163
2
0
港鐵太子站 E 出口, 步行約7分鐘 繼續閱讀
電話號碼
23661311
開飯介紹
位於深水埗的港式火鍋店,店舖有不少霓虹燈裝飾,感覺新潮。午市提供普通港式飯餐;晚市提供多款火鍋湯底,日式刺身和點心,特別推介手打鮮墨魚丸和滋潤百姓湯。 繼續閱讀
營業時間
今日營業
07:00 - 23:45
星期一至日
07:00 - 23:45
公眾假期
07:00 - 23:45
公眾假期前夕
07:00 - 23:45
付款方式
Visa Master 支付寶 現金 AE 銀聯 微信支付
其他資料
網上訂座
加一服務費
有關獎賞計劃
食評 (173)
等級4 2020-11-26
18 瀏覽
今日係星期一,又係另一個blue Monday,仲有holiday mood,返緊工已經諗緊夜晚食咩好,同女朋友傾左好耐,最後決定去打邊爐,因為會去太子附近買野,所以就打開openrice 睇吓嗰度附近有咩新開高分餐廳,最後揀咗間近深水埗既叫老百姓火鍋。去到客人唔多,所以唔洗等位就入得,裝修新淨企理,都算闊落。我哋望咗陣點菜紙,就決定叫個滋潤百姓湯,因為見佢勁多料,又花膠、又螺頭、又雞湯,重點係竟然有哈蜜瓜,第一次打邊爐,個湯底放水果🤣 原本唔想試,覺得伏伏地,點知個店員極力推薦,所以最終都決定試試佢。跟住又叫左脆炸魚皮、招牌鴛鴦滑、頂級安格斯牛頸脊、海蝦、油麥菜、皇帝菜,最後叫埋一渣竹庶茅根。首先黎左個湯,勁大煲,仲有成隻雞,雞上面有螺片花膠,雖然唔多,但感覺好足料,等個湯滾左,就迫不及待飲碗雞湯先,果然店員冇推介錯,個湯好鮮甜,雖然並唔係老火湯,但以打邊爐湯底黎講十分高質,我連續飲左兩碗,熟既哈密瓜第一次食,但又出奇地好食,唔錯,推薦。至於食物,係我哋飲緊湯既時候都陸續上枱,食物質素幾好,夠新鮮,當中最令人驚艷既係頂級安格斯牛頸脊,肥瘦適中,濃郁既牛味,口感豐富,呢個價錢,十分值。至於招牌鴛鴦滑,墨魚滑唔錯,但蝦滑一般。另外海蝦都好鮮甜,價錢都唔貴,可試。總括黎講,價錢合理,食物質素可以,性價比高,可試試。 繼續閱讀
(以上食評乃用戶個人意見 , 並不代表OpenRice之觀點。)
深水埗果然是潮區,連港式火鍋店都備有霓虹燈牌,整個玩味十足俾你打邊邊之餘順便影打卡相。除了環境幾好坐之外,火鍋湯底都好足料,餐點亦非常大份,正好襯天氣轉涼book檯打邊爐啦!福華街從來都是深水埗的美食區,不過我就好少行到來這邊,原來開了新的火鍋店呢!這間火鍋店並非只做火鍋,早市午市其實賣點心,晚市才打邊爐。進去就覺得眼前一亮,牆上的霓虹燈牌又幾有趣,估唔到深水埗的火鍋店都玩這些。餐廳座位都幾多,又有卡位坐都幾舒服。如果約朋友聚會,還有房間可以用。在香港吃素打邊爐就最方便,同朋友叫個鴛鴦湯底,一人一邊各自修行,素食類火鍋料仲有勁多野揀。老百姓招牌湯底有「滋潤百姓湯」(花膠/螺頭/哈密瓜/雞湯)和「妙計錦囊湯」(原隻豬肚包雞湯),望起來非常厲害,我地都係揀返比較平民的湯底。吃素的話最穩陣係揀蕃茄薯仔/香茜皮蛋,不過我想食辣就揀左四川麻辣。已經叫左小辣都幾辣呀下,自己衡量一下。四川麻辣鍋 拼 甘筍粟米豬骨鍋 HK$158(雙拼+HK$28)朋友叫的是甘筍粟米豬骨鍋,佢話淨係食豬骨都食飽左 XD,豬骨好多骨膠原食得唔好浪費。我最喜歡這個自助蔥蒜豉油吧了!還以為去台灣打邊爐才有,我最鍾意食五辛了!!生蒜+炸蒜+蔥+豉油超好食,不過我個四川麻辣鍋勁濃味,都唔係太需要再加汁。見到餐牌有個「蔬菜雜菌拌盤」(HK$88) 即刻點一個睇下咩環境,用籃子上又幾靚仔,入面有生菜、西洋菜、金菇、鴻喜菇、杏鮑菇和冬菇,比想像中豐富喎!我另外再叫左兩個菜,鮮腐竹、枝竹 (係!佢兩個係唔同的!)、凍豆腐和炸芋片,烚下烚下都幾飽,有少少眼闊肚窄。天氣終於開始轉涼,除了可以穿長袖衣服,更重要當然係可以約朋友打邊爐啦!下午先去附近飲咖啡,再直落打邊爐,食飽仲可以行上嘉頓山睇夜景幫助消化呢!一日行程都幫你諗好晒! 繼續閱讀
(以上食評乃用戶個人意見 , 並不代表OpenRice之觀點。)
好耐冇打過邊爐啦,今次就同男友來深水埗呢間開業不久的火鍋店試試!店內裝修走型格路線,以黑色為主,配合霓虹燈裝飾,座位坐得舒適,唔會太逼😉打邊爐先來揀湯底,湯底都有成10款選擇,今次我地就揀左百姓雙拼$ 186,可以一次試2款口味嘛!四川麻辣鍋(158)湯底紅卜卜,有好多辣椒,又麻又辣,好惹味,啱哂愛辣之人🌶!甘筍粟米豬骨鍋(+$28)而我就好愛呢個甘筍粟米豬骨鍋,湯底配料好足,非常豐富,亦好鮮甜😊!美國頂級肥牛 $138每次打邊爐必叫肥牛,呢個係美國頂級肥牛肉質鮮嫩,肉味香濃,正呀🐮一口牛立方$158牛肉切到一粒粒,一口一粒,易入口,牛味都幾重😉!招牌四寶丸$98以月亮型碟上,擺得幾靚,打卡一流包括有手打鮮蝦丸,手打鮮墨魚丸,手打牛丸同手打豬肉丸,每款兩粒,兩個人食揀呢款就最啱😝四款手打丸都可以試晒!特色黑松露餃 $88好愛黑松露味,見到呢個黑松露餃當然要試試,黑松露味好香配水餃好夾,黑松露fans要試試呀!紅糖糍粑$58外面炸得好香脆,入面就好煙韌,加上紅糖,好好味! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-30
279 瀏覽
終於可以4人食飯 太感動了朋友介紹嚟老百姓,因為食物高質而且地點方便。太子慢行大概7分鐘到。揀左鴛鴦湯底,姬松茸竹絲雞湯及四川麻辣鍋,雞湯飲落滋潤,應該冇乜味精,有半隻雞,雞肉嫩滑多汁,吸收哂材料味道。麻辣嗌左少辣,嗌多份台灣空運鮮鴨血 $58,更是滋味。蒜泥白肉 $48作為餐前小食,又麻又辣,十分開胃。頂級安格斯牛頸脊 $298身為牛魔王,打邊爐一定要嗌牛,輕輕碌3、4秒,牛頸脊脂肪分佈密集又平均,又淋又滑又重牛味,所以一碟就好快清哂。花雕肥牛 $158花雕酒浸泡的肥牛,一上菜就聞到陣陣酒香,因為唔想被麻辣湯底搶哂味,於是於雞湯碌,結果好正,碌完後,放進口中還有花雕酒味!鮮墨魚滑 $98上碟是兩隻鯉魚,一邊有蟹子,一邊是黑松露,造像相當可愛、吸精。熟後,食到一粒粒墨魚,爽口彈牙。黑毛肚$78識食一定係食黑柏葉,因為無經過漂白程序,黑毛肚爽口新鮮,而且份量很多。萵苣片$28翠綠新鮮,放於麻辣湯底,吸收哂味道,所以食落比湯底更辣,感覺刺激。竹庶茅根 $48麻辣熱辣辣,飲杯透心涼凍飲,舒服哂。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-29
221 瀏覽
一班好朋友圍埋當然最好係打邊爐啦,一方面人多可以叫多幾款野食,另一方面打邊爐人太少就真係好難叫野食,政府放寬限聚令,即刻相約好友到老百姓打個邊爐開心下啦資料搜集過知道呢間係新開既火鍋鋪頭,見到口碑相當好,大家就決定簡老百姓試一試。除此之外,原來老百姓下晝仲有茶市點心,不過今日無緣試到佢既點心,唯有留返下次啦,今次就試左佢既打邊爐先啦🔸滋潤百姓湯(花膠,螺頭,哈蜜瓜,雞湯)打邊爐第一件事當然就係簡湯底先啦,店員相當有禮介紹各款湯底,而佢地亦推介滋潤百姓湯,咁當然要試下佢地拿手既湯底啦過左一陣湯底好快黎到,湯底原隻雞連花膠,螺頭,哈蜜瓜煲,店員教我地要飲左個湯先,幫我地一人一碗湯分好,亦都將成隻雞分件,服務相當好,抵讚雞湯飲得多,但我都係第一次飲哈蜜瓜煲既雞湯,飲落去好甜,雞湯味好濃郁,配上哈蜜瓜少左平時雞湯個種油膩感,花膠同雞肉都入哂味好軟滑好味,我一口氣飲左3碗湯而鋪頭亦有提供火鍋醬料供人免費享用,自己配搭喜歡既醬料🔸招牌鴛鴦滑墨魚滑+蝦滑,擺菜精美,入口結實彈牙,唔似得平時街市粉多料少,好味🔹極品本地手切肥牛本地新鮮肥牛,肥牛切得較厚咬落有口感,牛味亦相當濃郁🔸一口牛立方牛柳粒細細粒一啖一粒夠哂過癮,不過要注意時間,淥得太整耐會有少少韌🔹牛脷花故名思意就係用牛脷整成花,牛?短時間淥一淥,十分爽口🔸招牌水餃皇足料又大隻,食落啖啖蝦肉🔹鮮魷原隻新鮮切件,童叟無欺,輕輕淥一淥,鮮味無比🔸豬潤大大片豬潤份量多,豬潤厚切有咬口,好味🔹牛筋丸牛筋丸十分有驚喜,咬落爽口彈牙,最重要中間有肉汁,抵讚🔸台灣空連鴨血打邊爐配上大大片鴨血,煙韌又好味,不過大家食個陣要小心熱呀🔹即炸響鈴即炸響鈴十分脆口,可以直接點甜酸汁食,不過個人鐘意浸湯3秒再食,吸哂雞湯味,好正🔸蔬菜雜菌拼盤有各式各樣菜同菌類,適合我呢種有選擇困難既人🔹稻庭烏冬烏冬配上雞湯一路飲一路食,食幾碗都想繼續食🔸竹庶茅根竹庶茅根十分足料,唔同普通酒樓提供個d得水無材料,清熱下火,同打邊爐係絕配 繼續閱讀
(以上食評乃用戶個人意見 , 並不代表OpenRice之觀點。)