影片
更多
2018-09-10
32 瀏覽
秋風起，涼涼地，又係時候約埋班朋友一齊去打邊爐啦。約得朋友多數都係揀啲就腳嘅地方㗎啦，今次就係銅鑼灣嘅百樂中心，試下呢一間胡爐，聽朋友講呢間火鍋店質素唔錯，依排做緊promotion，食夠200蚊左右就送一個火焰龍蝦海鮮鍋，感覺上幾抵食。一埋到位嗌完嘢食，店員即刻送上呢一個火焰龍蝦海鮮鍋，店員喺我哋面前加入蔬菜同埋龍蝦即刻炒，炒到咁上下就加酒， 煮起呢一個鍋底，好快就聞到好香既龍蝦湯底味。淨係睇到呢個熊熊烈火，都知呢個龍蝦鍋唔惹少。 強烈建議，一滾起就即刻飲兩啖湯先，因為個湯底真係冇得彈，聽店員介紹，係用咗西式龍蝦湯底嘅煮法，所以味道非常濃郁，加上少少嘅酒香，更能帶出龍蝦嘅鮮味。打邊爐食梗係要飲嘢解渴啦，我哋就叫咗呢一個青檸梳打，味道酸酸甜甜，非常開胃醒神。另外仲有八種唔同嘅醬油配料，例如：辣椒醬、沙茶醬、芝麻醬、炸蒜、芫茜、香蔥等等...配料好快就嚟到， 第一碟試就係咁大碟嘅手切本地肥牛。一見佢充滿雪花，就知道係好嘢， 師父開邊雙飛既切法，切得非常之薄，夾落鍋滾十秒就好快食得， 肉質嫩滑充滿牛香，而且有油脂同肉汁夾雜，就算唔點醬汁食都非常之好味。成班食肉獸梗係繼續要食牛喇，試下呢一個
一埋到位嗌完嘢食，店員即刻送上呢一個火焰龍蝦海鮮鍋，店員喺我哋面前加入蔬菜同埋龍蝦即刻炒，炒到咁上下就加酒， 煮起呢一個鍋底，好快就聞到好香既龍蝦湯底味。
淨係睇到呢個熊熊烈火，都知呢個龍蝦鍋唔惹少。 強烈建議，一滾起就即刻飲兩啖湯先，因為個湯底真係冇得彈，聽店員介紹，係用咗西式龍蝦湯底嘅煮法，所以味道非常濃郁，加上少少嘅酒香，更能帶出龍蝦嘅鮮味。
打邊爐食梗係要飲嘢解渴啦，我哋就叫咗呢一個青檸梳打，味道酸酸甜甜，非常開胃醒神。
另外仲有八種唔同嘅醬油配料，例如：辣椒醬、沙茶醬、芝麻醬、炸蒜、芫茜、香蔥等等...
配料好快就嚟到， 第一碟試就係咁大碟嘅手切本地肥牛。一見佢充滿雪花，就知道係好嘢， 師父開邊雙飛既切法，切得非常之薄，夾落鍋滾十秒就好快食得， 肉質嫩滑充滿牛香，而且有油脂同肉汁夾雜，就算唔點醬汁食都非常之好味。
成班食肉獸梗係繼續要食牛喇，試下呢一個比較特別嘅手打擠擠牛麵， 出面比較常見會係魚麵，呢度除咗有提供魚麵之外，仲有呢一個好特別嘅牛麵。
有少少難擠出嚟，不過成班朋友一齊輪流擠，感覺幾好玩，而且食落亦都唔輸蝕，牛肉爽口又彈牙，感覺唔似食緊麵，而係一個好大好爽既牛滑，不過整到好似麵咁嘅形狀，強烈推介必試。
另外我哋亦都叫咗個墨魚滑，墨魚滑非常之新鮮，而家加咗唔少蟹子係表面，食落有啲索索聲嘅感覺， 非常彈牙有口感。
亦都嗌咗一個新鮮鵝腸試下，鵝腸肥美爽口，唔會有腥味， 處理得非常乾淨。
同時都嗌咗半隻新鮮雞，雞肉肉質結實，唔會太肥，而且好有雞味，唔錯。
而呢一個牛骨牛汁丸亦都幾特別， 食落好彈牙，仲好Juicy，一入口就爆汁，正。
另外都叫咗個鴨血， 相比其他地方嘅鴨血，呢個鴨血就比較結實，冇咁軟滑，不過都幾香幾爽口。
另外我哋仲叫咗蔬菜拼盤同響鈴等等嘅配菜，質素都唔錯，埋單大概千四蚊左右，四個人其實除開都係每人350蚊左右，但係食物質素唔錯，下次可以再試。
張貼
