興記菜館

營業中

休息中

borrenn君,不用傷心,我今天經過廟街附近,仍見到炭燒煲仔飯,位置是從廟街往地鐵站方向,上一絛街(無名橫街),

唉.又一間向下沉淪的店家.記得去年十月去吃時還是正宗炭燒.好味又夠味.今天再特地從台灣到香港去吃,完全變口味...現在店開多啦,人也偷懶啦,改用石油氣燒了,火候也不夠.以後不會再為了它從台灣到香港去吃了.(美食二日遊的店家又少一家了)

耐無來食, 前幾晚再幫襯, 見個收錢位整左部LCD mon 的電腦. 原來它們近來用電腦出單.... 直入廚房.... 嘩.... 好一間煲仔飯店... 竟然都攪呢d 新意思, 難得d 阿嬸又用得幾純熟wor.... toouch screen .... 張單寫得清楚... 連你係幾個人來吃... 邊個幫你開單個員工全名都印埋落去呀.... 唔知係咪幾間興記都電腦化左呢???

夜晚落開油麻地做野，來呢頭搵食，一入秋冬?度就好有食的氣氛，十行九檔賣吃的，打邊爐、煲仔飯、煲仔菜等各式其式，好不熱鬧。去了一條街有幾間的興記，一來要快，二來又夠平，一試無妨。煲仔飯應是集中在廟街尾的舖頭煲，行過見到又真係有好多個瓦煲的。叫了臘味煲仔飯，等左十幾分鐘飯來了，一聞就知應不是炭爐燒而是石油氣，其實賣咁平都預左，同一菜式新翠華的正宗炭燒要五十呢！好在都算幾有風味，所以都收貨。臘腸和臘肉當然不是什麼好貨色，仲幾肥添。不過天氣涼涼的，食下呢D肥膩野個人都會覺得充實一點。豉油只一般，好在我食煲仔飯不太落豉油﹝窩蛋系列除外﹞，所以都不太介意。埋單18蚊，印象中近年來在香港好似都無食過咁平的煲仔飯。環境當然麻麻，落得老廟食野係咁上下，無論去食豬骨煲又或是打邊爐都預左痞街邊，呢度至少有瓦遮頭，算係咁啦！望見對面的蠔餅大王，又去整個細蠔餅先！

正如Olivian小姐所講, 興記o係廟街有幾間. 廟街頭(文明里, 近油麻地地鐵站) o個幾間地茂舖污糟邋遢, 實在唔敢幫襯; 而廟街尾近佐敦道o既呢間分店好似係新開o既. 幾個禮拜前見呢度地方都幾乾淨市正, 就走o左入o黎食煲仔飯.坐o左唔夠一陣有人o黎搭檯, 冇所謂啦. 平平地要個排骨煲仔飯加蛋($18+$2) , 排骨份量足但唔靚, 好韌; 煲白飯o既質素只屬普通(如要加糯米或者轉做全糯米底要另計), 煲仔飯用o既豉油只係普通豉油, 咁都算喇, 但係隻"加蛋" 原來係?拎隻個殼冇抹過o既生雞蛋, 要我自己打落煲飯度. 想唔到一間睇落幾市正o既舖, 衛生同服務都係咁"街坊". 雖然飯後冇肚屙, 但想起來都要抹一額汗. >_<除o左平飯之外仲有免費娛樂: 隔離檯o既肥婆食客以為貼o係煲蓋面order紙上o既簡寫唔係佢叫o既飯, o係度大吵大鬧, 點知連老闆都癲埋一份, 同個肥婆食客鬥大聲. 見到咁o既情景真係唔知好嬲定好笑...一句講晒: 無下次. 以後食煲仔飯我只會去旺角廣華街o既"明園" .

一條廟街有幾間興記，未夠七點已經有唔少人。當然食?的炭爐煲仔飯，飯味夠香，可惜飯焦唔多；煎細蠔餅，新鮮熱辣煎起當然好食，唯一好是炸粉唔算多，都食到幾多蠔仔。生炒骨一流，好有大排檔風味，食完返尋味，清炒芥蘭亦好爽口，可借油略多o左D。