良記餐廳(老鳳冰室) (已結業)

焗芝士海鮮保齡球 $68一個豬仔包 挖開左麵包 個殼就用黎裝海鮮焗飯 飯既量唔多 但係連埋成個包食就會岩岩好🙈個飯係用蛋炒過 放入包度 再放海鮮 加埋醬汁拎去焗🙈正👍🏻個飯雖然林林地 但係係食得出係有炒過👍🏻必試！.芝士豬扒撈一丁 $48一上碟 嘩😍😍😍😍啲芝士汁好多 多到遮住哂啲面🙈😍真係流哂口水😋😋食落去 芝士味🧀好濃好香👍🏻個面都好彈牙👍🏻食哂成碟都唔會覺得好漏🙈各位芝士迷一定要叫呢個芝士撈一丁呀🙈😎.老鳳多士 $40茄醬，茄醉，黑松露，芝士~ 細細件 巧打耳🙈👻重點係好好食😋好fresh 好脆🙈有啲似食緊Pizza咁🍕🍕仲配埋沙律 呢一set咁食都好岩素食者同真係健康😋.波波奶茶 $24/ 波波紅豆奶茶 $28呢個奶茶真係我飲咁多間都飲唔到 佢將奶茶先雪到變左一個波波既冰咁 再放入一杯凍奶茶度🙈奶茶好滑好香👍🏻加左2粒波波奶茶冰真係好貼心既一件事 如果係普通冰既話放耐左就會令杯野飲淡味🤔用左奶茶冰唔會拎到杯奶茶淡味之外 仲會一直飲一直都係有奶茶😎😏👍🏻各位潮友 一定要試👍🏻😏真心好得意好貼心🙈

深水埗舊區這些餐廳多數很平實，難得一見光鮮有特色的冰室 - 良記，原來還叫做「老鳳冰室」。檯上擺放了懷舊特色的用品，如餐牌化成信件放在郵箱中、白砂糖就在「為人民服務」的杯子裡。波波冰鎮紅豆奶茶 $28不得不點的特色飲品，看上去平平無奇，其實..有趣在波波冰粒是用茶來製成，而茶味算濃，不過紅豆略為甜，要是單點奶茶較好。飛仔華田 $20賣相更精緻豐富，除了朱古力可可脆外，更有華田夾心餅。呷一口是香濃而不算太甜的阿華田，不錯。肉夾膜 $38記著要趁熱吃，很喜歡吃這裡麵包，充滿肉汁的豬肉碎放在軟熟的包子裡，咬開肉汁容易流出，吮著手指很滋味。芝士豬頸肉撈丁 $48配有蒜蓉多士，香脆但有點乾，至於芝士份量不算太多，豬頸肉味道不過不失，這樣撈丁未算很滿足，不過還可以吧。

經過哩度想黎好耐! 見到入面既裝修好特別! 今日趁早收工就來食個晚飯!佢既裝修好懷舊, 連播既歌都係懷舊金曲! 最鐘意佢個menu, 放入郵箱入面! 哩度既食物同飲品都好特別! 飲品方面我點左懷舊雪糕紅豆冰 同埋 原味波波冰鎮咖啡!懷舊雪糕紅豆冰好特別呀! 佢係用3粒雪糕糯米磁, 唔係用雪糕既! 仲有勁多紅豆! 面層再落左啲忌廉! 又唔會太甜! 好味呀! 佢既冰係用咖啡雪做波波形狀黎做既！就算啲冰溶左咖啡都唔會變淡 會越飲越濃！而同樣咖啡面層再落左啲忌廉！好味呀！-食物方面我叫左我最愛既黑松露炒蛋多士 同埋佢招牌菜焗芝士海鮮保齡球 同埋安格斯牛腩撈一丁!松露炒蛋多士真心讚！黑松露配炒蛋其實本身已經冇得輸！一黎到黑松露味超勁！蛋炒非常滑，滿滿係多士上！厚厚既多士烘到好脆！加上佢既牛油香！美味呀！焗芝士海鮮保齡球係一個大麵包! 焗到脆脆既! 外面勁脆! 入面勁多海鮮! 魷魚、蝦、魚配飯!另外果碗係芝士! 用黎點麵包食真係好正! 芝士控必試! 最後係叫左安格斯牛腩撈一丁!佢既麵撈埋佢既牛腩汁好入味! 牛腩炆得勁腍身好好味呀! 仲有芝麻同蔥花調味! 而且個麵唔會太腍身! 正呀! 總括哩度既食物

古老當時興，這個策略，許多時也湊效，那管是堅古老，或是扮懷舊。深水埗的老鳳冰室，屬扮鬼扮馬的一類，學朋友話齋，走到店門口，會感受到一陣伏味。不過，任由你覺得佢點伏，人家生意好到不得了，排隊等食是必然事，近月更在附近最設了分店，命名老爺冰室。筆者一向勇於冒險，加上有咁多人客，我想此店也有一定值摶率。店內的裝飾擺設，對於90後的後生仔，可能會覺得好新鮮。對於廢中的筆者嘛，反而感受不大。設計成舊信封的餐牌，是其中一個賣點。打開信封，挑了邪惡的豬頸肉芝士撈丁。成品沒有巔峰期的新記出色，當然，新記亦已今非昔比了。豬頸肉幾香，口感仍不錯，加上有半件「好多事」，己收貨了。反而，杯熱奶茶，比預期中好喎！總算，搏得過，一次咁多啦~~

去完黃金  去埋高登   然後緊係去醫肚今晚我地去左間懷舊情懷茶餐廳當你一坐低 就一定會望一望係你側邊個信箱拎入面兩封信出黎  睇睇今晚食咩先當然 有做事前資料搜集既我  一定要叫返個 黑松露炒蛋多士賣相可能做唔倒100分  但係當炒蛋遇上黑松露既時候你係唔會想像倒佢地有幾Match炒蛋非常滑 一D都唔乾 一D都唔膩波波冰鎮紅豆奶茶+雪糕紅豆冰 要特別講下杯波波紅豆奶茶   飲左幾啖覺得好都係要等兩粒奶茶波溶溶地先飲諗住凍D好飲D 食食下先如夢初醒   將兩粒波波篤碎佢 成杯野即刻有口感左  仲透心涼左主菜要來了芝士豬扒撈丁芝士味濃 厚多士要好好點一點D芝士先食我最愛既芝士呀!!豬扒新鮮炸起  熱腔腔  唔油膩 焗芝士海鮮保齡球其實係一個有蟹柳 魚肉 魷魚 蝦 既焗飯飯係用炒飯底 保齡球包皮非常香口 下一次再去SSP 血併既時候  會再黎TEA一TEA 飲多次杯波波冰鎮紅豆奶茶

在公司附近既廳餐已經完全試混, 開始要係港鐵沿線既前後幾站找尋新既美味, 上星期同事傳來呢間冰室既OPENRICE資訊, 當時已被冰室既裝修吸引, 於是相約長假期後既今天一同前往品嚐.水吧上既老鳳冰室招牌十分SHARP醒, 好有懷舊味道.MENU放左仿古舊信箱既袋內, 老闆的確在裝修上有花過心思, 令本來普通既冰室變得不再普通.睇完MENU實在有太多野想食, 我最後點左花彫醉雞飯+波波奶茶, 而同事就點左肉醬意粉+波波奶茶, 先講講波波奶茶, 我每日都要飲奶茶, 係切切實實一名奶茶控,  跟餐可以點波波奶茶當特飲, 初時無為意特飲要加$14, 但後來飲完後先發覺呢$14值得一比再比, 波波奶茶茶味香濃, 所謂波波即是用奶茶制作既波波冰粒, 我地飲到落底都一同疑惑到底波波係唔係可以食既呢, 因為咁大粒冰如果係普通硬實實既冰粒一定會哎崩牙齒, 結果非常有驚喜, 未知老闆係如何制作到冰粒好似棉花冰咁樣一層層咁易咬, 我地食完哂野先食冰粒就正正好似食緊奶茶咪棉花冰咁,  好似叫飲品反而多了一道甜品.花彫醉雞飯 - 用笨子裝雞跟飯分開上, 花彫醉雞底部用青瓜墊底, 用汁黎送飯令人好快就食完碟飯而

店內裝修得好懷舊一入去已經見到大大個毛主席信箱內有兩封信餐牌好有心思不小心俾我見到'嚴禁放屁'4個字XD海鮮有魷魚、蝦、蜆肉、魚柳 好足料加左粉絲幾驚喜有好多椰汁 豬排夠淋有好多芝士汁用黎撈出前一丁好正豬頸肉幾爽口但就普通的一塊多士 冇咩味奄列炒得好滑內有好多火腿面頭淋上芝士汁有好多黑松露黑松露本身點少少已經好重味依家每一啖蛋都好多黑松露熱奶茶都幾大杯唔洗加錢好抵有好多粒菠蘿係上面味道酸酸地 幾開胃飛女好味買相已經滿分上面有營養早餐和朱古力餅再加d胚芽和阿華田粉增加左整個口感味道唔會太甜

環境充滿懷舊氣息，地方不是太大 ，亦坐得舒適服務我覺得一般蝦多土烘得剛剛好，蝦肉又不會太乾 ,味道幾好味麵包海鮮飯份量都夠,海鮮好新鮮。麵包好鬆軟,好好吃雞翼炸得太乾了,味道麻麻飛女可力味道太甜了上星期日陪朋友去黃金修理電話，朋友整完電話之後話不如去深水埗吃飯，她話上次去了老凰冰室覺得幾好,提議去老鳯吃晚餐，我之前見過有朋友推介，一於去試下這間新式茶記，的確而家有不少茶餐廳用冰室,冰室是70年代叫法,近年來出現以懷舊風格茶餐廳，我亦有去過幾間冰室 ,呢間老鳯唔止裝修懷舊，連食品名字好特別，這裡都幾難找,它的位置不近MTR,朋友話上次差點去錯第二間,我和朋友去到餐廳門口時,店員話係店員吃飯時間，因為餐廳冇掛休息牌 ,有店員都好好人 ，容許我和朋友坐在餐廳入面等到6:30,我覺得是員工用餐時間最好掛上休息牌 ，一般市民不知餐廳員工用餐時間，其實外面天氣太熱加上附近冇咩好行，我和朋友在等待時看下餐牌，我本來想飲波波奶茶，店員話已經賣晒,我轉叫飛女可力 ,另外要蝦多士，朋友叫了麵包海鮮飯+奶茶，另要小食雞翼併盤,我所叫飛女可力先來到，飛女可力有別一般可克力,呢杯有Cream在内，我覺得味道太甜

裝修好特別，似係一間好懷舊特別既餐廳，見人推介波波好茶，緊係叫杯試下，又幾特別，連D冰都係奶茶，一路飲奶茶味都冇小到！秘製雞羽原來係可樂雞羽，呢個一般唔特別仲要偏甜肉夾饃又係肉汁偏甜但很惹味芝士豬頸肉撈丁，芝士味唔夠，肉味正常！除左奶茶好飲，其他都係一般，下次去深水埗可以試其他野！

舊式冰室 食物多樣 有懷舊冰室食物亦有創新野焗芝宗海鮮保齡球 68 蚊好似農夫包整法 將成個大包刮空入面放入蝦 蜆 魚 魷魚等等既海鮮料 再加上用蛋炒底既白飯 成個用芝士醬焗， 一揭開個包皮蓋勁香芝士味 包皮焗得好脆 配以應該係主力以卡夫芝士整成既濃味芝士汁勁吸引， 而入面既海鮮飯十分夠鑊氣 海鮮新鮮得黎同芝士醬合而為一 , 一路食一路增添旁邊既芝士汁 一大享受肉夾饃 38 蚊肉夾饃本來係陝西菜 係將一d 肉碎連醬汁放入脆身既包入面一齊食 香口美味 .而良記係用軟綿綿 既包皮焗左一陣令到包身熱辣辣 , 而入面既豬肉切得比較碎口感唔錯 加上配以甜既醬汁 醬汁再配以少少辣椒吊味 開胃好食 雖然唔係正宗 但我覺得好啱香港人口味 黑松露炒蛋多士 38 蚊一塊厚厚出面脆身入面軟林既多士上面擦滿牛油 上面鋪滿住炒到半生熟既蛋 加上面勁多黑松露 . 已令人食指大動 黑松露好香 同林身充滿蛋汁既炒蛋好match . 而且蛋落足料 食落去十分飽滿滿足！芝士豬扒撈一叮 48 蚊用出前一叮 加卡夫芝士整成既芝士撈叮基本上唔會有得輸 再加上 煎得外脆肉軟既豬扒 豬扒同芝士合埋一齊食 都係必點之選！飲品方面都種

整完牙已很晚, 懶得回家再煮飯, 一個人便是是但但在街吃吧! 但今晚所來到的冰室並不是但, 不論裝潢和食物都下了不少心思, 令人驚喜。門外金光閃閃的大招牌極之搶眼, 成功招來不少途人。 招牌的設計並不簡單, 以70、80年代的電影海報為主題, 加埋昔日的電影剪影, 很懷舊啊! 門口貼滿冰室的菜式和報導, 還有一張十大必食的推介, 有數款都很吸引我, 快快入去吧!走進內裏, 更有特色, 如時光倒流, 回到70、80年代。牆上鑲了多幅懷舊的電影海報, 最搶眼莫過於是李小龍海報, 還有古老大鐘、舊式的快餐廳海報、黑白照片、每枱的舊信袋、放糖的瓷杯等等, 各處都看到冰室富心思的設計。小店地方小小, 左邊是一排四張的卡座, 另一邊則設有數張移動式的二至四人方枱, 枱與枱之間空間不多, 大家在冰室一向都係坐得親密一點, 並不介意。馬上開信, 開信? 無錯! 是打開設計成一封信的餐簿。店子雖小, 但菜式選擇不少, 而且很有特色, 有土砲小食、名菜、焗食、亂炒、撈丁、湯麵和飲品, 看來是傳統菜式, 但都經重新改良, 如加入墨松露的炒蛋多士、焗保齡球、選用安格斯牛、改用紫薯蓉等等, 果然非一般冰室。**

位於深水埗既一間懷舊主題茶餐廳食店內除了掛滿舊式掛畫外,餐桌旁都掛了一個舊式信箱, 客人從中找到MENU,連menu都是以舊信件封面設計,充滿住"想當年"既懷舊感...就讓我介紹一下這裡的特色飲品同美食啦~~~~------------------------------【波波冰鎮紅荳奶茶】HK$28好味指數：9/10出面既茶餐廳order一杯凍奶茶,9成都係加冰,d冰佔你果杯大半,飲兩啖就完,而且有時擺耐左,冰溶了就令成杯奶茶味道淡左⋯而呢間茶餐廳就有推出波波奶茶,「波波」係指有波波形既冰粒, 而呢d冰粒並唔係普通用水雪成,而都係用奶茶雪成,當奶茶冰粒溶既時候,都唔會令成杯奶茶既味道轉淡奶茶味道濃郁,茶味濃而不苦,香滑⋯再加上我貪心order既紅荳夠哂林,一杯就可以滿足我兩個要求,正啊！行行下街,推薦你黎呢度慢慢嘆一杯冰凍波波奶茶,一流啊------------------------------【焗芝士海鮮保齡球】HK$68好味指數：7.5/10很特別的一個焗飯,🎳保齡球其實係一個包,圓碌碌既包就好似一個保齡球咁⋯包係被焗過,所以外皮係脆,打開個包面,就係一個芝士海鮮焗飯。海鮮好足

今天放假去深水埗買電腦用品，知道附近有間懷舊冰室所以専程去懷緬一番🤔🤔🤔現時好多茶記已經時光倒流改名為冰室，從前只是快餐文化但今日已經系千變萬化的fusion 冰室了信箱一位系陳列品裝飾好似60～70年代，其實店內亦播放懷舊old cake(老餅）英文歌餐牌～鮑魚絲火腿通心粉～用扭扭通比一般有咬口及大粒、湯底亦ok,唔會有好多味精，因為我沒有口渇的感覺松露炒滑蛋加多士～是湯粉麪餐內的組合，松露香，滑蛋有流心蛋汁，好滑冇蛋腥味多士可能太少牛油所以唔夠牛油香味但入口也是鬆脆飛女可力～只是我對個稱號吸引了原來是粟米脆片和朱古力餅加入好立克而且還有胚芽感覺健康咗這是我飲過最好味的豐富足本版可力芝士粉好少茶記任客人落，值得比個like一個餐加個特飲收你$50+值得一去再去，淨係食裝修也值回票價而且味道又確實頂瓜瓜，識食一定要去試下

前陣子上open rice見到深水埗有呢一間餐廳想即刻黎試吓。雖然係夜晚食，不過見到黑松露炒蛋就好想試一試。呢個黑松露炒蛋，賣相都唔錯。不過最近係啲黑松露唔太好味，影響咗個口感，何故最主要嘅原因係入貨嘅時候冇揀到質素較高的黑松露，多士都係香噴噴算係唔錯啦。呢個火腿絲鮑魚通心粉同出邊普通茶餐廳冇乜分別，最大問題係特別細碗，好似食咗兩三分鐘就食完架。至於佢話係最出名既原味波波奶茶，話係嗰啲冰係奶茶係做，不過味道都還可以啦冇乜特別，但係好細杯囉，好似飲咗兩三啖就飲完咁。總括嚟講，就係冇乜特別呢個餐都要50幾蚊。

閒談講起早幾日見到深水埗兩間冰室的報導，友人說其中一家是另一家拆夥再開的。在深水埗的眾多食肆之中，引起注意，讓我心癢癢想去探個究竟。誰前誰後，對作為食客的我並不重要，選了友人推介的老鳳冰室。冰室的設計和佈置懷舊，牆上掛滿六七十年代的海報，用布彷製了不再復見的信箱，信箱內的兩封信，正是餐牌，甚有心思。有冰室的裝潢和氣氛，懷舊卻不殘舊，一切新簇乾淨。服務比茶餐廳較佳。店員介紹下午茶時間除了下午茶餐，老鳳土砲小食亦配飲品，凍飲加＄3，特飲加＄14。吃過午飯，選兩款輕盈的，淺嚐好了。原味波波冰鎮奶茶田螺型的杯充滿線條美，為一成不變的杯子添上新意，又可以容下浮上面的五粒波波。不過，廣受好評的波波冰鎮奶茶，質素正正常常，談不上驚喜。奶和茶的比例可以，甜度適中。冰鎮奶茶的精粹，在於以奶茶製成冰，即使冰融掉也不會把奶茶溝淡。效果做到，但冰粒的奶茶味欠香濃。飛仔華田沒有抱太大期望的華田，反而以賣相和豐富度先留下不俗的印象。地道的阿華田，沖得較濃而不過甜。上面一層忌廉，鋪滿阿華田粉和胚芽，還有數款不同的粟米片，有可可味和甜味，又增添脆口，最後加上一塊阿華田餅，大功告成。最喜歡阿華田粉在口內融成一團，又濃又