良記餐廳(老鳳冰室) (已結業)

因為要黎深水埗買sim card.就順便發掘附近嘅餐廳.依間冰室 門口企咗勁多人.就1於試下佢.要拎飛.我問櫃枱要等幾張枱佢直接話好快.睇得出佢好想留住啲客既然佢話好快 就等下佢啦果真. 等咗3個字度就有位.入到去 同啲1般冰室1樣擺好多懷舊野.啲餐牌都幾特別係門口睇到啲雜誌推介 要嗌特飲. 同黑松露炒蛋多士.糖水不論中式 新式都有啲特飲真係值得嗌!!個海鮮保齡球配濃濃芝士汁 雖然汁偏咸但都值得試!黑松露炒蛋冇得頂!!整體食物冇令人失望唯1唔好係 佢set死晒啲配搭.冇得隨意揀.同埋偏貴.

老鳳冰室門外已經看到其吸引之處，懷舊風格裝飾，十大必食推介，入去試試再講。當日極熱天氣，沖入冰室立即感受到熱氣全消，冷氣夠強大，地方寬敞又舒服，估唔到冰室既有懷舊感，又帶時尚新穎氣色。先看餐牌點餐，好特別的信件，原來餐牌來的，影相打卡研究一下。點完食物，放回餐牌時，又有驚喜啦，信箱形布袋，用來放餐牌。店主的心意你明啦，風趣地玩懷舊，交足功課。細看周圍都是老回憶，當然小妹不是那個年代，但以前的海報、押擋的屏風牌、大燈泡招牌......等等，我都感受到懷舊味道。食物妹快送到，餐具放在旁邊的櫃內，一格格分類好，很方便又衛生。黑松露炒蛋多士 $38，嘩！黑松露超香，用料十足。厚切多士口感好好，厚身每啖都迫滿口腔，而且多士烘得脆卜卜，加上炒蛋又嫩滑，蛋味濃。黑松露配滑蛋好夾好好味。濃香滑。芝士豬扒撈一丁 $48，豬扒大大塊切成三件，醃得夠入味，肉質鬆化不痴牙。芝士汁味道濃郁鹹香撈彈牙出前一丁麵，每啖麵得有好多芝士汁，好正好滋味。仲有芝士牛油厚多士，同樣厚身外脆內鬆軟，好滿足。焗芝士海鮮保齡球$68，保齡球即是硬豬仔包，但比平時特別大個，整個包麵烘得超香脆。裡面裝薯芝士焗海鮮飯，有魷魚、蝦、魚塊.

這家冰室的門面相當舊式，以紅白相間的燈泡圍著門牌。它還以舊式戲院為主題，寫著「不日放映」四字，並在菲林膠帶上展示「放映中」的電影。懷舊燈箱上標上了餐廳提供的食物及飲品，很有格調。我們點了這裡最有名的波波奶茶及波波紅豆冰。奶茶上浮著的波波冰塊也是由奶茶製成，故喝到最後也不會因冰塊溶化而令飲料變淡。奶茶的茶味香濃，與奶香配合得宜，很喜歡這種港式味道。說到「港式」，當然少不了紅豆冰。而這杯紅豆冰的亮點莫過於漂浮中的雪米糍波波！粉紅色的糯米皮煙韌得很，包裹著荔枝味雪糕，很棒呢！白色糯米皮的波波則包裹著雲喱拿味雪糕。然後點了黑松露滑蛋多士。你看它的黑松露，份量也給得太慷慨了吧？身為黑松露迷的我們立即雙眼發光！滑蛋十分濕潤，調味剛好，而愛吃半熟蛋的我覺得生一點也可以呢。另外還有一客蝦多士。它炸得非常香脆，咬下去有「咔嚓咔嚓」的聲音（不是相機快門聲啦，因為相機那時候已經吃飽飽了）。蝦味不太突出，但以炸多士來說它挺好吃的。

放工和朋有往龍鳳冰室食dinner, 我們點了芝士朱扒撈丁, 波波奶茶、芝士海鮮保齡球和老鳳多士, 芝士朱扒撈丁芝士味香濃, 朱扒和出前一丁好入味, 朱扒夠份量, 芝士不會太鹹,配上的多士, 夠熱夠香脆, 配上芝士食落更惹味；波波奶茶好有特色, 無冰奶茶配上兩粒波形的「茶膽」,使奶茶keep 住茶味,不易變啖,美味的特飲；芝士海鮮保齡球, 保齡球其實是芝士海鮮炒底焗飯釀朱仔包, 朱仔包好香脆, 配上附上的南瓜汁, 食落口感特別,海鮮好足料, 有白汁魚塊, 大蝦和蟹柳, 海鮮新鮮, 魚塊, 大蝦和蟹柳份量好大塊, 飯底焗得夠熱好香滑, 朱仔包一包幾食, 有不同口感享受；老鳳多士有黑松露, 蕃茄粒、茄汁和芝士, 多士烘得乾身爽脆, 而且切得細件似pizza般, 夠熱夠脆,黑松露好香濃, 蕃茄粒好爽口, 配上茄汁和芝士食落好開胃, 配上新鮮沙律, 令整份多士食得多重口感! 餐廳以懷舊格調為主, 好有特色的信封menu和信箱, 值得去的特色餐廳

一踏入門口，徐徐聽到鄧麗君既歌聲裝潢懷舊，有唔少海報，好似李小龍，共產黨咁，好似去左歷史博物館咁，好得意點餐前，店員姐姐俾左個蛋糕仔小朋友食，好窩心叫左個炸雞脾配芝士焗飯，雞脾個皮都幾脆，不過炸得有啲燶，搞到有啲肉好乾。芝士焗飯唔錯，芝士好香，都幾juicy。menu有好多特飲都想試，最尾叫左波波奶茶，好濃滑好香，同一般茶餐廳一大堆冰碎浸到淡而無味好大分別。放假無野做，可以過黎食下拍下拖。

呢間港式冰室近期推出咗一啲特別嘅野食，所以就決定孝敬父母，帶佢地食茶餐廳之餘，都可以食到啲特別嘅野~呢到裝修都係用咗港式嘅懷舊原素，好似餐牌係信封造型，再放係個布製嘅復古信箱到，所以父母黎到都幾開心，可能諗番以前啲回憶掛野飲上枱先，一杯係原味波波冰鎮奶茶，而另一杯係益力多沙冰前者係用奶茶雪成一粒球狀嘅冰粒，可以保持奶茶凍冰冰之餘，亦都唔洗驚冰粒溶化而溝稀咗奶茶嘅味道，同埋啲奶茶冰溶到一定程度嘅時候，可以用匙羹整碎啲冰，咁就變成奶茶沙冰喇～而呢杯奶茶，奶味比較重，都微甜，但係係我反而更鍾意呢個味道後者就簡單咁將益力多同冰倒入攪拌器到攪匀，所以有酸酸嘅乳酸菌味，同碎碎沙冰嘅口感，都幾開胃口黎之前就決定咗一定要叫黑松露炒蛋多士，黑松露同炒蛋幾時都係絕配，而呢到炒蛋份量仲多過多士，睇落非常澎湃啊!!! 炒蛋非常滑溜，配上離遠已經聞得到嘅黑松醬，再連埋㡳下烘咗嘅方包一齊食，口感真係好豐富另外仲嗌咗蜜焦雞翼，雞翼有輕微咁炸過，再用蜜糖淋係雞翼嘅表面，可能有焗一焗，所以雞翼表面有一層似焦糖嘅面，味道鹹鹹甜甜，幾惹味嫁，最後仲有用紅綠椒點綴下，賣相都唔差而爸爸偏向愛食啲"香口"野，姐係油炸食物，所以就

去到深水埗當然搵反啲特別野食Openrice呢派搜尋最高頭30名其中一間就試下佢喇有個信箱放餐牌設計吾錯 可以搵到呢啲畫呢個？？？原來係糖肉夾饃 $38肉夾饃內大量肉粒 好多汁 所以一咬留要留神 會流到成手都係有少少指天椒 辣辣地好特別包煙煙韌韌 平時食開淋身黑松露炒蛋多士 $38成大塊炒蛋 淋淋的 夠滑身加上好多黑松露係上面 好香多士好軟屬 較平常蜜焦雞翼 $36雞翼外脆內軟 淋上秘製汁醬 加辣椒絲食落甜甜的 有少少辣味加黑椒味 好特別值得推薦焗安格斯牛腩保齡球 $68蓋上包 真的似保齡球 芝士醬另上 好重芝士味麵包內包上飯同牛腩牛腩夠淋身 未淋醬上去食落甜甜地好似蘿蔔牛腩味淋上汁配答一流包蓋同奶油豬一樣只係欠煉奶 但可以點上芝士汁非常脆口 好好食原味波波冰鎮奶茶奶茶味濃郁 有3粒冰粒冰粒用奶茶做的所以越飲越濃 不會淡仲可以放入口食好似刨冰懷舊雪糕紅豆冰吾會似外間多椰汁少紅豆呢到超多紅豆 另外雪糕不是一球球不會溶化在入邊係雪米糍 到最後食到可以服務品質雅座

出名既野食都幾乎嗌晒 波波奶茶，吹水飲一流，茶味唔錯，我鍾意茶味重d。蝦多士必嗌 佢炸得好好，唔會界口，加埋沙律醬 芝士撈丁豬頸肉我好欣賞依款食物，佢個芝士好濃郁，但唔會覺得滯。 加埋個出前一丁真係好正，剛剛好夠彈牙 田螺 放低都超香 好多蒜蓉加薯蓉，原隻田螺。救命 無得頂，但你預左口臭。最後老鳳多士，意想不到好match 少少黑松露加上蕃茄出黎個味好match，好fresh，但唔係個個岩

香噴噴的黑松露蛋多士 - 老鳳冰室放假梗係出去走走下午茶到了深水埗揾食，試了這間網上全讚的老鳳冰室。睇餐牌佢有十大必食今日先試黑松露蛋多士及肉夾饃，多士炒蛋份量極多，既滑味又濃，灑上大量黑松露更有提香作用，食落味道又幾夾喎，好味肉夾饃也不錯，麵包鬆軟夾著肉碎，香口但不突出。記住試埋佢既波波凍飲，所謂波波是咖啡或奶茶雪成波冰凍奶茶咖啡是愈飲愈味濃，可愛。裝修滿懷舊的很滿意，下次再來試其他十大美食先。FB: smallsmallsmalllin

唔係朋友介紹，都唔識得揾到黎呢度，同周圍舖頭好唔同周圍啲檔收晒工，見到呢個大招牌，聽個名就覺得有啲搞鬼裡面好多懷舊裝飾波波奶茶 $24 啲波波係用奶茶整既冰，有3個波波，飲晒啲奶茶可以當沙冰食奶茶味道ok, 唔太甜，幾滑雪糕紅豆冰 $24 上面有 cream, 原來雪糕雪糕糯米糍，有3粒，啲紅豆一粒粒，有口感，唔太甜，唔太椰/奶味，我鍾意 ！ 肉夾饃 $38呢個必食！ 好好味！ 肉味香濃，辣辣地，好惹味，估唔到茶餐廳都有得食呢啲泰式蝦餅 $36呢個係另一個驚喜！ 蝦餅唔錯，彈牙，炸得夠香，配埋柚子蜜 + 雜果沙律，好fresh!  焗田螺 $42好香蒜蓉味，味道ok，但都幾多油。焗芝士海鮮保齡球 $68原來保齡球係焗到好脆既飽大豬仔包，裡面仲有蛋炒飯，上面鋪滿芝士海鮮， 另外上碗芝士醬俾你點麵包食，幾得意。芝士牛肉番茄濃湯通粉 + 炒蛋 + 肉醬薯蓉 $48湯好濃番茄味，有啲番茄蓉，撈埋D芝士更香濃牛肉肉質唔錯，唔會話太多梳打粉la都無晒口咁，值得一讚跟埋肉醬薯蓉同炒滑蛋，肉醬味道唔錯總結： 好有特色既茶餐廳，每樣嘢都好特別，有誠意，會再去。

深水埗這邊出名多平靚正的餐廳，亦不乏一些老字號餐廳。大頭仔看到深水埗附近有家新開的餐廳，於是放工後來這邊。客人也比想像中多，幸好還有兩個位。整體偏甜，煎過的薯仔脆身又配上蜜糖很有燒烤的感覺。牛柳夠稔，原來牛肉配上蜜糖也廷相配。再配上青椒，紅椒，蔥等配料就更惹味。但伴碟配上西式沙律則有點奇怪，中西合壁。芝士醬夠黏，味道亦夠濃。撈上公仔麵真的很搭配，如果芝士醬可以再多一點就好，吃到最後也不會乾身。豬頸肉夠香，而且不是薄切，更有口感。多士值得一讚，夠厚身之餘亦夠脆，塗上牛油更滋味。蛋炒得有鑊氣，份量亦多。黑松露醬很多，味道更強烈。點嫌多士置底使質感變軟，沒多士的脆口質感。大頭仔點的。上面有兩顆雪米糍！是荔枝味和芒果味呢！很有驚喜！而我點的這杯，華田味十分濃！最底有點肧芽，上面還有點朱古力脆片，口感層次十分豐富！可惜今夜太晚來，已經沒有我們都想試的保齡球！唯有下次再來吧。

香港懷舊餐廳不多，在這些餐廳中往往能找到不少回憶。今晚來到深水埗一間懷舊冰室中，一嚐懷舊小吃。每個座位都有一個信箱，餐廳裝修頗是特別。懷舊食物，加入創新元素，菜名好吸引。黑松露炒蛋多士。香滑炒蛋，蛋味濃郁，入口非常滑溜，加上份量非常多的黑松露，香氣撲鼻，味道濃香惹味。芝士海鮮焗保齡球。農夫包內裡有炒飯、海鮮、滿滿醬汁。麵包焗得香脆香口，沾上旁邊的芝士醬，味道非常香口惹味。整個麵包都可以吃，性價比高。原味波波冰鎮奶茶。波波冰用上奶茶製成，不用擔心放久了會變淡味。奶滑茶香，入口冰凍解渴。懷舊雪糕紅豆冰。三大粒雪糕糯米糍，不用擔心雪糕會溶掉，非常細心有趣。大大杯紅豆冰，內有滿滿紅豆粒，椰香味道不會太甜膩。⋯餐廳的食物頗有創意，賣相也非常吸引，性價比高的茶餐廳。

鋪頭位置比較"隔攝",夜晚晚如果得一個女仔真係唔好自己黎食,因為條街黑,又靜,所以最好搵多個人一齊黎,安全D鋪頭同平時D茶餐廳一樣裝修, 不過就多左好多特色野,懷舊既郵箱放MENU,今次同老公一齊黎,一人叫左一樣主食,再叫左個蝦多士,一杯雪糕紅豆冰,同埋一杯鮮菠蘿特飲鮮菠蘿特飲,菠蘿得兩舊細舊,味道一般,無咩特別,跟餐加$8, 有D後悔叫左呢杯,早知叫其他野試下,是日晚餐,炸雞扒腸仔蕃茄意粉,蕃茄汁都幾好食,炸雞扒唔會太乾身,跟餐有一碗例湯都算係甘,蝦多士好好味,個沙律醬都好正雪糕紅豆冰,同平時果D唔同,佢多左幾粒雪米糍,呢杯幾得意, 幾好飲黑松露海鮮炒飯,味道除左黑松露味係香D,就偏淡口味,有蝦,蟹柳,魷魚等,如果咸返D,會好味好多

平時都甚少幫襯茶餐廳，因為食物貴之餘，味道又一般，講到香港好食的茶餐廳真的不多 （歡迎推薦啊）！所以平時都寧願搵些特別餐廳去食或者自己煮。是晚黎到位於深水埗的良友餐廳，上網見到佢地既波波奶茶和肉夾饃的賣相甚吸引，仲有其他不錯的特別款式配搭，放工後一於去食個晚餐。.好彩而家多左他做小妹的人肉指南針，小妹對於深水埗這一帶可真係人生路不熟啊。走著走著終於到達餐廳，看上去座位的鋪排就係一般茶餐廳格局，細心環顧四周就會發現他們的裝潢和裝飾都帶有六、七十年代的懷舊感覺。用上Tiffany Blue顏色的牆壁上都貼了各款懷舊的海報廣告和相片，看上去滿有味道的。.檯上放了各款不同醬汁，連芝士粉都有! 旁邊那個毛澤東忠，很有趣! (好像是放糖的，忘了開黎睇睇).最前方出餐位上方有著涼眼閃耀的餐廳招牌；.每個座位的牆上都放了一個舊式信箱，裡頭放了設計成信封形的餐牌，滿有誠意的！.餐牌部分，餐廳價錢都十分相宜抵食，特色的還有焗保齡球、芝士撈丁、老鳳多士和數款特色飲品。.原味波波冰鎮奶茶 $24用上特色的螺形杯，入面放左三粒以奶茶雪成的冰波波，咁就一路溶都唔會沖淡杯奶茶喇。.奶茶味入口夠滑之餘，茶味濃香明顯，

一入到餐廳已經比佢好懷舊而且用心既佈置吸引到，好似返返壽七、八十年代既茶餐廳咁呢！叫左豬頸肉芝士撈到，一上枱見到咁多芝士汁都食指大動！食落唔會太咸，奶味頗重，豬頸肉就每舊都係厚切，好有咬口，同個芝士麵夾得岩岩好！跟餐仲送多士，最後勁飽肚離場