良記餐廳(老鳳冰室) (已結業)

現在的餐廳要吸引客人，除了好吃的食品是必然外，gimmick也很重要，沒有引人注目的賣點又如何製造話題?這家老鳳冰室是我偶然發現的，會勾起興趣正是它主打的懷舊風情。牆上掛滿老舊的相片、招牌、海報，古典的大鐘和鈔票，都是我從來沒親身接觸過的。卡座旁的布製信箱放著泛黃的信，原來正是menu，相當有心思。點了個下午茶，黑松露蝦球炒蛋多士。份量不大，普通多士的厚度，鋪上滿滿的嫩滑炒蛋，三隻飽滿的大蝦仁，毫不吝嗇的灑上黑松露醬，香氣十足。一點都不剩的吃完，還真的有點飽，也算對得起這個價錢。飲料當然要選冰室特有的波波冰鎮紅豆奶茶，上桌時嚇了一跳，冰球的顏色濃得像巧克力一樣，而且硬得無法鑿碎，刮一點下來一嚐，果真是濃香的奶茶味，值得推介。唯獨有一點不好的是紅豆都在杯子下半部，想要隔著冰球舀出來實在有難度。 整杯喝光光了，幾經辛苦才破壞掉其中一個冰球，果然實力堅強(笑最後就在我背後的收銀處，也能看到現今所剩無幾的大押招牌和燈箱。這一切，對我而言或許只是好奇而已，但對70、80後來說，著實是一個三五聚舊偶懷過去的好地方xD

放工同同事打完波...佢地帶o左我嚟呢間食晚飯~ 話呢度d撈丁同奶茶好正~ 一行六大一細入到去...店員就幫我地拍埋幾張檯~ 呢度d佈置都幾懷舊~ 個餐牌好似信封咁~ 勁得意~我地坐低o左再慢慢叫o野食~ 佢呢度d餐係全日制~ 有湯有o野飲都幾抵~ 尤其係夜晚食就最抵~  不過我散叫o左豬頸肉芝士撈丁配牛油多士~普通飲品都要加$8...於是我加特飲加$14~ 芝士撈丁好快有得食~ 份量都唔少~ 仲用焗盆上~ 熱辣辣~ 牛油多士都好快到~ 咬一口試試~ 超脆!!!d芝士係勁creamy勁好味!!! 打完波食呢d o野真係好鬼guilty呀!!! 最開心係飲波波奶茶~ 茶味香~ 唔太甜~仲有兩球奶茶冰冰o係入面~ 飲極都唔會淡~ 好正~ 我篤爛o左兩粒奶茶波波...仲變o左好似沙冰咁tim!!!同事叫o既紅豆冰有雪米磁!!! 飛仔華田又有d脆脆粒~估唔到呢度d飲品咁特別~ 下次一定要試呀!!!我見同事叫o既夏威夷焗豬扒飯都好大碟~ 黑松露海鮮炒飯又勁多料勁香~ 唔怪之得同事話午市勁多人排隊啦~ 

一個上午，帶不曾來過這裡吃東西的老婆仔來吃這兒的特色早餐，這次我的選擇是「芝士牛肉濃茄湯通」（$35）。一送上來，只見在橙紅色的蕃茄湯上，除了載浮載沉的通心粉、蕃茄和牛肉外，還有一團黃色的芝士浮在湯上，賣相挺誘人的。快快把芝士混和在蕃茄湯中，呷上一口，蕃茄湯味無疑是濃的，但芝士的味道卻如泥牛入海一樣，幾近消失無踪，實在令自己有點失望。雖然牛肉和蕃茄湯是及格的，但要是早知如此，我就寧願要其他早餐，又或是加十五塊錢多要一份, 前次試過，色香味美的黑松露炒蛋多士好了。

再承接「小食篇」後，就嚟到「飲品同環境篇」！我們叫咗懷舊雪糕紅豆冰、原味波波奶茶同飛女可力！懷舊雪糕紅豆冰嘅紅豆粒都幾大粒，紫色一粒粒係煙煙韌韌嘅香芋味雪糕糯米糍，味道相當香甜！原味波波奶茶嘅波波係將奶茶雪成波波形嘅冰粒，再加入冰凍嘅奶茶入面，就算啲冰溶咗都唔會令奶茶變淡！飛女可力係肧芽好立克，味道好香甜，加埋啲脆甜圈粒一嚟食，真係幾好味！店內嘅環境充滿懷舊風味，好多本人兒時見過或爸媽兒時見到，甚至更懷舊嘅偶像同物品，都可以喺呢度見到！

承接「美食篇」後，嚟到「小食篇」！我們叫咗肉夾饃、蝦多士、黑松露炒蛋多士同老鳳多士！肉夾饃嘅包質好煙煙韌韌，入面嘅肉肉質非常嫩滑，肉味亦好濃郁！係本人嘅必食推介！蝦多士炸得相當金黃香脆，多士嘅包質非常香脆鬆軟！黑松露炒蛋多士嘅炒蛋炒得極之嫩滑，味道好芳香濃郁！老鳳多士嘅材料好豐富，色彩好鮮艷，味道好清新！

今晚我們經過深水埗基隆街見到間「良記餐廳［老鳳冰室］」掛住張李小龍經典珍藏海報而吸引咗入去食晚飯！我們叫咗焗芝士海鮮保齡球、蜜焦薯仔牛柳飯、黑松露海皇炒飯、芝士牛肉濃茄湯通粉、芝士豬頸肉撈丁、台式肉燥鹽酥鷄扒飯同台式肉燥一字骨飯！焗芝士海鮮保齡球嘅賣相非常吸引，將個大包切開之後見到入面裝滿炒飯，夾埋一齊嚟食，令口感相當豐富！蜜焦薯仔牛柳飯嘅牛柳肉質好嫩滑，蜜焦汁嘅味道比較甜咗少少，但都幾惹味！黑松露海皇炒飯炒得鑊氣十足，加埋香濃黑松露，令到味道更加惹味！芝士牛肉濃茄湯通粉嘅湯底非常濃郁，他們嘅通粉係用扭扭通粉，口感好煙韌彈牙！芝士豬頸肉撈丁嘅豬頸肉肉質好鬆軟，芝士汁嘅味道亦好香濃！台式肉燥鹽酥鷄扒飯嘅鷄扒炸得好酥脆，肉質好嫩滑，肉燥嘅味道調教得恰到好處，唔會過鹹！

身為港島人，難得去一次深水埗，梗係要揀間「地道特色小店」啦！老鳳冰室外表平平無奇，但食物就並非一般茶餐廳既男人浪漫飯或者show me your love飯，而係好多特色小食，整到我地樣樣都好想試！我地揀左聽都未聽過既肉夾饃，外面層包煙煙韌靭，幾特別，入面既肉嫩滑濃味又香口，啱晒重口味既我！如果冇果d綠色野就perfect！ 仲有老鳳多士、蝦多士、芝士豬頸肉撈丁、原味波波冰鎮咖啡同埋咖啡波波冰鎮奶茶，全部都好好味！勁飽呀！老鳳多士上有黑松露，如果可以有更多黑松露，冇晒青椒同燈籠椒就好啦！旁邊有一小碟沙律，入面好明顯加左柚子蜜，好香好清新！蝦多士炸得比較過火，睇落都覺得係過分深色左，食落有點乾同硬。呢個蝦多士都伴有柚子蜜沙律。 芝士豬頸肉撈丁睇落好細碟，但少食多滋味，食落係好飽好滯架，呢個份量啱啱好！伴碟果塊多士都好好食！ 本來想叫原味波波冰鎮奶茶，不過咁啱冇晒奶茶波波，所以我地揀左一個原味波波咖啡，一個咖啡波波奶茶，咖啡波波溶係奶茶入面，就變成鴛鴦啦！ 下次仲想試黑松露炒蛋多士，見隔離檯既人叫左，蛋同黑松露既份量多到瀉晒出黎，唔知味道又如何呢？

我平時好少寫食評，但今次不得不寫出嚟俾大家知道。難得同媽咪去呢間餐廳食早餐，叫咗兩份早餐，但兩塊多士好似塊白麵包咁，於是要求再烘過，但個侍應（中年女人）反應係'下'咗一下，拎走咗兩塊'多士'。過咗一陣，同一位侍應笑笑口咁放底咗兩塊多士，我見到後，問佢你係咪諗住俾我食呢兩塊多士，佢望住我笑，我相信各位客人望到呢兩塊黑色嘅多士都會覺得唔可以拎俾客人食，但呢位侍應將塊多士烘到咁燶都照拎俾客人食，之後佢見我拎部手機準備影相時，佢立即想收返兩塊多士，咁其實即係佢都覺得係唔可以拎俾客人食㗎啦！今時今日我相信大家係求味道好味之外，都會好注重服務態度，咁嘅服務態度我係唔會再光顧！！😤😤😤

星期日放假又同朋友食好野，今次食既係排長龍但仍然好多人食的老鳳冰室。起初，朋友提議深水埗冰室，我以為是老舊裝橫略污糟， 座位仍是硬板櫈的傳統冰室，怎料是環境既乾淨又頗舒適～點餐前，雖然全場爆滿十分繁忙，但店員仍友善勤快地遞上餐牌。點餐時， 我們點了必食推介 黑松露炒蛋多士，平民價$30就食到香濃的黑松露，滑嫩的炒蛋，香口的蛋汁，簡直是味覺享受！另外，我們點了 老鳳雞翼，滷水汁入味，雞肉細嫩，加上芝麻更滋味鮮美。我們及對面情侶打算喝招牌特飲 波波奶茶，可惜在中午前已售完，大感失望  唯有下次選早上光顧， 順便再試其他芝士撈麵系列...總結，平靚

試了,黑松露炒蛋多士,茄汁豬扒飯,口水雞先講黑松露炒蛋多士味道幾好,不過件多士就一般了,幾濃由於本身我只想食蛋,所以件多士有點多餘如果計埋件多士,我對這食物的評分就會有所下降如只計炒蛋,10分我會比9分,10/9但計埋件多士,10分我會比7分,10/7件多士最大的問題就係濃講返隻蛋,幾大份,份量方面我幾滿意,不竟收了我30黑松露陣味我唔太喜歡假如你喜歡黑松露,咁這隻炒蛋,你一定會滿意因為好大陣黑松露味,而且重有好多黑松露就算唔要黑松露,隻蛋都好食茄汁豬扒飯其實我係叫錯了,我之前睇網友食個豬扒飯又見到只有茄汁豬,我就選了茄汁豬其實我是想試網友有件菠羅果種不過茄汁豬扒飯我幾滿意,好食過大家樂d蕃茄仔,有點多餘,同個飯隻味完全唔夾同樣去除了蕃茄仔的問題,這個飯10分我會比8分,10/8如果連蕃茄仔一起評分,這個飯我會比7分,10/7蕃茄仔酸,但個焗飯的汁係甜,兩者並唔夾感覺係兩樣野,夾埋一齊食,分而令到個飯變得難食由於他的蕃茄仔可以分開唔食,所以個飯整體上係滿意但係扣分的主要原因係,個飯個炒飯底,係濃....我唔係食煲仔飯,所以我唔希望個焗飯個飯底係濃的最後係個口水雞,最令我唔滿意就係佢原先

今日去深水埗買野，路經一間新開既冰室，比餐廳內既懷舊裝橫同門口吸引呢度主打老香港情懷，牆上既懷舊報置幾有心思食左個芝士豬頸肉撈丁，同新記芝士撈丁口味有啲唔同，呢度既芝士汁味幾出，芝士汁無咁結身仲有想試下呢度出名既波波冰鎮奶茶，好可惜賣曬，唯有下次再黎之後叫杯「飛女可力」，即係凍可力~~加左肧芽，纖維豐富飲落甜甜地唔錯，好飲，仲好有童年既感覺另外黑松露炒蛋好正，香味好濃郁，炒蛋軟滑

晚上匯合男友買了東東後，基隆街周邊的店舖也相繼關門，街上就只有路燈照明，跟白天的熱鬧可謂天壤之別。走著走著，來到燈火通明的《老鳳冰室》，這刻變得相當顯眼。兩口子是特意前來的，是因我早前見有人於instagram上載食店的照片，覺得環境及食物看來不錯，於是跟男友提議到來。「料理農務」，跟廣東話其中一句髒話同音，不過這四個字就顯得較「含蓄」。店內都是富玩味的佈置…個人尤其喜歡這信箱造型的布袋，除了綠色外，還有紅色及仿鋁鐵的顏色，好可愛。信箱上還放了兩封「信」…其實是店子的menu…每檯桌上均放有糖、鹽、胡椒粉及美極，當中更有冰室／茶餐廳少見的芝士粉及tabasco。兩口子點了兩份晚餐，店員先奉上中式餐湯，湯頭估計是以豬骨及雞件熬製。男友的蜜焦薯仔牛柳飯（$48），賣相比同類型的冰室／茶餐廳對辦，甚至有點西餐感覺，更以雜菜沙律伴碟，相對來得均衡多了。不過我沒吃這個，故未能置評。我的菠蘿焗豬扒飯（$40），面層放上一片罐頭菠蘿，另加彩椒粒粉飾。店子特意把豬扒切件，吃來更方便，蛋炒飯底亦夠乾身。醬汁內混入肉碎及少許芝士，微甜但應該不是番茄醬。整體味道跟坊間的焗豬扒飯有點分別，不過尚算討好，惟吃畢

今晚同老公去試新野！我地去左老鳳冰屋，走懷舊風格，正！👍🏻我地叫左口水雞、黑松露海皇炒飯，味道唔錯！老公說口水雞好麻辣，雞肉都好嫩。至於我的炒飯，海鮮都幾新鮮，而且黑松露味重，用料十足。我仲叫左杯波波奶茶，里面仲有三個波波球，好濃味，正啊！食完見到隔離台叫了焗安格斯牛腩保齡球，樣子好吸引。下次再試！

在無線電視劇舊版「愛回家」中，常見劇裡的演員在飯堂中吃「黑松露炒蛋」做早餐，原來現實上，一間位於深水埗，名字原先叫「良記餐廳」，擺明是搞搞新意思，改名叫「老鳳冰室」的港式茶餐廳，竟然都有「黑松露炒蛋」做早餐。不知是不是因為生意難做，競爭太大，要殺出一條血路的關係，這茶餐廳刻意劍走偏鋒，想出不少點子以招徠顧客。不說別的，就只說它店裡的光管招牌內，除了店名「老鳳冰室」四個大字外，還有「料理農務」四個令人摸不著頭腦，不知道為甚麼要放在這裡的疑似諧音粗口字，而在這四個字之下，則有「波波奶茶」、「松露炒蛋」、「焗保齡球」、「飛女可力」、「飛仔華田」、「老鳳公子」等字眼，確是有趣。餐廳刻意走上懷舊路線，餐廳內多的是七、八十年代的彷古懷舊海報、香港老照片和其他舊物，就連掛在彷製金屬信箱中的餐牌也甚有心思地設計成發黃舊信封一般，創意十足，同時也令人發噱。翻開這精緻的餐牌，裡面無論早餐、小食和飲品，不少都是較為特別的款式，又或是有一個令人莞爾的名字，令人不禁躍躍欲試。這日早餐我吃的東西本來其實不怎麼樣，雖說「自家回鍋肉湯上海幼麵」（$26）是較為特別，特別是那些回鍋肉的口感和味道不差，不會只得死鹹和死辣

當時代進步往往有人歡喜懷舊一番！用新裝修仿舊冰室，中湯配油多士，照玩芝士撈丁款式不多。不得不提波波奶茶紅豆冰、波波冰用奶茶雪飲極都有味紅豆夠大粒茶味濃滑，價錢偏中上價座位迫小小食完好走佬。