船渦

營業中

休息中

位於銅鑼灣謝斐道500號維安商業大廈三樓的船渦 (Boat Boat Steam)，主打一人蒸氣火鍋。餐廳內，⼀人有一個小小的蒸氣鍋，可以按自己的需要蒸食物，而且有靠牆的位置，一個人來吃也不會覺得尷尬。午市主要提供兩款套餐，點了較為豐富的八府巡按套餐，套餐還可在粥、麵、飯中選一款主食。就在等候蒸料來到的時候，可以去拿取醬油，個人最愛醬油配蒜粒、香蔥、芫茜。海鮮來到了，賣相相當誘人，十分豐盛，包括有半隻蟹、帶子、蝦、鮮魚片、白蜆、鮑魚、貴妃蚌、元貝、半隻龍蝦、聖子皇。侍應還會講解蒸氣鍋的用法，而且有不同海鮮的計時參考。當然，可按需要調整蒸海鮮的時間。各種海鮮相當鮮甜，肉質十分爽滑，可見用料新鮮。個人最喜愛吃聖子皇，肉質飽滿，味道很鮮很甜。這款八府巡按套餐份量十足，男士來到也能填飽肚子。白蜆約有十隻，用一個小籮子盛著，滿滿的。用蒸鍋烹煮海鮮能保持海鮮的濕度，不會乾乾的。另外頗有驚喜的賣點，就是這款豪華套餐包半隻蟹和半隻龍蝦，肉質爽滑。而且蟹相當肥美，有肉的部分頗多。套餐還會包兩款肉類、特色三寶丸及蔬菜拼盤。蒸三寶丸時，可以和連底下的葉子一同蒸，避免黏底。三款丸子的味道也頗不錯，味道豐富。最

Poor service! Servants were quite unresponsive and we ended up need to walk up to the counter and asked for help. We saw a tiny cockroach on the dining table and we had to kill it ourselves as we couldn’t find anyone. The self serve app for ordering food is alright but it should include a call bell and a button for ordering the congee or noodles at the end. The selling point is seafood which was ok but the congee at the end was bad! We won’t recommend this restaurant to anyone.

今日去左食蒸海鮮 呢到同平時蒸海鮮有D唔同 因為呢到係一人一鍋自己蒸既可以自己睇時間 想食咩就食咩 比出面就無咁趕我叫左八府巡按套餐，358蚊 真係好飽 物超所值呀真係!海鮮船拎上黎擺盤好靚 而且佢睇落都好新鮮蒸完之後味道都好有驚喜半隻蟹有好多膏 真係好正!另一樣好好食既就係鮑魚 因為蒸出黎真係好腍蝦同龍蝦都係爽口鮮甜其他貝類魚類都係高質素 比好多出面既海鮮鍋新鮮好食之後就食海鮮湯底加烏冬 加埋好鮮味 而且仲係稻庭烏冬黎架最後就有肉類 雖然唔係主打 但一樣好食 牛肉係安格斯 蒸完牛味好濃 並唔係普通肥牛可比所以呢個價錢 又新鮮又夠飽 真係好正!

今日去左銅鑼灣食蒸海鮮，真係好有驚喜呢到個位置好方便 係電車路入一條街 SOGO行過D入到去既環境都好新好舒服 完全唔會好大煙我叫左一份八府巡按套餐 呢個價錢完全係物超所值拎到上黎係一隻擺得好靚既海鮮船海鮮餐牌都有寫左生既睇落既SIZE都好大同埋都好白 感覺好新鮮咁講下味道龍蝦係最吸引 因為都好大隻下而且佢既質地又雪白又爽口 好新鮮 比平時餐廳食既好好多無落調味清蒸都好好食之後蟶子同唔同既貝類既SIZE都好大而且全部都唔會話有沙唔開口個D都係好鮮甜食完個海鮮已經好飽喇其實不過仲有壓軸既海鮮精華 加魚湯既烏冬好入味最後既雞肉同豚肉同燒賣點心 都好新鮮好食佢拎上黎色澤好好新鮮食埋已經超飽超滿足

第一次去walk in冇位，今次提早打電話📲去book終於有得試一人一鍋蒸海鮮🥳環境少逼🍴、兩個人嘅話係排排坐，正對面就係其他食客👬（中間有個簾），不過整體都接受倒未至於坐得唔舒服👌-八府巡按套餐（$328）-懶得單叫食物直接叫set最方便，呢個套餐cp值還可以，半隻龍蝦🦞、半隻蟹🦀️、聖子王、鮑魚同貴妃蚌都超級大隻🉐️，唯獨係啲白蜆真係得豆豉咁大粒，食完好似冇食過😂不過值得一讚係樣樣海鮮都非常新鮮👍🏻、蟹多膏、龍蝦同蚌肉質爽彈😊所有海鮮點少少豉油、蔥帶出鮮味已經夠做 。Set入面仲有點心同肉類拼盤，燒賣有驚喜，其他就中規中矩啦，肉類可以揀安格斯🐂，非常有肉味，蒸1⃣️分鐘咋，過左龍（好似我地咁😭😭）就會鞋👟如果揀左粥底，食到咁上下就會有店員👨‍🍳黎煮粥，啲湯吸收曬所有蒸海鮮🐟同肉類🥩嘅鮮味同甜味，真係滿滿嘅精華，軟綿綿暖笠笠為呢餐畫上圓滿嘅句號。

早排有陣涼意就想起火鍋，但火鍋最好人多熱鬧食先最開心，款式選擇又多，但上星期Tiffany就小閨蜜兩個去食蒸氣鍋，食到捧著肚離開坐位之間以竹簾相隔，一人前的時候可以放下竹簾，極具私隱度，若然是三五知己就可以拉起竹簾，自成一角^^銅鑼灣的船渦提供不同的晚市套餐，備有多款每日由香港仔碼頭直送的新鮮海產入座時店員會提供QR Code，自助下單好方便，套餐仲可以選擇食粥底火鍋或者各款粉麵，最後我同小閨蜜點餐HK$358的八府巡按套餐店員撐著一隻船上枱，上面是各種新鮮海鮮: 黃金蚌、魚蝦蟹、白蜆、鮑魚，聖子、仲有半隻龍蝦~呵~!枱面有不同食材的蒸煮時間，調好時間即可；設有自助調味區，多款醬料配料選擇海鮮肥美鮮甜，龍蝦啖啖肉仲有蝦膏，滿足又滋味另外有3選2肉類，我點選了安格斯牛和雞件，最後有蒸蔬菜，吃食物的原汁原味食到最後就是加米粉，鍋底已經集合了剛才蒸煮食物的精華，吃飽飽很滿足啦

又到了生日月份了！慶生地點再次挑選了銅鑼灣的船渦，以滿足海鮮控的她😂我們各自一份八府巡按HKD 358 套餐，有龍蝦、黃金蚌、貴妃蚌、蟹半隻、白蜆、蝦、聖子皇、元貝、鮑魚、安格斯牛肉、豚肉片、特色點心、蔬菜拼盤、甜品 我們了南瓜粥底而朋友翅骨濃雞湯職員細心地講解操作並提示按照建議分時間後，朋友很快便上手了，簡單易明。 跟其他餐分別在於龍蝦～ 必試龍蝦沒令我失望，肉質多而厚，不止鮮甜十足仍然幹勁地掙扎。 另外，白雪雪的蟹肉同樣鮮甜，就連蟹鉗肉質有份量！慒仔魚鮮甜有魚油 ～真的要挑可能是蝦扣點點分但整體都滿意！ 大部份貨都是從香港仔魚市場直送，看見朋友吃得津津有味，我都放心了 ！ 坐在旁邊的女士原來也是常客，她不斷跟朋友讚賞🤣

都唔記得在邊度睇到廣告話一人一鍋又有大閘蟹食，於是約埋其餘三個人一齊去試吓，一上到去見到一張好大好長的枱，但就每個位每人有一個爐，張枱的分隔都算啱啱好，可以放得落一大碟食物及一罐飲品，而佢點樣將我哋同其他枱分隔就全靠用竹簾，所以我哋四個係可以隨時放下竹簾後變成自己一人。講完環境講翻食物，我哋每人叫了$118水師提督嗰個餐另加$48把肉蟹變大閘蟹，據侍應講有四両重，食物嚟到全部都好新鮮，大閘蟹雖然唔係大隻，但都好好膏，而且可以揀粥底或其他粉麵，由於是蒸煮所以大家要睇緊時間，嗰餐我哋都食得好充實，不停要計時 計時 計時，但佢哋個爐的計時器使用時都尚算方便，最後每人還可揀一款甜品結尾（雪糕/雪條）。

我一直都係好喜歡食海鮮，我覺得原汁原味係最好食，朋友知我心意，就搵左1日放工帶我去銅鑼灣食海鮮蒸氣火鍋入到餐廳裏面感覺好日式，環境潔淨，而且餐廳係採用一人一鍋，每個人只要選自己喜歡的套餐就可以，就算自己一個人黎食都得，十分方便，每個位置都有窗簾隔住，防止蒸氣去左隔離位，同埋可以製造自己的私人空間，還有枱面貼住每款海鮮蒸煮的時間，非常細心體貼我叫左八府巡按$358有10款海鮮，如：蟹，蝦，白蜆，鮑魚，龍蝦等，每款海鮮都好新鮮鲍魚好大一隻，蒸得剛剛好，味道鮮甜，咬落去好彈牙龍蝦，蟹龍蝦好新鮮，未煮個時已經見到佢仲可以彈下彈下，肉質結實，蟹裏面有超多膏，仲要係流心，食落都蛋黃香除左海鮮套餐仲有肉類可以三選二(安格斯牛肉有嚼口，牛肉味較濃)，三色點心，蔬菜拼盤，最後可以食埋粥底火鍋

已經第二次食喇，今次係聖誕節lunch 去食，衣度係一個人來食都唔怕孤單的蒸海鮮，佢有獨立間隔，同埋平時覺得蒸海鮮要多人先食得多種類嘢，衣度一set一set 叫，入面有硯、蟹、魚、蝦、牛，一個人都可以食到好多種類嘅食物，同埋都好新鮮。佢枱面有教你每樣嘢蒸幾耐同計時器，原全唔怕過時同唔熟。今次食八府巡按套餐，300幾蚊，真係好飽，有蜆、鮑魚、蟶子、大蚌、蝦、龍蝦同蟹、仲有魚，真係包羅萬有。除左海鮮仲可以揀兩款肉，我揀左牛肉同雞肉，仲有3粒手工燒賣，其實未食晒先啲都飽。仲有一個小小蔬菜籃，最後你可以揀粥底，烏冬/米粉⋯真係飽到上心口最後仲有雪條一枝做甜品，一餐好圓滿嘅聖誕餐。好值得再食

一個人都可以食蒸氣火鍋？最近天氣變得越嚟越凍就梗係食火鍋嘅好季節啦😆一個人食火鍋其實都冇咩問題啊，銅鑼灣呢間火鍋店就能夠比一個人輕輕鬆鬆食火鍋坐位同坐位之間用左竹簾分隔，有足夠私隱度-這裡下單是用手機掃瞄QR Code下單，桌子上清楚註明每款食物的蒸煮時間，如有任何問題店員亦都好樂意幫助今次我就叫咗一個HK$358八府巡按套餐套餐可以選擇粥底火鍋、各種米線粉麵（可以選擇魚湯或麻辣湯）如選擇粥底的話店員會先將南瓜及芋頭先放入鍋內_要呢個套餐嘅原因其中一樣係因為有超級多款嘅海鮮🦞鍾意食海鮮嘅朋友仔一定唔可以錯過包括有龍蝦、蟹、白蜆、貴妃蚌、黃金蚌、蝦、鮮魚片、聖子皇、鮑魚、帶子海鮮十分鮮甜，特別推介龍蝦和蟹，兩款海鮮都非常多膏，龍蝦肉質彈牙（留意較便宜的套餐是沒有龍蝦的）_食完海鮮就梗係要食返啲肉啦，可以從三款肉類中（安格斯牛肉、滑雞、豚肉片）選取兩款今次就揀左安格斯牛肉及豚肉片😍牛肉嘅肉味幾濃，肉質亦都唔錯😃 三色點心分別是牛肉、豬肉及魚肉，三款燒賣非常特別，平時好少喺火鍋店能夠食到😉大家嚟到一定要試吓_食到最後仲有蔬菜盆，加上一開始吸收晒海鮮精華嘅粥底，一個人食到超級飽😋店員最後仲送上

已經是第三次幫襯這間餐廳，終於有時間將這篇文章寫成。餐廳名叫，船渦，位於銅鑼灣崇光百貨附近，主打海鮮蒸鍋。餐廳裝潢以古時船為主，讓你恍如置身船中的感覺。當晚是boxing day，提供了三個套餐，我選了其中一個，八府巡樓，358元，有多種不同海鮮，包括龍蝦，蟹，蝦，元貝，黃金蚌，鮑魚，鮮魚片，聖子皇，燒賣，牛肉，豚肉，及蔬菜旁邊等等，材料十分新鮮。每人一個蒸鍋，位置之間隔開，即使自己一個人來食，也不會尷尬。食完海鮮，當然不會太飽，這時候你可以選擇食麵，或者食粥，個人建議食粥，因為可以善用海鮮湯，待應會為你加上蕃薯等等，十分滋味，飽肚，很滿足，十分適合情侶。船渦 (銅鑼灣)人均消費400元銅鑼灣謝斐道500號維安商業大廈3樓本人以簡單的飲食隨筆為主，有興趣請follow我~緣食魔宮。

食大餐，平時好少食海鮮蒸鍋。依間店特別在一人一個蒸鍋🥘。而且有簾，會因應你既人數而放簾，同其他食客阻隔。所以，就算一人食，都會覺得太尷尬😃。餐牌上簡單易明，有唔同套餐，主要分別在於海鮮種類。另外，如果唔夠食，可以加其他野食。👨‍🍳👩‍🍳食物質素：八府巡按套餐比前一級套餐，會有🦞龍蝦，聖子皇。可選粥底同麵底🍜。用電話📱點餐一陣，食物好快就已經到。店員會教你點樣用個爐，而爐邊有寫到各海鮮蒸煮既時間📟，只要跟返相應時間就可以了。🦞龍蝦，唔老，新鮮，仲有少量膏。聖子皇事前店鋪已經整得好乾淨，冇沙，啖啖肉。🦀蟹一樣有膏，有工具比你剝蟹🦀食。🐚貝殼類有元貝，白硯，都係冇沙，新鮮👍。肉類🐽豚肉，🐂安格斯牛肉，🐔雞腿肉（跟餐可3選2）豚肉同牛肉都好快蒸熟，每種分量約有3塊。記得唔好蒸得太熟。點心，蔬菜🥬幾有趣，將燒賣元素加入去。其實裏面係豚肉，牛肉，蝦滑。每種都有特式，我最愛係豚肉，肉味重。蔬菜類，唔少得。每種都有少少，有菇，生菜🥬，粟米🌽，南瓜。。感覺幾健康💪。最後，重頭戲。。。粥底店員會落粥底，等滾起，就可以食。我自己會加少少蔥，不但有剛剛蒸海鮮既海鮮味，而且會更香。

第一次食海鮮蒸鍋竟然係食一人鍋, 朋友推介呢間一人蒸鍋, 話性價比高, 終於搵到機會嚟食😀鋪頭都幾大, 除左大枱仲有好多吧枱位, 自己黎食都冇問題👌🏻我嗌咗八府巡按嘅套餐, 有八種精選海鮮, 分別係蟹, 黃金蚌, 蝦, 魚片, 白蜆, 鮑魚, 龍蝦, 元貝同聖子王, 全部都好新鮮, 而且少少腥味都冇❤️除咗海鮮之外, 仲有肥牛同豬肉片, 質素都好上乘, 而且份量都幾多😋食完蒸鍋之後, 仲可以加入湯底煮麵, 我揀咗魚湯湯底同拉麵, 拉麵質素都幾高食到超飽總括嚟講, 呢度嘅套餐性價比都幾高, 物超所值😉

聖誕同先生二人世界，素來對浪漫嘅燭光晚餐冇乜感覺嘅我，拉咗先生嚟食個麻甩嘅聖誕蒸鍋。餐廳標榜全港首創一人一蒸鍋，而且海鮮係每日由漁市場新鮮運到。一入去就見到一大面魚缸，有大量龍蝦、象拔蚌、瀨尿蝦同鮑魚等生猛海鮮。座位設計好似日本嘅拉麵店，每個位之間有竹蓆可以垂低，間隔靈活萬變，亦好有私人空間，即使一個人嚟都唔會尷尬。枱面有清晰指引，指導食客各樣食材嘅蒸煮時間，店員亦好有耐性教導蒸鍋嘅使用方法。我哋各自叫咗個八府巡按套餐，首先上枱嘅係好豐富嘅海鮮船，有沙白、鮮魚片、鮑魚、黃金蚌、蟶子皇、帶子、龍蝦、蟹同鮮蝦，夠哂豪華，童叟無欺。一人一個蒸鍋，本來以為蒸鍋的的骰骰火力應該唔會好猛，但啲蒸汽都幾大。沙白海水味重，鮮味十足，而且一啲沙都冇。鮮蝦用竹籤串住，方便食用，隻隻肥大新鮮。龍蝦開邊，蝦頭有滿滿嘅膏，甘香甜美，肉質結實彈牙。呢三件蚌貝係我至愛，鮮味爽口，特別係蟶子皇。食完海鮮未夠喉，仲有葷素各一籃，肉類方面可以雞腿肉、安格斯牛肉同豚肉三揀二，我就揀咗雞同牛，兩者都好新鮮，特別係安格斯牛，油脂紋理分佈均勻，入口牛味頗濃，油香四溢。另外仲有三色點心，整成燒賣形狀，分別用豬、牛同蝦做涵，入口新鮮