興記菜館

營業中

休息中

今晚叫咗個「腊腸雞煲仔飯」、老公就叫「滑蛋牛肉飯」,另加一個「腐乳炒通菜」同「炸大腸」, 加埋一支大可樂, 埋單$108 ! 老實講, 以前幾鍾嚟呢度食嘢,因為呢度既煲仔飯又平又好食($18),啲餸雖然貴少少,但都幾好食。不過而家啲餸真係差咗好多,咁既價錢絕對唔值得食囉~ 而啲煲仔飯又係比以前差咗少少,雖然未至到食唔得落口,但好似冇以前咁好味喎......唉!好失望!!希望佢哋會改善啦! 我仲對呢度既煲仔飯有興趣架!!

煲仔飯: 一d 飯焦都無, 飯不乾身, 完全唔似食煲仔飯, 同茶樓中飯無分別. d 雞系幾滑ge $25蠔餅: 普通質素, only 辣醬幾好$20環境: 勁dirty平都無用, 食完感覺像被人騙了

15/11黎左油麻地興記呢間黑店一入去勁迫勁多人,勁DIRTY見到D碗杯都唔想用..都唔知有冇洗...之後叫野..蠔餅(大) 咖哩雞煲椒鹽白飯魚口古口魯肉章魚雞飯D野食細碟到勁可憐淡到好似食豆腐真係差到冇可再差只有蠔餅話OK D..但D粉都好多食完完全唔飽,實在太小又唔係好食!食過咁多次大排檔,呢檔我最想反佢檯絕對絕對絕對永遠唔會再去服務方面,叫好耐先理你野食勁耐先黎...環境又嘈又細又迫..好似入左難民營如果可以俾我揀負分唔負佢一百分都難洩心中不滿

一坐到落去;台都未抹乾淨就走左;拎紙巾一抹;哇,,黑色ga囉-仲有壺茶打開放左好耐都冇人理望下入面;有昆蟲ga囉!叫完野食;遲過我地黎既就黎野先;我地就等左30分鐘先有碟蠔餅'食落去;唔熟-_-;;問佢拎個盒;叫左3次先肯去拎;好耐先黎煲仔飯;d飯仲濕冇飯焦;d滑雞系仲未熟ga囉-_-''真系好恐怖!佢地叫野就即刻應;叫佢地幫我地拎d野就n年先有人應;佢地個餐牌上面勁多油囉!唔帶多d紙巾真系唔得;以後堅決唔會再去食;p.s.食完之後;我同男友都唔舒服;佢仲嘔左6-7次;真系唔敢去食..就算平都唔代表服務要差囉!

或許今天是星期日，很難找到位置，人也很多，等了一會才有空位；但點了菜卻要等４０個分鐘才來，真的太久了．臘腸排骨滑雞煲仔飯，但真的失望極了，喜歡吃飯焦的我們，卻一點也看不到，又沒有煲仔飯的香味，飯又不乾身，完全失去煲仔飯的口感，和以前失色很多．或許真的是假日，因早前吃過比今次好一點，起碼仍有飯焦．但若然人多便失手，那該好好檢討了．又叫了啫啫白鱔煲，又是有點失望，煲氣太少，又未入味．下次再來真的要三思．

昨晚(2007-10-16 7pm)到興記叫個臘腸排骨飯(hk$23), 打開個蓋冇臘腸和排骨的香味, 只有煲仔飯基本的小小飯焦香氣, 最慘重係點解煲仔飯的飯面沒有臘腸和排骨流落黎的油和汁!? 唔落豉油根本同食白飯無分別!贊成樓下網友說的... 好令人懷疑係咪煮好飯放落個煲煲兩野就算!好失望, 我唔會再幫親, 也會努力宣揚開去!

尋晚本來諗住去隔離街去開既煲仔飯度食，因為好耐冇食過，但點知佢話收左工，仲鬼咁好禮貎咁講唔好意思。咁冇計啦，試下一間之前食過但comment麻麻既，十二點左右去到興記，坐低就即刻點菜，叫左以下的：鹹魚排骨煲仔飯鹹魚－散修修同梅梅地，但都係鹹魚黎既。排骨－有少少少少咸味，基本上同醃過一樣。飯－比較硬，但都唔算好差。甜豉油－完全唔覺得係甜豉油。唔甜都算，仲要幾咸，有冇用油爆過既香味？你話呢？我覺得甜豉油都算係個煲仔飯幾重要既角式，但都唔知點解可以搞到咁，我自己整甜豉油唔放味精都好食過佢。一碟細蠔餅蠔－都ｏｋ新鮮，平時食到果ｄ質素啦都係。蛋－冇乜香味，同我食過隔離街ｌｅｖｅｌ差好遠。豆瓣醬－雖然個色怪怪地，但又真係果個味喎。白灼東風螺（＄４０)東風螺－呢個好懷念，相信都有五六年冇食過，都幾好食，可能白灼真係無乜技術可言，度度差唔多掛。甜醬－都開得幾好，味唔會太濃，唔會蓋過螺的味。辣醬－都幾好，ｏｋ架一枝可樂成餐既評語係：食得入口。仲有，個死人垃圾鑼好心就唔好放係某幾張隔離啦，見到都．．．你會擔心會唔會有強強走出黎囉，雖然我對佢地既衛生冇乜寄望，但都唔好俾我見到丫嘛。相信我都唔會再返去，雖然我

在電影中心看過愛在遙遠的附近散場後的必然正選自是廟街箇中又以缹仔飯為正選中的首選先來個最簡單的臘腸滑雞飯再加油菜和炒蜆這裡的缹仔飯用料算很多鋪得飯面滿滿的腸甜雞滑十八元正就把閣下的口與腹之慾都滿足了炒蜆沒有太多沙就收貨再加一碟炒菜兩個人也只要六十蚊有找抵爆還想要五星級的情調和服務是否有點過份?只是剛看完一齣疫症片再來廟街的環境很難沒有任何聯想閒來一次半次就當是大菌食細菌吧世事便是如此在不太乾淨的環境隱藏著上好的美食人也總要在最惡劣的環境才知道甚麼是好甚麼是壞在天下太平的時候就算有事也置諸不理視若無睹到你最需要的時候縱使再奮不顧身挽救已是太遲也是徒然問題就是為甚麼一定要對自己和身邊的人如果殘忍?

由於唔係食好多嘢, 所以兩個人都係好簡單咁叫咗個「滑雞煲仔飯」、「腐乳通菜炒牛肉」同「清蒸青口」(煲仔飯$18, 通菜$35, 青口$30)煲仔飯就keep 到水準呀!但個通菜就鹹咗少少... 而個青口就冇乜味, 肉又細, 同埋唔靚, 真係有d 後悔叫咗呢個青口...感覺上覺得d 小菜質素差咗呢.............同埋覺得d 小菜既價錢有少少唔合理...Anyway, 我仍然會嚟食, 因為呢度既煲仔飯最好食同最抵食!!

今晚的廟街，聚集了眾多伯伯，因為剛巧有場歌舞在附近吧？有譚炳文的。不去上次去過的大排檔，路經興記出面，被阿姐「拋」：「我地4間分店都係我地既，你想揀邊間？」阿姐咁樣講，我地都「唔夠佢玩」，卒之入左去試番餐。叫左D例牌菜，例如蠔餅、炒通菜、煲仔飯(蠟腸排骨飯、免治牛肉餅飯)和生沙骨，再加兩支啤酒。蠔餅要了細的，不太夠。(細的有2塊、大的有5塊，大的價錢是細的兩倍)是較港式的味道，也算新鮮炸起，而蠔只層中型Size，配上興記的辣椒醬，還可一試。煲仔飯水準較參差，因蠟腸排骨飯明顯比免治牛肉飯好上不少。雖說有飯焦，但甚多是黑焦來的。而飯粒不太乾身，而又可能是價錢較平，所以配料也不算得上好...可入口的，但不會特突來再試了。另阿姐竟然來說某某啤酒不夠凍，迫令我們轉Order...好玩嗎？

一個字講晒, 差!叫左個排骨滑雞煲仔飯, 一打開冇香味! 飯仲要濕濕地, 令人質疑係咪煮好d飯放落個煲煲兩野就算! 個底有小小飯焦....d飯濕既竟然有飯焦, 令人懷疑係上手食剩...overall, 唔會再幫親!

有晚去油麻地拎野，拎完周圍行吓，行到廟街見有好多間都賣煲仔飯，咪搵間最多人食既幫襯試吓，叫左臘腸排骨飯，等左成十分鐘先至到，期望係熱辣辣、香噴噴既。點知期望愈大，失望愈大。飯黎到只係暖暖地，打開蓋都無香味，有ｄ失望。食落ｄ飯濕濕地唔夠乾身喎，好彩重有ｄ飯焦咬吓，否則我要畀個喊面喇。

27/1/2007今晚同豬頭人跑到廟街食煲仔飯，一踏進廟街，已見街上擺滿了一張又一張的桌子。豬頭人帶我到了煲仔飯皇者『興記』，眼見有成5、6間鋪，心想果然厲害…點解甘遲先帶我黎呢!!由於人太多(一定要先有心理準備…人多迫…環境有點污穢)，好不容易才被安排到兩個非常迫的位。依一刻知道點解豬頭人一路都唔帶我黎…對佢黎講實在係太迫太穢。但係黎得…就要食個痛快，我地第一時間點左個窩旦免治牛肉飯、酥炸大腸、蒜炒芥蘭、避風塘炒蜆+一支大可樂。等…等左15分鐘，終於黎左碟酥炸大腸，以家人人都驚膽固醇，好難食度碟皮脆肉香既大腸lu；蒜炒芥蘭非常粗壯，但是頗多油；避風塘炒蜆肉不多…而且蜆都係豉椒炒好味d；窩旦免治牛肉飯…熱騰騰的蒸氣，香味撲鼻，一粒一粒分明的飯，配上雞旦和豉油，一向不愛吃飯的我都吃下兩大碗。這餐廟街風味餐真不錯…有機會定會再訪。

廟街頭, 一到冬天, 食煲仔飯就會開滿成條街, 大排檔咁, 係就係污糟d, 時不時仲有陣陣寒風tim,好有feel ga... 見到煲仔飯地方, 係用一個舖位, 擺滿爐不停咁煲, 好似工場咁, 壯觀!咁多人捧場,煲仔飯又係咪真係咁好食呢? 雜誌話呢度用爐,炭,煲都好專業好有技巧, 但試過又覺得都係普通. 可能煲仔飯好處就係冬天咁凍, 食咁熱煲仔飯就會即時暖晒, 即係食氣氛lor. 講到味道, 除夠熱之外, 其實都係飯還飯, 還咁, 無咩特別, 同碟頭飯差唔多, 唯一係有得撩下d飯焦, 有得食又有得玩咁lor.梅菜肉餅煲仔飯$25飯得麻麻, 濕少少. 肉餅就太咸啦! 可能時間唔夠, d 飯無咩肉味. 飯焦就幾好, 唔夠脆, 有""口.煎蠔餅(細) $20廿蚊有兩塊, 幾抵. 但唔熱, 似係預先煎好! 好彩d蠔都幾新鮮, 油份唔算太多, 味道都ok !

前日去完tsim sha tsui行街..見9點幾..男朋友就提意去廟街食煲仔飯..好多人...d位好迫...table地下係好唔乾淨...但諗住可以試到煲仔飯..咩都可以豁出去既!叫左個羊肉飯,,男朋友叫左個黃膳飯..再+多個細蠔餅..2枝野飲..$9x埋單!等得都幾耐先上野食..蠔餅冇咩粉漿而且脆脆地,,都幾好!羊肉煲仔飯,,,熱辣辣..因為第一次食煲仔飯咩都唔知..所以男朋友就幫我手+鼓油...其實味道ok...唔係話太好食!羊肉都幾好味既...見到男朋友幫我碗飯刮飯焦落黎..個心真係好暖!其實天氣咁凍,,,黎食煲仔飯都係為左果種暖粒粒既感覺,,,同應下冬天既天氣..有種不能言喻既感覺...下次再凍d既時候..我會再黎過食!