老百姓火鍋刺身 (已結業)

#老百姓火鍋刺身 (深水埗)天氣涼涼地，就想打邊爐。😁開店無約耐既火鍋店，裝修新潮，座位寬敞舒服。除咗火鍋有刺身食，刺身仲要相當高質素。仲有最近相當火熱嘅大閘蟹😆爆曬膏㗎。啱晒淨係想食一兩隻蟹嘅朋友。平常啲既湯底$98 雙拼另外加$28四川麻辣鍋拼甘筍粟米豬骨鍋💰總共$126湯底好好飲， 四川麻辣鍋叫左中辣，湯底係有層次既香麻辣，但係注意越煮會越辣🤣下次都係叫小辣安全啲。豬骨鍋有大量豬軟骨同骨筒，好抵食，加上胡椒味，整體好惹味。招牌四寶丸 $98新鮮手打牛丸、豬肉丸、墨魚丸同蝦丸，真材實料，彈牙。唔錯。頂級美國肥牛 $138份量都幾多，share都岩岩好。自家製四拼餃 $98正宗皮薄餡多，所以唔可以滾太耐，如果唔係個皮會穿。鴨血 $58係實淨嗰隻鴨血，無軟熟嗰隻鴨血咁吸湯，但就比較有咬口。豬大腸 $48份量都好多，而且每舊都好大舊，無異味。都幾彈牙。西洋菜 $38新鮮爽口。紅糖糍粑 $58紅糖比開稀左，所以無咁甜。即叫即炸，但我覺得凍咗好食啲因為煙韌啲。洛神花茶一渣 $48完全無落糖。只有單純嘅洛神花同埋山楂味，超級健康解膩開胃。

今日去試呢間位於深水埗的隱秘火鍋店！佢坐落係雲雲車行中，都算鶴立雞群！入面裝修有d心思😂😂😂自助調味架！叫左很普通的杏汁豬肺湯但湯渣好足料！見meun有樣出面好少有既田雞，於是叫左。果然不負所望叫“跳舞田雞”，來到d肉仲係跳跳下！呢個雲吞好味，個器皿都幾特別(成個峨眉月甘)後悔沒有叫頂級安格斯牛脊，見隔離枱一大盆，我地只點了普通肥牛同滑牛！鱼皮脆卜卜正啊！(好多地方會因為擺得耐，冧左，真係怕怕！)今晚重點來啦！免費送一人一隻大閘蟹，估你唔到啊！

天氣凍凍地最啱打邊爐, 朋友推介呢間 老百姓火鍋, 話材料新鮮抵食, 乾淨坐得舒服。趁佢新開張有優惠, 即刻去幫襯下先！首先奉送大閘蟹每位一隻, 肥美頂角爆膏, 甘香醇厚, 食完飲返杯薑茶, 中和寒涼, 餐廳十分細心！滋潤百姓湯跟住就揀個招牌湯底。用花膠、螺頭、排骨、半隻鮮雞和哈密瓜淆製而成, 打邊爐都唔會熱氣！滋潤養顏, 補身養生, 飲一啖成個身暖曬！店員在鍋底滾起後, 會幫助拆雞, 服務殷勤值得一讚！安格斯牛頸脊脂肪紋理分佈均勻, 呈雪花狀！油脂甘香, 牛味濃沃, 淥一淥就啱啱好, 軟熟嫩滑入口即化！牛脷花將牛脷拼砌成花, 上碟賣相精緻。牛脷爽口彈牙味濃, 煙韌有嚼口！即炸響鈴即叫即炸熱辣辣, 醮點甜酸醬來食, 香脆惹味食到停唔到口！一嚟到已經食咗一半！魚皮餃、貢丸魚皮餃 皮薄餡靚, 大大粒有魚味。貢丸Q彈有肉汁, 香菇味重啱曬打邊爐！皇帝菜新鮮翠綠, 清新口腔, 平衡肉食油膩。多吃健康有益！不得不提, 餐廳最後送的自製桂花糕, 清香桂花味, 香甜冰爽, 清新怡人！

想打邊爐好耐啦，約左個frd打邊爐，我地又唔想去啲限時餐廳，趕頭趕命，上openrice見到呢間評價唔錯，menu望落都多選擇，訂座仲有8折加大閘蟹送添，一於試試佢～.我地平日夜晚黎，唔算多人，有卡位座，正。一入到黎就聞到陣陣麻辣味，好香，不過朋友唔食辣，我地嗌左個養生花膠螺頭雞湯，入面仲有蜜瓜，做湯底，夠哂特別，同平時食開既清湯湯底好唔同。個湯滾滾下個感覺都似老火湯。啲雞好滑，不過花膠同螺頭就冇乜味，可能煲哂啲味出黎，所以個湯超甜～！湯底嗌左$338～.一開始都唔知個湯底咁足料，都嗌左好多餸，好彩最後都食得哂。下次應該嗌一半再加單。打邊爐唔少得既肥牛，$138，牛味都重。.牛脷就擺得好靚，味道就冇肥牛咁正，可能冇咩油脂，岩燒烤多啲！$88，份量都多，平時出面燒一串3塊都$30！.打邊爐最鐘意食餃，咩餃都有齊哂，啲餃好足料，好新鮮！$98有8粒🤓啲蝦餃入面粒粒蝦（本人好鐘意食蝦）不過個黑松露餃就略嫌唔夠重黑松露味～.響鈴好脆，都係新鮮製造，食得出岩岩炸起既口感。仲有蝦滑同墨魚滑，個人都係鐘意蝦滑多啲～人均消費$500左右，好滿足～～☺️

一入面冶就係d 霓紅燈裝飾好cyber 啊坐位都闊落幾好坐野食種類多選擇可惜疫情關係冇sashimi地點都方便位於深水埗太子之中間位遲下一定要約埋一大班朋友再來打邊爐

拜限聚令所致，今日終於又食到我久違咗嘅火鍋喇。我地湯底叫咗雙拼，分別係四川麻辣鍋&香茜皮蛋鍋，麻辣鍋好多辣椒勁足料，聞到都好香好吸引，皮蛋鍋亦唔錯，湯裡起碼有四隻皮蛋，好足料又多香茜。安格斯牛頸脊雖然油脂多但分布平均，食落香口又唔算膩，肉質嫩滑，打邊爐鍾意牛嘅話值得一試。醉雞釀得夠曬入味，諗住擺咗入湯會變成同普通雞塊無分別，點知好有驚喜，煮完出黎仲食得出有淡淡嘅酒香，正。脆脘魚片同鴨血不過不失，鴨血我地放入麻辣湯，煮咗好一陣都未太入味，可能需時更長。最後食埋我至愛嘅煙韌紅薯粉，滿足！

天氣凍左d，就想去打邊爐。老百姓火鍋刺身店係太子，見係新開，就入去試下新野。入面好闊落，仲有霓虹燈裝飾，好適合影相打卡，而且播既歌都係輕音樂，有我最愛聽既久石讓，好舒服。原來呢排幫襯，會每人送大閘蟹一隻，都唔算細隻，而且見到唔少膏，仲好細心配埋薑絲黑醋同薑茶，唔怕太寒涼，我同媽咪都食到好滋味。百姓雙併湯底，一邊係麻辣湯底，另一邊就係甘荀粟米豬骨湯。麻辣湯用黎烚肉類，花椒加埋泡椒，食落過癮，而豬骨湯底好清甜，豬骨係用筒骨，特別濃味。鮮墨魚滑既形狀好吸睛，整成兩條鯉魚，上面仲有少少黑松露，食落好彈牙，而且食得出墨魚鮮味。招牌四寶丸出色。食得出同平時食開雪藏既丸有好大分別，特別係蝦丸同墨魚丸，唔會食落成舊粉，真才實料。黑毛肚同黃喉好爽口。毛肚用左冰雪住，整到好似刺身咁，擺落湯底灼10秒到就食得，黃喉都好爽脆，幾好味。鮮鴨血好食。叫得麻辣湯底，一定要叫埋鴨血，兩者真係perfect match，索埋湯汁，口感硬硬地，唔會一夾就散，好食。竹蓆茅根好推介，打邊爐好驚會太熱氣，所以叫竹蓆茅根用黎消滯清熱岩曬，唔會太甜，一渣都有5-6杯，好抵飲。

天氣開始凍 一諗起食 只想打邊爐😋上星期同朋友係深水埗搵到呢間火鍋店價錢合理 店員仲話依家有限定優惠一人會有一隻大閘蟹送‼️今天仲未食過大閘蟹既我即刻入啦🤤.揀左麻辣x蕃茄薯仔湯底 一邊辣一邊酸酸甜甜 好惹味為左麻辣湯底 當然要點鴨血 每片都厚切 建議湯底一黎到就落左先 煮耐啲更入味麻辣湯底屬小麻小辣 初嚐辣既人士都適合每碟料其實份量都唔少 男士一定夠飽。美國頂級肥牛質素很不錯 就算上盤都好靚肉質平均 肥瘦紋理分明 牛味香濃點埋自助調配既醬汁更是不得了❤️.另外呢度既牛筋丸同鮮淮山係我最鍾意的牛筋丸爽口彈牙 超香 仲有好多肉汁爆出黎 鮮淮山無論落咩湯底都咁正 好鮮 下湯大約10分鐘就可以了🤩.店家送既大閘蟹質素真係唔差 爆多膏 肉都唔少跟埋薑茶同醋 好貼心💙.最後當然少不了甜點 杞子桂花糕 未食已經見到好足料!!!食落不會太甜 清新之選 完美滿足既一餐結束。

疫情之後有段時間無去行深水埗，始終深水埗人來人往怕受感染，宜家疫情稍為緩和就陪屋企人黎行下，行完一個下午，細佬提議去食火鍋，系褔華街見到呢間幾大間又乾淨企理，大部份都系卡位入門口就見到好搶眼嘅燈牌，我全家都真系好鐘意Da Bin Lo架先order個蕃茄薯仔湯底，大大鍋，湯底好濃郁，薯仔好好味呢間火鍋店除左有得打邊爐重有魚生刺身食, 梗係要叫黎試下，好新鮮，yummy。美國桶蠔淥完之後都吾縮水，重系大大隻，又無渣，好正呀！每樣食物都幾有水準，原來上午有早午茶飲，價錢都吾貴，下次真系要試下。

深水埗霓虹燈主題邊爐店 有美食有態度 🍻✨入冬打邊爐點可以馬虎，呢間新開餐廳除咗有美食仲有態度，睇得出注重環境格調同服務質素😝晚市邊爐唔多人，座位闊落，用餐經驗幾舒服☺️🥘 老百姓湯底 $338睇個樣就知夠滋補😂湯料多膠原蛋白為主😍，有雞，螺頭，螺片，花膠，雞腳，排骨，哈密瓜，湯底濃郁🍈原個哈密瓜放入去幾得意，熟咗嘅哈密瓜依然清新，保留少許甜味花膠大塊爽滑，為數都幾多雞有半隻，精華䆁放晒係湯到，因而肉質唔算嫩滑雞腳軟冧漿口排骨冧易散，容易拆骨🥩厚切手打肥牛 $328油脂分佈廣，油花明顯切片的確比市面嘅多咗啲厚度但依然軟細易咬牛味強烈🐚珊瑚蚝 $138顏色金黃新鮮，爽甜鮮味容器有冰保鮮🦀大閘蟹 (附送)一啲都唔細，蟹膏多，脂質濃厚回味細心配送姜酒解寒，清甜輕姜味輕量，冇酒味🔔即炸響玲 $48好多層次，非常鬆脆威化，推介🤩🤩🥟特色黑松露餃 $88比較似彈牙蝦餃，欠黑松露味，唔算特別🍚紅糖糍粑$58糍粑內層空氣感強，外層可以更脆，少少痴牙相比其他材料冇咁出色📍老百姓火鍋刺身深水埗福華街39號地舖

今晚跟老公打邊爐，我早一個站係福華街公園落車，一兩個街口就去到。我們不太好食辣，單叫甘筍粟米豬骨湯湯底，粟米香甜，豬骨都有唔少，初嚐一口湯覺得不錯，有少少辣辣地的胡椒味。我們叫了不同的物，自家製四拼餃分別是韮菜餃，原味，鮮蝦雲吞，黑松露餃，其中最愛的韮菜餃色澤翠綠，餡料有冬菇好清甜。另外四寶丸是手打的，豬肉丸，牛丸，蝦丸及墨魚丸，墨丸食到粒粒魚肉。美國頂級肥牛一卷卷，很吸引，切片厚度適中，滾幾滾食得，很重牛味。台灣空運鮮鴨血都唔錯，滑一滑。最正的是蜂巢凍豆腐，比起坊間很大件，很抵食，吸收湯汁精華，小心燙口，每一口食得出很棉密。黃喉很爽口，唔係間間火鍋店有得食。今晚其實凍凍地，所以秋風起都係時候打邊爐啦。

屈指一算原來起碼有8個月未出過街食打邊爐啦！今日就搵咗間邊爐店黎食先～依家邊爐店位於深水埗同太子之間，行5分鐘左右就到啦！店內的裝飾以霓虹燈牌為主，可以打一打卡。睇睇餐牌除咗打邊爐仲有一啲點心食嘅。🔸姬松茸竹絲雞湯$238竹絲雞係半隻，姬松茸唔算多，如果個湯底多小小配料會更好同出味😊🔸美國頂級肥牛 $138肥牛打邊爐的必需品吧！有12塊，肉同脂肪比例好平均～🔸黑松露墨魚丸 $98用了月亮🌙的碟盛裝著，很美呀！黑松露也很出🔸洛神花茶 $68由於打邊爐，會覺得有點熱氣，所以都喜歡飲清涼既野～洛神花酸酸甜甜的也很開胃，好自然的味道，因為飲得出無加糖

天氣涼涼地，我同朋友都心思思想打邊爐，在openrice見到一間新開張的火鍋店，就約埋一齊去試新野啦。火鍋店在深水埗，地段比較隱蔽，要花點時間找一找。整間店的裝修簡潔，座位闊落，沒有一般火鍋店吵雜的感覺。打邊爐最重要當然是湯底啦，最近天氣乾燥，我們選了一個杏汁白肺湯，貪佢夠滋潤。奶白色的湯底擺滿了食材，許多豬肺、雞爪、豬骨，非常豐富。食物的選擇不算很多，但一些大路的食物都有，當中仲有一般火鍋店少見的田雞食添。上菜時，隻田雞仲識得郁架！！！幾新鮮！我們食左好多野，樣樣都份量十足，超飽啊！！尤其個雲吞同魚皮，我同朋友都好滿意。侍應姊姊仲同我們講原來依架做緊優惠，有大閘蟹送啊！！哇！真系好驚喜啊！大閘蟹好新鮮，有成個手掌甘大啊！蟹膏食落都幾鮮甜，還附送薑湯，幫我們驅寒，真貼心。不錯！不錯！美中不足系今晚沒有刺身食，希望下次再來時有得食啦！天氣愈來愈涼，來打邊爐都系個吾錯既選擇啊！

-同男朋友👩‍❤️‍💋‍👨去完律師樓交完擬結婚通知書勁肚餓😫又想打邊爐又想食刺身齊齊增肥🐷去試左附近【老百姓火鍋刺身店】可以一次過滿足晒兩個願望一入去見到佢d 裝修幾得意叫咗幾款刺身好新鮮😍啲生蝦同埋啲帶子勁大隻😍佢都幾多款湯底選擇😻有成10款由於凍凍地 我地叫左個妙計錦囊湯 $388即係原隻🐷豬肚包🐔雞湯個湯底好胡淑味勁開胃🤩 勁足料仲有專人幫去地剪開豬肚包🐔雞美國頂級肥牛 $138 有🐮味，肥瘦適中佢個🐟脆脘魚腩好正！！！好鬼爽脆🤩🤩🤩🤩🤩🤩🤩.

好耐冇出街打過邊爐喇，見朋友樓下開左間新野就試試佢～姬松茸竹絲雞湯 $238普通湯底大概$140~160，但難得出街就試下d特式野，湯底好足料，除左原隻竹絲雞同姬松茸仲有好多豬骨，所以好清甜～　　即炸響鈴 $48店員極力推介呢個，由於係新鮮炸起，入口非常鬆脆，特配嘅甜酸醬汁剛好可以中和油膩感～極品本地手切肥牛 $328雖然價錢比其他牛貴，但我都係鐘情本地牛，因為比起飛機貨新鮮好多，唔單止牛味濃而且肉質爽口彈牙，可以見到每片嘅油脂分佈同厚度都好平均～特色黑松露餃 $88平時打邊爐都會叫餃子，但好少見有黑松露餃，入口菇味香濃幾特別，一碟有兩款皮，分別係水餃皮同雲吞皮，比你兩種唔同嘅口感～白鱔片 $88好新鮮～淥完之後有脆肉鮸嘅口感，但又唔會有泥味，正～蔬菜雜菌拼盤 $88食左咁多肉點都要食返d菜平衡返，個雜菜拼盤性價比唔錯，有大量菇同兩款綠葉菜，食完剛剛好飽曬～