老闆娘雲南米線

營業中

休息中

每次去唔係無開，就係好多人排嘅老闆娘米線，我今日終於食到🤪試咗蒙古湯小辣米線，個湯底好特別好好味！仲有加咗以下必食配料 ：(1)腐皮魚肉春卷，腐皮春卷係即場人手製作，皮薄所以炸得好脆！有六舊好抵食，正👍🏻(2)酥炸雞粒炸得好脆口，有三至四粒，粉唔會好厚👍🏻每人一碗米線配兩個餸連汽水，每位$58😝

米線是港人快靚正的選擇，街上不難找到米線店的蹤影，不過要找高質而且足料的，則要花點時間。之前看到網上介紹一間很多評價的出名米線，決定要找天過來試試，畢竟對我而言地點有點遠。那天來到荃灣，特意早點吃晚餐，以避開吃飯時間排隊的人龍，當天6時左右已經到達了，不用排隊，不過先在外面填寫選擇自己想吃的麵類、湯底及配料，配料亦挺多，有油炸的亦有清菜健康的，然後店員會安排進去裡面就坐，不消一會，人客陸陸續續進來，很快便已經坐滿了。網上看過專訪，這家店逐碗湯底烹煮，以確保味道及質素；等候進去時，瞥見到廚房有好幾個小鍋，正在烹調一碗碗的湯麵，雖然只是一碗米線，但看得出那用心及重視，所以點完後要耐心等候一會。大大碗麵，雖然價錢比一般米線店高，但粉及配料份量也很多。炸的配料會先另上，以免浸在湯後而影響味道。湯底非常濃郁，酸辣的辣較為突出，麻辣很過癮，那種麻麻辣辣的感覺逐漸增強，後來連嘴巴也麻痺了。而米線靭度控制得恰好，不會煮得太腍而糊掉，有彈性，吸盡湯的味道，十分惹味。麻辣味道確是會吃上癮，下次來荃灣的話，也會再碰碰運氣過來吃碗麵吧～

之前聽過呢間米線好耐啦，不過聽聞又遠時間又難夾，咁岩12月中拎電腦黎荃灣維修行去地鐵站時經過香車街街市先知原來唔係好遠，距離地鐵10-15分鐘左右，咁就聖誕節有時間特登入黎試下佢啦，大約6點去到，因為驚多人所以早啲去，唔算多人，排第二等左唔使10分鐘就可以入去啦，地方真係好細，四張圓枱，一張長方形枱，全部都係各坐6人嘅，其實都幾逼，不過想食好野都要忍下啦，之前睇食評已經知道有咩係必食嘅，同埋知道份量都唔少，所以冇要求架底。豬軟骨bb麻辣米線：豬軟骨好入味亦都好淋身，我覺得有啲似五香肉丁味呀~仲有3件添呀炸雞球麻酸小辣米線：雞球4大舊，好香口唔乾身係幾好味(好似我以前食過嘅一間米線嘅酥炸雞球，不過人地會配埋泰式辣醬juicy好多呀，可惜已經摺左啦間舖)兩碗都食到個咀好麻痺啦，夠哂刺激呀，不過份量就冇食評講嘅咁多呀，我平時食譚x米線都會夾一注比死佬，今次自己都覺得唔太夠呀，但碗就真係好大呀，不過入面太稀疏啦，同埋寫左單及口頭都通知左要走蔥，不過最後都係冇走到

知道這間在街市中的米線已久，今天終於有機會來試一試！晚上6點45分左右來到，已坐了十個八個人在門口排隊(不用站著等幾好)，店員示意我們坐下，給我們一人一張點餐紙，先點好餐，慢慢等入座。等了不到十分鐘，入座，搭枱，座位迫夾。朋友們的麻酸辣湯底(BB辣)米線，他們說味道不錯，但太咸，越吃越口渴。炸雞及腐皮卷熱辣辣，好味！我點了不辣的薑酒蟲草花雞肉米線，雞肉有很多件，且嫩滑，加上養生的湯底，吃完整個人暖笠笠😋

冬天凍冰冰想食辣野又想食平啲，就諗起黎荃灣嘅老闆娘冬天無開冷氣，一入到去好大陣蘇味，差啲以為係體臭味黎當依舊叫我最鍾意嘅蒙古湯，而友人就叫麻辣湯，然後叫大量炸物平時食開譚仔嘅三小辣或者小辣，黎到呢到叫小辣唔夠辣，下次叫返中辣先。湯底依舊重口味同出色，但面質較譚仔淋友人嘅麻辣湯底都好出色，好香。同樣食開譚仔三小或者小辣，建議挑戰中辣炸物方面雞翼比雞球出色，雞球有啲甜。鯪魚球無乜特別，其他都出色。環境逼，著厚褸有啲辛苦但有位放。

又來到 #老板娘雲南米線 啦，佢有多個舖位啦 ，所以都快可以坐下，今次叫咗二碗米線加一個魚卷比較快來到的魚肉響鈴 味的確保持吾錯，微溫，口感彈牙。 等了差不多十分鐘才來的胡椒酸菜豬潤 米線 飲湯底胡椒味夠，而豬潤夠嫩，酸菜就不太多有點失望，米線份量都還不少，這款不可另外食物喺入面，所以加餸就要諗過先好食吾食。因為想要其他餸就放另一碗米線，所以超多料，整體味道都好味，但牛肉就差點，而菇偏少，湯底微辣夠惹味。

老闆娘米線係荃灣，地點都幾遠下。不過好在公司近荃灣，所以收工去食就岩岩好喇記得第一次去嘅時候，因為岩岩重開番，所以都幾多人等，仲要係夏天，等果時都幾辛苦，又熱又多人等。等左大約一個鐘先到我地。不過食咗一啖米線之後，都覺得係值得等嘅到今次去可能熱潮過左，比上次無咁多人。大約7點左右去到，吾洗等位。不過食完走嘅時候就開始有人排隊等喇~今次試左蒙古湯，好重孜然味，好似三哥嘅煳辣湯底咁，不過就比三哥嘅更濃味。個人覺得酸辣湯底更好食。蒙古湯一般般。另外一碗叫左麻辣湯底，麻辣湯就做得好出色喇，食兩啖開始感覺到個嘴唇同喉嚨有少少麻嘅感覺，好堅酥炸雞球係我地每次都必點嘅小食！真係超好食，皮炸得好夠酥脆，但入面雞肉吾會炸到好乾，反而仲有好多肉汁。全部都係即叫即炸，新鮮熱辣！好加分

今日咁啱同朋友入荃灣做嘢，做做下都已經夜晚啦，一場嚟到，不如喺度食埋夜晚飯啦！即刻諗起嗰間好多人都慕名而來嘅老闆娘米線，終於有機會試吓，就即刻衝過去香車街嗰邊啦！去到熟食市場嗰度，拾級而上，去到門口已經見到人龍尾，心知不妙，不過既然嚟到，無謂又再搵其他嘢食啦！好在，排咗半個鐘到就有位喇。朋友叫咗酸辣湯底，而我就叫咗蒙古湯，酸辣夠濃夠惹味，而我個蒙古湯就夠晒重口味，因為加左孜然粉，十足十重慶燒咁嘅感覺，配埋米粉都唔錯丫！另外我哋都叫咗幾款招牌嘅炸野，不過就覺得有些少失色，例如炸雞、魚肉響鈴、蝦膠豆卜，都好似唔係好夠味咁，可能係因為個米線太好味啦，所以對比之下啲炸嘢就得個脆字，冇乜調味咁。不過無論如何，我都會為咗個湯底再返嚟食嘅！

10年前在荃灣工作, 巧合下嘗過老闆娘米線, 回味無窮, 轉工離開荃灣後一直沒機會再食, 曾經聽聞餐廳關閉, 幸好近年重新開業, 就決定冒雨再嘗.記得光顧前先上面書查看有冇營業記得光顧前先上面書查看有冇營業記得光顧前先上面書查看有冇營業餐廳位於荃灣舊式熟食市場其中1個鋪位, 環境殘舊完全沒裝修, 單憑味道打出知名度吸引大量食客排隊光顧, 當天幸好下大雨, 所以不用排隊就可以就座.點了BB辣 麻酸辣湯底米線和蒙古湯底米線, 并加配4款配菜. 麻酸辣湯底 酸度適中 呷幾口湯嘴唇有麻麻的感覺, 辣味似有還無, 愛嘗辣的可以要叫中辣以上. 蒙古湯底就充滿孜然粉的香味, 就像吃燒羊肉串一般, 十分吸引.豬軟骨有2大件, 肉質淋綿骨軟, 味道濃郁不會太咸.魚肉響鈴亦有2件, 新鮮炸的響鈴食落如同薯片般香脆, 煙韌彈牙的魚肉涵亦帶來另一感口感. 野菌腐皮卷, 必食推介一, 新鮮掣的人手腐皮卷, 即炸即食更是外皮香脆菌肉新鮮, 口感味道配合天衣無縫. 酥炸雞球, 必食推介二, 雞肉鮮嫩多汁外皮炸得香脆誘人, 廢話不多說保證一試難忘.緊記光臨前先上面書查看有冇營業

星期日晚上8時多到達。早聽聞是排隊熱店，一來到見到只有3 pair 人在等候，有點喜出望外。等候時間15分鐘。雖然在街市內，但衛生情況不錯。二人分別點了：1. 麻酸辣米線配魚肉響鈴 - 小辣2. 酸辣米線配炸雞&豬軟骨 - bb 辣第一感覺是米線太淋了，雖然未至於一夾就斷，但咬口盡失。然後老公點的bb 辣比我點的小辣更辣，著實是摸不著頭腦。不過無所謂，反正我不喜歡太辣，會蓋過了其他食材的味道。但問題是- 超！級！鹹！鹹得「乸」喉，完全蓋過了配菜的味道，浪費了炸得漂亮的魚肉響鈴和炸雞。因為太鹹，吃了半碗便放棄了。自問是重口味人士，一般濃味食品都難不到我（例如雲貴x 的酸辣米線，湯和涼拌熱拌都可以）。但今次實在是鹹得過份了。

同事曾經介紹 指米線好好食 放工就即刻去左試食 位於一個熟食街市入面七點去到都要等成一個鐘 入面冇話咩裝修 環境就係好簡單只有枱櫈一坐低就叫左兩個酸辣米線 各配左招牌必叫的分別係酥炸雞球同埋魚肉響玲 但因驚食唔哂 冇叫到野菌腐皮卷米線一黎到就見到好大碗 好抵食下湯底都幾濃郁 米線唔會太淋 口感岩岩好而個炸雞球都幾酥脆 好香口下但有少少太咸魚肉腐皮卷就幾特別 都係香口野 好食 加上好鍾意食腐皮 成件事都好特別 總括黎講：好食👅 可以再去食 但如果大家好肚餓同埋收工去就唔好去食 因為都預左要等半個鐘以上

作為一個米線控緊係要試下呢間網紅店啦佢出名大份又好食，但我就唔認同啦個日下午去食既時候，都要排隊等大約20分鐘到環境衛生睇落麻麻，而個場空間感都有點細我叫左小辣米線配魚肉腐皮卷隔黎叫左麻酸辣湯米線配酥炸雞球其實米線份量無我想像之中咁多而個湯底雖然辣但鹹味偏重麻酸辣湯偏辣，而且多酸菜同坊間既湯底都大同小異另外，啲餸就都幾普通除左係新鮮炸出黎，一份既份量都算多之外就係太油，價錢黎講就真係一啲都唔平啦~係呢個普通既質素黎講，試一次就足夠...人只係將一間係屋村入面既小店捧得太高了又或者佢既質素由於多左人黎，質素下降推介:  /5

地方唔近荃灣市中心，想去要做少少功課先今日星期二，特登揀平日先去，費事等咁耐咁知6點零幾分去到都已經排緊隊了不過唔係等左好耐就有得入去坐啦我叫左bb辣既麻酸辣米線 另外餸就揀左野菌腐皮卷同雞翼腐皮卷同雞翼就上左先腐皮卷超級好食，炸到出面個皮奶脆但食落唔油，同埋本身好中意食菇菌類，完全係我最愛雞翼10蚊2隻唔算好抵，係勝在炸得唔乾，咬落都仲有少少肉汁，可以唔洗試啦個米線一上，就算食過都忍唔住講左句好大碗個麻同個酸都幾平衡唔會搶左大家，米線唔會煮得太腍冇左咬口，湯底夠味但唔會好濃不過實在太大碗啦 唔想蹝野都食唔哂，細食既朋友記得嗌小米唔好浪費食物啊

早排係荃灣做開野，咁岩係香車街果頭，就決定去試呢間老闆娘米線，下午3點去到都要排隊。入去叫左酸辣米線加腩肉。湯底好好味 酸酸辣辣，又夠多肉肉粒，係環境比較差小小。

老闆娘是荃灣數一數二的米線，但晚上才開鋪，星期三休息。因擔心要排隊，所以五點半就來到，即刻入座。叫了響鈴及豆卜，酸辣米線豆卜同響鈴都炸的好美味，必食推介。酸辣米線也十分惹味