臺北棧 (荷李活道) (已結業)

Stumble upon this Taiwanese restaurant on a lazy afternoon... Didn’t have any expectations when we walked into this restaurant around 3pm on a weekday... we were offered a small menu and we ordered a spicy beef noodle soup, octopus balls and some egg plants! The food was actually very nice that I want to come back to try their main menu! The bubble milk tea was also very rich in tea flavours! Paid $189 for two!

今日去左中環食飯，一諗就諗到checkintaipei啦！我同朋友去到，等左15分鐘先有位！餐廳捧場客非常多。餐廳好有台灣夜市feel，夠哂吸引！我同朋友一人一碗滷肉飯。滷肉半肥瘦，肥肉唔算太多，入口肉香滿滿的，醬汁好滋味，溏心蛋好滑溜。我地叫左一個小食，主攻蛋餅。粢飯夾蛋餅，中間夾左油炸鬼，卜卜脆架！最後我地叫左一個甜品！奶奶麻糟，有好多隻口味，我地叫左黑芝麻，無加糯米粉，食完都唔會太飽濟。芝麻好香！

🦀麻婆豆腐鮮蟹肉撈麵 $148.啱晒鍾意重口味嘅朋友仔🤣麻婆豆腐醬香濃惹味，帶點微微辣。就咁食味道略嫌偏咸，一定要撈均蟹肉同麵條食，咁就啱啱好👌🏻不過不足嘅係蟹肉嘅味道會被蓋過。幾鍾意麵條，彈牙有嚼勁而且都幾掛汁！特別一提係佢嘅份量好多，兩個女仔share基本上唔洗食其他野就飽左🤣.🐟火焰原條鰻魚起司玉米蛋餅 $148.(前)呢個新式日台fusion蛋餅有創意得黎做出黎個效果好好🤩原條鰻魚好肥美啖啖肉👍🏻配上可以拉絲嘅芝士味道好夾，仲有大量粟米粒，整體好味得黎又豐富🙌🏻.🥑冬陰公龍蝦牛油果蛋餅$88 .(後)呢個係另一款fusion蛋餅，係泰式style嘅！軟熟嘅牛油味加上彈牙嘅蝦肉同QQ嘅蛋餅嘅口感幾夾。面層係冬陰公味嘅sauce，有泰國風味得黎個味道調得比較light，唔會話太重口味👌🏻.🖤黑糖蕨餠奶奶麻糬 $75.奶奶麻糬嘅口感好light，冰涼得黎入口即溶😆聽返staff講，係用日本鮮牛奶同木薯粉製成，冇添加奶精同糯米粉架☝🏻配上大量黃豆粉再蘸上少少黑糖，香得黎唔會太甜膩😍仲有佢嘅蕨餅都做得幾Q彈煙靭🙌🏻.

同朋友去中環PmQ 既market下午茶搵左呢個台灣餐廳感覺 相當地道所以一試綠豆沙牛乳同苦瓜汁都是去台灣必點的!!超喜歡這個味道 不太甜綠豆變成泥的質感再加牛奶 好味呀響香港比較難飲到呢個餐牌好吸引 有蛋餅 麵食 同素食選擇都多多款蛋餅口味 選擇就點了一份粢飯蛋餅好大件呀 即製的 有6大件內裡油條好香脆 唔油 配汁 好好食仲有多款小食呢個係我最喜歡既鮮蟹肉麻婆豆腐撈麵好多蟹肉 是微辣的 超惹味 佈置也不錯下次再黎試湯麵和麻糬吧

我今日去左中環開會，開到6:00就想係中環食埋晚餐先番屋企啦！中環食飯我必定會諗起一間蘇豪區的台式餐廳，有少少外國風味，店內又不失台灣夜市味道。晚市人客非常多，我一個人都等一陣先入座。我叫左鮮蟹肉麻婆豆腐撈麵。蟹肉份量非常多，啖啖蟹肉非常鮮甜鮮嫩，麻婆豆腐撈麵充滿新意。撈麵掛上濃濃醬汁夠哂滋味！餐廳最近新推出多款蛋餅，用左新鮮鴨蛋更加香口。紫薯麻糬蛋餅，紫薯香味濃，中間夾上麻糬，好軟綿帶有輕輕甜味。冬蔭公龍蝦牛油果蛋餅。我好鐘意依款蛋餅，中間冬蔭公醬好濃郁，滿滿牛油果和龍蝦肉，好滿足！

喺中環睇完醫生諗住嗱嗱聲食餐飯就走，地下就見到有一間台式野，都有啲人排緊隊，甘啱有為好快入就入咗去食啦。呢度嘅裝修似係一間吧多過係就咁食嘅啫，但係啲嘢食好有特色，有少少似台灣加咗其他國家嘅特色菜咁。泡菜起司豚肉蛋餅$75台式嘅蛋餅但係裏面夾左泡菜同埋起司，成件事就好似台灣加韓國嘅fusion咁，裡面用嘅豬肉一啲都唔肥，帶到個肉味出嚟，令到個蛋餅嘅口感豐富啲，成個菜式酸酸辣辣，非常開胃，最出色嘅係佢用嘅醬唔算落咗好多，唔會好似平時啲韓式菜咁樣蓋過晒原本嘢食嘅味道。櫻花蝦烏醋茄子$45簡簡單單一個前菜，但係就加咗櫻花蝦呢樣比較日式嘅材料，烏醋食落甜甜地，比平時食到嘅少咗啲煙熏味，好啱我食因為我本身唔係好鍾意煙燻。豬軟骨鯊魚骨豆乳湯面$145呢個湯嘅味道好濃郁，有少少嘅豆味，但係比較重膠質咁，好creamy。豬軟骨嘅做法好日式，但係隔離加咗兩條非常之脆嘅油炸鬼，成件事又變咗台式少少，好得意，成個配搭好夾，底用咗台灣嘅關廟麵，少啲鹼水味，食落煙煙銀銀，好有口感。奶奶麻薯$68不愧為呢度嘅signature，真係一定要試吓，非常重奶味，完全食得出係用鮮奶整，但係就可以做到麻薯嘅效果，好健康地食到

今日黎到呢間食台灣fusion既鋪頭，平日夜晚一入到去都好full，幸好等左一陣就入座。餐牌上有很多台灣的特色美食，先點了手繪雙色鹽酥雞。鹽酥雞特別在他的醬料，雙色醬料配上鹽酥雞很夾，有別於平時的鹽酥雞。說到台式美食，當然要點台豐牛肉刀削麵，湯底的牛肉味十分濃郁，牛也十分鬆軟，另外店鋪也加了不少配菜。再來是溏心蛋魯肉飯 ，魯肉味十分香濃，好像去了台灣夜市。本身也想試麻薯，但吃得太飽，唯有下次再來吃！

每一次經過中環蘇豪區的時候都很想進去這店。內裏的霓虹光管總是讓美食添上夜生活的色彩。 「台北101煙花匯」是他們的主打雞尾酒之一，上枱時店員會用烈酒倒在飲品旁邊，然後點燃，再灑上肉桂粉製造火花，場面震撼，非常吸睛！他們亦有多款蛋餅可以選擇，我最喜歡冬陰公龍蝦牛油果蛋餅。冬陰公醬香料十足，而且不太辣，襯托了牛油果和龍蝦的口感。除了辛辣的泡菜起司豚肉蛋餅和創新的粢飯蛋餅外，火焰原條日式鰻魚起司玉米蛋餅也是一個滋味必選。焦香的芝士配上炭燒鰻魚汁，實在是欲罷不能。甜品方面不得不點髒髒紫薯麻薯蛋餅，濃濃的紫薯味配上煙韌的麻薯口感十分豐富。當然不能不點他們的經典黑糖蕨餅奶奶麻薯，既好吃又好玩，滿足你多個願望。

今日同朋友係中環食飯，好耐無食過台灣野，記得呢間之前食過晚市覺得幾好食！入面有好多台灣特色嘅野，但又比起其他台式餐廳多一份modern嘅感覺。溏心蛋滷肉飯（$48）賣相幾靚，溏心蛋好食，碗飯都幾大碗。面頭鋪滿滷肉，滷肉切得比較大粒，有口感，入味。啲汁唔太多，啱啱好，唔會令到啲飯太腍～鮮蟹肉麻婆豆腐撈麵（$148）份量同樣係好多，鋪滿咗蟹肉碎！！麻婆豆腐入面有肉碎，辣度適中，撈埋啲麵食剛剛好。一個女仔食份量有啲多，同friend share就ok。粢飯遇上蛋餅（$68）蛋餅切成6件，第一次咁樣食，幾有新意～平時食蛋餅都係食粟米比較蛋，粢飯脆脆地幾好食！綠豆沙牛乳（$48）味道好濃，飲之前最好攪一攪。經典珍珠奶茶（$42）茶味較濃，珍珠都幾煙韌。

一向都覺得呢間台式餐廳幾跟得上潮流，每道菜除左保留台式傳統外，亦不失創意，所以每次嚟都有驚喜。今次嘅目的一定係蛋餅同麻糬，蛋餅有四款口味，可以一次過滿足鹹甜兩食的慾望，蛋餅厚度剛好，即使放涼亦保持鬆軟。冬蔭公龍蝦牛油果 $88 呢個配搭有新意，落料相當大方，每口都係啖啖肉，若冬蔭公味濃啲會更好。至於甜食又豈能錯過紫薯麻糬蛋餅$75 新鮮紫薯配上軟糯麻糬😋奶奶麻糬$68 口感軟Q，不太甜 有奶香，配大量黃豆粉同食，非常滋味。外脆內軟嘅手繪雙色鹽酥雞$85，可沾上旁邊嘅黑松露醬同柚子沙律醬，個人覺得柚子醬好有驚喜，味道清新 ，亦減輕炸雞嘅膩滯感。其他小食炸物亦相當唔錯，有蒜香三色台腸$65, 魯肉拌台灣A菜$75, 胡麻涼拌秋葵$52

之前食過呢間台式餐廳，一路都想再食，不過經過親都好多人排隊。今晚終於少啲人，等咗一陣就可以入座啦。餐廳面積唔係好大，但係裝修都幾別緻。門口寫住我愛台妹四隻字，都幾吸睛。一邊係，普通食飯枱，另一邊就係長型吧檯。雙色炸雞 (⭐⭐⭐⭐⭐)雙色係有柚子醬同埋黑松露醬，由於有兩隻色再加埋炸雞喺中間，賣相都幾吸引。柚子醬略勝一籌，炸雞炸得幾脆，值得推薦。泡菜蛋卷 (⭐⭐⭐⭐⭐)唔知點解台式餐廳會有呢款菜，其實仲有鰻魚蛋卷，不過泡菜好似特別啲。泡菜配蛋卷令到口感層次豐富。泡菜都幾辣，蛋就好香滑喇。蟹肉豆腐撈麵 (⭐⭐⭐⭐⭐)超級正，大大碗係兩個人嘅份量。濃郁嘅蟹味加埋豆腐真係百吃唔厭。撈麵少少辣但可以接受。番薯條 (⭐⭐⭐⭐💢)份量比想像中多。幼身嘅番薯條，賣相幾好。熱辣辣整出嚟即食，仲有醬汁點，係前菜唔錯嘅選擇。~~~~~~~~~~~~~~~~~~~~~~~~ Check-In Taipei 中環蘇豪荷李活道27號地舖推介菜式：蟹肉豆腐撈麵、泡菜蛋卷👍🏻正宗台茶👍🏻座位舒適👍🏻賣相吸引 

星期天和好朋友在中環嘆Brunch，地點由朋友推介，是位於蘇豪區的check in Taipei。胡麻涼拌秋葵冷盤的秋葵更為爽口，加入胡麻醬令味道更吸引，作為前菜非常適合。芥末雲耳淮山雲耳和淮山一向都是我至愛的冷盤，因為喜歡它口感爽脆，而這是我第一次食用芥末醃製的雲耳淮山，想不到滿有驚喜，味道非常惹味，我和朋友都讚口不絕。冬陰公龍蝦蛋餅這是我一早鎖定的菜色，冬陰公完全沒有辣的感覺，反而有助提起龍蝦的鮮味，蛋餅由鴨蛋製造，口感煙靭。溏心蛋滷肉飯滷肉飯十分好吃，溏心的蛋黃、充滿醬汁的半肥瘦的滷肉配上白飯，非常滋味！伯爵茶凍QQ芋圓這芋圓可說是台灣的地道小食，每一種配料口感都非常Q彈，當中還有我最愛吃的滑嘟嘟寒天呢！綠豆沙牛乳現場即叫即製，非常新鮮！綠豆和牛乳的配搭非常匹配，口感滑溜，令人有想追加的感覺！如果可以大杯一點就非常完美！

餐廳位於中環荷李活道，半山自動扶手電梯直達，餐廳環境清潔衛生，店員服務周到。手繪雙色鹽酥雞85元，雙色是指柚子醬汁和黑松露醬汁，炸雞的漿粉薄薄，外層鬆化有少少鹽味，內裏雞肉嫩，兩款醬汁都好味道。溏心蛋滷肉飯48元，大大碗，滷肉惹味但不太咸，醬汁份量恰到好處，飯粒軟硬適中。牛腱鯊魚骨豆乳湯麵135元，牛展肉是厚厚的，肉質軟淋易咬，湯底濃味，麵質彈牙。紫薯麻糬蛋餅75 元，賣相美麗，芝士味淡淡，紫薯飽肚，麻糬煙韌，蛋味香，口感層次豐富。總結：食品有特色，價格合理。

好鍾意黎呢度食台灣菜🇹🇼, 仲有台灣歌聽 🎵, 好有feel~ 飲品方面, 我推薦綠豆沙豆漿, 我次次黎都一定會order😍！綠豆沙豆漿質感creamy, 綠豆泥綿密香甜, 有淡淡既豆乳味, 好鍾意呢個配搭! 佢地今次推出咗幾款新台式蛋餅, 蛋餅採用鴨蛋, 蛋味較為香濃。冬陰公龍蝦牛油果蛋餅🦞🥑 — 🇹🇭 泰國風味, 蛋餅幾juicy, 冬陰公醬汁惹味, 龍蝦粒有彈牙既口感。值得一試 !髒髒紫薯麻糬蛋餅 — 🇯🇵日本風味,裡面是滿滿的麻糬, 紫薯泥香甜軟綿。冇諗過麻糬同蛋餅會係唔錯既組合！豬軟骨鯊魚骨魚湯麵🍜 - 可以揀拉麵/刀削麵做麵底。湯底以鯊魚骨、豬骨、鮮腐皮、豆漿熬製而成, 湯底味道鮮甜、濃厚。湯底充滿骨膠原, 好養顏喔~ 刀削麵上面有豬軟骨、油炸鬼、鮮腐竹、半隻溏心蛋等等。麵條有微煙韌彈牙既質感, 掛湯力強, 充分吸收到魚湯既鮮味。豬軟骨肉質軟腍, 有黏黏既口感。喺香港都可以食台灣大熱既淡水鮮奶麻糬! 每日限量供應的, 想食就要趁早留定~ //黑糖蕨餅奶奶麻糬//將麻糬撈埋黃豆粉, 然後再倒上黑糖漿, 食得~麻糬好柔軟！ 鮮奶麻糬冰涼軟綿, 有入口即化既口感, 比一般既麻

冬蔭功龍蝦蛋餅，一上枱賣相好靚，切開5至6小塊，薄薄嘅蛋餅入面包住龍蝦同牛油果。切開嘅每一小塊，塊塊都有龍蝦同牛油果，味道好夾，食完都幾飽嫁。牛腱鯊魚骨豆乳拉麵，湯好好飲，好飲到成碗湯都飲曬。拉麵有4-5塊牛腱，牛腱好稔好入味，仲有兩條油炸鬼。溏心蛋滷肉飯，唔好見佢個碗細細地，其實入面好多飯。滷肉都幾多，啲汁好好味。奶奶麻糬Oreo，呢個真係必嗌，又好玩又好食。鮮木瓜牛乳，牛乳好滑，味道淡淡地，唔會好甜，牛乳同木瓜好夾，好好飲呀。