臺北棧 (荷李活道) (已結業)

鮮蟹肉麻婆豆腐撈麵-其實都幾大碟 我地3個女仔食呢碟麵都已飽飽地 啲麵係意粉嚟 加埋個麻婆豆腐既配搭都係第一次咁食 但竟然意外地好食 蟹肉都幾多冇雪味 同埋麻婆豆腐又唔太辣 食入口滑溜溜的～ 平時食既蛋餅入面都係芝士/肉鬆/煙肉...想有新食法就要去呢間餐廳了 我跟朋友選了泡菜豚肉蛋餅 嗜好辣者不容錯過 辣道剛好 而且加了泡菜好有咬感 蛋餅皮亦唔會好厚 一啖食落去岩岩好～小食叫了香蒜三色台灣腸 menu 有講到佢係台灣直送既 加了蜜糖既台灣腸令人垂涎三尺🤤 好有台灣夜市食既嗰種感覺 只係份量較少 同埋食啲蒜有點苦必食！ 香港好難搵到牛奶麻糬 今次叫了oreo 牛奶麻糬 有得玩又有得食👍🏻👍🏻 佢個麻糬入口即溶 最好把佢整細份啲 黏上更多的oreo 碎 就更加好食了餐廳環境好modern 店員都有耐性 只係繁忙時間較多人排隊

Lunch time 黎到中環呢間台灣店，地點偏遠，距離中環地鐵站有啲距離。Check-in Taipei都比較出名，lunch time如果唔book定枱，多數都要等位。我就叫左黑蒜香油牛肉麵同珍珠奶茶。原本想試下蛋餅同佢好出名嘅奶奶麻薯，但原來lunch time唔出售，真可惜！可能我本身鐘意蒜味嘅食物，我好鐘意嗰碗黑蒜香油牛油麵。牛肉好味而份量不少，台灣麵粗身，亦有溏心蛋、四季豆、豆卜等配料。加埋一大堆蒜，味道十分濃郁，但又唔會太咸😋珍珠奶茶就一般，冇咩特別。用呢個價錢喺中環呢個地區食好味嘅台灣菜尚算合理。

每次經過這裏也看到這間餐廳，但每次行過想找餐廳時又想不起這餐廳的，今次專誠去餐廳食台灣菜。環境較暗，不繼播放流行曲。粢飯遇上蛋餅蛋餅同在台灣食有些不同，台灣的蛋餅比較油膩，這個比較乾身，裏面的油炸鬼也不太油膩，連肉鬆和醬汁一起食正合我心意。豬軟骨鯊魚骨豆乳湯麵湯底濃郁，不是稀身，豬軟骨腍軟，油條脆而不膩，而蟲草亦經炸過，單食又得，浸腍食亦得，刀削麵質地彈牙，令我吃不停。經典珍珠奶茶珍珠超彈牙，茶很香不會只得奶味。伯爵茶凍QQ芋圓伯爵茶凍清香的味道很吸引，一匙裏有伯爵味、檸檬味、綠豆味、珍珠味，芋圓又有地瓜和芋頭味，令味蕾勁複雜。

聖誕前夕總是holiday mood，開始放慢腳步四出吃喝玩樂了。在出發到每年必到的中環海濱環球嘉年華前，先到中環半山這美食尋寶地飽飽口福。Check-in Taipei，顧名思義主打台灣菜。跟一般香港的台菜餐廳不同的是，它還設有吧枱提供酒精飲料，不少cocktail 的品種都加入了台灣特式。台豐牛肉麵這碗牛肉麵是餐廳的主打菜式，在台式牛肉麵的基礎上，再加入餐廳獨特的風味～老油條、台式蘭花乾和蟲草花脆脆。湯底是鮮美的牛骨湯，把炸得香脆老油條浸浸湯，再咬一口，美味得不得了。牛展煮得腍腍的，再加上口感煙韌的刀削麵，整碗牛肉麵堪稱完美了。鮮蟹肉麻婆豆腐撈麵一絲絲的蟹肉，配上軟滑的麻婆豆腐，配合麻辣度適中的醬汁，整碟撈麵不論是材料還是味道都配合得天衣無縫。手繪雙色鹽酥雞雙色是指兩款不同口味的醬汁：柚子沙律醬和黑松露沙律醬。兩款醬汁一甜一咸，互相交熾帶來味蕾的衝擊。鹽酥雞做得脆嫩可口，用來做下酒物更上一層樓。

雖然已經多次到訪Check-in Taipei但仍不厭倦，全因他們不斷推陳出新，每次來到都總會有意外驚喜。上次到訪後不久又換上新餐牌，換上數款以不同國家為主題的蛋餅，別出心裁。坊間的台灣菜館星羅棋布，但明顯會看得出這裡比起其他餐廳都別具匠心，不會墨守成規，反而不斷將新元素融入傳統菜式當中，新鮮感不斷，價錢亦相當親民。櫻花蝦烏醋茄子 ($48)茄子煮得香軟入味，有如海綿一樣盡吸烏醋變得酸甜多汁，櫻花蝦除了增添一份鹹香外亦令口感更加豐富，簡簡單單卻百吃不厭。芥末雲耳淮山 ($48)雲耳爽脆之餘酸甜開胃，後勁逐漸滲出一絲芥末辛香，不至過分嗆烈。秘製酸辣手工餃 ($65)手工餃皮質感煙韌但偏厚，中間包著椰菜及豬肉碎比較清淡，配上酸辣醬恰到好處。冬陰功龍蝦蛋餅 ($88)蛋餅中間包著牛油果及龍蝦沙律，整體配搭不錯惟冬蔭功主題不夠出眾，冬蔭功醬酸味較為突出近似千島醬。栥飯遇上蛋餅 ($68)以蛋餅皮取代糯米飯，將栥飯搖身一變成為蛋餅，新舊交融，當中保留肉鬆、榨菜和油炸鬼，油炸鬼保持酥脆可口，口感豐富，但個人認為如果肉鬆份量更多會更上一層樓。髒髒紫薯麻糬蛋餅 ($75)蛋餅外層撒上一層紫薯粉之餘更裹

<Check-In Taipei>🍽 台豐牛肉麵💰 108❃ 好大碗，亦好足料，配搭了豆卜、溏心蛋和油條❃ 刀削麵有嚼勁，有口感🤩❃ 牛肉十分鬆軟亦很入味🤤❃ 不過個湯底就麻麻，有少少藥材味，唔係好慣🤥🍽 台式肉鬆蛋餅💰 68❃ 好失望嘅肉鬆蛋餅😣❃ 蛋餅唔係煎得好脆，而啲餸都唔係好夾❃ 個蛋好薄，同喺台灣食嘅好唔同❃ 肉鬆雖然好多，但夾埋啲沙律醬有啲奇怪，好似又甜又鹹咁🤦🏽‍♀️❃ 睇其他食評，相信其他蛋餅應該冇咁伏🤕.🌟食物質素：6.5/10🌟性價比：6/10🌟餐廳環境：8/10🌟服務態度：6/10———————————————Check-In Taipei中環蘇豪荷李活道27號地舖

芋泥牛角包我是芋泥控，我當然是點了一份來試試。頭先是牛角包，上盛的牛角包外皮要鬆脆，一咬便是清脆的“咯咯”聲；內餡氣孔大小平均，橫切面呈蜂巢狀，吃起來才能酥香與空氣感兼備，折位要層次分明。我也是做包點糕點的廚師，其實如果牛角包做得好的話，即是急凍保存再翻熱也是能夠保持酥香空氣感，中當中我也是反覆嘗試練習多次才能做出。但這個牛角包做得一般，沒有彈性跟酥度，而且應該是急凍過再加溫考到解凍。當中可取是芋泥，芋泥是原始的那種味道，香綿密滑，口感是不錯，另外炒蛋也做得香滑軟熟，配合麵包原本是一流的，可惜整體敗筆就是那個牛角包！@yumichef

去完大館，係附近見到呢間台灣野裡面好多食客，應該係質量保證😇餐廳有不同酒類產品，所以有埋bar檯環境不錯，仲有玩味poster小食選擇還可以蛋餅好多不同口味，fusion感十足髒髒紫薯麻糬蛋餅 $75賣相很吸引！麻糬料很足，非常煙韌，嚐到奶香味紫薯蓉不算太多，所以不會太膩台豐牛肉麵 $108選了刀削麵，質感很好，有咬口果然有豐盛既材料😍溏心蛋、蟲草花、炸過的油條很脆！牛肉滷得入味，而且入口即化👍🏼炸地瓜薯條 $65陪了話梅甜酸醬，清新開胃其實單吃地瓜條已經很美味天然的甜味很可口鮮薑汁撞奶 $48上檯時還陪了木蓋子，可以保持飲品熱度很貼心朋友說如果薑汁再多點再濃點就完美了！冬天喝這個很療癒呢！綠豆沙牛乳 $48在台灣大有聲名的飲料，果然好喝！綠豆味不突出，但增加了沙沙的口感，層次更豐富了👍🏼👍🏼

這天中午和男朋友在中環逛街，然後來了這邊吃午飯我和男朋友也挺喜歡吃台灣菜的（笑這裡的環境我也很喜歡，是台式的酒吧帶點昏暗的環境感覺很relax呢我點了杯珍珠奶茶，奶香味濃珍珠QQ的挺不錯呢！滷肉飯（推薦）碗子看起來不大，但其實份量挺足的滷肉肥美可口，滷水汁煮得很入味香甜味道香濃超級好下飯的！米飯也煮得剛好而且有米香，真棒！另外滷蛋還是溏心的，好喜歡哦！麻辣炒手外皮夠薄而且很嫩很Q，調味是帶點酸甜的麻辣醬汁，非常惹味開胃呢！牛肉麵（大推）賣相討好而且配料非常豐富牛肉湯味道香濃而不油膩充分吸收了牛肉湯的牛展肉爽爽嫩嫩的味道不錯另外麪條很爽滑彈牙，是我喜歡的那一種麵條，因為口感非常好沾了牛肉湯的油炸鬼也很好吃而且上面還放了炸過的蟲草花，脆脆的很香口紫薯麻薯蛋餅賣相非常吸引！所以點了一個口感棉密香甜的紫薯泥再配塔口感軟糯的麻薯和QQ的蛋餅皮，真的超級好吃呢！

呢間餐廳位於中環soho 附近，之前起社交平台見到有朋友post 過呢度的食物同酒，幾吸睛！今日打算去大館行下，就先到這裏食個午餐先！中午就不飲酒啦，只叫了幾款食物火焰原條日式鰻魚起司玉米蛋餅話明火焰🔥，我都知佢一定會係用火燒過。不過估唔到係上碟後即場燒，望住啲芝士一燒就溶，啲香味出曬黎！燒完後，明顯睇到芝士溶左，賣相一流原條鰻魚覆蓋住成個蛋餅切開後是這樣的蛋餅皮唔算厚，入面包住玉米同芝士，配上醬汁，好味！我鐘意加少少木魚碎一齊食，口感更好鮮蟹肉麻婆豆腐撈麵這個係小辣，食落個人覺得唔辣。蟹肉同麻婆豆腐都幾夾，最重要夠多汁每條麵都有汁，唔怕乾，味道不錯溏心蛋魯肉飯溏心蛋魯肉飯溏心蛋浸得入味，不過可以再溏心多少少魯肉好入味，肥瘦比例適中，最重要夠多汁，撈飯食好正！成碗食曬無難度！

我覺得每一次想要食這一間餐廳都好困難，這次我在午休時段之前45分鐘入座終於有位可以食到。美中不足是原來午市時段不能夠點我想食的那道甜品——奶奶麻糬，希望終有一天我們能遇上。食後感是這間餐廳能夠在食店林立的中環區也能排得這麼前，確實是名不虛傳。整體每一樣食物也很有頗水準。我們點了三道菜。第一樣手繪雙色鹽酥雞$88，算是三樣裏面比較普通的一碟。炸雞大小合適，配上擺盤看來尚算精緻。其實說到底就是炸雞配上兩款口味的沾醬，一邊是帶點芝麻口味，另一邊是淡芥末味的蛋黃醬。這樣的食法不算創新，但幸好兩款沾醬味道濃淡合適，吃下去不會覺得很油膩。第二樣是鮮蟹肉麻婆豆腐撈麵$148，這道菜有驚喜到我。整道菜都是粉嫩粉嫩的，麵條本身粉嫩粉嫩，豆腐當然又是滑不溜口。麻婆豆腐本身不是很辣，帶點勁之餘還算是順口的。這真是萬幸，因為其實我們二人也不是很能吃辣。麵上面的蟹肉份量還真多，以這個價錢來說真是超出想像。我不知道是不是新鮮蟹肉，但吃起來不會有雪藏味，肉質也不會很霉。所以這道菜雖然$148 ，但吃完之後又覺得其實不算很貴。最後一樣是甜品。說到台灣小食，我最喜歡蛋餅。但香港有賣蛋餅的台式食店不多。這間店是賣台式新派

今日返工期間，跟兩個同事臨時興起，說附近有一間台式餐廳非常出名，而我們三個又未食過，於是就打算放工之後去試下。我們7點放工，聽聞這間餐廳平日晚上會有很多人排隊，而我們在沒訂座的情況下，唯有一放工就馬上飛過去，希望不用等位。我們取個代號叫「飛轉台北」，原因是餐廳的名字叫「Check-in Taipei」。儘管我們一放工就飛過去台北，但實在有太多同路人，所以都要在門外等大約15分鐘左右Check-in。我們好好利用這段時間，研究一下食什麼。雖然這是台灣菜，但實際上卻是台式Fusion 菜。以台灣的菜式配上其他的材料和煮法，已令我們三個對這個台北之旅予以厚望。➣ 1. 泡菜起司豚肉蛋餅這個就是台式mix 韓國style。蛋餅內夾著韓國泡菜，再加上芝士和豚肉，咬落去確實有點juicy。加上，蛋餅沾上韓式辣醬，所以整個味道會較偏重於韓國口味，比一般的傳統蛋餅較為特別。➣ 2. 手繪雙色鹽酥雞對於台灣菜來說，鹽酥雞算是必不可少之一的台式小食。普通的鹽酥雞平時食得太多，這裡的特色之處就落左於它的「雙色」。所謂「雙色」，其實就是松露醬和柚子醬。所以鹽酥雞就不會太鹹，反而沾上雙色醬之後，會帶點香甜味道。

環境4分：半酒吧半餐廳格局，周圍果D字句標語同台北好有關連，背景播住D輕鬆嘅台灣流行歌曲好正好有feel，好有身在台灣嘅感覺，可以畀四分。衛生4分：地方都好乾淨企理，枱面又冇黐立立，都係畀四分。服務 5分：服務員夠爽手，對食物又好熟，送餐時又會提點乜嘢要先食，非常之細心，態度好好，服務可以畀滿分。味道4分：1)      手繪雙色鹽酥雞有七件雞。Ｄ雞炸得好夠乾身同好脆，入面Ｄ雞肉又夠軟滑，點埋兩個松露醬同柚子醬都好香好有特色，十分滋味。2)      大大碗嘅牛腱鯊魚骨豆乳湯刀削麵上枱，裏面有油炸鬼，蟲草花脆脆，蘭花乾，豆腐，當然有最主角嘅牛肉，同埋半隻糖心蛋。超脆嘅油炸鬼浸落碗熱嘅高湯度，索曬Ｄ高湯嘅汁特別好味。湯入面有大約四五塊嘅牛展，非常淋，唔洗牙都咬到，湯底個牛味非常濃，絕對可以飲曬Ｄ湯。抵食4分：响中環酒吧區嚟講，百幾蚊食個晚餐一Ｄ都唔貴，可以畀四分。

<Check-In Taipei>🍽 Oreo奶奶麻糬💰 75- 一大舊麻薯鋪滿滿滿嘅Oreo碎😍- 麻薯非常之滑，而且好chewy，好有口感👍🏾- 最鍾意嘅地方係佢充滿奶味而且唔係話特別甜🤤🍽 溏心蛋魯肉飯💰 45- 細細碗嘅滷肉飯，適合另外叫小食送飯- 魯肉嘅肥瘦比例合適，啲肉淋得來唔會話好肥膩😍- 不過真係好細碗，所以食幾啖就食晒😂.🌟食物質素：8/10🌟性價比：6.5/10🌟餐廳環境：8/10🌟服務態度：6/10 （感覺叫佢加水，啲侍應好似好唔耐煩😂）———————————————Check-In Taipei中環蘇豪荷李活道27號地舖

朋友約在這間餐廳晚餐，之前經過很多次也沒有進來，這次終於來試試。我們點了冬陰功龍蝦牛油果蛋餅、黑蒜香油牛肉麵和黑糖蕨餅奶奶麻糬。冬陰功龍蝦牛油果蛋餅（$88）蛋餅皮煙韌有口感，龍蝦肉和牛油果跟醬汁融會一起，配合鋪在蛋餅上的冬陰功汁，不錯。黑蒜香油牛肉麵（$118）因為我很喜歡黑蒜，所以一看到就選這個。但這碗的黑蒜味很欠奉，完全吃不到黑蒜香味，失望。不過它的牛肉則滿嫰滑，最喜歡是鋪在面頭的蟲草花，很香脆美味。而老油條則覺得炸得過頭了，脆到只有乾和硬，沒有味道與口感可言。而麵，可選拉麵或刀削麵，我們要了後者。刀削麵十分厚實，有嚼勁，煙韌有咬口，讚讚。黑糖蕨餅奶奶麻糬（$75）這個好好玩😂，可以給我們搓圓撳扁。奶奶麻糬超QQ，先把整餅麻糬沾滿黃豆粉，再用筷子切開一塊塊，然後淋上黑糖，就吃得。雖然外表看起來很像吃落口會很黏答答，但不會，它軟綿細膩而輕盈。麻糬入口滲著淡淡奶香味，蘸上黑糖吃，微微香甜。而蕨餅很小塊，且比較普通，不太QQ。當我們吃了一會，外面便開始人多，更排起隊來。這裡的職員十分有禮，會細心講解。