胡爐 (已結業)

銅鑼灣百樂中心內有多間不同種類的餐廳，由於今日實在係交通上花費太多力氣，決定與好兄弟食間好D的高級火鍋，散一散身上的鬱悶頹氣！OPENRICE網上訂座，二人同行以上及人均消費$200以上會贈送火焰龍蝦海鮮火鍋，以餐牌上標示價格來說，真的沒有難度，如叫一碟肉類，再加生菜、雜菌拼盤、餃子等配菜，條件已達到！事實上，這裡較一般餐廳收費較貴，但以高級火鍋餐廳及提供食物與服務質素而言，是可以的。我挺喜歡呢度座位與座位間有屏風，讓我身置於私密空間，坐下來更自然舒服。這裡提供基本醬料，如蒜、沙茶醬、麻醬、香蔥、辣椒、芫茜等等原火鍋材料，非常吸引！火焰龍蝦海鮮火鍋 $398工作人員會以牛油炒龍蝦、蜆、洋蔥及蕃茄等配料，飄來陣陣香味，繼而再倒一些日本清洒加以火燒，令整體層次更高，看似是色香味俱全。稍後他們會將龍蝦湯加進鍋內，仲細心提我地要先飲湯，那味道確是最原始及鮮美。無可否認，龍蝦肉較彈牙新鮮，不過我一口就幹掉成舊肉了。飲完湯，就可以打邊爐啦~~~鮮魚蓉麵$68本人真的勁愛食魚蓉麵，尤其是自行動手這款，口感軟滑，鮮甜突出，份量也很多，足夠2個人食！招牌炸魚皮$68長方形魚皮即叫即炸，跟響鈴一樣是薄薄脆

環境都幾雅緻, 每一個枱隔離都有個活動PARTITION, 唔會打擾到其他人, 幾大心思喎首先店員為我哋炒香咗椰子, 再加雞, 淋咗啲酒, 再加入鮮椰汁, 再加上湯, 滾一滾就食得, 雞浸滿曬椰子湯嘅香味肉, 肉質非常之嫩滑, 個湯底清甜, 一啲都唔油膩, 正呀火鍋配料方面, 我覺得 最正就係個豬皮,豬皮咬落口非常之q彈, 滲滿曬椰子雞湯湯底味道, 真係難以形容! 手吱魚麵, 係畀自己去吱嘅, 份量非常之多, 多到放滿成個鍋咁多, 咬落去軟淋淋,個口感非常之特別, 一啲都唔腥, 價錢又唔貴, 幾抵食喎 另外再叫咗老友鬼鬼, 原來係油炸鬼再釀蝦膠, 外面脆 , 裏面有蝦膠同油炸鬼, 非常之配合,

之前同家人食過醉胡爐已覺得唔錯，上次食左椰子🥥雞，今次見同OpenRice訂座有得送龍蝦窩😮😛😋咁好既優惠真係唔試就stupid😝餐廳喺耀華街、地點就真係好方便，又係成橦都係食肆既大廈。一上到來門面都好骨子，比醉胡爐多左一分優雅風😌雖然地方唔係好大，但係我真心欣賞呢度D setting，就係枱同枱之間有野隔住，好有privacy!🙈😘但又唔會話好焗速，可能因為冷氣都夠啦，起碼唔會好容易吸埋隔離枱D邊爐味🙊不過由於地方有限，咁就真係唔算坐得好闊落啦，香港土地問題邊度都有，所以都可以理解。🤷🏼‍♀️睇餐牌都見有唔少選擇，店員都好細心為我地介紹本身送的窩底已有龍蝦同法式龍蝦湯底😮到時佢會黎先為我地煮好龍蝦窩，飲左湯底之後再加上湯去火鍋，好似幾豐富咁😄所以我地就唔叫太多餸，另外叫多個菜🥗鯇魚腩🐟鵝腸🦆就夠了。另外叫了一個小食同生啤🍺🍻由於我地比其他枱的客人早到，所以落左單店員就好快送上個龍蝦窩來了。原來佢會先乾炒下隻龍蝦先，望落去二人份的龍蝦雖然唔算好多，但睇落隻龍蝦都好新鮮😍除左龍蝦，都仲有幾隻蜆、洋蔥、蕃茄🍅去調味。店員係我地面前介紹後就邊煮邊落左D sake🍶所以搶左一下火🔥好有視覺效果!

晚上同老朋友黎到銅鑼灣搵食, 本身已經知道百樂中心有唔少好野食, 今次就揀左呢間胡爐試下。我地應該係今晚晚餐時段既第一台客人, 上到黎覺得地方雖細, 但每張台依然可以有自己既空間同間隔, 私隱度高, 食得放心又舒服! 值得一提既係椅既下方係有儲物空間, 袋同外套可以擺入去以免食野果陣吸到味, 貼心既安排。略嫌台面空間細左dd, 大部分野食黎到都要擺係旁邊既餐車先睇睇菜單, 我地揀左龍蝦火焰鍋仲有其他火鍋料, 仲揀左個幾特別既黃金炸魚皮。落單後無耐侍應哥哥就拎左醬料架比我地揀, 然後備受期待既龍蝦海鮮鍋都到喇, 睇相就知非常足料, 原隻既波士頓龍蝦切件配上大大粒蜆, 仲有番茄, 洋蔥仲有牛油! 侍應哥哥全程幫手炒同解說, 我地完全唔駛郁手, 炒到咁上下就加清酒同白酒落鍋, 除左視覺效果震撼之外, 散發既香味亦好吸引。最後侍應哥哥會加龍蝦湯, 煮滾之後就可以享用。呢個龍蝦鍋味道夠鮮又唔會好咸, 唔經唔覺已經飲左兩碗, 龍蝦彈牙, 蜆亦大粒同新鮮。呢個時候小食亦都黎到, 揀左黃金炸魚皮同埋酒浸鴨舌。黃金炸魚皮即係咸蛋黃炸魚皮, 即炸出黎真係非常脆又好味, 一定要試! 而酒浸鴨舌就不過不失,

如果大家打邊邊想食高級啲唔想太嘈傾唔同計既，胡爐應該係你心水之選！首先裝修靚就不在話下，野食質素都係打邊爐一個好關鍵既要素！等我同大家講下有幾正先！鍋底有好多款揀，款款都好特別好養生咁！我大推菜乾豬肺湯底，非常足料，有菜乾小白菜豬肺同南北杏都有，就咁飲都得！好滋潤呀！手打丸有超多配搭，如果想雙拼，就加10蚊可以試晒2隻味！我地叫左芝士牛丸，好流心，牛味又夠香！正！唔知有冇人都鍾意打邊爐食鵝腸，我就鍾意佢口感！胡爐既，洗得乾淨又大份，可以一試！食食下，上左我地期待已久既手切和牛，係真係即刻切出黎架，勁新鮮！果然係日本和牛，油花香，一放入口就融左啦，一口氣食左十幾塊，我地幾分鐘就ko左啦！另外仲有手切肥牛，下次要試下先！另外，佢個烏冬都有驚喜喎，唔係平時果啲平價又易斷又會酸，呢個係日平果啲，吸晒湯汁又唔斷，淥耐左都唔驚！今餐我非常滿意呀！而家打返食評都食指大動！野食質素非常高，環境服務都好好，等我下次再食再同大家介紹更多！

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過打邊爐湯底湯底我地叫左個椰子雞鍋，呢個真係值得食下，雞本身唔會太肥，入口夠肉味，連皮煮完都係脆身，真係一個幾令人驚喜。鵝腸呢度嘅鵝腸都真係幾有心思，夠份量唔再講，重點係鵝腸嘅肥膏師傅都好細心咁幫我地呢啲食客清走，唔會入口好多肥膏餐廳嘅火鍋都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得。

聽人講銅鑼灣開左間新火鍋店, 咁岩幫朋友慶祝生日，於是就去左試下，之前已經一直想打下誘爐，一直都就唔到個朋友，今日終於約到去食喇。一入去都令人覺得都幾大，地方俾人感覺都算寬敞。仲要望埋個街景，真係幾舒服架刺身呢個絕對值得讚下架，三文魚都幾肥美，感覺好鮮味，感覺都真係唔錯。鬼馬油條你無睇錯呢度嘅真係卜卜脆架，夠有晒熱，又唔會太厚粉湯底呢度嘅湯底真係幾豐富下，都算係咩都有啲，就連龍蝦湯都識著火，餐廳整到都幾濃味下，但又唔會太咸估唔到呢間餐廳都幾唔錯，真係令人幾意外，下次都要同其他人黎先得。

活動做完左跟住左係銅鑼灣周圍行，本來諗住走，跟住突然見到呢間餐廳嘅宣傳，見到上面啲野食相好似幾吸引，所以就走左去食下。 一入去可能我地都已經相對夜左小小，都唔洗點等都有位坐。 根據餐廳職員講今日嘅鍋底好評如潮，我地好好彩咁岩咁夜黎仲有得食，我地今晚就有口福食喇，龍蝦湯入口夠晒順滑，一啲都唔會太油膩，而且仲好香。 手切牛肉，牛肉最重要嘅一點係時間的掌控，呢度嘅牛肉入口唔會太油，而且夠晒多肉汁，份量亦都好足唔會太小，岩晒我地呢啲食肉獸。除左牛肉仲有好多唔同嘅野食，幾個人食到飽晒真係好滿足，完全值得再黎 

今日黎銅鑼灣揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊有多間食打邊爐嘅舖頭，於是就去左簡下有邊間好食，行行下見到呢間舖個名叫胡爐，作為打邊爐發燒友嘅我地，就簡左呢度開飯喇。椰青雞鍋一開始就緊係要簡個湯底先喇，呢個椰青雞鍋個湯底真係好香，入口有濃濃的椰子香味，唔洗加入任何嘅配料，都好好喝，而且雞嘅份量絕對唔會小，真係令人對其他配料有更深嘅期待。牛肉牛肉份量唔小，煮熟之後入口好有牛肉味，果陣味令人難忘，好小有餐廳會提供到咁特別嘅肥牛。今次嘅體驗都算幾好，比起一般任食嘅舖頭所有野都做得好更到位，食材亦都更加新鮮，有機會都要再黎先得

不論冬天定夏天，港人都鍾意打邊爐，今次約咗個舊同事黎呢間新開嘅火鍋到食飯~呢棟大廈有好多餐廳，所以當我7點半左右去到嘅時候，大廈出面有一條好長嘅隊，就係個個人都係到等升降機，好彩餐廳係3樓，唔算太高，我就決定行樓梯上去，真係排得隊黎，我都可以上去坐咗10分鐘打邊爐緊係要個正湯底啦，我地就要咗鮮椰青雞鍋，呢個湯底都幾有表演欲，一打開蓋，首先見到差唔多有半隻雞嘅雞件，員工就過黎，開始煎香啲雞件，之後淋上酒，再點火!!!真係唔好靠太近，因為啲火都幾大下，唔小心真係會燒到嫁，啲火熄咗之後，店員就拎住一大個椰青，倒曬入面啲椰青水落鍋到，再倒啲高湯，滾起之後可以先飲一碗雞湯，雞湯嘅味道好濃郁，同清甜嘅椰子味幾夾，又唔會好鹹，所以我地各人都飲咗兩碗~ 而雞肉都好嫩，煮得啱啱好，個湯底差唔多有半隻雞，非常足料，我地仲食剩咗啲雞翼尖、骨頭多嘅雞件，用黎熬湯底除咗普通嘅稻庭烏冬、蔬菜等等，我地叫咗個胡爐牛拼盤，分別有牛舌芯、牛胸爽、安格斯手切牛、極上手切肥牛同日本和牛，特別推介係極上手切肥牛，只需灼10秒就可以食喇，雖然雞湯嘅味道好濃，但係佢都唔會蓋過咗佢嘅牛肉香，因為佢嘅牛肉味真係幾重，同微微清甜嘅湯底

呢排開始冇咁熱， 有朋友提議打個靚邊爐，約埋班朋友一齊出嚟聚一聚，食住好西傾下偈。 朋友帶路呢到呢一間銅鑼灣嘅胡爐試一試。店內嘅私隱度唔錯有一啲屏風隔住客人，感覺幾自在。同時一坐低，店員就提供醬料比客人，非常細心，而且醬料款式都幾多，啱曬我哋唔同嘅口味，仲可以混醬添。我哋先嗌咗個荔枝梳打， 諗落都幾香荔枝味，唔會太甜，幾好飲。跟住就嚟咗個火焰龍蝦海鮮鍋，有唔同嘅配料， 例如大蜆、洋蔥、蕃茄等，當然唔少得就係龍蝦啦。 淨係湯都飲咗兩碗呀。我哋分別仲叫咗鴨血同鵝腸， 食材非常新鮮，而且整得都幾乾淨，唔會有內臟嘅血腥味。 ]鵝腸爽口彈牙，鴨血夠嫩滑，好食。墨魚滑方面， 入邊有唔少嘅蟹子同墨魚粒， 而且好快熟，浮起就食得。而呢個手吱牛肉麵就比較特別，因為有得玩又可以食， 而且牛肉都幾爽口彈牙。而主角就係呢個大碟既手切本地肥牛，新鮮之餘仲好肥美嫩滑，勁多雪花，非常高質。拼埋就知碟肥牛非常大碟。]呢半隻嘅新鮮雞件，肉質都唔錯，唔會太肥，好香肉味。]牛骨牛汁丸個樣雖然好似好普通，但係咬入口都幾多肉汁，同一般嘅牛丸有所不同。至於響鈴方面就係店舖新鮮炸起，味道比出面現成買嘅更加鬆脆，新鮮炸起係好味啲。總

秋風起，涼涼地，又係時候約埋班朋友一齊去打邊爐啦。約得朋友多數都係揀啲就腳嘅地方㗎啦，今次就係銅鑼灣嘅百樂中心，試下呢一間胡爐，聽朋友講呢間火鍋店質素唔錯，依排做緊promotion，食夠200蚊左右就送一個火焰龍蝦海鮮鍋，感覺上幾抵食。一埋到位嗌完嘢食，店員即刻送上呢一個火焰龍蝦海鮮鍋，店員喺我哋面前加入蔬菜同埋龍蝦即刻炒，炒到咁上下就加酒， 煮起呢一個鍋底，好快就聞到好香既龍蝦湯底味。淨係睇到呢個熊熊烈火，都知呢個龍蝦鍋唔惹少。 強烈建議，一滾起就即刻飲兩啖湯先，因為個湯底真係冇得彈，聽店員介紹，係用咗西式龍蝦湯底嘅煮法，所以味道非常濃郁，加上少少嘅酒香，更能帶出龍蝦嘅鮮味。打邊爐食梗係要飲嘢解渴啦，我哋就叫咗呢一個青檸梳打，味道酸酸甜甜，非常開胃醒神。另外仲有八種唔同嘅醬油配料，例如：辣椒醬、沙茶醬、芝麻醬、炸蒜、芫茜、香蔥等等...配料好快就嚟到， 第一碟試就係咁大碟嘅手切本地肥牛。一見佢充滿雪花，就知道係好嘢， 師父開邊雙飛既切法，切得非常之薄，夾落鍋滾十秒就好快食得， 肉質嫩滑充滿牛香，而且有油脂同肉汁夾雜，就算唔點醬汁食都非常之好味。成班食肉獸梗係繼續要食牛喇，試下呢一個

之前去過尖沙咀既醉胡爐對佢地食物服務都印象唔錯🙈難得又同邊爐友約左食晚飯 決定去試試銅鑼灣新店😛👅百樂中心全棟都係食肆 但只得兩部𨋢 成日都大排長龍😢由於胡爐係三樓 所以唔想等既你地都可以揀行樓梯上去 十分方便😈上次食過椰子雞鍋真係好正 今次一於試埋個招牌火焰龍蝦海鮮鍋😍😍一上菜係大大鍋龍蝦同蜆 先用牛油焗一焗加上酒造出火焰效果 睇到我地哇哇聲🙈火鍋最重要當然係湯底😛 濃濃的龍蝦湯令我地想將整鍋湯都飲曬落肚😈😂十分鮮甜 可以一路飲一路打邊爐🤤因為呢度係散叫 上次試完牛今次就要試試叫埋豚肉😝滿滿的雪花岩岩好 豚肉一定要有啲脂肪先正🙈再加上龍蝦湯夠濃 唔洗點太多醬料已經好惹味 唔洗十分鐘整盤豚肉去曬我地個肚度😂😂鐘意食菇既你地應該都會同我地一樣叫個雜菌拼盤🙈有我最愛既金菇 兩個人泥講份量都算係岩岩好😛

今晚去 time square 那邊掃貨, 行得有點累去了側邊的食街 - 耀華街那裡尋找美食 可能耗盡體力, 大家今晚都想來個大餐 , 去了胡爐食火鍋 火焰龍蝦海鮮鍋 哩個是波士頓龍蝦, 加了牛油, 洋蔥, 蕃茄香煎, 然後在我們面前加了少少酒點燃, 令龍蝦蝦殼更香口。最後用上了香濃的法式龍蝦湯滿滿的填充了一鍋, 待滾起可以先飲了一碗, 享受龍蝦湯的滋味, 再用來吃火鍋! 胡爐牛拼盆 (小) 牛舌芯, 安格斯手切牛, 極上手切肥牛, 日本和牛, 霜降牛粒 一次過食到5 款頂級牛肉, 基本上因為牛肉太新鮮, 反而沾醬會食不出原味, 所以我們都只是煮到胰熟就即食了! 日本和牛真的名不虛傳, 雪花平均遍佈整片牛肉, 煮熟了就入口即溶, 回味無窮 牛舌芯是薄切, 很考刀工,, 煮熟了口, 入口有點彈牙的口感, 牛騷味令人食指大動雙併丸 – 黃金墨魚丸 及蟹籽蝦丸 一碟有八粒, 感覺是份量不太多, 不過食完就明了, 全是手工丸子黃金墨丸: 原來是流沙的, 我食第一粒, 中間的汁彈了出來!! 裡面原來是流沙鹹蛋黃漿, 所以有很濃的蛋黃香, 而墨丸也十分彈牙 蟹籽蝦丸: 沒有任何雜質, 是手打到起膠

早幾日帶了女朋友去食哩間火鍋餐廳.食完就嬲到依家, 唔係講笑 - 龍蝦海鮮鍋只有半隻在內, 咁就要$398 , 感覺好儉財 - 本地肥牛細細碟, 索價$398....牛味很濃及新鮮, 但我相信我在外面食會大碟好多 - 我們叫了雙併丸, $108...只有8 粒, 丸的大小又唔會特別大粒 - 牛肉刺身 $368 都好細碟...北角尚品的火鍋比佢性價比高好多囉  因為每碟都份量好小, 我女友都唔夠飽, 更何況我是男人, 叫了烏外食, 墊墊個肚! 然後還是要再食宵夜! overall 食物是新鮮, 但性價比太低唔會再返黎我諗黎諗去都諗唔明, 這間已經是樓上鋪, 仲要唔係主街道位, 點解可以 $1500 食我唔飽老闆定價太貪心了