老闆娘雲南米線

營業中

休息中

好耐無食，凍凍地食酸辣米線就岩晒今次排隊無以前咁耐，大約排左20分鐘就入得。叫左一碗酸辣米線bb辣，加孜然豬頸肉同酥炸雞球。朋友叫左薑酒胡椒湯 (新湯底)，加豬耳同魚肉響玲。酸辣湯底依然好食，但豬頸肉唔太孜然，可能加左落湯唔太食得出個味。酥炸雞球抵食，鬆脆夠大件。新既薑酒胡椒湯底，真係好夠薑同重胡椒味，係蟲草花雞酒另一個新既選擇但豬耳就無咩特別味道，只係夠淋同軟身。加埋飲品，都只係百零蚊，飽到捧住個肚走，抵呀

我住幾十年荃灣，都係上年先知荃灣有間米線小店，摺過又重開。位於香車街熟食中心頂樓，平日食飯時間，一定排隊排到樓梯口。清湯牛肚米線小酸辣豬潤冬菇米線最小酸辣豬腩肉米線

唔知大家係咪好似我咁未到月底已經糧尾就算係糧尾 都阻止唔到我對食好西既追求今日去左食荃灣依間好出名既老闆娘米線叫左我最愛既酸辣米線🍜好鐘意啲米線入面係會有肉碎加左兩個餸 但最後發現係大份到食唔哂特別推介佢個酥炸雞球 大大份而家炸得非常鬆脆最後加加埋埋都係五十幾蚊就走得人 抵呀

之前一直都係食蟲草花雞湯米線，但次次見人食麻辣湯底都好想一嘗！ 今次終於試到！ 我點揀左 炸鯪魚球、鮮冬菇，小辣！ 個湯底好麻，然後才出辣味，夠麻又夠辣！ 👍🏻👍🏻👍🏻 可能因為個碗太大，所以令到米線顯得有d 小，有d 空虛感！ 男生食可能原夠飽，要另外多加一兩個餸。

早一兩年開始愛上酸辣粉🤤周圍揾好食嘅酸辣味道！黎到荃灣，老闆娘一定係一間酸辣粉粉絲都知嘅舖！記得第一次黎已經要排好長嘅排，因為佢每碗都係即整，所以係出面排完，入到去坐都要預左再等！但worth gaaa，因為即刻整所以每次都係熱辣辣食😍個晚又係9點寧去到，weekday，但出面都有條隊，等左15分鐘倒有得入！不過weekend ge話預左排好耐🙈佢有酸辣仲有麻酸辣，雖然麻酸都好出名，但食過一次食到個嘴麻哂我之後都食番就咁酸辣！個湯太出色🤤仲有銀針粉！有試過拎走番去reheat食，正！

星期日咁岩經過荃灣 突登去街市試下老闆娘米線 睇下係咪真係咁好味！本身諗住去到會大排長龍 點知去到無人 得知原來佢地開5點 所以唔洗掛隊 直接點餐我地叫左一人一份招牌既酥炸雞球、炸魚肉豆卜同埋豬軟骨，再試埋佢既酸麻辣湯底食物份量已經係第一樣要讚既野 碟雞球Size大之餘 佢啲雞係好厚肉 然後肉嫩Juicy 不過未算好有驚喜 再食埋佢既炸豆卜 真係勁好味 豆卜炸完唔會好乾身 但又好脆 咬落索索聲 再加埋佢釀既魚肉 真係好好味好好味好好味！！！ 豬軟骨普通沒乜特別平時都只係到酸辣同麻辣 見到酸麻辣自然地想試下 佢既酸麻辣 好麻！我地叫左小辣 但食到咀都紅曬 仲要個咀一路食一路麻 同埋佢既米線 真係食極都仲有 建議細食同唔係好食得辣既人真係要小米辣同bb辣😂食飽飽之時已經人山人海嚕～ 期待下次去試埋佢既炸春卷😋

行咗陣街見有啲肚餓， 就嚟呢間米線鋪食啦。之前黎荃灣街市食過一次，朋友話好好食， 所以食過返尋味，又再黎呢到食啦都好多人等位架，同行2個人，叫左2碗米線同小食。一個係酸辣胡椒湯底，另外一個係蟲草花湯底。首先酸辣胡椒湯底，佢嘅胡椒味好重，如果係冬天或者凍嘅日子食就一流 ，食完暖笠笠。而蟲草花湯底，佢真係有蟲草花，唔係揸流灘，食完感覺好養生。而米線嘅份量都好多，好大碗，食完超飽。 我哋亦都有嗌咗其他嘅小食，同樣都好食。

第3次黎幫襯老闆娘，其實都算格涉，地點係香車街街市，雖然大排檔格局，但都唔會太拿渣，嗰度要先落單先可以入去坐，佢湯底最特別係有孜然味，又有炸雞(大大舊),,腐皮卷炸得好香，外脆內軟。。

第二次食老闆娘了，哩間米線舖就係街市二樓，一樓同隔離都係大排檔同小炒，好熱鬧。雖然環境麻麻，同排隊有點兒奇怪，不停咁tun去人地坐熱既位度，但因為味道幾好味又平，都吸引都唔少人去既，而我就係回頭客。我點左麻辣米線，揀左粉腸做餸，要左BB辣啫。食完既時候，個嘴唇好麻。而我，就正正係鐘意麻既感覺 XD炸腐皮卷同炸丸老闆娘既炸物，我覺得真係幾出色既。啱炸好就拎出來，熱辣辣，而且擺左一陣都仲脆，就算最後食果舊，都仲係脆既。所以食老闆娘就一定要點炸物。同埋佢係用另一個蝶仔上，唔怕湯浸到淋曬，推薦！清湯銀針粉，揀左豬頸肉做餸，清湯都有淡淡地味，未至於清水，但都無咩特別。整體來講，環境講真就麻麻，但味道可以補償到既，炸物係必點！

一試難忘米線湯底. . .米線喺香港越來越多人鍾意食，米線嘅手法亦都層出不窮😂😂今次就食咗呢間老闆娘米線，之前有報道過佢仲覺得有啲誇張，但係一試真係令你難忘最推介兩個湯底1. 蒙古湯底，出邊好少食到呢個湯底，味道好特別，好友全消嘅味道，湯底唔會過鹹，但係食完有少少頸渴2. 麻酸辣湯底，呢個湯底係超正，辣度自己選擇，唔會好酸，但係佢真係一種超級超級特別嘅香味，好清香，但係又好有層次嘅香料香味，我估應該係花椒香味。呢個湯底係超級正，如果你諗唔到要咩湯底，就揀佢啦！跟住落嚟講下佢啲配料1. 必食炸雞塊，大大嚿，又juicy，好似有少少咖喱嘅香味係炸粉到，相比同樣都係加咁多錢，食呢個炸雞塊就會抵食啲🤪2. 豬軟骨，其實佢啲配料全部都冇孤寒，數量都唔少，而且佢嘅軟骨位炆到好冧，好似果凍咁樣，加埋湯底10分好食，我聽同枱其他食客都話呢到嘅軟骨係最好食🙈3. 反斗黑膠，佢係將豆卜釀養蝦膠然後反出嚟再炸，豆卜入邊嗰啲豆付炸到勁鬆脆，好食！其實呢間除咗米線，佢嘅炸物都好出色，如果你六七點去，真係好多人排隊，我有一次去，佢仲係清晒全個場，再一次過派人入去坐滿全場，再慢慢上菜，都等得好耐下🤖而且佢上菜嘅方式

最近在一些社交媒體介紹了一間米線店，後來有朋友看了，謝謝我介紹，同時他也介紹了一間是他生命裡排名第一的米線店-荃灣老闆娘米線店。我作為米線店的忠實粉絲，當然要去捧場看看！交通：在荃灣的中心地帶，在荃灣香車街的熟食中心三樓，很容易到達。餐廳環境：傳統香港特色的熟食中心。首先要先去拎位，職員會派下單紙，和指示你坐下。與此同時，我就順著椅子坐，並寫下要吃甚麼。當輪到你時，職員會指示你到哪個位置坐下並等候食物送上。食物方面：我點了一個小麻辣米線配蒜香雞翼。米線有麻煩感覺，煮得不太熟，有咬感。湯底坦白只是一般，不過雞翼非常好吃👍整體而言：價錢不貴，份量足夠，餐廳有系統地安排座位。得會再回來嘗試一下其他湯底。

朋友推薦這荃灣米線，所以特意來嘗鮮！ 第一次來的朋友可能難點搵，因為位置有d 格涉，在愉景新地的天橋一直行，左手邊的香車街街市！ 去到才知道餐廳都幾有性格，只開下午5點到晚上10點半🤪🤪🤪 我地7點幾去到，還有很多人排隊添！ 我地要先落單，然後才可以坐低！這間米線的餐單都很有特色，除左一般的麻辣米線，仲有胡椒豬肚、胡椒薑酒和草蟲花雞湯底等等！ 難怪咁多人等！ 我第一次食 草蟲花雞湯底米線！ 米線🍜份量十足，我指個碗，米線份量不算多，但湯就十分多！ 而且湯底也夠曬足料，仲有杞子、紅棗等，飲完個湯都覺得十分養生，好補！ 埋單，$55，淨係飲個湯都抵返！ 另外，米線不太林又不硬，口感也很不錯👍🏻👍🏻

終於食到呢間荃灣人氣米線，因為之前去過一次係無開，今次6點多去唔算好多人，要係外面填好食咩先再安排入去坐低。 我地一個選擇了蒙古米線湯底加炸雞球同炸豬排，另一個係酸辣米線湯加腩肉同豬頸肉，上野上得好快坐低等咗5分鐘都無就上哂所有野，個樣好吸引，但食落就不是所說的咁好食，酸辣湯湯底同腩肉不過不失、豬頸肉真係唔多好食啦，唔爽口好韌唔好食，而炸物雞同豬，本人覺得雞好食過豬，因為炸完唔會好乾仲有少少肉汁，豬就係乾既。 最後覺得佢名氣大，但食物就普通啦，去一次就夠啦，失望了！😬

呢間"老闆娘"，真係近期荃灣嘅熱門食肆，每晚放工時間都排哂長龍， 我都唔係第一次嚟食，每次都回味無窮， 湯底十分鮮甜，每次我都喜歡叫這款健康有營，有蕃茄、腐竹、生菜，而米線真係十分爽口！ 難怪成日都人山人海！

如果你問我最鐘意邊間雲南米線，我諗都唔會諗即刻答你係老闆娘，平時我好憎食野要排隊，我會選發掘一啲唔駛排店嘅美食，都唔會花時間去排隊食一啲可能名過其實嘅店。但老闆娘，我絕對會花時間去排，首先，佢每一碗米線都係即叫即整，每一款餸拎到黎都係辣嘴，廚師對食物的認真，留住了顧客。其實，我黎老闆娘通常都會點麻酸辣拉麵小辣，湯底味道有層次，夠麻夠辣，配料豐富，再配個新鮮炸好嘅魚肉響鈴，就算等左半小時都覺得絕對值得我俾8/10分