花楽 (翩滙坊) (已結業)

這天天氣好好，同媽媽一齊去了將軍澳海濱散步，沿路經過了一間日本餐廳，看了餐廳有午市套餐，感覺幾抵食，一於試試看！我們各自點了一個定食，每個套餐都有一碗味憎湯、沙律、前菜以及茶碗蒸。把所有配菜都吃了一遍之後已經感到很滿足了，尤其那碗茶碗蒸都好足料！蛋亦蒸得很滑。角切魚生丼：將多種不同的魚生切碎，有金目鯛、獅魚、池魚等都係常見的魚生，伴飯後吃到不同魚的鮮嫩，亦唔會腥。和風炒牛肉定食：牛肉偏薄身，所以很入味。照燒汁再和大量洋蔥一齊炒，甜甜的，餸飯一流！可以對住個大海享用午餐，餐廳環境優美，整體感覺不錯！

餐廳位於繁囂的將軍澳南，高雅清幽的日式格調如鶴立雞群，甚是顯眼壽司組合中，海膽壽司用料新鮮，海水味淡淡，質感滑溜，正如在口腔中浮游。另外需一提白蝦壽司，蝦身晶瑩剔透，蝦肉彈牙。飯粒分明，有嚼頭，還有淡然的柚子香，提升白蝦的鮮味。汁煮魚骹，醬汁濃稠，甜鹹適中，魚肉入味、嫩滑，其他配料，如冬菇，亦煮得入味。炭燒鱈魚絲，滿滿炭焦香，烤得剛好，脆而不韌，佐酒一流。木魚絲炸豆腐，粉漿薄身，炸至金黃，外脆而豆腐嫩，配以木魚絲吊味，鹹香而不味寡。

餐廳裝潢風格一致，木色為主調，頗符合作為日系中高檔餐廳的路線。店員服務態度殷勤，主動提供箱籃予客人放置隨行背囊。上菜速度亦快，熟食保有温度，正如鹽燒雞皮，皮香脆，油脂甘香，配以自家調配的香草沙律醬，酸甜解油膩。鮟鱇魚肝初嚐口感紮實，咬𡁻後，質地綿密，化在口中，味道久久未散。眾多刺身中帶子尤其出色，頗為大隻。肉質結實，一咬，甘甜味就從分明的絲狀肉中滲出，配以青檸汁吊味，更顯清新。菠菜沙律拌以略烤的油揚，油油揚均沾麻醬和菠菜汁，相當入味。菠菜頗新鮮，鮮甜不苦澀。

🌸花楽將軍澳高質壽司店👍🏻無論壽司定熟食都係咁高水準👏🏻👏🏻今日放假就專登黎試下，位於將軍澳海濱，感覺好寧靜，好似番左鄉下日本咁😃Set lunch - omakase sushi $268有沙律🥗茶碗蒸幾重蛋味🥚烏冬軟硬度適中好入味🍜壽司有8件🍣推介吞拿魚同帶子，好厚切好新鮮👍🏻食完仲有陣甜味留係口腔😁😁Set lunch - tempura set $ 118同樣地包左沙律茶碗蒸👍🏻天婦羅有3隻蝦🍤南瓜秋葵茄子🍆番薯🍠，炸得好脆又唔油膩，以呢個價錢黎計真係物超所值👏🏻👏🏻👏🏻不過提一提💡天婦羅要盡快食，如果唔係就會冇咗一開始脆卜卜嘅口感啦！店員亦都好細心，不時過黎加茶，仲問我地滿唔滿意今餐飯！服務態度簡直100分👍🏻👍🏻👍🏻評分：⭐️⭐️⭐️⭐️⭐️/5

將軍澳海濱滿滿的餐廳，見好多人特登遠征入嚟食嘢添！終於試到呢個下午茶set，平日無論咩日子經過都見爆曬人仲要個個都係叫tea set!今日終於換咗新Menu於是特登嚟試🥰⭐️記得一定要book位，仲要最好前幾日，因為好爆位😂👓花楽日式下午茶 $268/2人 有加一服務費前菜架：➡️唐揚雞塊➡️鱈魚干➡️豚肉蘆筍卷上層：➡️青瓜牛油果反卷➡️波子壽司➡️日本水果蕃茄➡️芥末八爪魚➡️玉子燒下層：➡️十勝紅豆蓉配小丸子➡️日式蕨餅➡️日本時令生果-士多啤梨飲品➡️日本水果茶花茶有五個款式，可以任加水。有別於平日手搖台式水果茶，係茶包裝住果乾，都幾香清新吾甜，食飽飲杯熱茶幾舒服！🐷整體tea set正常但未稱得上係cp值高，食物味道其實好普通，食物份量過於少，完全係黎前要食飽打底，純粹當作影下相打卡/一個坐得幾舒服嘅地方同友人坐下。評分：7/10

今日同朋友一起去左這間日本餐廳探鮮，覺得份量多味道又不錯所以就打算介紹給各位吃貨們。我們兩個人就叫左不同的兩set來試。我就叫廚師發板壽司10貫配黑珍珠味增湯。可以看得出壽司是當場手捏的。因為個飯吃起來不會覺得太乾同冷。在種類上是有10種不同的捏壽司，在裡面有幾種是非常值得加點的。 我覺得第一個是海膽壽司，因為海膽吃起來的時候，非常甜而且我吃不到腥味。我個人最怕就是有腥味的刺身，但是這間日本餐廳的刺身都沒好少腥味。第二個是金目鯛都是這間店的特色之一，吃得出金目鯛的鮮度，不會太軟爛同水，所以就可以分辨出新鮮的金目鯛。之後推薦的是帶子，超級甜，如果多人去一定可以加點帶子刺身。我朋友就點左銀雪魚西京燒定食。魚本身烤得不錯，有將魚油烤出來，你可以看到底魚油已經流出來了。把魚油烤出來的好處是魚本身就會多一份烤的香味，但是如果烤得太久就會讓魚變得乾柴，吃起來的口感就大大扣分。相反這間烤到不會老，肉質夠嫩滑，最好是同飯一起吃，因為飯裡面的糖分可以帶魚的鮮甜味出來，所以吃起來就會覺得好有滿足感。除了主食，其他配菜都算不錯，要拿比較特出的就是茶碗蒸。整體上是推薦這間餐廳給各位的，最推薦的是刺身，去的時候

明明已經早左兩個星期訂枱，準時到卻被告知冇枱要等20分鐘，天氣好熱最後要喺出面企左半個鍾先有位。個經理解釋話佢控制唔到d客幾時還枱，聽完真係一肚氣，好多餐廳都會落單前提醒客人幾時要還枱，明顯是餐廳安排差先會要客人訂左位都要企係度等半個鍾。見之前有review 都提過有類似情況唔知點解還是沒有改善。食物方面，$328兩位嘅下午茶，打卡係靚餐具靚嘅但食物只是不過不失，見咁多好評真係覺得PR做得好而已，絕對唔值得等咁耐。

好耐無打openrice, 不過尋晚食咗一餐幾驚為天人嘅dinner, 所以上黎紀錄下啦胡麻菠菜油揚沙律 （$88）食啲蔬菜疊下個底先😗好香口同開胃刺身盛十貫（$488）當初男朋友就係見到擺得咁靚 先至食呢間 壽司好新鮮 每款一件 我最欣賞係海膽同三文魚😉好有光澤另外仲叫咗刺身食，佢有幾款，我們叫咗梅五點 （$488） 個擺盤好正😂舊石好有feel食完生冷野就叫個九味漬黎清下喉嚨😌每款個造型各有不同，未放入口都唔知係咩味，都幾過癮，我自己就最中意淮山厚片，好有咬口中間食啲小食，燒雞皮都幾有趣 （$78）燒腐皮免治雞串燒 （$68） 呢個都幾飽😂四款口味的四色雞肉串 （$138），我食明太子，好味😊😊😊流心玉子豚肉卷 （$78），每人一啖，有脆有軟，配搭唔錯然後到正餐😆五目炒飯 （$88）望落細細，但其實好飽，好出色，相比之下好抵食本身無諗住食，但見餐廳都多人叫火鍋食，所以我們都叫咗一個試下，味噌黑豚鍋 （$268），配料充足，肉多菜多，食到我們飽飽離場，推薦！

之前踩車經過將軍澳南海濱，原來呢邊海旁有bar有餐廳，好寫意，呢次再嚟行超市，順便入咗間日本餐廳，嘆返個日式下午茶chill下☺️侍應哥哥仲好細心，幫我地拎咗bb櫈，仲主動用濕紙巾抹乾淨先俾bb坐🥰先嚟三層塔：汁煮螺、吉列蠔、Cocktail 蝦，然後精緻嘅tea set出場🥳先講上層冷盤：香蔥吞拿魚腩蓉配花餅、牛油果粒蟹子蟹柳沙律配炸米通、波子壽司、墨魚籽煙三文魚配日本香蔥玉子、水果蕃茄、日本秋葵配日式酢汁，款款都配搭得宜，特別花餅同米通，食落好夾☺️秋葵隻碟仔食完仲見到條魚添，碗碟都好精緻☺️下層甜品：日東卷、玫瑰水玄信餅配黑蜜、時令水果、水果配厥餅，日東卷有蜜瓜同士多啤梨味，甜度適中，水玄信餅晶凝通透好吸晴☺️，綠茶厥餅夠煙韌👍🏻花茶揀咗蘋果土耳其果粒，加啲蜜糖仲好味😋

難得放半日假，約左朋友去食tea,去左將軍澳，本身吾熟路，由朋友帶路，去到環境勁正，好有渡假feel ，星期四又吾多人，好舒服日式餐廳，有下午茶tea set 黎得梗係食港女tea set 打咭日式擺設一set $298 有兩層 + 三款咸點 + 一壺花茶花茶有幾款，我點左檸檬熱情果，配蜜糖，好清香，一d都吾酸2個人一壺，可以refill 不過第二次味道已經好淡炸蠔好好味，炸得好鬆脆凍蝦好爽螺都好彈牙上層有三文魚玉子 吞拿魚蓉餅 魚蓉ok 餅就一般波子壽司炸米通 好脆蕃茄秋葵 好爽甜全部咸點大部分都好好食下層甜點日東卷 好鬆軟黑糖水玄信餅 好似啫喱好滑士多啤梨🍓抹茶厥餅 好煙韌Size 偏小，但味道ok 吾會太甜

最近知道將軍澳嘅海旁附近開咗間日本餐廳叫做花樂，即刻帶埋朋友過嚟朝聖，果然冇令我失望！超級高質😍呢度嘅環境好舒服，喺海旁隔離，一入到餐廳職員超級熱情同埋有禮貌，好似五星級酒店咁，而且裝修好優雅，好有日式嘅感覺，重點係嘢食超級好食😋首先我哋叫咗一個胡麻菠菜油陽沙律🥗超級健康又好食嘅前菜，估唔到菠菜同埋胡麻醬嘅味道咁夾，裏邊仲有豆腐乾另外仲叫咗花樂卷超級推介！每一件嘅魚生都好新鮮，我最推介嘅係吞拿魚同埋魷魚刺身壽司，味道超級鮮甜，同日本嘅質素有得比廚師推介牛腩呢隻超級入味，勁香牛肉味😛燒腐皮免治雞又係另一樣推介美食，牛肉外層燒到好香，有攤銷嘅香味，裏面嘅雞肉肉質鮮嫩燒雞皮超級脆口，好香濃😋四色雞肉串好特別嘅一樣美食！首先肉質鮮嫩，而且每一寸嘅味道都唔同，尤其是係蜜糖芥末味，味道好夾五目炒飯飽肚又好味😋雜錦天婦羅🍤分量超多！每一件都炸到脆卜卜，而且天婦羅嘅炸蝦好新鮮

今次千里迢迢嚟到將軍澳覓食行咗去海濱見到呢間日式餐廳幾靚 決定入去試吓佢內部裝修好有feel 一入門口有好多唔同嘅酒桶而且位置都坐得好舒服好寬敞同朋友每人嗌左個lunch set每個lunch set都會有麵豉湯 蒸蛋同 前菜 沙津個蒸蛋好滑 再加埋冬菇更加香 涼拌牛蒡酸酸甜甜咁 好爽口 勁開胃廚師發板刺身定食廚師會根據每日嘅食材去安排所以一定會用上當日最新鮮最時令嘅魚去做刺身而今次就有牡丹蝦 帶子 螢光魷魚 中吞 深海池魚 鯛魚金線鯛 蜜柑鯛 黑陸魚上菜嘅時候店員都會一一介紹每一款刺身嘅名 咁大家就唔會自己食緊咩都唔知啦😂所有嘅刺身都好鮮甜 再加上即磨嘅wasabi 真係好o i shii和風炒牛肉定食好有鑊氣 個燒汁甜甜地鹹鹹地咁好啱送飯 上面仲灑左滿滿嘅芝麻同蔥花 令到更加香口咁岩仲見到試tea set 好精緻 賣相好吸引 希望下次有機會再黎試下

🇭🇰花楽·我嗰日去咗將軍澳海濱公園嗰邊玩wakesurf 發現原來呢邊有咁多餐廳 而且佢哋全部喺海邊 都超級有feel☺️☺️呢間啲嘢食都幾好食 不過佢份量都幾多 食到我地超飽🤤·軟殼蟹卷$138 l 味噌黑豚鍋$268 佢個卷物擺盤超靚 做得超出色 佢入面個軟殼蟹好大隻 超脆 而且完全唔會油 口感好好🦀佢個黑豚鍋湯底都ok既 不過我就覺得佢D豚肉本身無咩味 反而入面D菜同冬粉索曬汁 好正🤤🤤 ·鱈魚乾$48 l 蟹籽沙律$128 l 四色雞肉串$138 l 南瓜天婦羅$68之後因為我同我個朋友仔都做完運動 我地嚴重高估左自己既食量 嗌左超多野😂😂佢個鱈魚乾同蟹籽沙律都唔錯既 幾開胃 但係佢個沙律真係好多 係堆到好似一座山咁 食極都食唔完🤣之後佢個雞肉串肉質比較散少少 而且我自己覺得佢個4個醬有D太濃味咁 尤其係佢個蜜糖芥末係好似wasabi咁 之後佢個天婦羅熱辣辣 而且個南瓜好軟糯我自己幾中意🎃·#rbyeat#rby日本菜#rby將軍澳·📍將軍澳唐俊街21號翩滙坊地下G23號舖

將軍澳海旁最近開設了不少新餐廳，今晚我們就揀了「花樂」品嚐日本料理！餐廳環境洋溢日式風味，還設有私人房間，方便聚會！螢光魷魚（$78）先嘆前菜，魷魚非常爽滑，而且混了柚子的清香，好味！汁燒雞串（$38）燒汁香口，肉質嫩滑得像啫啫雞一樣！鹽燒雞串（$38）相對汁燒雞串，其口感較乾身，但啱晒喜歡海鹽的食家！胡椒菠菜油揚沙律（$88）菠菜溝芝麻醬很惹味，豆腐乾亦很有口感！土佐豆腐（$58）配合蘿蔔蓉一起吃，更鮮甜！軟殼蟹卷（$138）飯質靚，沒有因為軟殼蟹而變得油膩；外層包了牛油果片，多了份清香！刺身盛梅5點（$488）刺身配鮮花盆景，絕對是相機先食！一碟六款，件件厚切，真的想一個人獨食！最後埋單，每人$509.5，很滿足！

性價比高既Lunch Set將軍澳南d野食其實定價都偏高 有時想食日本野都唔知去邊間好原來海濱呢頭呢間花樂 裝修好精緻但lunch set價錢都唔貴我地叫左蔥吞拿魚腩丼飯 （$148)同埋天婦羅定食 ($118) 蔥吞拿魚腩蓉 鋪滿哂成個飯 份量超多 我分左好多比個朋友食！超新鮮既吞拿魚蓉 佢打到好細 同埋因為係腩位所以會肥d 入口即溶咁將面頭既個蔥同芝麻撈埋落去好香側邊仲有d 海苔絲 好夾食到lam lam利每個set仲有埋 茶碗蒸、 面豉湯同埋沙律 個蛋好滑同好甜 面豉湯幾足料天婦羅定食都好食值得讚既係天婦羅蝦既 炸粉外皮同個蝦係連埋一齊 ， 同埋熱辣辣即叫即炸 唔會散開， 炸粉都唔會太厚有蝦x3、 秋葵、 南瓜、炸蝦、茄子咁我地兩份share每樣一半 又唔會淨食吞拿魚蓉咁漏 又可以試到師傅炸物既手勢 環境都好靚 好用心既裝修 有好多花花裝飾 同個店名襯返