以錯過金湯佛跳牆$228。呢碗湯底好濃郁豐富，有鮑魚、海參、瑤柱、松茸、竹筍、花膠同鵪鶉蛋嘅美味。每一口都令人感受到食材嘅豐富同湯品嘅濃郁。最後，試咗一碟興化炒米粉$118。呢碟炒米粉炒得夠乾身又唔會油膩，配料仲有蟶子、海蜆、蝦、蔬菜等等，非常豐富。