影片
更多
2019-04-21
347 瀏覽
適逢連假落雨落到天都黑，聰明的我沒有外遊😏望住個天，掐指一算，今日仲唔食佢？老闆娘雲南米線，可以話係荃灣第一米線，食米線自然想佢，中午夜晚都有人龍，而佢亦都只開依兩段時間，而就快夏天，依照慣例到暑假太熱連午市都唔做，家人、員工有事唔夠人都會停業，所以你想食，都唔一定有得食，去之前一定要上佢Facebook睇睇，會公佈當日營業時間。夜晚七點幾到，平時一早排到街市下面，今次如預期般前面只有四個人，又剛好停雨，正！排排坐寫柯打，內容一直變化不大，新嘢試過唔特別，個人喜好係酸辣，之前見佢出過甚麼天堂辣？專為食極都話唔夠辣嘅熟客而制，話梗都唔覺辣你就唔好嚟，證明你味覺已死。我當然係正常人，叫了BB辣（圖右）同小辣（圖左），望落無咩分別，係小辣多少少紅油係面，食落就有啦！BB辣入口好舒服，辣同湯嘅味道完全一體，二口之下汗自然冒出，係辣味湯，加上入面入味嘅肉粒，唔飲湯簡直係浪費！小辣入囗會多種刺激，但對我嚟講依種刺激減淡咗湯嘅味道，但都係取決個人。至於米線一般，係食開嘅口感，始終佢重點係湯底。魚肉響鈴（圖右），腐皮卷魚肉炸，根本無好好包住，腐皮硬到我由開始食浸湯，到尾先開始軟；魚肉腐皮卷（圖左），出
老闆娘雲南米線，可以話係荃灣第一米線，食米線自然想佢，中午夜晚都有人龍，而佢亦都只開依兩段時間，而就快夏天，依照慣例到暑假太熱連午市都唔做，家人、員工有事唔夠人都會停業，所以你想食，都唔一定有得食，去之前一定要上佢Facebook睇睇，會公佈當日營業時間。
夜晚七點幾到，平時一早排到街市下面，今次如預期般前面只有四個人，又剛好停雨，正！排排坐寫柯打，內容一直變化不大，新嘢試過唔特別，個人喜好係酸辣，之前見佢出過甚麼天堂辣？專為食極都話唔夠辣嘅熟客而制，話梗都唔覺辣你就唔好嚟，證明你味覺已死。我當然係正常人，叫了BB辣（圖右）同小辣（圖左），望落無咩分別，係小辣多少少紅油係面，食落就有啦！BB辣入口好舒服，辣同湯嘅味道完全一體，二口之下汗自然冒出，係辣味湯，加上入面入味嘅肉粒，唔飲湯簡直係浪費！小辣入囗會多種刺激，但對我嚟講依種刺激減淡咗湯嘅味道，但都係取決個人。至於米線一般，係食開嘅口感，始終佢重點係湯底。
魚肉響鈴（圖右），腐皮卷魚肉炸，根本無好好包住，腐皮硬到我由開始食浸湯，到尾先開始軟；魚肉腐皮卷（圖左），出名小食之一，依個就唔浸得，食落似春卷，一浸就霖，當然魚肉唔會期望有多少魚味，但食得出係魚，兩者相對後者好食好多！炸雞都好受歡迎，佢油溫夠，睇前面兩款都知佢會炸到個皮幾脆，但無咩調味，而且最近雞食太多無叫但推薦，叫碗麵加小食，依D每款都係加十蚊！雞係有三球，唔細架！仲有好多野可以加，不過你食完碗麵食得落先講。由於份量好大，一般女性都好難食得晒，就算食得完都要時間，出面等位職員成日入嚟望，個個都食得超快，就算佢係冷氣房，與其食得趕頭趕命又有壓力，食到外賣當然買外賣。佢外賣會自行分湯，米線同湯底都大大碗，小食用紙袋放，油吸晒落紙返到去都唔霖，怕食唔晒返到去米線分批放落湯，有淨留返下餐食都得。不過你唔一定梗好彩，加油排隊吧！
張貼
