老闆娘雲南米線

早排喺Facebook見到有人介紹老闆娘，當時齋睇相已經覺得好吸引，所以趁今日放假，專程入咗荃灣搵食，順便行街。
去到街市差唔多12點，仲未開門，但係已經有人排緊隊。
呢度係先點餐，後安排入座。由排隊等開門到米線上枱，都等咗半個鐘左右。我同朋友分別點咗炸雞球金錢肚酸辣湯同魚肉響鈴野菌腐皮卷麻酸湯。

米線上枱時，真係嘩一聲好大碗囉！！！米線份量多到食唔晒！
個酸辣湯好香濃，酸同辣嘅比例啱啱好，而且飲多兩啖都唔會覺得口渴！！！

湯底整得出色，配料都唔輸泄喎！！！
鍾意魚肉響鈴同金錢肚，響鈴好香脆，金錢肚又腍又入味
老闆娘雖然係小店，但水準絕對比連鎖店優勝，值得再次支持