興記菜館

營業中

休息中

星期日同女友見凍凍地就去左食,叫左3樣野牛肉餅(細)--雖然係細不過都夠晒2個人食,味道普通啦,都係蠔餅好食O的黃鱔煲仔飯--都有成7-8舊鱔,不過個飯就冇咩黃鱔味,可能係因為黃鱔冇白鱔咁多油份,所以滲唔到落O的飯到啦臘腸排骨煲仔飯--非常穩陣o既野,係覺得臘腸唔太夠肥o者去親廟街都係食興記,食左咁多年都係覺得差唔多,其實同其他地方o既煲仔飯分別不大,只不過係冬天o係廟街食煲仔飯別有一番風味o者

今日一家人出去食飯，見天氣凍就去食煲仔飯我地一行四人嗌左章魚肉粒飯北菇滑雞飯鳳爪排骨飯白灼東風螺蠔餅炒蜆兩支啤酒煲仔飯真係幾好食...不過無咩飯焦東風螺...得個十幾隻，略嫌太少蠔餅...好好食。炒蜆...好多都係蜆殼, 同埋好瘦

對上一次來廟街食煲仔飯，已經係年幾前o既事，印像中呢度o既煲仔飯真係冇乜特別。不過今次同朋友o係附近睇完戲。於是就來興記食飯。我地三個人叫了咖喱牛腩煲、白鱔煲、田雞油鴨煲、蠔餅、蝦醬通菜牛肉。三個煲仔飯都唔錯，飯身較乾，不過o的材料係下價貨，油鴨係未切好的。不過無論如何，50幾蚊食餐飯...總是有點..

20050308 8pm無端白事做咩會o黎廟街? 因為想食蠔餅lor!!~2人吃-* 蠔餅(細) - $20, 水準以上勁多蠔唔會一口粉漿.* 豉汁炒蜆- 麻麻地, 早知叫豉椒或者灼東風螺~* 可樂x 2支不過坐得辛苦, 又逼又stuffy. 不過o的阿姐幾好禮貌咁啦.埋單好似$60幾o掛~唔記得了見糕蟹煲仔飯竟然只賣$40!! 下次先再o黎過!

黎廟街食飯，多數揀興記，就腳嘛，係街頭！四、五年前第一次黎廟食就食興記，覺得幾好，之後多數都係呢間食。講返咁耐以黎食過既菜評下啦(記得既都講下啦)煲仔飯，出晒名啦，但其實我個人唔覺得特別好食，不過都唔錯既，如果係慕名而來就值得一試，Ｎ咁多歀，試過幾多款都唔記得喇，不過我個人鐘意滑蛋牛肉，牛肉都幾滑，而且鐘意食生蛋黃，但唔鐘意食生蛋或條命矜貴怕禽流冒就唔好試喇！蠔餅，出晒名啦，唔使多講，以前食大份Ｄ，而家縮左水，但細蠔餅($20)都仲夠兩個人食。蝦餅，細蝦餅($20)都係已夠兩個人食，但ｄ蝦應該係雪蝦或死蝦，我會揀返蠔餅。鼓椒炒蜆($3x)，廟街出名啦，一定要叫黎送酒喇，但近兩三次去食都係唔夠鑊氣，唔夠熱，有次Ｄ鼓沖都瓊成膏狀，莫非天氣凍？！對上個次食就連鼓椒味都唔夠，唉～白灼獅庵($20)，原沖原味，唔錯，做法簡單，醮醋食，幾好，送酒一流，廿蚊雞，好過炒蜆啦，但有成半未開口，佢話係咁架喎，熟左都會合返埋，唔知，anyway，我同個fd都唔太敢食唔開口個Ｄ。油鹽水蟶子，油比較多，蟶子麻麻。西蘭花炒豬頸肉($4x)，唔錯呀，豬頸肉都ｏｋ霖，個次食係得幾塊比較韌食唔到，西蘭花都唔錯丫，不過可

今次係興記歷來最差評價：1) 糯米底，其實混白米，如果落得夠都無所謂，唔夠就仲參過無落。糯米同白米受水程度唔同，所以水分控制同火候都會增加好多難度。本來糯米唔見飯，溝白米都可接受，但好明顯佢地掛名糯米，查實就唔知有無一半係糯米，出到來......有夾心飯！人地臘味糯米飯15蚊都唔會欺場，而家為左2蚊結果兩頭唔到岸，唔衰攞來衰。好心就不如加多5蚊全糯米啦(去辦館買一斤都唔使3蚊，食到反肚。唉......)。2) 荀殼魚，無希望都教人失望。唔記得問條魚有幾重，炸透之後變左條炸鯪魚一樣，又乾巴巴。早知清蒸，或者叫碟椒鹽沙鯭好過。3) 近來興記飯焦質素大不如前，尤其用匙一剷，飯焦底前面個層根本唔收水，好懷疑根本有部份用左石油汽煲，熟得快，但就大急，收唔切水。

蠔餅太油唔脆，可能係太多一齊炸，油唔夠熱。炒蟶子太水汪汪又唔入味，好可能係先灼後加汁，味道失真。最失望係連煲仔飯都唔夠熱，以前都可以，而家連蛋都焗極唔熟。

鼓汁炒田螺<-- ma ma ~ 鼓汁不夠香... 蠔餅<-- 都可以, 不過太厚粉了~! and 多油~.~!豬頸肉煲仔飯<-- 普通~ 餸不夠香, 飯都ok...

真係細路女唔識世界, 咁大個女都係第一次黎廟街大學最後一次開學飯黎左呢度食, 因為同學仔話呢度好食~! 十幾個人要分兩張檯坐, 好迫...同埋碗筷有污漬的, 好污糟耶...因為我地人多, 叫左好多野食, 多到唔記得左, 不過最欣賞係咸魚肉餅煲仔飯, 咸魚好香, 撈勻之後咸魚完全融化左落d 飯度, 啖啖都有咸魚香, 正!!!另外蠔餅勁多油...好恐怖...臘腸羊腩煲仔飯d 羊根本唔係羊腩, 是有骨的, 個賣相勁核突...是灰黑色的...飯焦好似太焦了...完全不能吃...其他普普通通吧~~~

除夕夜，晚上勁凍，一定要食煲仔飯暖o下身，正巧男友說自己好耐冇去過廟街，可以順便行一個round。晚上七時半許來到，見到好多人排隊，打算先行完廟街再回頭吃晚飯。行到差不多九時，折返回興記，依然多人，但已經比剛才少O左，等了約廿分鐘，終於有位。因為好凍，急急先叫了一個黃鱔煲仔飯，跟著再OREDER 蠔餅同一碟清炒豆苗。蠔餅先上，食落蠔仔好少，雖然蛋香十足但由於太多粉，口感冇以前咁香脆，最慘是…好多油~~；煲仔飯仲差，幾乎沒飯焦可言，o的鱔好o鞋好渣，唔得肥腴，亦冇o左朕魚甘味；豆苗就不過不失，但豆苗本身唔係太靚，有好多條都生根的。吃完後，不禁問點解會差o左咁多，唔通真係名氣累事？！

兩個人吃dinner:1) 臘腸滑雞煲仔飯: 我無特別留意佢仲係咪用炭爐煮, 不過加埋佢地既豉油, 我依然覺得好正2) 蠔餅(細): 以前好似好味些, 今次無咁脆, 底個塊仲好油添...3) 豉椒炒蜆: 好普通... (其實我好想食司奄, 不過男友唔鐘意食, 所以無叫>.<)4) 兩支汽水埋單$90, 都算幾抵食啦~

主打煲仔飯偶爾過火，飯焦真的全變焦，吃不下。蠔餅很油也不脆，難吃。其他小炒也太咸，海鮮不新鮮。來得廟街，環境地方不是主要的考慮，但食物真的越來越差。

以往我已經光顧過很多次，今次我吃了四種食物，包括：椒鹽九肚魚，豉椒炒蜆，餅，窩旦牛肉飯。>椒鹽九肚魚：賣相尚可，但一吃入口已經覺得很咸，咸得難以入口。它不止是外層咸，是完全的咸，比一般椒鹽菜色咸兩倍。豉椒炒蜆：一看便知不對勁。上菜十分快，很多稀汁，既不新鮮，亦不入味，就似是先煮好才放入豉汁炒的。餅：非常不對勁。一看便有點黑，過了火。而且，十分油和完全不脆。這或許\是與油的溫度有關。窩旦牛肉飯：最對辦的。但飯焦也不似以前的好吃。最重要的是，與我一起吃飯的朋友，在晚上便大大嘔肚，很辛苦。我們十分失望，並不會再來的。

我食有飯焦,我朋友無蠔餅好油,最好唔好食位窄

同意Borrenn 所言...以前覺得佢D 煲仔飯真係好好味....係我最鐘意既煲仔飯店.....但係佢既食物味道全部都下滑.....以前好恨快D 到冬天...咁就可以去食...但係而家掛都唔掛住呀....