老闆娘雲南米線

營業中

休息中

今次係第二次唻食, 第一次食下午4,5點, 完全唔駛排隊就有得食, 今次晚餐時段食, 預左要排隊啦, 首先佢會比張點餐紙你, 然後有兩排櫈比你坐住排, 唔駛半個鐘已經有位喇。湯底選左麻酸辣湯, 配豬粉腸 +吉列豬扒。另一碗亦係麻酸辣湯, 配招牌酥炸雞球。麻酸湯底夠酸夠麻, 個花椒味好香, 個麻味應該係來自青椒油, 因為見到有一箱箱青椒油既存貨, 記得我之前問過人, 青椒同紅椒有咩分別, 佢答我青的麻紅的香, 個湯真係好正。至於豬粉腸應該係新鮮, 唔似冷藏, 夠粉。吉列豬扒新鮮炸, 夠晒香脆。招牌酥炸雞球係必點既餸, 一樣係新鮮炸, 大大舊香脆又多汁, 正呀。