老百姓火鍋刺身 (已結業)

老友介紹太子附近有間火鍋店好唔錯，咁啱喺深水埗買完5G電話卡就去咗試試佢，喺深水埗行過去都係十分鐘左右~~食物款式都幾多選擇，湯底都有9款，我哋揀咗雙拼湯底，揀咗「甘筍粟米豬骨鍋」同埋「蕃茄薯仔鍋」見到呢排大閘蟹當造，等緊嘅過程就叫咗2隻試下，好creamy！正！湯底勁足料，隨便一撈都撈到湯底料~~ 未打邊爐之前都可以當湯飲！不過佢嘅湯底都唔算濃，係越煲越有味嗰種~呢個係細份嘅安格斯牛頸脊，雪花紋好靚，有適量油花~ 油脂同肉比例剛剛好!豬腩肉瘦咗少少，食落無乜油香~手打蝦丸超級彈牙！又爽口！真係必叫！Overall 呢餐食得好滿足，應該會同frd再嚟！

老百姓火鍋刺身 除了主打火鍋, 仲有得食刺身! 一次過滿足兩個願望!三文魚刺身 (6片) $78三文魚刺身肉質細嫩鮮美!日本帆立貝刺身 (4粒) $68粒粒圓大飽滿, 肉質柔軟, 鮮味濃郁!百姓雙拼湯底 $98 + $28四川麻辣鍋湯底夠麻夠辣，好過癮！甘筍粟米豬骨鍋湯底配料好豐富，有豬軟骨, 粟米, 紅蘿蔔及豬骨, 亦好鮮甜！大閘蟹 (送) 好驚喜! 估唔到打邊爐都送大閘蟹! 兩隻都係蟹公! 蟹膏量多, 而且甘甜酥軟, 好味道! (注意: 送大閘蟹日期截至31/10/2020)美國頂級肥牛 $138肥牛夠薄切, 淥一陣間就食得! 鮮嫩香濃, 正呀!日本黑豚肉 $108黑豚肉肉質爽口, 肉味夠香, NICE!芋絲 $38芋絲可以吸收湯底嘅精華, 打邊爐必備!鮮淮山 $28淮山味道清甜, 口感爽脆! 嘉士伯 $32大支裝仲要買2送1, 極抵飲！可樂 $18

【#美食】老百姓滋味滾一滾 - 深水埗老百姓火鍋刺身 = = = = = = = = = = = = = = = 疫情之下，限聚令終於有所放寬，當然Happy Friday，今次相約閨蜜去平民美食區深水埗【老百姓火鍋刺身】，食個火鍋一齊滾一滾聚一聚。【老百姓火鍋刺身】位於後街位置，門外可以方便泊車。火鍋坐位之間都相當寬敞，就算4人坐卡位也相當寬，加上店內裝修，有好幾個適合打卡的霓虹燈牌，可以開餐前先影相打卡，慢慢食。- - - - - - - - - - - - - - - - -火鍋必先有個靚湯底，這裡湯底款式都相當之多，我們點了特別【滋潤百姓湯底】(六人份)，未放火鍋料之前，可以先飲充滿濃濃骨膠原香濃雞湯湯頭。湯底用上鮮雞、花膠、螺頭、雞腳、豬骨熬煮，成為金黃香濃湯底。更加以哈密瓜取代平日常見的冬瓜，湯底煮到瓜肉沒有完全煮到溶化，最後都仍有吸盡湯的精華瓜肉，十分入味。- - - - - - - - - - - - - - - - -火鍋料也有很多選擇，上菜速度也很快，服務一流。- - - - - - - - - - - - - - - - -愛牛人士必點：頂級安格斯牛頸脊(細)﹝$

我真係好like 打邊爐今日又去近太子嘅福榮街有刺身,小菜,火鍋又有茶飲嘅老百姓食，現在只要客人去食火鍋就每人有一隻大閘蟹送呀~隻大閘蟹都唔錯幾正㗎，金黃色蟹黃特別甘香中間又有些白膏吃來有種黏口的感覺👍😋不過係每日送完即止（送大閘蟹好似到月尾）食完大閘蟹又有薑茶提供給客人驅寒暖胃醉雞半隻~ 雞件有香濃酒味👍😋美國桶蠔~肥大飽滿脹卜卜…真係好正煮熟都完全無縮小👍😋自家製四拼餃~水餃皇，鮮蝦雲吞，特色黑松露餃，韭菜餃👍😋魚片頭，皇帝菜，冬瓜片，萵荀片…裝修唔錯好多卡位坐得幾舒適下次要試下飲茶同小菜

難得老公早收工行吓深水埗之後就一家大細去打邊爐揀咗呢一間 老百姓喺店外面已經見到入面牆身嘅靚靚霓虹燈好適合影相打卡♥️我哋點左個鴛鴦煲一邊四川麻辣鍋另一邊 甘筍粟米豬骨湯啱晒大人小朋友口味麻辣度適中夠辣得來又唔會太麻另外豬骨湯值得推介平時打邊爐豬骨湯都淨係用來調味即係佢個豬骨實在太正豬肉同豬筋都勁淋除咗濃郁嘅肉味仲有甘筍粟米嘅清甜🌽餐前先來兩隻大閘蟹做前菜大閘蟹雖然細細隻但係都有好多黃而且好香 另外仲配埋薑茶食完之後呷一口除咗可以去除油膩感最犀利係唔會沖走蟹味嘅殘香而且連我咁唔鍾意薑味嘅人飲落竟然一啲都唔抗拒主餸嚟到香滑醉雞 醉牛肉平時好少會用呢類用來打邊爐但係出嚟效果相當出色就算滾完之後都依然酒香四溢無論係雞肉同牛肉都係好嫩滑招牌鴛鴦滑都爽口彈牙而且比一般滑有更濃嘅蝦味🦐同墨魚味🦑 自家製四拼餃🥟同鮮蝦雲吞都好大粒 皮薄餡靚厚切餐肉又香又有口感烏冬夠晒彈牙 小朋友都食到雪雪聲而且服務員態度都好好環境夠大又闊落最正係好適合影相好靚鍾意打邊爐🍲一定唔可以錯過呢間老百姓

天氣開始凍凍地🌬又係打邊爐既季節🍲行完玩具街 深水埗行去太子途中見到呢間叫老百姓既火鍋餐廳❤️個名幾特別一於入去試🤩餐前先送一人一隻大閘蟹大閘蟹雖然唔大隻 但係有好多黃🤩仲貼心準備埋薑茶💕有多款湯底選擇 心大心細 最後點左鴛鴦煲 （四川麻辣鍋同甘筍粟米豬骨湯）麻辣度適中 夠辣得來又唔會太麻啱哂無辣不歡嘅我😋 而豬骨湯我老公大讚 距平時唔食打邊爐用黎熬湯底既豬骨 呢個竟然食唔停口 因為實在太正豬肉同筋都勁淋 除咗有濃郁嘅肉味仲有甘筍粟米嘅清甜🌽個湯底好足料 多到食唔晒所以個湯真係好夠味基本上所有火鍋配料都好新鮮 同份量足個人推介大家必食陳年花雕肥牛同醉雞 煮完之後食落口依然酒香四溢😚就算落麻辣鍋都唔會蓋過酒香味 回味無窮雞肉同牛肉都好嫩滑☺️仲有自家製四拼餃🥟每款兩粒粒粒都好爆滿 皮薄餡靚黑松露餃幾特別👍🏻招牌鴛鴦滑都爽口彈牙 而且比一般滑同有更濃郁嘅蝦味🦐同墨魚味🦑 店裡牆身有靚靚霓虹燈好適合影相打卡📸店員服務態度都幾好地方夠大又闊落 鍾意打邊爐🍲不妨試下呢間老百姓❣️

-今日試左【老百姓火鍋刺身店】居然係火鍋刺身店有時令嘅大閘蟹🦀D🦀唔錯❤️食完大閘蟹再打邊爐再來個胡椒味重嘅原隻豬肚包雞湯😍 補下一流嘅享受佢d 湯真材實料😚飲咗好多碗🐟脆炸魚皮 $48食落去好鬆脆原來係即叫即炸唔怪得比起平時食嘅仲好味🤩鍾意食炸魚皮嘅朋友一定要試勁邪惡成件事🤣我食到停唔到口🦪美國桶蠔 $168一份有6 隻超大隻 omg 用來打邊爐一流🤩口感勁嫩滑Oysterlover 一定要叫Overall 食物環境都唔錯食物選擇多，除左大閘蟹仲有刺身😚原來佢lunch 做埋茶市下次可以試下

好耐已經冇出去打邊爐，最近疫情好咗即刻約個friend出去食好西，個friend提議去深水埗佢話有間上次食過好正嘅介紹我去，靚湯足料又抵食今次就跟佢去，由於我長時間缺乏湯水，嚟到見到有個杏汁豬肺湯底，我話麻辣成日食，我同個friend講今次點呢個佢哋唔單止做夜市，早、市午市都會開，早、午市佢哋會有茶飲有點心食添杏汁豬肺湯嚟到已經好香，一野撈落去啲料多到撈唔晒豬肺、雞腳、豬肉啖啖肉，侍應叫我哋飲兩碗湯先再將啲食物放落去煮呢碗湯真係好好飲，我長期缺乏湯水所以我飲咗三大碗，豬肺洗得好乾淨而且好鮮嫩，真係好耐冇食過豬肺，我諗都應該有10年成個湯底嘅豬肺到最尾我哋清晒依家大閘蟹當造季節，餐廳仲每人送一隻大閘蟹送完即止，怪唔得知個friend 話要嚟呢度啦大閘蟹內裏啲蟹膏勁香甜，如果每人送多一隻就好啦，佢哋會附送埋薑茶食完蟹之後飲因為大閘蟹係寒涼，薑茶有助驅寒真係好窩心飲完咁靚嘅湯同豬肺，仲有食完蟹梗係開始打邊爐， 呢啲環境肥有邊少得，我哋見到餐牌上有一個陳年花雕肥牛好有特色所以就點左，我覺得性價比好高，佢好重花雕酒味好香，即使淥完之後酒味仲香濃，而且我覺得有牛頸脊嘅質素手蝦滑玩賣相好有心思，整到

深水埗近期好紅，個個media都介紹好多新開文青cafe.. 其實，深水埗仲有好多隱世&地道餐廳架。最近天氣清涼，老公話想食十下十下，又嫌買料係屋企打邊爐麻煩（因為唔想洗碗）佢帶左我來這間老百姓火鍋刺身店試下，佢有同事成日來，話好正喎我覺得坐得幾舒服，座位比較高，方便見到火鍋中的食物好貼心！老公點左陳年花雕肥牛& 日本黑豚肉肥牛吸晒花雕的味道，老公話好特別好正！而且份量都幾多，超抵食！手打墨魚丸真係好彈牙好爽，8粒大大粒！海鮮仲叫咗鮮魷魚同白鱔片，好新鮮，最驚喜係刺身拼盤 (老公話突然好想食)，好新鮮呀！兩口子打邊爐自己買料好難預算，今餐味道和份量都啱啱好，好滿意

經過福華街，見到呢一間火鍋店 又見肚餓就同友人入去醫吓肚！醬料，生熟蒜，芫荽，蒜蓉等等簡咗蕃茄薯仔拼芫荽皮蛋湯底而家梗係嗌大閘蟹啦！仲有碗薑茶食完飲既，真係貼心。多膏多黃 估唔到火鍋店有得食大閘蟹椒鹽粟米見網上好多人話好食所以嗌咗，唔錯！係有點兒辣姐，但係幾爽口頂級安格斯牛頸脊 細細都好大份 本身諗住嗌大既 因為差唔多價錢如果2人我建議嗌細應該夠啦牛味重，厚度剛剛好 唔會”銀” 蜂巢豆腐嫩滑又甜甜地，吸埋啲湯汁 一咬就爆水出嚟！皇帝菜自制四拼餃 + 招牌四寶丸呢兩樣都係店內介紹既，聽講係餐廳手打既 咬落好彈牙 唔同味道各有兩粒 都值得一嗌

天氣凍凍地，又咁啱搵到新工，決定獎勵吓自己，去一間比較高級嘅火鍋店食飯。《妙計錦囊湯 》$288聽講係傳統鄉村菜，做法係豬肚包雞，食落有少少似胡椒豬肚湯，影完相打完卡會有人幫你剪開細細件，方便你食，最正係唔會越少越老，你需要食嘅時候先落落個湯度。《極品本地手切肥牛 》$328叫得極品嘅啫一定唔差嘅，油脂分布均勻，食落口入口即溶，同時又好有牛嘅味道，食完一舊又一舊，好好味呀！《桂花蚌 》$158兩個字講晒，新鮮！食落完全同雪藏野係兩回事，生猛新鮮，雖然份量唔係好多但係質素搭救。《招牌四寶丸 》$98四寶丸分別係豬肉丸、牛肉丸、蝦丸、墨魚丸，全部都係手打，同機打完全唔同，每粒丸入邊都有嗰樣食物嘅口感，好彈牙，同事係幾多號突顯食材嘅鮮味。《豬潤 》$58變咗佢主人夠後生，有用酒業過，食落口冇腥臭味，唯一可惜嘅係比較容易起泡

天氣轉涼，打邊爐烚下烚下就最正。呢間位於深水埗嘅火鍋店，雖然位於橫街，但地方好骨子，闊落光猛，乾淨企理，坐得好舒服。火鍋湯底可以雙拼，我哋揀咗甘筍粟米豬骨同香茜皮蛋。湯底用料十足，豬骨粟米紅蘿白濃郁清甜，芫茜皮蛋好香，裡面加咗馬蹄，爽口又下火。先嚟一客刺身拼盤。帶子同蝦好鮮甜，三文魚入口即溶，油而不膩，北寄貝爽口。火鍋配料好足料，亦都好精緻，睇得出擺盤有花心思。有火山造型嘅肥牛，魚造型嘅墨魚滑，又有月牙形碟裝嘅餃子。即炸響鈴，蘸蜜糖就咁食，味道似蛋散，但更香口酥脆，當然淥嚟食一樣咁正。鮮墨魚滑，精緻嘅魚形賞心悅目，食落爽甜。黑毛肚同珊瑚蚌爽口彈牙。韭菜餃就比較健康，有香菇同鮮蝦增加口感，皮薄爽滑。頂級安格斯牛頸脊，肥瘦分佈均勻，食落甘香爽口，牛味十足。食完整番杯竹蔗矛根，冰冰涼涼，清甜下火，一渣兩人飲啱啱好。最後仲送咗桂花糕做甜品，清香桂花味，Q彈Q彈，好滿足。

深水埗最近開咗間火鍋新店，見朋友大力推介，我都先食為快，上個禮拜約埋屋企人 圍爐享受美食。 店員非常有禮，餐廳布置有心思，卡位寬敞，食得舒適。最驚喜係每人送一隻大閘蟹，同每檯送雜錦刺身， 有三文魚，帶子，甜蝦及赤貝。本身餐廳價錢唔貴，而家就係抵上加抵。湯底選擇超多，因為同行有小朋友，所以揀咗蕃茄薯仔湯。蕃茄薯仔湯煲得好入味，薯仔半融狀態。配料必點牛肉，本地手切肥牛大力推介👍 超有牛味。白鱔片同脆鯇魚腩都非常新鮮👍👍

放學後同老公出去到深水埗附近揾食，見天氣涼涼地，一於去打邊爐。黎到呢間火鍋店，內部裝修唔錯，有特色霓虹燈，座位空間闊落。先點了兩個湯底🍲，甘筍粟米豬骨鍋 $98 和 蕃茄薯仔鍋 $68 （但雙併只加$28） ，前者會比較清一啲，後者會酸酸地咁。🥩滑牛肉 $88 名副其實嘅滑牛肉，就算烚嘅時間耐咗些少都依然滑溜爽口。🔔即炸響鈴$48連埋一碟甜酸醬上枱。果然爽脆！咬落去脆卜卜，超多層口感，浸入湯底素晒啲湯汁更有味道。🍡招牌四寶丸$98懶人必選！有蝦肉🦐、牛肉🥩、豬肉🥓、墨魚丸🦑，四款肉丸都唔使剝皮拆骨就可直接入口，雖然係肉丸但依然鮮味十足。🐟脆鯇魚腩 $88肉質緊實肥美，耐煮唔會散開，超級彈牙。🥬唐生菜 $38火窩一定要叫啲菜嘅，每一塊都好翠綠，仲索埋之前煲過嘅鮮肉香味，感覺超正。🦀大閘蟹 （ 叫火鍋就有得送，但優惠做到十月，送晒就無）估唔到黎到十月尾都仲有大閘蟹🦀食，肉唔算多，不過就勁多蟹膏，啱晒我口味。再飲埋薑茶就唔怕寒啦。飲品叫咗可樂 $18、雪碧$18

聽朋友介紹呢間打邊爐好好食，環境舒適，服務都好好。揀湯底嗰陣覺得個湯底唔算平，但嚟到嘅時候就明白佢物有所值！姫松茸竹絲雞湯，啲湯入面有食半隻烏雞、雞腳、豬肉、菌類等等非常足料，係真正嘅湯底！覺得佢個頂級安格斯牛頸脊好新鮮，肉味好香，雪花分明。另外就推薦佢嘅招牌手打丸，同平時打邊爐嗰啲爭好遠啦，彈牙好食。鵝腸都好新鮮用冰底墊住。淮山麵咁有驚喜煙靭爽口。想食大閘蟹好耐，依到竟然做緊推廣送大閘蟹，正啊！😍😍仲有埋薑茶，抵讚👍