老闆娘雲南米線

營業中

休息中

久違熟食中心江記，襯假期原本冒住大汗疊細汗嘅危機，都想滿足下另一半，可惜撞正人地休息日。無奈之下轉戰樓下老闆娘，一早聽聞大名，前後黎過幾次都冇開門，難得假期都有開，即排啦。由於開門冇耐，雖然滿座，但未見人龍，門外有膠櫈供等位時坐，空氣唔流通，會有少少焗，好在唔係等左好耐，而且用餐區都有少少冷氣除左米線，仲有拉麵/銀針粉；分清湯/酸辣/麻辣/麻酸辣/酸/蒙古湯，滷味炸物等配料30款，單餸定價$44，額外$10/款，每人低消一碗。另有蟲草花薑酒湯、酸菜胡椒湯、水煮湯等 配牛、雞、豬潤咁，價錢就唔平嘅。蒜香椒鹽雞翼米線 $44/麻辣小辣酥炸雞球、秘製豬腩肉、炸豆腐拉麵 $64/麻辣小辣魚肉腐皮卷、吉列豬扒銀針粉 $64/酸辣麻辣小辣啱我口味，以麻為主，唔算好辣，花椒、蒜香，加有肉碎。雖然不停飲湯，唔算話太油或者鹹，至少食完都冇瘋狂搵野飲。炸物整體唔錯，包括雞球、雞翼同炸豆腐，非常脆口，但肉唔老腩肉薄切肉滑；米線都仲有彈性，份量唔少，單論味道，我係好評雖然未到天上有地下冇，但湯頭對味，炸物新鮮熱辣，如果天氣唔係太熱，我都想再訪。大前提係對環境、服務唔好有要求囉。

知道今日紅日所以先了解下facebook 有無特別安排。發現有開。所以自己落去食如常比落單妹妹先西面才可入座。我都明白做飲食業唔係賣笑。不過落單妹妹口面真的西。我諗佢一定有事令到佢長期無表情。可能同童年有關。入座後安排你坐邊就要坐邊。不要坐錯或自選坐座。否則落單妹妹走入黎當眾小柒！無謂令自己難堪。都係聽話。等左五分鐘左右！米線送到食物質素不需多講！好食蒙古湯米線加魚肉春卷食到中途！卜街口乾落單妹妹落單前問我飲唔飲野。我say no 以家舉手想叫可樂，心中都預左比人小。答案當然係比人西面喇。放低罐可樂嘅聲量應該有100分貝。落單妹妹以聲量去表達對你嘅遲叫飲料嘅不滿終於食完。拎單比錢。點知得大紙搞到落單妹妹要入去找續再一次被西面完

適逢連假落雨落到天都黑，聰明的我沒有外遊😏望住個天，掐指一算，今日仲唔食佢？老闆娘雲南米線，可以話係荃灣第一米線，食米線自然想佢，中午夜晚都有人龍，而佢亦都只開依兩段時間，而就快夏天，依照慣例到暑假太熱連午市都唔做，家人、員工有事唔夠人都會停業，所以你想食，都唔一定有得食，去之前一定要上佢Facebook睇睇，會公佈當日營業時間。夜晚七點幾到，平時一早排到街市下面，今次如預期般前面只有四個人，又剛好停雨，正！排排坐寫柯打，內容一直變化不大，新嘢試過唔特別，個人喜好係酸辣，之前見佢出過甚麼天堂辣？專為食極都話唔夠辣嘅熟客而制，話梗都唔覺辣你就唔好嚟，證明你味覺已死。我當然係正常人，叫了BB辣（圖右）同小辣（圖左），望落無咩分別，係小辣多少少紅油係面，食落就有啦！BB辣入口好舒服，辣同湯嘅味道完全一體，二口之下汗自然冒出，係辣味湯，加上入面入味嘅肉粒，唔飲湯簡直係浪費！小辣入囗會多種刺激，但對我嚟講依種刺激減淡咗湯嘅味道，但都係取決個人。至於米線一般，係食開嘅口感，始終佢重點係湯底。魚肉響鈴（圖右），腐皮卷魚肉炸，根本無好好包住，腐皮硬到我由開始食浸湯，到尾先開始軟；魚肉腐皮卷（圖左），出

聽朋友講過幾次話老闆娘雲南米線好食，終於有時間去試下，佢個位置位於香車街市上面個熟食中心三樓，去到要係門口排隊（有兩排凳）同埋佢會比定張紙你寫食咩野，重點！！要齊人先可以入座，入到去坐其實都幾逼，不過佢都算快出到碗米線出黎（around10-20mins)，我和我朋友一人叫了一份野菌腐皮卷（幾脆和香口）和招牌酥炸雞球（正常炸雞，肉都夠滑），湯底叫了麻酸辣湯小辣米線（小辣比想像中辣好多還有一路食個咀會麻痹），我朋友叫了麻酸辣湯bb辣銀針粉，但我們也覺得湯底夠濃味，整體黎講都幾好食，價錢都唔算貴，係店員有小小惡。

中午一下飞机趕去吃老闆娘，久聞大名了。店坐落在街市裡。點了它幾道菜，有米線，也點了炸雞塊，吃了7成覺得味道還不錯。女友也有同感。彼時天空上有些蟲子在飛我也不以為意。未幾我突然低頭一看，一隻拇指大小的蟑螂爬在我的背囊上，非常極端噁心無比。我讓我女友別看馬上出去，我則留下來把蟑螂用腳掃下來並且一腳踏成肉泥，嘔嘔。剩下的東西根本不想吃了，草草結帳懶得跟她吵，一直吐子不舒服，回家後我又2嘔又拉。。。。。明天會打電話去食環署了。。。

聽聞過呢間米線好出名，但鑑於佢實在離小編經常活動嘅區域太遠，所以一路都未有機會試。有日去住荃灣嘅朋友屋企玩，順便去左試朋友叫我地叫啲炸野，話呢度出名嘅。小編平時唔太食炸野但都試下啦～一食就知道真係好出色 勁香勁好味！不過如果有張紙墊底吸一吸啲油就好個米線好大碗 細食嘅人應該叫一餸再少底已經夠哂飽😂個湯底好正～ 叫左bb辣，真係非常少辣👍🏼味道好濃，唔係味精湯，酸酸辣辣咁。配菜仲有肉碎、酸菜、芽菜同蔥。整體係合符期望，但又未到話需要山長水遠去食～

聽左好多人推介話好食，琴日終於的起心肝去試下。佢門口放左兩排椅子比大家等位，等位時會派埋點餐紙比我地寫定野食，入得既時候就會比張單你，不過琴日我地發生左比晒單既事件，搞到派餐個陣有少少混亂。講返野食先，我叫左酸辣湯米線加左粉腸、雞翼同雞球，湯底味道很濃，味道不錯，而且好香，肉碎、酸菜、蔥等配料都很多，真係幾足料，但米線質地就太軟，應該煮得太耐了。 但佢既跟餐小食真係不錯，除左粉腸有點味好似麻麻地外，佢既雞翼同雞球都很出色，都做到外脆內軟，好味同香口。另外朋友叫左麻辣湯底我都有試左幾口，嘩，原來好正，好香好麻，佢應該落左好多花椒八角個d，麻既感覺比辣強，下次我應該會試下呢個。但朋友話食晒成碗後，成個口都充斥住個種麻麻的感覺，過左好一陣先散。米線單拼$44起，好似每款送再加$10，價位中等，我覺得可以一試。

而家好多新餐廳開業市都會大排長龍，老闆娘亦是其中之一，lunch time 時段聽聞最瘋狂要排2-3小時，而且當時的營業時間不固定，所以一直都沒機會試到昨天來一次碰碰運氣，結果模門釘了，原來佢係逢星期三休息的⋯⋯ 第二日一放lunch 就沖過黎，當時有3個食客在排隊了. 拎住點餐紙坐低跟住排，邊畫邊等，入坐前服務員已收起點餐紙！入坐啦，乖乖坐等，好快地米線就上枱了. 今次我地分別點左麻辣炸豆腐米缐同酸辣豬腩肉米缐.豬腩肉湯底唯一美中不足的係炸豆腐沒有分開上

果然聞名不如見面😋老闆娘雲南米線在街巿熟食中心3樓，經常在荃灣走動的我，還是第一次上來，但以熟食中心來說，這裡環境比想像中舒服，冷氣好夠，然後一坐低就聞到好濃小鍋米線味🙊我叫了酸麻辣少辣，正，是湯底好香濃的小鍋米線，而且米線煮得好入味，完全吸收晒個湯底，係令人好懷念的味道，小鍋米線就係應該咁嘛好耐冇食到咁完整的小鍋米線啦😌其實印象中好耐之前的黃色招牌雲南桂林米線都係呢個味道，但後來周街愈開愈多米線舖，反而愈難食到好味的小鍋米線，好多貪快未煮夠時間，結果碗米線出到黎，湯還湯，米線還米線，完全忽略左小鍋米線精髓就係要煮入味丫嘛。謝謝讓我懷舊了一番，有緣再會。

第一次嬲到要係openrice寫食評！🤬從來未見過一間餐廳既服務態度係咁差。一開始去到等位，叫人過位既時候個女店員手指指，指人坐過隔離，仲要黑口黑面，到有位既時候佢又係手指指，指人過去坐，但係我完全唔知佢叫緊我，之後佢就勁呼喝大叫我坐過去，落單又係死左全家咁既面口，真係第一次見服務差到咁既餐廳。個女店員serve其他客既時候都係黑口黑面，人地好聲好氣問佢拎筆，佢一句聲都唔出，就咁指住個筆筒，叫人自己拎。然後問人地寫完落單紙未個陣又係好似人地得罪佢咁，人地未寫完就係到嘆氣，完全當啲食客係發洩工具。其實我留意到好多客都覺得個女店員好有問題。我諗因爲依位女店員服務態度差都趕走唔少客，唔想做咪走囉，點解要咁樣對啲客先，間野幾好食都冇用，基本服務態度都冇，一定唔會食第二次！如果大家想挑戰依間野既店員，可以去食！

#老闆娘雲南米線一度被譽為荃灣神級米線。曾經喺荃灣返過半年工嘅我，三番四次想食都食唔到，原因係排隊排到癲加上米線係續碗續碗煮所以等既時間更長🥺傳聞係等成粒鐘🤷🏻‍♀️終於今日食到啦！3點鍾去到都要等大約4個字，等其間落埋單，一入到我無兩分鐘食物就送上。#米線：幼身彈牙#麻酸辣#麻辣 湯底：麻酸辣同麻辣都好麻，麻重過辣好多，食落就算係中辣其實都唔係辣但就好麻。麻酸辣就麻同酸都好突出，比起麻辣會多啲層次會好食啲。招牌酥炸雞球：必食！酥脆，保持到肉汁而且嫩魚肉腐皮卷：腐皮炸得好脆，魚肉無醒味，但係唔夠彈牙同無咩味吉列豬扒：係正常炸豬扒無咩特別總結：佢既炸物都做得幾好👍🏼湯底如果叫麻既湯底就會重麻味，合適愛麻之人。但如果要排好耐隊呢？我又唔認為有咁既須要嚕。P.S 食前上佢地fb睇營業時間，免得摸門釘！

最強米線實至名歸！老闆娘米線隱藏係街巿熟食區，但係佢有著好高水準嘅食物質素。佢地湯有分幾種，有好多種餸比你揀，而每種餸都整得好入味！當中最正嘅係佢地嘅炸物，姐係我次次都食嘅蝦卷同香菇卷，腐皮好香脆，香菇多汁香軟，鮮蝦滑彈牙爽口；湯底濃郁，香料配菜亦都好夠份量；講到米線就仲痴線，佢比大部分米線都幼身，但係就好彈牙索湯，係香港真係好少食到咁正嘅米線！不過要去朝聖，就真係要等，好迫人，同埋老闆娘唔係日日都開，所以要確保佢地開先好去，follow佢地Facebook or 去前打個電話去會好d！

上次到訪已經試過佢個麻酸辣湯，夠濃夠麻，相當impressed，不過今日想食返清啲，所以等佢‪下晝5點一開晚市，就去試下佢個蟲草花薑酒湯，同時拼佢個豬膶試試質素。‬個湯一黎到已經好大陣薑酒香味撲埋黎，大啖大啖咁飲啲湯，非常舒服暖身，入面仲有好多蟲草花、杞子、紅棗，夠哂養生！米線一如既往咁彈牙，吸埋啲湯簡直一流。至於豬膶就不過不失，個口感唔算好嫩，但味道都不錯。由於今次冇得加餸，下次再訪先再回味其他招牌炸野！

呢間鋪好多人都話好好食，所以今次就同朋友黎試下佢係咪真係咁好食啦位置方面就係街市上層既熟食檔攤，上到熟食檔攤仲有層樓梯要行上多層先會到，入面非常熱，佢地叫我地係門口寫哂紙食d咩之後比左佢地先可以入去坐，入面冷氣好夠係門口有個飲品櫃可揀自己喜歡既飲品但無咩選擇坐底左就好快上左兩樣散叫嘅小食野菌腐皮卷（都凍左架啦，但個皮仲脆既，食落好有野菌味）招牌酥炸雞球（炸粉唔會好厚，雞都好滑，唔會炸到好乾，唔錯既）豬頸肉腩肉酸辣米線中辣（本人就覺得唔辣，都唔會太酸，豬頸肉係爽口既，腩肉都算入味整體黎講都唔錯既）

好耐之前食過一次，名不虛傳覺得碗米線真係幾好食！然後見到佢有蟲草花薑酒米線就好想試，今日終於得閒啦！ 餐廳喺街市裏面出面好多 💺就係預備畀人坐喺度排隊。餐廳裏面都係幾張枱，最多都係坐30人到😋嚟咗之後飲咗啖湯。救命呀勁好飲呀!!!就係呢個味道啦!!!!我加咗豬膶，非常爽滑一啲都唔老！好功架！反斗蝦膠係幾歲嘅小食十蚊一碟好合理見到一個叫豆腐魚丸的東西，試下啦十蚊有三粒都幾抵喎！呢個幾好食大家可以試下