興記菜館

營業中

休息中

另一間被飲食雜誌吹噓但浪得虛名的食肆.環境衞生差不在話下,最重要是食物質素強差人意.先說飯, 半濕不乾, 而且全是米轆(即全是米碎), 沒有飯味, 更枉論飯焦. 加上整個煲仔飯都是燶味.吃的是膶腸滑雞飯.膶腸硬硬的, 味道差勁....而且之前兩次都送來同一煲臘腸雞飯,(但我要的是膶腸雞飯), 第三次才正確, 前後卻先了三十分鐘雞亦是碎碎的, 沒雞味...而且還加送了一隻田雞肶,可惜本人不好田雞, 看了反覺反胃. 雖然是廿多元一煲,而且在廟街食飯不會有在大期望但廿多元一煲的仔飯, 隨便找一間茶餐廳, 相信質素也比這裏好.

前幾天見天氣稍涼, 最適合食煲仔飯, 諗住約埋個friend一齊去試吓呢個聞名己久嘅煲仔飯... 但結果令人失望. 雖然舖位都有好幾間, 但飯枱之間完全無空間, 傳菜...特別係煲仔飯都幾困難. 其他嘢如伙計,廚房(收錢除外,飯菜上齊要即刻"傍水") 叫咗兩個煲仔飯加兩個小菜, 坐咗返半個鐘影都唔見, 最後等到嚟又唔中,個friend話叫佢哋换, 等咗半粒鐘已經等到呆咗, 仲換? 隨時又再等多半粒鐘??? 叫汽水又要問幾次, 又一被飲食雜誌提介受害的食市? 除咗加枱加座位以外, 其他嘢根本配合唔到, 令到食客"媽聲" 此起彼落. 加上煲飯嚟到發覺完全唔掂, D 飯唔正加上煲燶埋,用料又差... 隨便揾一間茶餐廳嘅煲仔飯都好過佢!!! 雖然價錢平過人, 但仍想叫佢回水!!!

星期五同朋友去左呢間食煲仔飯, 真係好好味丫!而且個飯都幾大煲, 飯亦煲得好軟硬適中, 而且佢地個蒜蓉油麥菜仲超好味丫!不過就等好耐囉, 因為好多人丫!!

入冬泥食勁正勁有風味！飲焦：有！不過原來要問先有！白鱔油鴨飯$40鹹魚雞粒、章魚肉餅，冬天至正配搭首選油鴨加白鱔選用白鱔，切成半吋厚，肉汁豐富。龍扣煲仔飯$30今年的新作為龍扣飯，龍扣即喉嚨與胃之間的管道，煮熟後變成「攣弓蝦米」狀，入口非常爽脆。

原來呢間舖的人一直咁有性格！飯ok，但實在太大太多舖位啦根本顧唔到！呢兩年來在此網留下的批評，無一樣改善過！但傳說中的電腦落單就唔見個人認為唔值得為一飯受罪別去試了！service其實想比0分，因為根本無service

一提起老廟,除海鮮檔外,其次要數到煲仔飯同蠔餅.最旺場的,要數到當年用炭爐打造出未來,打到打通幾間舖的興記.最平依然$18起,小弟個免治牛肉飯略貴,$25.再來個細碼煎蠔餅.煎蠔餅即煎貨色,很香口,蛋味幾濃,蠔仔依然保持juicy.點上辣醬同魚露吃,在今日來講已很不錯.免治牛肉飯,面頭的牛肉份量太少,牛肉沒有比梳打粉糟質過,吃落還有肉味.飯底略嫌過濕,底下的飯焦,亦唔夠脆.同埋,吃不出任何炭香,只見門口的炭爐不見了,轉為閉門做車,是否繼續燒炭?未必了.煲仔飯同冬天,基本上係唇齒相依.沒有一股寒風迎面以來,來伴一煲熱辣辣煲仔飯,感覺始終差一皮.試想想,一對小情人,在寒流之下,大家貼住來坐,兩個人兩煲撈亂吃,在由煲仔飯散發出來的熱氣之下,你一啖,我一啖,簡直甜到入心.做旁觀者的,繼續打其冷震..

十月天平均温度還keep 住廿多度,這個時間食煲仔飯好似早了少少.叫一煲臘味飯,一客蠔餅.可能天氣太熱,一面食一面流汗,的確有點失真,但味道是幾好的.不過還是等寒風呼呼的時候先食吧!

重看過去的食評，發現上次食煲仔飯並不是興記。不過廟街一帶經營的模式都是差不多，賣的東西也不是相差很遠。　食煲仔飯是媽咪的提議，反正都有一段時間未食過，重溫一下也好。不怎知的，回憶中曾食過很美味的煲仔飯，熱辣辣香噴噴，溫暖入心。　我點的是腊腸滑雞飯，無論是煲仔或飯餸賣相都很吸引，不過吃下去不覺得特別香，比上次廟街經歷較好，不過比好好粥麵的盅頭飯似乎還有所不及。當然，煲仔飯有盅頭飯所沒有的飯焦，不過飯焦這東西不是人人愛，控制不好又成炭焦...　說來說去，到最後食煲仔飯也不過是重溫一份感覺。至少，一家人聚在舊舊的餐館吃吃喝喝，也是一種溫馨!

好似好多人讚，又有報紙採訪，不過並不是咁好食；地方真的不要有期望，始終在廟街，未至於有小強在您面前就可以了．兩個人叫了鳳爪排骨飯、臘腸滑鷄飯和細蠔餅．又話即叫即製，無飯焦好少料，我覺得飯好似生生地，不過友人話係咁，算可以接受．友人覺得蠔餅好好，我們將胡椒粉和魚露放在另一個碗，夾一件才沾一下；另外叫了兩罐可樂，而呀姐就好堅持話支裝好飲喎．．．不過最後都係叫返罐裝．價錢不算貴，不過又唔係話好好食咁．

聽人講依間d煲仔飯好食，就黎試下啦。食左田雞煲仔飯和滑雞煲仔飯，仲要左蠔餅、炒蜆同田螺。煲仔飯都ok，但係冇飯焦。我唔係咁娌意蠔餅，炒蜆就好好味，田螺一般。見wall有好多報紙介紹，但又唔覺得特別好味。而且又多人，坐得逼唔舒服，環境比較dirty，都係唔會成日黎了。

國外的朋友來港，佢地話睇港劇有d煲仔飯炒蜆果d野食，又話廟街係咪真係好多古惑仔好想睇下，所以就帶左佢地黎行，順便響度食飯。原本以為入到去都見到呢間有d報紙/雜誌0既介紹，應該唔差卦，我地4個人點左份大蠔餅、蒸青口、炒蜆、牛肉蝦醬通菜、排骨煲仔飯同椒鹽瀨尿蝦。d送黎到之後發覺碟碟海鮮都唔新鮮0既，最ok都係煲仔飯。兩位外國朋友食左啖炒蜆覺得唔好食就冇再食過喇，由我同男友清晒... 點知... 一定係d炒蜆囉，我同男友第二日就開始肚痛，仲係咁屙，屙左兩日添！因為果日我同果兩個朋友一齊，成日食埋d野都一樣0既，男友就放工之後先join我地食呢餐，只有呢碟野係我地兩個有食到另外兩個朋友冇咩食，所以我地兩個"領"晒野佢地冇事...就係因為呢餐，我地兩個之後果兩日都病到死死下，屙到死死下... 食完呢餐飯之後第二日係男友生日，原本打算0既慶祝活動全部都cancel，大家病到只可以返屋企抖同食白粥...唉...我絕對唔會再黎食囉！

好耐以前, 出面仲full of 車仔檔, 興記得一個舖。而家出面坐街d人唔見曬, 興記有3個舖, 仲成日爆場。o係條街撞到7位朋友, 之後加入佢地變9位, 呀姐想叫鄰檯將就少少同我地調下位, d人未叫即起槓, 大叫"做乜望住我地呀! 我地叫左野架喇喎...xxxxxx..."。好, 坐迫d唔求人。唔關d呀姐事, 只係可以証實來temple street 食野的人, 乜野文化都有。9個人叫左8煲飯同一煲粥, 內餡都係配搭出來而已。d野來得算幾慢。飯都叫幾香, 但飯焦就買少見少。雞味道一般, 排骨比雞好, 有個章魚雞粒係整晚配搭冠軍。而我個蠔仔粥, 蠔叫幾多, 間中有d殼, 都預左。粥內附加果d肉唔係肉碎, 而係肉絲, 個人覺得都ok核突。2個細蠔餅叫不過不失, 冇胡椒粉係美中不足。叫左3個菜添。蒜蓉娃娃菜係叫較好的。豆豉鯪魚油麥菜我覺得好油。菜心炒鮮魷d菜心太大條, 淋d味精獻上面, 幾難食。埋單43蚊唔係貴, 今次都係某d同學想試風味je, 呢個價錢, 係我自己就一定唔會食。

同男友o係百老匯電影中心睇完7:30，兜左o黎廟街想搵宵夜食~ 原本想試出名o既美都，不過9:30已經關門，終於去左依度~　二人食：油鴨脾煲仔飯-即叫即製，等得我o地好心急~ 一上檯仲係好熱，蒸氣直冒；我o地落左鼓油，再焗多兩分鐘。一打開，o下?油鴨脾咁少o既?算啦，d飯都幾香，收貨~炸蠔餅(細)-好彩叫左細，因為好大份~ 賣相好靚，不過食落好咸好油。食幾啖就滯哂~菊花蜜-嗜甜o既我都嫌太甜，唔太好~　整體而言食物未算出色，環境都幾惡劣(又污糟，又多人食煙啦...)~ 試一兩次冇所謂，成日食就唔好預我~

7 January 2006 - 晚飯尋晚見天氣好凍成差不多九點（未到）至黎食，點知要排長龍，其實係咪真係咁好？之前黎過一次覺得好正架，不過今次就失望啦，可能上次黎落大雨，根本冇客，但係今次就多人得滯．．．我哋兩個人叫咗兩個煲仔飯（一個咸魚肉片，一個鷄肉臘腸），一碟腐乳炒通菜同一支忌廉！個菜食晒啲飯都未黎，忌廉又漏單，個煲仔飯啲料又唔太多，最失望既就係冇飯焦，其實食煲仔飯最想食既幾乎就係佢個焦，所以好唔開心！下次試下weekdays黎會唔會好啲，如果都係咁差，咁足以証明其實呢間嘢並唔係咁好，只係香港人鍾意襯墟，所以越多人就越會去食．．．不過價錢真係好平！

原本一行四人經過廟街正想搜尋一番便價煲仔飯. 路過興記老闆娘不斷落咀頭, 見講到幾好咁就試一試. 下單:滑雞飯X2牛根飯X2菜心炒魚崧X1汽水兩支價錢問心個句真係算吸引. 奈何當兩煲牛根飯黎到之後打開蓋, 發現一煲好正常, 另一煲就只有兩舊牛根兼無蔥花,普通人一看就知係完全不同既兩煲飯, 於是就問老闆娘點解同換過另一煲新, 點知佢既態度係極惡劣.解釋:"可能放料果陣唔平均,係咁架啦,無得換". 我就話咁樣邊合理架, 下次想再幫親都唔得啦, 佢就換轉頭走左去兼繼續係街頭拉客...估唔到今時今日香港地道飲食仲會有D咁既服務水平; "No After Sales Service"...另一個諷刺係牆上放滿無數雜誌所謂食評既"正正正"既介紹順帶一題連家常菜菜心炒魚崧都抄到一獲油, 毫無風味