良記餐廳(老鳳冰室) (已結業)

因之前在網上看到，覺得無論食物或裝修都很吸引，今次難得來到深水埗於是專程試試這間老馮！尋找期間發現有間冰室裝修得幾乎一模一樣，起初以為是分店，怎料來到真老馮門外卻貼上「只此一間 絕無分店」，相信是有人乘機混水摸魚沾沾名氣只此一間 絕無分店連餐牌的設計也十分特別店內環境佈置充滿著懷舊氣氛芝士豬頸肉撈丁配牛油多士 - 分量比想像中少，本以爲多士會另上，怎料一碟過。多士沾了旁邊的芝士，配合原來的牛油，吃起來原來味道挺夾的。芝士汁剛好，撈起來不會因醬汁太多而導至過鹹，配合軟硬適中的麵條，不錯另外豬頸肉像燒烤過，吃起來有微微焦香肉質彈牙！黑松露炒蛋多士 - 一呈上時已覺十分吸引，炒蛋炒得恰到好處，不會過熟還留有少少蛋汁，想不到嫩滑水彈不只可以形容肌膚，還可以容易炒蛋黑松露醬沒有半點吝嗇，平均地覆蓋著炒蛋之上，配合底下香脆的牛油多士，簡直是無得彈飛仔華田 - 一杯凍華田上鋪滿了Cream可可脆片蜜糖星星肧芽還有柯華田夾心餅，真是睇見到開心，可惜主角被搶戲了，華田沒有華田味，味道只有甜但感覺奇怪，喝一次便夠了原味波波冰鎮奶茶 - 奶茶中放了兩大顆奶茶波波，當波波慢慢溶化，奶茶味亦慢慢變得更濃，在這焗

有句說話：「唔好當我老馮」不過此「老鳳」不同彼「老馮」依間係深水埗既老鳳冰室就咁睇個門口都好有霸氣入面裝修都有點玩味仲有個燈箱寫住招牌菜每個食物名都好特別左下果兩本就係餐牌黎而右下果個係砂糖黎店內全部佈置食物都襯過晒睇得出店主既心思話晒係招牌野飲小妹點左「波波奶茶」$24（左）佢用奶茶黎做冰圓形波波咁奶茶味唔算澀口另外「飛仔華田」$20（右）華田都幾濃味（小妹係其他地方飲過，好淡味，溝左勁多水）價錢都唔算貴呀而且都好大杯上面的cream好彩唔算好濃如果唔係飲晒成杯都幾飽Cream上面放左塊朱古力夾心餅同埋早餐果啲可可脆變左杯華田有得飲又有得食再講下佢招牌野食「焗保齡球」小妹揀左「焗肉醬保齡球」$68可配飯或意，小妹揀左意粉黎到都幾大份，有啲怕食唔晒因為佢係將一個圓形既包挖空中間再放肉醬意粉另外再有兩碗汁係配麵包食分別係芝士汁同肉醬芝士唔算係好濃果種，所以唔會好膩食下食下意粉連包都食埋好似好大食咁除左依個，仲點左「肉夾饃」$38我第一眼見到即諗起台灣的「刈包」當然依個同台灣的唔同台灣的是五花腩依個係肉碎不過個包都係依種包而且入面醬汁甜甜辣辣，好開胃店員指記住襯熱食可能怕放耐左，入面醬汁會

傳統冰室晌香港賣少見少，執一間就少一間，不過，近幾年又興番起啲懷舊冰室，雖然只可以叫做「仿」冰室，但內裡嘅陳設卻又幾令我依等中坑懷念 。之前曾幫襯過羅麥記、南龍、金記好幾間懷舊冰室，從食友嘅食評見到深水埗都有一家「老鳳」，我作為半個深水埗人，無理由唔撐吓喎 ，是夜就「老奉」撐場，順便落鴨寮街買個USB充電插座將來旅行用。被標籤為懷舊冰室，懷舊嘅裝修喺賣點之一，入到店內，懷舊之物一件接一件，古老大鐘、懷舊電影海報、黑白舊相、舊式廣告……件件都入型入格，務求讓大家重溫70年代嘅情懷 。大家明白，鋪租貴，地方淺窄，搭枱喺潛規矩。卡位旁掛起嘅「信箱」所插住嘅信件就喺餐牌，而個信箱印住荷里活道大酒店，第一時間就諗起尹光首「荷里活大酒店」：荷里活有間大酒店，有三個肥呀婆學踢波，學踢波，你又踢，佢又踢，卒之就踢咗落河…… 尹光喺乜水？可能好多90後都真喺唔多識佢。始終都喺冰室，嚟嚟去去嘅食物款式都喺嗰幾大類，小食、一丁、通粉、碟頭飯、奶茶、咖啡……等等，價錢亦算相宜。不過，睇得出店主晌菜式上都加咗唔少心思，改良、變革令菜式加啲亮點，唔喺單賣環境，希望食物都為客人帶嚟點點驚喜 。此外，枱上放

我之前確實食過本店,味道和裝修都是值得一去所以介紹朋友去食野，但某天我和朋友去的時候正好撞啱本店食飯時間，所以店員聲稱不招待客人請稍後，但事實上他們沒有掛牌暫停服務或其他請稍候等等，只是我們想坐下看餐牌，沒有要求order，但當時店員已經黑口黑門示意我們很阻外他們食飯時間，但其實店內亦有其他人像我們只是坐著等，如果餐廳有這樣的服務規限我們絕對不會這樣妨礙和打擾本店，如果本店不想在這時段做生意，絶對可以禁止我們進入本店和坐下等候，不用令本店招待客人有難堪的感覺

早前在OR 看到茶記的文章，已勾起我對茶記某些食物的慾望。是晚，老公說有事要到深水埗，我就乘機tag along, 並試一下這間身邊朋友都推介過的懷舊冰室~ 一入門口，店員見我腹大便便，立刻安排我坐卡位，而且態度友善，很窩心~ 一如其他食友所評，店內裝潢很懷舊，很多50-60年代的poster, 而我對牆上大掛鐘最感興趣。說到食物，我倆第一次到訪，基本上都一定點大家所推介的，一試其招牌菜!飲品篇: 飛女可力 非常搞笑的名字! 這杯可力份量十足，面頭有不少可力粉，加一塊可力餅乾和大量cream，非常澎湃呀! 而且也不是光有賣相，味道也相當濃郁。我倆都很怕一般茶記那些只有色但無味的可力，真是慘飲水! 所以這杯濃味澎湃可力，我們都要給個 雪糕紅豆冰 孕媽媽竟然可以飲雪糕紅豆冰，多得店方選用雪糕糯米糍，老公都放心一點。又一份量非常巨型的飲品，內有3粒芒果味糯米糍，和大量cream大量紅豆。夏天的透心涼，是我喝過最正的紅豆冰之一 食物篇來到食物篇，不得不先由最多人點吃的 黑松露炒蛋多士 說起。這也是我此行的目標之一。黑松露醬的芳香大家都很熟悉，而其中一人個百搭的食材就是炒蛋。這

下午tea一tea....只係叫左蝦多士同黑松露炒旦多士加2杯波波奶茶，蝦多士炸左但唔油黑松露炒旦多士黑松露份量足料，唔會好似北X道X場咁求其點一點黑松露賣$50冰室食品，星級質素！當然也是星級價錢但推薦下次要再黎試下其他食物

聽同事介紹屋企附近有一間好味的Old School茶餐廳，一直記在心裡要試試。這天放假，反正在屋企附近，就動身一試。入內才發現所謂的Old School只是裡面的裝修Old School而已，而不是真的開張已久的舊式茶餐廳。信封樣子的Menu放在可愛的郵局裝飾內。一個人但各樣都想試，最後點了一個醬皇大蝦球撈一丁(配芝士牛油厚多) ($58)加一杯凍奶茶和黑松露炒蛋多士($38)。醬皇大蝦球撈一丁($58)一丁麵上放了大量的XO醬，而且蝦還真的是很大隻，賣相已經非常吸引。麵煮得剛好，還有點嚼勁。加上大量XO醬的香味，帶點微辣，十分惹味。大蝦有3隻，每隻都很爽很結實。本身一丁和蝦都是沒有什麼味道的，不過加上XO醬後，則成為很合拍的一道。厚多士焗得香脆，但牛油不夠多不夠香，芝士亦失蹤了。凍奶茶，個人覺得是整餐最失望的一個。茶味很淡，奶味也不夠，所以質地不夠厚。黑松露炒蛋多士($38)單看賣相見到炒蛋還保留很多蛋汁，便已經知道蛋一定很滑。果然炒得很滑，配上多士真的一流。黑松露份量多，也聞到其香味，但食起來沒有什麼味道。雖然覺得這裡還有進步空間，不過看見Menu內其實特式食品，和對面檯點的那杯超

人，無可避免地要被時代的巨輪推著走，但長大了，卻更覺舊時美好。可是我們越想保留和愛惜的集體回應和本土情懷反而不斷受到衝擊。老街坊小店相繼消失，變成倒模式的大財團連鎖店。是進步抑或退步？月初的時候和媽媽去了大南街的CAFE SAUSALITO食BRUNCH，走去地鐵站時碰巧經過老鳳冰室。媽媽立即被門面吸引，停下腳步細看餐牌。媽媽娓娓道出在六、 七十年代冰室在香港相當盛行，可以說是茶餐廳的前身。但當年她節衣縮食，不捨得去冰室，偶然機會下有人請她去冰室飲了第一杯蓮子冰，那份滋味，永世難忘。後來她和爸爸談戀愛，在冰室度過不少美好時光。冰室，是他們那代人的回憶。我是生於茶餐廳年代的90後，但我對老香港也有一份眷戀，對60－70年代那段時期的歷史特別有興趣。這天趁著放假，遂帶媽媽回到舊時，緬懷過去。在香港這個寸金尺土的大都市，大部分冰室已經式微。老鳳冰室其實是仿懷舊冰室，裝潢頗具用心，牆上掛滿李小龍、可口可樂、舊啟德等海報及廣告招牌，還有用來擺餐牌的帆布造鐵信箱、放餐具的搪瓷漱口杯，令人恍如置身60－70年的舊冰室。媽媽的少女回憶一下子回來了，不斷跟我侃侃而談往事，這兒帶給她的，是難以言傳的熟悉感

又去食啦第二次黎今次飲下飛仔華田先，尼杯好重量級啊，跟餐加$14蚊，入面有華田，仲有一pat cream上面有華田果塊餅餅，有細個食既朱古力早餐脆片同星星蜜糖脆片，好好飲味道好濃，比較驚喜係飲到底個味仲好濃啊😋我地叫左黑松露炒蛋多士，多士烘得脆脆，多士塗上牛油有啖啖牛油香，松露有好多啊一點也不小，蛋好滑啊唔會老一齊食好好味。另外仲叫左芝士豬頸肉撈丁，金黃色既芝士醬好邪惡啊，醬好多呢，啖啖都撈到芝士，芝士唔會太咸剛剛好，記得襯熱食啊，凍左就冇咁正咖啦，豬頸肉仲好淋添而且份量都幾多架，撈丁仲會跟塊厚多士，烘得好脆有芝士香同牛油香，滿意滿意😋另外叫左芝士黑松露火腿奄列，邪惡停不了，到底食左幾多蛋落肚呢？但又好正啵，好愛食蛋，尼個奄列上面除左松露醬外仲有一堆芝士啊，同樣地炒得唔老，好滑好味道😛

今日幫朋友選購一些布料就來到深水埗來一趟。發現此店門口有數人在等候攞位即刻打動了我都想試一試呢間茶餐廳。因為是一個人的關係不需要輪候的就可以直接入座。我叫了芝士豬頸肉撈一丁及波波奶茶。波波奶茶味道不錯。冰粒是用奶茶製成。食完麵後仍飲到濃濃的茶香奶茶味道。 反而芝士豬頸肉撈一丁就令我十萬個失望了。豬頸肉很咸，出前一定係未煮熟的。麵硬得很。芝士的醬汁亦如事-偏咸。 反而跟一丁的多士尚算toast 得香口。將多士沾上了芝士汁，味道配合。因為芝士夠咸所至吧嘛！😆總括來說，我如有機會再到深水埗掃貨，我仍然覺得可以多比到機會給此店品嚐他們其他的出品，原因是因為我feel 到此冰室的員工是有heart 去做的，一丁和豬頸肉可能是一時失手而已！😌

去開深水埗買野，同行朋友話有間冰室唔錯，所以去試下。一去到見到個門面和裡面裝潢設計真係好特別，好令人懷念昔日既香港。黑松露炒蛋多士：多士烘得脆卜卜，配上嫩滑炒蛋同勁多既黑松露，每食一件都有濃濃既黑松露香傳出黎，真係好好味。芝士豬扒撈一丁：豬扒好＂淋＂唔痴牙，好岩我呢Ｄ無咩牙力既人食，芝士汁好濃香，唔同我平時食茶記果Ｄ白汁整既芝士，而且仲好多汁，撈完公仔麵食，每啖都好夠芝士汁，好正好好味。原味波波冰鎮奶茶：聽朋友講呢度既波波冰鎮奶茶好出名，所以就試下，用奶茶雪成既波波冰，粒冰溶晒之後杯奶茶都仲係咁茶香濃味，真的不錯。波波冰鎮紅豆奶茶：奶茶波波冰配上紅豆，又多左份口感，更加好飲。焗芝士海鮮保齡球：硬豬仔包烘得好香脆，裡面有魷魚、蝦、魚塊、蟹柳等等材料既炒飯，配上濃郁芝士汁，食落相當飽肚。

同女友行開深水埗，佢話附近有間茶記d人話幾好食，我有冇聽錯、女友主動話食茶記點左個松露炒蛋，好香黑松露醬味道，蛋亦炒得好滑溜juicy，好好味！另外點左個麵餐，原來都有炒蛋，一樣咁滑，仲有薯蓉伴肉醬，d薯蓉都好幼滑，個醬係肉醬意粉d醬，都幾match芝士茄牛麵，個湯濃味得黎唔係好番茄，有d怪，d牛肉普通貨但都嫩滑整體黎講唔差，個裝修都好得閒，懷舊feel，深水埗區黎講都有幾多女士食，難怪女友會想試

深水埗的老鳳冰室大賣懷舊，餐廳內掛滿七八十年代的香港街景、廣告、海報，店內招牌更印有一句有聲的「鬼叫你窮呀頂硬上」，很本土。餐桌上的擺設同樣有心思，放餐牌是仿製唐樓的舊式郵箱，餐牌封面就像舊信封，那個「為人民服務」的水杯，是用來盛載砂糖的。裝潢走懷舊風，老鳳冰室卻並非只售賣一般的多士、奶茶，而是選取冰室較少見的食材，或是將常見食材mix and match，並為它們改個特別的名字，看看餐廳內的燈箱，便知一二，gimmick就由此而來。黑松露炒蛋多士($38)，餐廳用黑松露在蛋上畫了個心型，多士上桌時熱辣辣，黑松露香氣撲鼻。我們立刻把多士切成四小份放入口，炒蛋嫩滑得不得了，黑松露的香在口腔中散發，多士很脆，不會硬，很值得一試。肉燥鹽酥雞扒飯($48)，肉燥的份量非常多，而且充滿肉汁，配炸得酥脆的雞扒就晒好不過，特別欣賞肉燥加入辣椒粒和香蔥粒，使整份肉燥飯更惹味。安格斯牛腩撈一丁($48)，把兩種完全不相干的食材放在一起，很有創意。以牛腩汁取代芝士撈丁麵，少了芝士的膩，可惜的是牛腩汁有點過甜。在老鳳冰室，最值得一試的就是原味波波冰鎮奶茶($24)和原味波波冰鎮咖啡($24)！把奶茶和咖啡雪

本人第一次到這間茶餐廳，在此再看食評, 見个个讚, 諗住無死啦…就順便行開深水埗, 下午茶走來試下, 点了黑松露芝士火腿奄列$42+奶茶(叫了茶走), 那奄列，蛋冇蛋味, 芝士味冇芝士味, 只有黑松露味，失敗之作, 奶茶完全冇奶茶香味, 唔滑......另外，我也有買外賣走, 諗住晚上不煮飯, 買給姐姐吃，焗芝士海鮮飯+波波咖啡(特飲)，飯完全冇芝士味, 也很難食, 咖啡也難飲，飲至第三啖，唔知咩味.....，家姐食度悶悶不樂.....一定再冇下次 !！

深水埗美食不勝其數，各具特色。這夜，冰決定一試>>>良記餐廳(老鳳冰室)<<<。其中一個決定一試的原因，是其裝修。風格走懷舊香港路線。在「地踎」的深水埗找到講究裝修的餐廳，加倍吸睛。另一個決定一試的原因，是其食物。這是餐牌，繼續其香港昔日情懷風格。選擇甚多，部分可謂獨家項目，非常吸引。名字獨特的焗芝士海鮮保齡球 (HKD68)，外型十分可愛。焗飯熱騰騰，伴以青椒粒，豐富口感之餘，添點纖維也是平衡飲食之道。看似不太大的一客飯，其實相當飽肚，可別忘了焗飯外邊的麵包也可吃掉的哦。冰的食量不多，麵包吃不下了，就只吃飯。芝士汁分開上，可按個人口味調節份量。海鮮種類眾多，從魷魚、蝦、魚柳到蜆肉一應俱全，甚至找到蟹柳及碗仔翅，非常有趣。是餐飲品原味波波冰鎮奶茶 (HKD24)，名字非常得意，也令冰不得不點一杯。以奶茶造成球狀冰塊，確保味道不會變淡，誠意之作。奶茶的甜度、茶香與奶味十分平衡，控制得非常出色，必試之選。飲過奶茶，可愛的波波還健在，未有溶化。餐廳位於基隆街216號地舖，不難找，尤其晚上招牌很是耀眼。喜歡港式美食的話，值得一試。