胡爐 (已結業)

打邊爐係香港人最愛，聽個friend講呢間餐廳既湯底同野食都幾特別，所以黎一試。我地兩個人坐了一張四人台，空間寬敞，坐得舒服。首先簡左湯底先，叫左個爵士佛跳牆湯，佢既湯底有素翅、哈密瓜、鮑魚、花膠、海參、螺片、金華火腿。係真正打邊爐前飲一啖，好似老火湯咁清甜可口。野食方面點少得美國桶蠔，佢既蠔大隻又唔猩，而且有成六隻，性價比超高。黑松露墨魚丸方面，佢用好香既黑松露加上彈牙墨魚丸， perfect match, 令人欲罷不能。再來就係手工乾貝帶子餃，用料十足，一咬落去汁四濺，真心好食。鮮甜本地卜卜蜆方面，份量十足，而且新鮮大隻，每隻都肉厚香甜。再來就係推介既紫菜炸響鈴，佢用響鈴包住紫菜，油香可口，浸一下就食保持香脆，食幾多都唔濟最後叫既係雜菌拼盤，包括有冬菇，猴頭菇等等，吸曬湯汁再食，又甜又好食。