興記菜館

營業中

休息中

夜晚9點左右過黎食夜晚叫左章魚雞粒飯, 我朋友就叫左窩蛋肉餅飯雖然d野食等左好耐先黎, 不過勝在夠新鮮熱辣熱到差唔多開唔到煲仔飯個蓋味道真係唔錯, 唔會太咸d雞粒都幾有鮮味, 只不過d章魚太細粒另外仲叫左腐乳通菜, 不過不失, 唔係太特別

星期二晚，亞協盃南華首戰，雖明知陣容上天殘地缺，但作為FANS 既我，一定要支持!隻身先到油麻地興記食個煲仔飯，點了滑蛋牛餅煲仔飯，$27，配一支大雪碧，$7食煲仔飯有個要訣，就係上菜後不要立即開動，等其五分鐘焗一焗先，煲仔自然有飯焦一個熱辣辣既飯實在可以令人胃口大增，興記的一直保持水準，無論價錢及風味，一般快餐店係比不上的所以，如果食煲仔飯，興記暫時來說係我既首選!

以為廟街呢個地方食大排檔, 以為係大件夾抵食果d. 原黎錯哂. 味係好. 但係份量好少同埋服務好差. 但係都有好多遊客去朝聖. 應該都係雜誌效應.

17/02/08（星期日）天氣很冷，三五知己食熱騰騰的飯，正！叫了滑蛋牛肉飯，鯇魚片飯，鼓椒白鱔飯，蒜蓉炒芥蘭．牛肉片很多很滑，三大片鯇魚很厚很新鮮，白鱔份量比較少但很新鮮很滑！飯有飯焦很香脆，可惜過火少少，有一半飯焦太黑不能食．芥蘭很新鮮幼嫩，只是與蒜蓉味道不太配合．食物份量比較少，女士都不夠，男士要食兩至三份才足夠！

Although the style is tranditional and Hongkongish, the service is not good enough. For example, my friend and I have to wait for a long time for the waiter to clear the table.

同成班同學去食煲仔飯，等左勁耐先有得入鋪食，因為唔俾開枱食，叫左蠔餅、炸大腸等小菜，幾好味，不過又係等左好耐下，之後我叫左個潤腸排骨飯，嫌送少左d，味道還可，整體ok，衛生麻麻，無咩驚喜。

前幾日慶起黎廟街興記食煲仔飯,幸好去到已經有位,但舖已爆滿,有人再黎,阿姐已經叫佢\去隔離分店,眼見甘多人,所以同老公火速落單,落單阿姐全場得兩個,要眼明口快先叫到佢\黎,叫左個滑蛋牛肉餅飯,我覺得幾好食,但老公覺得普通,小菜SIZE比大排檔為細,所以淨係叫煲仔飯已經足夠,座位好窄,環境一般,感覺唔舒服p.s.最好一次過落哂單,原本我地仲想加多個白鱔煲仔飯,但實在上菜太慢,等到老公都有少少火,所有打消左念頭

我超愛依度d白鱔煲仔飯及炒蜆~好有風味~~d飯焦好好好好味!d蜆好惹味~好正~值得一讚再讚係d蠔餅~~又香口又夠多蠔~唔會好似出面d檔口咁~蛋多過蠔!

呢幾日咁凍所以專登搵d暖身的野尼食....尼左食煲仔飯....叫左兩支大可樂+ 一個蠔餅+ 一個冬菇田雞飯+ 一個章魚肉粒飯好好味呀~~~先講友人食的冬菇田雞飯...冬菇好林好好味....點少少佢的豉油...真係頂瓜瓜~~田雞不嬲都覺得好正....真係好似雞....正我食的係章魚肉粒....個人比較like 呢d 冇皮冇骨的飯...係咁自己"不" 就得....章魚粒比較小....同埋好似un 得滯....不過d肉粒大小就剛好....十分鮮~蠔餅都ok....不過唔知應該落幾多佢的醬好...因為唔點又唔夠味點得多少少又會咸得滯....值得留意係佢的可樂...係大可樂尼的355ml.....好滿足....不過呢度...都真係幾dirty.....

天寒地凍, 最好係食煲仔飯但係又唔知去間食好wor咁女朋友就係度search 左話興記好似ok 咁wor~ 咁就去試下啦6 點去到, 入面都唔係太多人我地坐底之後, d 人就開始多~ 仲要冇位坐~ 嘩, 真係好彩如果唔係要坐街出面... 我叫左個咸魚肉餅飯, 女朋友叫左個排骨鳳爪飯之後再叫多個蠔餅同炒花甲先講蠔餅, ok la~ 佢個醬好鬼鹹... 我仲一次點左好多=.=兩個煲仔飯都係麻麻... 佢d 豉油好淡唉... 兩樣sauces 都唔好真係差...... 唯一滿意的是炒花甲環境好污糟, d 阿姐服務又唔好好似欠左佢地咁...

2008-01-23恆指昨日跌了歷史性的二千零六十幾點，到今日升了歷史性的二千三百幾點，果然是大時代，有幸在望三之年前見到，興奮到零八年未曾沾手股票的筆者也忍不住替家母在$161.1入了手港交所。咁開心，食乜好？其實今晚吃甚麼跟股票沒什麼關系的，只是覺得今日幾開心，借題發揮而已。晚上看戲後與兩友來了這裡吃飯。要了個細蠔餅、一個排骨煲仔飯、一個北姑滑雞煲仔飯和一碟白菜仔。一言蔽之，很一般！埋單好像是八十幾，朋友搶先結帳。真失敗，筆者竟要女人家請客！正所謂「倚老賣老」，筆者也不想「倚年輕賣年輕」。筆者也不是真的比別人年輕很多，至少也是有收入人士，下不違例！下次要請人家吃餐更好的！

之前成日聽人講廟街D煲仔飯好正~~尋日放工就行左去試~~~見到哩間咁多人排隊..唸住一定唔會差得去邊啦~~2個人...都要等左陣先有位~~叫左一個細既蠔餅....一個腊腸雞+一個排骨雞煲仔飯~蠔餅--->OOKK咁囉~~不過就好少蠔~~煲仔飯--->真係唔係好得囉~~~又少"送"WOW而且..D飯都唔乾身既~~又冇飯焦.....一D都唔似煲仔飯呀!!~~今次食完...一定再冇下次呀~~~

count down 完後, 想搵d好鍾意的野食. 一諗就諗起暖笠笠的煲仔飯. 真係好好味架! 由尖沙咀走到廟街, 由本來唔係好餓, 等到忍唔住走去買魚旦吃, 足足半小時有多, 才等到那熱騰騰的煲仔飯. 很久沒完用炭爐煲的了. 今次真係等得有價值, 至少可嗅到那違久了的炭爐煲仔飯風味, 而飯也煲得乾身, 有飯焦呀! 同場並有煎蠔餅. 雖然蠔的份量少得可憐. 但好味, 有時係由源自風味.

見多人排就中招,坐低等執檯及叫飯好耐.終於等到飯到,阿姐放低兩煲煲仔飯,一打開,老婆煲滑雞飯煲裂開,煲仔飯飯連瓦煲跌左一角到檯面,話比姐換個煲飯,但老婆怕佢就咁將D雞過返煲,會很老,我即刻跟住阿姐行,追住煲飯,見佢過兩個舖去番煲飯檔,檔位阿姐即刻用回舊煲仔飯之滑雞,用落另一煲飯再煲.我出聲仲比佢鬧,返回檯面後,老婆決定唔要煲仔飯啦.情願去第二間,比收錢阿叔"依依我我"另外窩蛋牛煲仔飯,$18+2 ,煲仔飯不夠熱,冇飯焦,兼豉油太咸,冇下次.跟住同老婆去四季

係比四季煲仔飯條人龍嚇窒後,才退求其次到興記.就算是興記,也一樣要排隊入座.煲仔飯的魅力,令到西裝骨骨的上班族,一身MK look的"邊青",兩小無猜的小情人,甚至一大班貌似大學生的年青人為之著迷,幾種在社會不同位置的人,也為個煲仔飯,三唔識七坐在一起.這個小小瓦煲的凝聚力,實在不可小欺.炭爐煲仔飯製作需時,再叫多份蠔餅來"攝"時間,不幸地,連蠔餅也等上差不多二十分鐘.上到桌,竟然不是熱辣辣,不是即叫即整,而是整定的嗎?那麼,為何要等那麼久?攤凍的蠔餅,失去了香脆口感,味道亦隨之變得曖昧.今次要的煲仔飯是潤腸排骨飯,一打開蓋,一點熱氣也沒有,再摸下個瓦煲,慶幸還是熱的.面頭的材料不多.底下的白飯,一目了然.一咬其潤腸,咦?是否臘腸?再吃下去,終吃到點點潤腸的油潤鬆化感覺,感覺有點弔詭.排骨沒有一點肉味,更遑論有肉汁.飯底比上次來吃的較乾身,飯粒分明,不會有些過生有些過熟,可惜一點炭香也沒有,底下的飯焦,一點也不脆,淋劈劈的飯焦,真係想問下點樣整出來?其豉油就較得幾好,咸甜度剛好.勉何用來撈下這個沒有味道的飯底.八個人逼在一樣檯,非常劑逼.全程要半側身吃,才能避免同隔離食客有"肢體碰撞"