胡爐 (已結業)

呢間火鍋都食過好多次今次嚟到尖沙咀呢間H8試吓佢嘅分店湯底照舊叫左濃湯佛跳牆雞翅煲湯頭非常之濃郁 啖啖雞湯 入邊仲有好多材料 好似花膠 螺片 金華火腿 魚翅 未落打邊爐配料之前我都不自覺飲咗三碗湯 係咁refill 廣島蠔 $88有成八粒都幾抵 廣島號都算幾新鮮 兩個人一人食四粒 正秘製豬手呢個係特別推介嘅，豬手醃過先，之後再放落打邊爐都煮熟，醃得啱啱好，豬皮又好彈牙，又有咬口，$88又有成八舊，正到爆手打墨魚丸手打墨魚丸，估唔到非常之彈牙，都好重墨魚味，好似食緊一件墨魚XO醬鮑魚蝦餃XO醬蝦餃都未試過，仲要有鮑魚係入邊，反而我覺得唔係咁重XO醬味，不過食落嘅感覺好特別未試過，呢個都推介可以一試自製韭菜餃韭菜爆曬餡，餃非常之新鮮紅薯粉超大份，嗦晒啲湯汁正總括來講雖然價錢比普通打邊爐貴啲不過物超所值，想食高質嘅火鍋可以試吓呢間

有朋友生日，諗住食火鍋慶祝，朋友推介呢間位於尖沙咀既胡爐火鍋。我哋一行2人，湯底揀咗呢度最特別嘅佛跳牆湯鍋，入面有素翅，花膠，螺片，金華火腿同哈蜜瓜。 呢幾種食材都唔平，再加埋哈密瓜又出奇地夾，而且冇違和感。 起碼唔使成日食嚟食去都係嗰幾種火鍋湯底，夠晒特別。配料方面我哋點咗3種唔同部位嘅牛肉，三種都好好食，唔會有雪味。個人認為牛肩肉最好味， 厚度啱啱好，唔會太韌。另外都點咗其他蔬菜例如有: 牛丸，蝦丸，雲吞。 牛丸蝦丸有嚼勁。雲吞都唔係間間火鍋店都有得選擇，所以值得加分!最值得一提係將隻龍蝦落入火煱度碌嚟食， 又同個湯底夾，夠曬特別。總括嚟講是之火鍋食得很愉快，嘢食夠新鮮，座位坐得闊落，值得推介!

厚福街多野食人人都知，有唔同菜式任君選擇。呢幢大廈我已經黎過幾次，今次聽朋友講16樓有間高質既打邊爐，今日我就同佢黎食下！一打開𨋢就見到好有中國風既裝飾，我地2個去到，店員都帶我地去坐一張闊落的四人卡位，重點係每1－2台客佢就有卡板隔開，私隱度高，大家可以暢所欲言盡情吃喝。首先係選湯底環節，去高級邊爐店最重要的就係佢個湯底，呢度有好多特色既湯底選擇，包括常見既蕃茄薯仔、芫茜皮蛋、沙嗲等等，也有一d好特別包括椰青雞龍蝦海鮮等。我同朋友慎重討論過後，決定豁出去食個最貴最有份量的湯底－ 濃湯佛跳牆雞翅鍋（398hkd）來到時嚇一跳，多料到基本唔使再叫配料都得，面頭已見鮑魚螺片素翅，再撈下，見到海參花膠花螺金華火腿和雞件。煲太耐去失去唔同食物既原味，一滾起我地就慢慢細味呢個佛跳牆，再飲一口湯，係清甜，唔會有過濃既調味，一定沒有味精，飲多一碗先落其他配料。食得七七八八，話明打邊爐，當然要叫下其他配料！88hkd黃金炸魚皮重點推介呢個炸魚皮，到而我我仲回味緊，個咸蛋味重到不得了，魚皮唔會太薄太碎，塊塊實在而有脆口。留意，呢個小食兩個人食會太膩，多人分就最好！58hkd西洋菜帶子餃（半份）68hkd

今晚加班後想食好少少慰藉下公司上的壓力。所以隨街行找一間可以令我心滿意足的火煱店。係一幢樓樓下見到好特別名字的餐廳。所以就上左去見識見識。濃湯佛跳牆雞翅鍋$398。為了滿足自己的食慾。所以點了最貴的煱底。花膠。並不是那些薄如紙的一款。是有一定口感。咬口彈牙而嫩滑。鮑魚。新鮮咬口彈牙。口腹之慾滿足十分。回味無窮。海蔘。咁多海味是比較難煮。但特別好食的。海蔘嫩滑順喉。新鮮白鱔。白鱔爽脆順滑。鮮甜美味。睇得出餐廳追求新鮮的態度。本人十分愛好白鱔的程度要求好高。聖旨皇。大號聖旨皇。係餐廳內算好平。鮮甜而滑。咬口爽脆。海鮮最重要新鮮。鮮嫩豆苗。鮮嫩爽口。新鮮保存得更一流。甜味可口。

打邊爐係香港人最愛，聽個friend講呢間餐廳既湯底同野食都幾特別，所以黎一試。我地兩個人坐了一張四人台，空間寬敞，坐得舒服。首先簡左湯底先，叫左個爵士佛跳牆湯，佢既湯底有素翅、哈密瓜、鮑魚、花膠、海參、螺片、金華火腿。係真正打邊爐前飲一啖，好似老火湯咁清甜可口。野食方面點少得美國桶蠔，佢既蠔大隻又唔猩，而且有成六隻，性價比超高。黑松露墨魚丸方面，佢用好香既黑松露加上彈牙墨魚丸， perfect match, 令人欲罷不能。再來就係手工乾貝帶子餃，用料十足，一咬落去汁四濺，真心好食。鮮甜本地卜卜蜆方面，份量十足，而且新鮮大隻，每隻都肉厚香甜。再來就係推介既紫菜炸響鈴，佢用響鈴包住紫菜，油香可口，浸一下就食保持香脆，食幾多都唔濟最後叫既係雜菌拼盤，包括有冬菇，猴頭菇等等，吸曬湯汁再食，又甜又好食。

天寒地凍，應該沒有什麼好得過去打邊爐！這天下班後，約了朋友仔去尖沙咀的胡蘆打邊爐！餐廳的裝修有點古式風味，坐得好舒適！這裏的湯底各有特色，今次我們想揀一款食得又飲得的湯底，經理推介爵士佛跳牆湯鍋！當湯底來到的時候，我們都覺得好震撼，材料非常豐富，有素翅、哈密瓜、鮑魚、花膠、海參、螺片、金華火腿，用哈密瓜來做湯底真的是第一次品嚐，打邊爐之前我們先飲一碗湯，材料那麼矜貴，一定要先飲湯！湯底非常濃郁但又不失清甜味道！之後我們還可以吃湯底的材料，鮑魚彈牙，海參和花膠都充滿膠質，滋補養顏！點了菊花蜜一渣，味道清甜，又可以清熱氣！紐西蘭草飼羊肉片有一點羊肉獨有的味道，有點羊脂肪，肉質嫩滑！美國桶蠔第一次吃這麼大隻的蠔！蠔味非常出眾，因為大大隻的關係，吃下的感覺很實在，不會像以前打完邊爐縮到很小的蠔都吃不到！這裏的丸和餃都可以點半份，所以二人來吃都很適合，可以試多幾款！黑松露墨魚丸好彈牙，每口都吃到黑松露香味！手工乾貝帶子餃帶子餃都幾鮮甜，沒有平常的餃那麼膩！紫菜炸響鈴非常大件，即點即炸，每件都手臂那麼大！好鬆脆！

呢幾日開始轉返凍，又到想打邊爐嘅時候，今次想貴精不貴多，試間高質嘅邊爐店，於是揀左呢間係厚福街嘅樓上鋪。年尾諗住豪一餐，叫左個濃湯花膠雞翅鍋，呢個湯底果然夠晒足料，入面嘅花膠多到食極都仲有，而且仲有大大條嘅海參，連鮑魚仔同翅都有，趁未落其他餸前真係要先試下個湯底，鮮味到不得了，再食埋啲湯料就已經飽左一半。其他材料都十分吸引，諗住叫少少都夠，最後都係眼闊肚窄叫左好多...紐西蘭草飼羊肉片手打梅菜豬肉丸 / 芝心蝦丸梅菜豬肉餅就食得多，變做肉丸就真係未食過，食落完全就係平時食嘅肉餅味不過變左做粒波，所以感覺都幾特別。西洋菜帶子餃 / 黑松露蟹肉餃呢度水餃嘅饀料亦都好特別，西洋菜帶子餃嘅味道比較清淡，亦食到粒粒帶子碎，另外黑松露嘅味道香濃，配上蟹肉都幾夾。蔬菜拼盤厚切萵筍片炸枝竹招牌炸魚皮最後不得不提呢個招牌炸魚皮，表面沾滿了鹹蛋蓉，所以食落係有超香嘅鹹蛋味，十分香口惹味，而且魚皮較薄身，所以食落唔會覺得好膩。

约朋友在尖沙咀区，天寒地冻，打边炉最啱。上 Open Rice 搜厚福街，选了当中建议的一家，胡炉。准时 7:30 到店，服务员带去一个四人卡位，我们外套和包包在身旁放好，感觉不错。因为是 Open Rice 订位，有汤底优惠。服务员建议先喝一碗花胶汤，再开始放食物。果然这个汤质感好好。前菜叫了醉鸭舌，送啤酒绝配。朋友喜欢鸭血，本人欣赏牛柳粒。都是高水准食材。坐了近三个小时，$1178.00埋单。平均不到六百元一位，性价比合格。

尖沙嘴火食眾多，厚福街H8 一棟大廈都有好多選擇。最終揀咗胡爐地方唔算大，但環境不錯。餐具配合環境佈置開動前先準備醬料是常識點咗推介嘅特濃雞湯翅湯底，有好多料，花膠，海參，鮑魚，素翅，雞，娃娃菜，金華火腿打邊爐一定要有牛吧，點咗手切頂級安格斯肥牛，雪花幾靚即點即炸紫菜響鈴，真係要快黑松露餃，又係要睇住時間淥，分半鐘就啱啱好。鐘意食黑松露嘅我仲點咗黑松露墨丸芝士蝦丸，係手打的，超彈牙叫咗一jar 青檸梳打，兩個人夠哂滿足的一餐

胡爐位於尖沙咀厚福街 H8 16樓，厚福街餐廳選擇極多，然而打邊爐首選一定是胡爐。胡爐湯底選擇非常之多，有龍蝦海鮮鍋，濃湯佛跳牆，四川麻辣鍋，沙嗲鍋等等 有辣有不辣。餐廳所使用的器皿非常有特色 別具古代宮廷味道，而且導熱亦非常快。濃湯佛跳牆湯底，材料超級豐富，鮑魚，海參，花膠，金華火腿，雞，螺片，素翅，娃娃菜等等。湯底不油不膩，未打邊爐前已經可以飲兩三碗，好味。打邊爐必點手切頂級安格斯肥牛，油花均勻，推介之選。黑松露墨魚丸手打蝦丸，個人十分喜歡，非常彈牙。黑松露餃 - 服務員特別提醒只需煮分半鐘餐廳自家制作紫菜響鈴，新鮮熱辣脆卜卜，推介。青檸梳打

室內環境幾有古典味，燈光暗暗地都幾有氣氛叫咗個招牌鮮椰青雞喎，係有一個完整嘅椰青，同埋奶白色望落好似好濃郁嘅湯底店員會先將雞肉爆炒，炒嘅時候好香嘅牛油味，聞到都流晒口水跟住佢會落啲白色嘅酒，然後就成個煲到着火，集嗅覺視覺味覺於一身然後炒到咁上下店員就會將白色湯底到落去煮，煮到咁上下佢就叫我地首先要飲咗個湯先。個湯飲落去濃得來又好清甜，啲嘢食未黎都飲咗好多，佢加湯係會加返好濃嘅白色湯落去所以唔會溝淡左個湯底桂花蚌加上呢個湯底超級正，好鮮味同好甜，而且份量都好多，一定要點手工魚皮餃，魚皮餃好脹卜卜應該係店員自己包嘅，味道都唔錯薑汁豬肉丸，呢個好有驚喜，因為入邊係有皮蛋加埋薑汁，未食過呢種口味嘅包心丸，好好味呀西洋菜帶子餃，又有滿滿嘅餡料，餡料入邊有西洋菜豬肉帶子，出邊打邊爐好少食到西洋菜味嘅餃子，所以黎到要試試佢都好夾，好味道龍躉，好新鮮，肉質鮮嫩，唔錯唔錯叫咗個牛拼盤，因為想每樣都試吓，最鍾意既係安格斯手切肥牛，牛肉味比較濃。仲有本地手切肥牛，油脂比較多所以入口就會比較香同埋好諗！

朋友一向都有食開呢間打邊爐，所以就帶埋我去食，因為知我特別鍾意食椰子雞邊爐嚟到梗係要嗌招牌嘅椰子雞湯底，侍應首先會喺我哋面前炒熟啲雞件，落啲酒落去炒，即刻起晒火，幾有噱頭。然後會落新鮮椰青，同埋濃濃嘅雞湯，之後煮一陣就可以飲啦。雞湯奶白色，飲落椰青味好重，非常鮮甜，雞件煮得啱啱好，好滑飲完湯之後，就再加入湯底開始打邊爐，我哋兩個人唔太多，所以就想試吓啲高質啲嘅牛肉，就帶咗一個牛肉拼盤，每樣高質嘅牛都有少少個人比較鍾意牛柳粒，因為佢切得厚身，脂肪比較重，有種入口即溶嘅感覺另外比較特別嘅就係牛胸爽，第一次食，脆脆地好爽口，同埋好滑牛脷比較切得厚身，都唔錯之後就係手打墨魚滑，我哋整得比較大粒再拎落去煮，好彈牙，加埋蟹子咬落去口感幾好依度都有好似台灣咁嘅鴨血食，但味道比較淡

喺尖沙咀行完街，唔知食咩嘢好，成日都想打邊爐，朋友就帶咗我去厚福街，原來超級多嘢食，今次去咗H8嘅胡爐嘆下。上到去好似去咗另一個地方，所有擺設同裝修都好有特式。欣賞完個環境，就快d叫嘢食喇😁,原來湯底都好多選擇呀，出現咗嚴重嘅選擇困難症呀,店員就協助我地😂😂推薦個鮮椰青雞鍋,真係無介紹錯呀, 個鍋一上菜已經好吸引，一嚟到會喺我哋面前倒d椰青水同酒，跟住噴火嘅效果，好有趣,之後店員會炒熱啲椰子同雞，過程超香呀，令到我地更加流晒口水🤤🤤店員建議我地飲晒d湯，再加湯慢慢打邊爐🍲D湯真係好好味, 好香椰子味加埋滑雞，好耐未飲過咁正嘅湯。享受完個鮮椰青雞湯之後,就可以打邊爐喇😍😍店員會俾個醬料盤我哋，自己調個醬油嚟食😋😋係我期待咗好耐嘅飛驒和牛肉眼A5,雖然價錢比一般嘅肥牛貴,但呢個真係好唔同，一口即溶嘅感覺,每一口都充滿牛香味，未食完已經好想再叫黎食😂另外叫咗個老友鬼鬼，喺油炸鬼加蝦滑上面，好香脆可口,又喺好正。打邊爐最鐘意有午餐肉，仲要酥炸過，好特別手工雲吞都好新鮮蝦味。

胡爐尖沙咀厚福街8號H8 16樓本身有朋友黎呢間餐廳試過話好正，尤其係呢到既湯底一定要黎試下，終於今晚約到腳黎幫襯啦，餐廳位於尖沙咀既厚福街，呢到好方便又近地鐵站，good我地一早打黎book左位，所以上到黎已經即刻可以入座啦，餐廳地方唔算太大，但係呢到既裝修同佈置都好有格調，感覺好舒服餐具好有中國宮廷既風格坐定定之後首先當然係揀好個鍋底先啦，呢到好多款鍋底可以選擇，跟住揀埋火鍋配料再混好醬料，就等開餐啦餐廳職員推介我地可以試下呢個湯底，真係無介紹錯，好豐富真材實料，湯底入面包括有哈蜜瓜，花膠，海蔘，鮑魚，螺片，素翅，金華火腿，加上仲有好多津白未試過有一間餐廳既邊爐鍋底係咁足料架，未開始淥火鍋配料之前，大家一定要飲返碗湯先， 好鮮甜好濃郁龍蝦非常新鮮，黎到既時候仲識郁架，好鮮 嫩🦞一個拼盤就可以食到牛既唔同部位(牛舌芯，安格斯手切肥牛，極上手切牛頸脊，牛胸爽，霜降牛粒)我自己最鐘意既就係霜降牛粒一口一粒，口感豐富好有牛味大大隻桶蠔，食落好肥美岩晒用黎打邊爐Meun仲有好多其他配料，下次可以再黎試下，聽講呢到既<招牌椰青雞鍋>都好出色，一定會再黎試下

最近天氣又冷了點點，又會想吃火鍋了，想起朋友介紹在厚福街H8的胡爐，立即留位去試試。餐廳設計與餐具也很用心，古色古香的感覺，而4人坐位很舒適，不擠擁。胡爐的湯底有很多選擇，這次我們選擇了鮮椰青雞鍋。上鍋時，看到店員拿了很多材料，分別有原個椰青、酒、湯等等，原來會即場把椰子和雞炒熱，讓它們更入味，過程中濃濃的椰子味，超吸引的~(˘▾˘~)令我們更期待這個鍋😍店員提議可先把湯喝完，再加湯打邊爐(´∇｀)第一口喝下去，真的很美味，香濃的椰子味與鮮雞件很夾，而且有一條條椰子肉吃，爽脆清甜的椰子肉配上濃湯，超正的！而且很多料～吃完這個鍋已感到飽 哈哈～但是打邊爐是重點，必點的當然是肥牛！我們點了飛驒和牛肉眼A5小排，肉脂分佈均匀，香噴噴的牛香味～優質享受！很推薦吃這款(*ﾟ∀ﾟ*)另外點了手工丸和餃，每粒也真材實料很新鮮^ - ^黑松露墨魚丸的黑松露味很濃，喜歡黑松露一定要試～芝心蝦丸，有原粒蝦肉的，十分彈牙，落芝士多一點更完美。