老百姓火鍋刺身 (已結業)

今晚約咗幾個好姊妹去打爐,朋友介紹深水埗新開嘅老百姓,即管去試下,入到去裝修好漂亮,坐得都好寬敞,我哋首先點了一 份刺身拼盤🍣 肉質鮮甜 好新鮮，然後我哋叫咗個杏汁白肺湯🥘，呢個湯底好足料 杏汁味唔會太濃，但係 豬肺豬骨 味就相當濃郁， 飲完成個人都潤返曬 係喎 😋我哋每人都飲咗兩碗先至開始打邊爐，跟住就叫了一個極品本地手切肥牛🐮牛味濃郁， 有口感但係唔韌 好味，跟住又叫咗招牌四寶丸， 每一粒都超級彈牙 尤其是我最鍾意嘅墨魚丸 超級爽口 +自家製四拼餃子🥟，配上月亮型嘅碟非常漂亮，還有蔬菜雜菌拼盤，竹笙，蓮藕， 所有食材都好新鮮 最後仲有桂花糕甜品送，唔會太甜 ok

最近留意到深水埗有間新開嘅火鍋，依家天氣涼涼地，最適合瘋狂打邊爐，於是我二話不說就book咗枱去食😂呢度環境闊落，餐廳兩旁都係卡位，而座位與座位之間都幾寬敞，坐得舒服，唔會迫。餐廳仲有唔少特色嘅霓虹燈牌，啱晒打卡。另外睇menu時發現，原來佢哋除咗晚市打邊爐，早午市係做點心。喺火鍋開始之前，送咗一人一隻大閘蟹，仲細心配備埋薑茶。大閘蟹入面好多膏，好鮮甜呀！📣滋潤百姓湯$338嚟到呢度當然要試吓佢哋嘅招牌湯底💁🏻‍♀️滋潤百姓湯，湯底非常足料，有半隻老雞、半個哈密瓜，豬骨、大量花膠同螺頭。上枱時湯底已呈乳白色，夠哂火喉！我哋每人起碼飲咗三四碗先捨得加湯打邊爐！呢個湯夠晒滋陰潤燥，入口清甜，味道濃郁！絕對令人回味無窮！另外要讚下呢到嘅服務，店員們都熱情細心，除咗介紹我哋呢度嘅特色湯底，仲提我哋飲咗頭啖湯先開始打邊爐，又好細心咁幫我地剪好湯料，方便我哋食。📣香酥墨魚脆$68呢個餐前小食亦都係不能錯過！脆卜卜嘅油炸鬼包住厚厚手打墨魚膠，墨魚鮮味彈牙！配埋泰式辣醬，真係食到停唔到口！📣招牌四寶丸$98次次去親打邊爐都會試吓佢哋嘅手打丸，叫呢個招牌四寶丸就最好，一次過可以試哂四種唔同味道，包括有鮮墨

我同男朋友都係個湯精🧚🏼所以對湯底可以飲嘅火鍋真係情有獨鍾☺老百姓火鍋刺身呢度所有嘅湯底都主打可以先飲湯後打邊爐🥘！第一次嚟食 要飲就當然飲招牌推介我地揀咗 湯底非常香濃雞湯底加上花膠 螺頭 哈密瓜仲有半隻雞同雞腳 真材實料而且鍋底好大好多湯未開始打邊爐我地已經每人先飲咗幾碗😂頂級安格斯牛頸脊好嫩滑油花分佈好靚好均勻 就算淥完仍然食出濃濃嘅油脂香🤤即炸響鈴炸到金黃酥脆 真係名乎其實脆如響鈴配上酸甜醬汁 口感鬆化 開胃惹味👍🏻浸入湯底又可以充分吸收濃郁嘅湯汁 勁邪惡🤤另外連我鐘意食嘅炸芋件佢地都係即炸㗎上枱嘅時候仲係脆皮熱辣辣🙊搞到我忍唔住就咁食咗2件之後我地仲叫咗招牌四寶丸手打豬肉丸最有驚喜 食落彈牙有肉汁🥰牛丸味道濃郁 墨魚丸口感結實Q彈 蝦丸爽口鮮味十足大蜆鮮甜肥美呢度仲有難得遇到嘅牛骨髓😋質感好軟滑唔講唔知佢仲好有營養價值㗎食完仲有佢地自家製嘅桂花糕做甜品最後講返 其實個湯底本身好足料可以留意返叫火鍋料嘅份量因為我地叫完先發現完全食唔曬😂😂秋意漸濃 可以約埋三五知己嘆返個高質火鍋😛

天氣轉涼又係打邊爐嘅好時機啦! 今次我落左太子同深水埗之間嘅位置搵到間邊爐店，咁岩肚餓就緊係食啦。嗌完野食就當然指定動作，調醬料啦！今次叫左個妙計錦囊湯，其實係豬肚包雞湯，好得意，店員叫我地飲左啖湯先，之後佢幫手切埋豬肚同雞，好細心，抵讚！佢啲刺身都正喎，雖然唔可以放題咁狂叫，但係叫盤黎過下口癮都唔錯。作為重口味人士，叫蒜泥白肉係好合理嘅，白肉包住塊青瓜，食落都唔會油膩呀。陳年花雕肥牛呢個又係推薦之選，好香花雕酒味，又好多片，真心正。水餃皇同黑松露餃都係好好食，內餡包滿。之後再黎個肥牛，食個飽。見到餐單有鴨血，基本上都會嗌，呢個唔錯。手打牛丸望落真係好似食神套野個粒，食落都有驚奇。食到咁上下，有個甜品就個完美ending都不錯不錯。整體上黎講，啲食物質素都高質，第一次黎可能都要搵搵，不過黎食一次就知道值得黎。

天氣涼涼地，食咩好？梗係打邊爐啦！朋友話深水埗好多間火鍋店都食過，想揾一間未食過的，得知【老百姓】新開業一段時間，就去試一試。服務員哥哥好有心機介紹各款滋潤湯底，其中一款湯底好吸引👉《滋潤百姓湯》有花膠、螺頭、半邊哈蜜瓜、半隻雞、雞腳，豬骨，睇住張點菜紙都feel到好“滋補”，當然要點嚟試下啦！服務員哥哥溫馨提示我地先飲湯，後打邊爐，仲好貼心幫我地將雞分開一件件方便食。我未飲過用哈蜜瓜煲雞湯，估唔到原來咁夾，飲落去雞味好濃郁又唔會蓋過哈蜜瓜清甜，配上花膠同螺頭，湯嘅質感濃厚，好滋潤，不知不覺飲左四碗，超正!打邊爐正式開動。。。。🍲自家製四拼餃 (有招牌水餃皇、鮮蝦雲吞、特色黑松露餃 、韮菜餃)，一次過試晒四款唔同嘅餃子，我鍾意食特色黑松露餃，咬一口就聞到黑松露香味，另招牌水餃皇亦足料，食到啖啖蝦肉。🍲手打鮮蝦丸……大大粒，爽口彈牙。🍲滑牛肉……肉質既鮮又嫩滑，牛味亦相當濃郁。🍲蜂巢凍豆腐、鮮淮山和牛孖筋……本身呢幾款食材都屬於淡味，但係索左啲湯，變得好好味。🍲紅薯粉……煙韌順滑，食到停唔到口。🍲舞跳田雞……田雞好新鮮，話明係舞跳，爆肌田雞送到上枱仲係跳下跳下。🍲飲品方面，點咗洛神花茶，

打邊爐呢樣野真係食極都唔會厭 今次再去食豪啲食尖啲既邊爐新店😏佢哋嘅火鍋湯底都有好多選擇 我去嗰晚就無哂酸菜魚湯底 但有貼地嘅湯底同貴少少嘅滋補養生湯底 我哋最尾揀咗姬松茸竹絲雞湯底湯底十分足料、誠意十足 而湯底味道就鮮甜濃郁 雞味好出 少飲住家湯嘅朋友可以嚟滋補滋補鮮准山新鮮爽口本地手切肥牛肥牛大大一片 油花分布好均勻 輕輕落鍋淥一淥就可以食得 牛肉味極濃郁😻😻😻肉質細緻有㬭口👏🏻即炸響鈴打邊爐必叫嘅響鈴 呢款即炸嘅響鈴配以糖醋食 睇得出廚師落咗啲心思去搵同響鈴夾嘅醬汁👍🏻👍🏻 即炸響鈴脆口唔油膩 鬆脆口感亦見到廚師嘅功架台灣空運鮮鴨血鴨血完全血腥味 食落爽口正宗👍🏻👍🏻優惠期間打邊爐就送一人一隻大閘蟹😱😱 仲有貼心薑茶 膏多蟹靚 👍🏻👍🏻👍🏻

深水埗咁多好嘢食 最近天氣開始轉涼 我條打邊爐嘅癮又發作😂😂😂今次揀咗環境闊落嘅老百姓火鍋店 一入餐廳就發現佢哋有幾個搶眼嘅特色霓虹燈招牌 提供咗打卡位俾我😂😂😂而家打邊爐就送一人一隻大閘蟹😻😻😻一坐低都未揀好湯底 侍應就送上大閘蟹 餐廳仲好貼心 連埋薑茶一齊上🥰🥰我哋完全冇諗到今日打邊爐竟然可以食埋大閘蟹餐廳提供咗一大盤醬料俾我哋自行溝醬 有得揀黑醋、火鍋鼓油做醬汁底 我唧左間啲黑醋落個調味兜度 發現原來肉類沾醋食係幾好食架姬松茸竹絲雞湯底湯底嘅配料真係好多 湯頭好甜 真係有成隻烏雞喺度 仲有啲雞腳 加重湯頭嘅雞味 未食火鍋料之前 我已經飲咗兩碗湯😻😻😻即炸響鈴跟糖醋糖醋嘅味道好似咕嚕汁嘅味道 酸酸甜甜咁 熱辣辣嘅即炸響鈴配以糖醋 味道令我覺得有啲似食緊中式春卷 咁😻😻不俗不俗 外軟內脆👏🏻👏🏻極！度！脆！口！ 完全無油膩感 侍應亦建議感儘快食響鈴 否則會變稔本地手切肥牛肥牛嘅厚度切得啱啱好 令到肥牛可以就咁淥一淥就食得肉質有㬭口得嚟又好鮮嫩 仲有好濃好濃嘅牛肉味👏🏻👏🏻 黑毛肚極度爽口 食完一塊接一塊👍🏻👍🏻台灣空運鮮鴨血呢款鴨血完全無嗰種嘔心嘅血腥味 食落滑嘟嘟👍🏻👍🏻

深水埗福華街的老百姓火鍋刺身， 食完感覺足料抵食又高質，值得推薦。餐廳裝修整潔，企理舒適。滋潤百姓湯(花膠 螺頭 哈蜜瓜 雞湯)湯底要了個有六人份量的花膠 螺頭 哈蜜瓜 雞湯底，當中有半隻雞，及花膠響螺外，還另有約5-6隻有雞腳、豬骨、瘦肉……等，及還有半隻哈蜜瓜，真是非常足料，令湯底滋潤滋補又清甜，我們每人都飲了兩大碗！！美國頂級肥牛美國頂級肥牛肥瘦相間，食落油香有牛肉味，份量多又抵食。羊肉片羊肉片切得很大件 也切得比較厚， 吸收清甜的湯底，令羊肉更清新，鮮味。美國桶蠔美國桶蠔很大隻，有五隻，美國桶蠔雖然比一般的蠔味道較淡，但是肉質肥美嫩滑，點上辣醬汁，食得也很滋味。另外其它配菜也要了淮山及皇帝菜，飲品要了可樂及王老吉，因為鍋底及牛肉和羊肉都非常大份，所以食得非常飽，又滋味！！餐廳除火鍋外，見到 menu還有刺身，有日本甜蝦、 牡丹蝦、 日本藍鰭吞拿魚、三文魚…等刺身，下次會帶多2個朋友過來一齊試嚇。

M佬揸住1064帶我去到深水埗，佢話要幫佢深層清潔喎，清潔時間需要大概4個鐘，喺等待嘅時間，我哋响深水埗四圍行吓，了解舊香港嘅味道。但四圍行4個鐘都唔係辨法，所以我哋決定慢慢嘆個打邊爐，嚟到老百姓火鍋刺身，打邊爐嘅同時仲有期間限定，每位再送大閘蟹一隻添，好開心呀！大閘蟹一落完order，店員就話每位會送一隻大閘蟹。嘩！好開心呀！大閘蟹係公蟹，大小適中，加上今年嘅大閘蟹質素都唔錯，蟹膏好鮮甜又細膩，濃郁嘅蟹味，一隻真係唔夠呀！滋潤百姓湯湯底選擇相當多，我哋就揀咗呢到嘅招牌湯底：滋潤百姓湯。湯底用原隻雞、花膠、螺頭同哈蜜瓜煲成，開始打邊爐前就揀係要飲啖湯先。講真，我哋都係第一次飲用哈蜜瓜煲嘅湯，原來好香甜架，加上雞湯嘅濃郁，味道好有層次。仲有大量花膠同螺頭，夠晒足料。美國頂級肥牛肥牛薄切，輕輕一淥就食得，細味一吓香濃嘅牛肉香味，肉質夠晒鮮嫩。牛脷花牛脷整到成朵花咁，份量好多，同樣牛味香濃，爽口彈牙。珊瑚蚌珊瑚蚌好新鮮，輕輕一淥就食得，好彈牙。梅菜豬肉丸豬肉丸大大粒，好juicy，但就略梅菜比例太少，唔夠突出。西洋菜呢啲天氣最啱就係食西洋菜，好鮮甜又嫩脆。唔錯。

最近朋友話深水埗開咗一間都幾得意嘅火鍋店，就一於約個時間嚟試吓啦！又真係幾靚，入面嘅裝修有啲好新潮嘅#同埋唔同嘅搞笑字眼，如果鍾意打卡嘅，都可以作為一個打卡地點。座位都幾闊落，兩個人可以坐卡位，食得非常舒適，餐牌方面都好多嘢可以揀。湯底我哋就揀咗一個雙拼藥膳醉雞鍋 + 四川麻辣鍋 $188+$38我好鍾意個醉雞，入面有啲酒，到埋落個湯底度亦香，而且啲雞質感都比較滑、另外四川麻辣好多辣椒同辣油，鍾意食辣一定好鍾意！日本黑豚肉$108鍾意食肉嘅唔好錯過日本黑豚肉，花紋都幾靚仔，口感比較鮮爽。 脆炸魚皮$48非常香脆但係唔會好鹹，正到不得了！鮮墨魚滑$98 整到好似兩條魚咁，靚到不得了，而且真係好新鮮，口感好彈牙，小清新。 自家製四拼餃子 $98多款唔同嘅餃子都係非常特別有好得意嘅綠色韭菜餃，爆曬啲韭菜出嚟勁香濃，仲有好香嘅黑松露餃子及爽彈雲吞，咁就可以每樣餃子試少少，所以好推介拼盤呢。台灣空運鮮鴨血$58鴨血應該都真係台灣空運，個質感好彈，加麻辣湯底最好食。 竹蔗茅根$68可樂$18飲品方面都正常，竹蔗茅根唔會太甜

最近，在IG上見到這間新開火鍋店非常受歡迎終於令我忍不住前來探一究竟.「老百姓火鍋刺身」平凡中帶給我驚喜單看門面，以為只是一般火鍋店踏入店內，多款五光十色的霓虹燈吸引我的眼光搶眼之餘，亦提供不少打卡點呢.🥢滋潤百姓湯 $338如果你喜歡足料湯底小弟非常建議你選擇這款「滋潤百姓湯」一煲湯底已有6人份量以慢火熬煮而成的雞湯加入花膠，螺頭和原隻哈蜜瓜令原本已足夠濃郁的雞湯添加陣陣鮮美甜香還有半隻雞，雞爪等材料豐富之餘，更是十分滋補開始打邊爐前，建議先呷一碗雞湯，暖暖胃另外，店員還會貼心地幫我們把哈蜜瓜同雞肉拆件.🥢即炸響鈴 $48只有即叫即炸的響鈴才有入口香脆鬆化的口感.🥢椒鹽粟米 $48粟米粒粒飽滿配上椒鹽和大量炸蒜香甜Juicy又帶點鹹香.🥢陳年花雕肥牛 $158肥牛油花紋理集中且雪花均稱以陳年花雕酒浸泡著酒香慢慢滲入肉中，香濃入味更加入杞子，既能滋腎養肝，牛肉的鮮美亦能提升.🥢自家製四拼餃 $98如果你也是餃子控，這四拼餃我強烈推薦招牌水餃皇：有蝦，荀，木耳，韭黃等與鳳城水餃相似度達95%鮮蝦雲吞：以鮮蝦肉打成的肉餡，入口彈牙特色黑松露餃：鮮蝦仁隨伴著黑松露，獨特的松露香，令味道更立體

天氣開始轉涼就係時候要打下邊爐😋今日去左間近太子既火鍋店打邊爐☺️ 最開心係唔需要等位，兩個人一入到去有卡位，坐得好舒服👍🏻👍🏻/湯底- 姫松茸竹絲雞湯拼杏汁白肺湯首先叫左個姫松茸竹絲雞湯拼杏汁白肺湯雙拼湯底。落火鍋料前，店員特登提醒要先試個湯底。果然一試兩個湯，第一個感覺就係完全唔油膩，濃味得來但又唔會感覺好搶喉，可以當湯飲。姫松茸竹絲雞湯濃郁，入面有半隻烏雞同豬骨，相當足料😚杏汁白肺湯就最有驚喜，完全唔係出面好難入口既杏仁味！一入口係好清有淡淡既杏仁香，配合豬肺既甜味，成個湯都好清甜，忍唔住未食先前先飲左一碗湯。總括黎講呢個湯底組合非常之好，值得推介！🥳/陳年花雕肥牛🐂打邊爐第一樣當然要叫肥牛！🤣我地就叫左出面少見既陳年花雕肥牛，聽落夠哂特別，拎到黎ge時候已經聞到濃濃既花雕酒味。淥完之後，酒味既香超級突出，但如果對酒味麻麻既就可能其他肥牛會比較適合。/招牌四寶丸👍🏻👍🏻四寶丸入面包括牛肉丸，豬肉丸，蝦丸，墨魚丸，全部都係手打架。牛肉丸唔止有牛味，仲好嫩滑😉豬肉丸，蝦丸同墨魚丸就非常彈牙，對打邊爐無丸不歡既朋友一定要試下。/老百姓福袋✨✨黎到老百姓，就緊係要試下個福袋，話哂都用個店名

朋友問我生日飯想吃甚麼，我不猶豫跟她說想吃火鍋，因為十一月秋涼吃火鍋特別有氣氛嘛。朋友得悉我的想法後，便帶我來老百姓火鍋刺身吃火鍋，她說這是她爸爸介紹的，他最近跟同事吃過數次頗不賴，既有火鍋吃，亦有刺身吃，口腹之慾都能滿足起來。朋友之前吃過她爸爸外賣回家的刺身，大讚刺身好吃，今次自己在餐廳更加嚷著要吃。三文魚刺身油脂分佈均勻，吃起來相當滑口，鯛魚薄切魚皮稍微燒過，魚肉緊緻，挺合朋友的味兒。看看日本帆立貝刺身的切面，就知道它有多厚，嚼起來甜度破表，牡丹蝦刺身個頭大，略帶脆彈，充份感受到牡丹蝦與海洋合二為一的鮮味。火鍋湯底我們選了杏汁白肺湯，一上桌香氣撲鼻，店員說我們可以先盛一碗湯喝再涮鍋。杏汁白肺湯費工精燉，所以喝上來不一樣，喝第一口大為驚艷，杏汁白肺湯溫潤甘醇，雞腳精華，豬肺的鮮和杏仁的濃稠相互交融，光是這點已經打敗天下無敵手。即炸響鈴真的現點現炸，熱呼呼趁現吃最為美味，響鈴吃得到腐皮香味，吃時還會發出酥脆的聲響。響鈴亦可輕輕涮三秒便能馬上起鍋享用，響鈴外軟內酥，脆口和濕潤的腐皮在口中交錯盤旋，我們超喜歡。朋友跟我說沒吃過萵筍片，我叫她一定要試試看。翠綠的萵筍片不是很多火鍋店供應，平日

有朋友介紹我嚟呢間火鍋店度打邊爐，話佢啲食材幾高質，你到嘅時候真係覺得浪費晒，因為湯底同食材咁高質，竟然地理位置唔好，所以導致客人亦都唔太多，坐低咗之後我哋叫咗個招牌火鍋叫做滋潤老百姓火鍋，餐牌上寫住6人分量，裏面有花膠，螺頭，鳳爪，哈密瓜，半隻雞，同埋雞湯，店員一拎個鍋過嚟嘅時候已經聞到超級香雞湯味，店員話要等個雞湯滾下去先可以食，咁我哋就食住刺身先啦，因為佢哋亦都有刺身賣，亦都好新鮮，份量啱啱好兩個人，到咁上下店員就會過嚟幫我哋處理個鍋上邊嗰隻雞，因為想鍋嘅時候係半隻雞未斬件嘅俾你，個湯滾到咁上下嘅時候啲味會過嚟幫我哋剪碎隻雞，變咗我哋亦都可以有雞件食，出奇地滾左咁耐湯嘅雞件都可以咁滑，一啲都唔鞋身，亦都好入味，托住隻雞嘅就係哈密瓜半個，店員都會幫你剪碎個哈密瓜，我就夾咗黎試吓個哈密瓜，係非常之咁甜，好食，湯鍋裏便嘅雞腳同埋螺頭同埋花膠都好林，好入味👍🏻👍🏻👍🏻值得一讚嘅佢哋呢個湯底非常之咁鮮甜嘅雞湯味，我已經係咁不斷飲不斷飲，飲咗唔知幾多碗了，真係值得推介呢個湯底，飲品都可以慳返唔使叫，因為個湯真係好好飲好甜，好香雞味，雞肉亦都好滑，我哋就叫咗少少其他配料，有萵筍，有鴛鴦滑(墨魚