老百姓火鍋刺身 (已結業)

和朋友去了深水埗福華街的老百姓火鍋刺身店食火鍋，這是一間質素高而且服務質素很好的火鍋店。火鍋店裝修格局闊落，枱櫈都好大張，坐得舒服。店員相當有殷勤，有禮，讓客人感覺舒服。消費$500蚊以上，餐廳送了送刺身拼盤，刺身好新鮮，內有三文魚，帶子，赤蝦，等等。另外我們點了小食泡椒鳳爪，脆香魚片頭。泡椒鳳爪，酸酸辣辣，作為前菜相當開胃。脆香魚片頭，口感彈牙，是非常香口的小食。而我們點了野菌花甲鍋，火鍋配料點了美國頂級肥牛，招牌水餃皇，唐生菜，脆鯇魚片，稻庭烏冬及洛神花茶一渣。野菌花甲鍋內裏非常足料，有很多雜菇菌，而且裡面有很多肥美的花蛤。 在打邊爐前先飲湯和食裏面的花蛤，非常鮮甜，而且落了胡椒，飲後好暖身，一碗接一碗我飲了三碗花蛤湯。美國頂級肥牛分量足，色澤靚，味道不錯。招牌水餃皇每粒都好大隻，內裏非常足料，好好味。脆鯇魚片新鮮，肉質結實。甜品方面餐廳送了我們桂花糕，味道清甜，可以清去火鍋的油膩感覺。總結：老百姓火鍋刺身是一間非常高質素的火鍋，招呼好，坐得舒服， 店尤其是他們的野菌花蛤鍋，好足料，味道鮮甜，花蛤新鮮肥美，好好味道，值得推介。

今天下班已覺得特別肚餓，女朋友早已經貼心訂了這間火鍋店！位於深水埗的這間火鍋店巳雖然位置並不是處於旺處，但依舊人龍如潮，在疫情下也是十分少見。店面裝璜十分寬敞，內裏空間感十足！套餐中會送一客刺身拼盤，質素不俗。野菌花甲湯底：湯底材料十分豐富，花甲份量十足，再加上什菌及木耳等配料，湯汁清甜，賣相十分吸引！頂級安格斯牛頸脊：牛頸脊雪花分布均勻，牛味香甜，肉質嫰滑，入口即溶。而且份量驚人，性價比十分之高。羊肉片：如果吃羊肉喜歡它有些許騷味保留，這款必定合口味！鮮鵝腸：清洗得很乾淨，很重鵝味，味鮮而不腥，煙韌爽口！脆脘魚腩 ：魚腩十分鮮甜，但稍嫌淋身，不夠爽脆。醉雞：醉雞本身酒味香濃，肉質鮮嫰，雞味香口。洛神花茶：花茶生津解渴，酸甜味令人十分開胃。

難得而家係四人限聚令，嗱嗱臨幫朋友慶祝返生日先，如果唔係一拖又唔知拖到幾時朋友又話想食刺身又話想打邊爐，所以就選左依間，貪佢新開，裝修又幾靚。我地約左19:30，可能因為疫情關係，人流未算太多，但座位之間很闊落，空間感很大。我地叫左盤刺身，都好新鮮。店員推薦左我地試「花甲鍋」花甲大大隻，重好鮮甜，而且好足料Tim火鍋緊係叫牛啦！4個人我諗都吾諗就緊係一馬當先order左一份大既安格斯牛頸脊，比起我想像中大份，牛肉輕輕涮幾涮就可以吃，入口軟淋，濃郁牛味。黑松露墨魚丸，一客有8粒，吃得出是手打，中間重有粒粒墨魚🦑。黑松露味道吾算重，吾會搶曬味。牛骨髓，我就最中意滑嘟嘟既感覺。芋絲配火鍋亦是一流主力推介是炸響鈴，因為佢真係即炸架，一咬就會散個隻呀！正呀😁重配左個甜酸汁，就算吾點湯亦好好食。竹蔗茅根是火鍋既好朋友，幾岩我口味，吾會太甜。總括然而，依到既火鍋料份量都偏大，性價比幾高。

今日同男朋友到深水埗附近，見這間好評的新開張打邊爐刺身，更有9折優惠，所以入黎試試環境幾舒適又寬躺，明亮光猛又配合簡單設計，座位都幾好，可以慢慢食唔限時間，播放著輕快音樂，讓客人可以慢慢享受美食服務員態度有禮又友善，有效率又用心的服務，見佢哋為客人耐心解釋食物及推介特色的食材先來一個刺身及小食（刺身拼盤）好靚靚的刺身擺上枱，新鮮的顏色又肥美，喜歡帶子厚身嫩滑、三文魚口感軟滑，甜蝦爽口、蚌片好彈牙（香酥墨魚脆）熱辣辣即叫即製，外皮是香酥脆卜卜油條，中間是墨魚，口感彈牙爽口，好好味，推介火鍋：（藥膳醉雞鍋）湯底款式好多，我們當然試特色湯底，男朋友鍾情醉雞，所以點了這個。藥膳好香濃，唔會好咸，有紅棗、杞子、淮山、莖蔥等幾足料；醉雞嫩滑，份量都幾多，酒味好濃又入味，新鮮雞肉（頂級安格斯牛頸脊）頂級安格斯牛頸脊，牛理分明，新鮮鮮紅的靚靚牛肉，口感一流，牛味濃郁，好味道（珊瑚蚌）男朋友喜歡爽口的，一直想食這個，這個玻璃器皿是有燈又可以變色，好特別；珊瑚蚌好爽口，吸湯的香甜好正（自家製四拼餃）以月亮器皿擺放了4拼餃，包括：招牌水餃皇、鮮蝦雲吞、韮菜餃及黑松露餃；招牌水餃皇好足料，喜歡脹卜卜，包了木耳

這間火鍋店位於深水埗與太子交界, 雖然位置不算是在大旺區,但亦算方便. 重點是意想不到的高質好味, 優惠期間仲有刺身送. 絕對值得一試.湯底點了{百姓滋潤鍋} ($338)~ 配料有花膠, 螺頭 , 蜜瓜, 雞. 無諗過係原隻雞上, 超足料. {頂級安格斯牛頸脊/細Size}($238)~ 雪花分佈均匀, 完全唔會un, 入口有即溶既感覺.{鴛鴦滑} （$108）~ 超好食.係黑松露蝦滑+ 蟹籽墨魚滑. 入口爽口彈牙, 而且入味.最驚喜的莫過於這店除火鍋外, 仲有刺身食, 而且仲要係高質. 有三文魚, 帶子, 赤蝦等...全部都肥美又鮮甜🤤🍜餐廳: 老百姓火鍋刺身🍲地址: 深水埗福華街39號地舖

想同媽咪打邊爐慶祝生日, 食量唔大所以唔想去食任食,咁啱上網見到呢間老百姓火鍋既評價幾好, 一於訂位去試下！咁多湯底入面, 媽咪話對滋潤百姓湯有興趣, 因為慶祝生日既緣故食豪dd 個湯底一上菜既時候令我地都十分驚喜, 因為成個湯底真係用雞去淆出黎,而湯料方面真材實料之餘一d 都唔吝嗇, 所以計返其實湯底既價錢(HKD338) 都算合理,除咗半隻雞外(佢係未斬開咁上既, 品嚐完湯底後店員就會幫你夾上黎分左佢, d 雞肉淆得冧得黎又唔會老)仲有大大片既花膠同埋滋陰既響螺頭(每樣都起碼有六粒左右) 至於另一種配料哈密瓜雖然唔係咩”名貴”野,但同個雞湯係出奇地夾！佢吸收晒湯既精華, 加埋佢自身既甜味同冧冧地既口感,不禁令人一吃再吃！所以我地每人都飲左2,3碗湯先捨得開始打邊爐🤩另外值得一提既係廚師係相當細心, 通常煲雞湯一定有雞油浮面, 但廚師預先隔左油先上鍋, 方便食客之餘又可以吃得健康！跟住我地就開始打邊爐啦!1)頂級安格斯牛頸脊 (細) 我地order 左細份, 但都夠3-4人吃, 佢既雪花紋好靚好平均, 肥瘦適中, 而且肉味濃得黎有口感, 值得推介！2)黑松露墨魚丸應該係用墨魚膠加黑松

🔹冬陰公羊腩煲 $298好香冬陰公味，湯底既椰漿味偏重帶甜羊肉好多舊，食極都食唔完咁，煲到好淋好入味，唔係多肥膏但又食到少少油脂味，無渣唔痴牙湯底仲有好多同樣炆到好淋既薯仔，一咬就變薯蓉俾埋腐乳醬你點，推介！.🔹即炸響鈴 $48即炸熱辣辣，仲俾埋甜酸汁可以點嚟食夠薄同脆身，食完唔會覺得好油六大舊幾抵食.🔹招牌鴛鴦滑 $108賣相好精緻，係兩條錦鯉魚一條係墨魚滑，一條係蝦滑蝦滑好夠味，又夠滑，墨魚滑唔夠冬蔭湯底味勁，問太食得到，正常發揮.🔹脆鯇魚腩 $888大舊，夠脆身，不過多骨左少許.🔹桂花蚌 $158好新鮮鮮味，口感微脆，淥一淥就食得，推薦！.🔹竹庶茅根一渣 $48超足料，味道清甜

涼涼地既天氣就想打邊爐～交低2隻小魔怪俾神隊友，同媽媽去行下街撐下枱腳～聽朋友提過老百姓幾高質，決定帶媽媽去試下～幸運地仲有刺身送俾我地🥰.杏汁白肺湯底 $198湯底有9款選擇，款款吸引，最後揀咗杏汁白肺湯🐽一上枱，侍應哥哥提我地飲返兩碗湯先開始打邊爐！嘩！豬骨、豬肺、雞腳，好足料！啖湯又奶白又甜，好滋潤☺️.極品本地手切肥牛 $328肉質鮮嫩，牛味濃郁，輕輕烚10秒剛剛好😋.白鱔片 $118好耐冇食過鱔片，好爽口🥰.自家製四拼較 $98一次過試晒4款唔同口味💁🏻‍♀️招牌水餃皇、鮮蝦雲吞、特色黑松露餃、韭菜餃，粒粒都好足料，推介黑松露餃👍🏻好香黑松露味.洛神花茶（一渣）$48健康養顏🥰酸酸甜甜好開胃.總括嚟講，湯底好味，擺盤精緻，野食好味，座位舒服，裝修特別，滿足既一餐🥳

最近知道深水埗楓樹街運動場附近，都有不少餐廳，見到有一間火鍋加刺身餐廳！見到環境不錯，好舒服。餐廳有刺身可以叫😍。～💡湯底方面有三種特色選擇，而我選擇姬松茸竹絲雞湯配杏汁白肺湯。～💡美國頂級肥牛 （$138） 食落去唔會好肥，份量都好大份！～💡脆脘魚腩 （$88） 份量都好多，食得去知道好新鮮，～💡日本黑豚肉 （$108） 食落去好重豚肉味！～💡即炸響鈴 （$48） 即炸食好脆口，又可以放落湯底！～💡招牌鴛鴦滑 （$108） 擺得好得意，墨魚滑/ 蝦滑 食落去好爽口，！～💡蜂巢凍豆腐，（$38）竹輪（$48），蟹棒，（$48）唐生菜 （$38） ～整體野食都好新鮮，侍應服務不錯，定時定候幫我們加水，坐得好舒服，適合一班朋友去打邊爐地方！

深水埗出名多咖啡廳，不過今次就係嚟同朋友打邊爐，呢間裝修非常有特色嘅港式火鍋店走型格路線，一入門口就見到一個非常有特色嘅霓虹燈牌，地理位置非常方便，食物選擇豐富，另外值得一讚嘅係店員服務都非常唔錯，值得一試! _滋潤百姓湯 $338餐廳湯底係足夠6個人飲用，提供多款足料湯底經店員推介試咗呢個招牌湯底，非常足料包括有花膠、螺頭、哈密瓜以及雞湯，飲落去非常清甜，花膠大大塊好滋潤 _美國頂級肥牛 $138分量充足，食落去都幾有牛肉味，另外有提供不同價位嘅牛肉，大家可以因應個人喜好而選擇_自家製四拼餃 $168小編特別推介呢個！皮夠薄，餡料份量非常充足 ️ ️四拼餃有水餃皇、雲吞、黑松露餃、韭菜餃入面都有大大隻蝦好好味鮮味十足_美國桶蠔 $168超級大隻，味道都幾鮮甜_蔬菜類及紅薯粉娃娃菜 $38 蘿蔔片$28今次就襯湯底濃郁叫咗啲吸味嘅蔬菜，蔬菜選擇都幾多下

🍲 深水埗隱世火鍋店.打邊爐簡直係賣飛佛一年365日都想打邊爐今次去左深水埗試新野火鍋店較偏僻 近太子多啲唔係男友帶路 我應該蕩失路.▫️ 妙計錦囊湯 $238呢款湯底係豬肚包雞湯湯底由豬骨、雞腳熬成味道清甜 不會太油膩的豬肚完美包住隻雞 好神奇店員會主動行來幫我地切開豬肚熬得好淋 吸收唒湯底精華打邊爐之前不妨飲啖靚湯 補一補.▫️ 陳年花雕肥牛 $158呢款肥牛好少地方有得食所以我就馬上order左份用陳年花雕浸住肥牛片食落啖啖花雕香味又不失牛肉味.▫️ 招牌鴛鴦滑 $108墨魚滑加蝦滑整到好似兩條魚甘蝦滑裹面有蝦肉粒食落超有q彈嘅口感.▫️ 牛脷花 $88牛脷切得好薄好似一朵花甘淥幾秒就食得質感彈牙爽口.▪️除左邊爐 仲有刺身食贈送嘅刺身 質數唔錯喔店員服務欣勤 值得一讚.🍽 老百姓火鍋刺身 🔎 深水埗福華街39號地舖

天氣開始涼涼地🍂又係時候打邊爐啦🍲今次搵到一間位於深水埗嘅火鍋店火鍋湯底足料🤩而且選擇又多😍絕對值得推介👍🏻👍🏻👍🏻今次試嘅湯底係佢嘅招牌湯底😋湯料非常豐富🤩有半隻雞係入面🐔仲有花膠螺頭😍非常滋補養生☺️最特別係佢有哈密瓜係入面🍈哈密瓜我真係好少係熱食😅仲要用來做湯底🧐一試非常有驚喜🤩因為佢嘅哈密瓜清甜味完全滲透落雞湯度😋令到雞湯非常清甜美味😍我相信係其他火鍋店好少會食到🤨所以呢個湯底係絕對推介🤤🤤🤤另外火鍋配料都好多選擇😉特別推介黑松露墨魚丸同埋陳年花雕肥牛😋墨魚丸就食得多黑松露墨魚丸真係第一次試佢用咗黑松露混入左墨魚丸入面令到墨魚丸有好香嘅黑松露味🤩而且好彈牙又好鮮味👍🏻正🤤另外陳年花雕肥牛又係必食🤩因為佢係用咗陳年花雕酒嚟浸肥牛令到每塊肥牛都充滿着花雕酒味😍食落甘香肥美🤤超正呀😋🤩除咗火鍋之外佢都有刺身俾你食(做緊優惠11月份晚市嚟打邊爐會送刺身拼盤一客）😍😍😍食落新鮮肥美👍🏻包保你哋滿載而歸🤤鍾意打邊爐嘅朋友仔唔好錯過啦🤤

老百姓火鍋今日森仔去左深水埗食左個高質火鍋❤️❤️❤️性價比真係好高，食到森仔lam lam 脷😋餐廳位於深水埗，由地鐵行過去大約10分鐘👍🏼美味非常既餐廳叫老百姓火鍋。由於佢係新開冇耐，所以裝修光線，光線十足。同時，餐廳環境好好，乾淨非常。座位空間充足，讓人坐得舒服，客人可以放心談天。森仔好享受當天的環境，和朋友暢快談天。而餐廳的抽氣系統功能優越，不會很大油煙，食完火鍋後也不會全身也是火鍋的氣味。講反正題，食物非常有質素👍🏼👍🏼👍🏼😘首先，我地叫左百姓雙拼湯底：甘筍粟米豬骨鍋和蕃茄薯仔鍋🥰個火鍋湯底10分足料👍🏼👍🏼👍🏼👍🏼森仔真係比足100分😘甘筍粟米豬骨鍋有大大嚿豬骨，豬骨味特濃，飲一啖湯，又甜又美味。用黎涮牛肉和新鮮食物，真係食到食物既原汁原味😋😋而蕃茄薯仔鍋，同樣有各種嘅配料。味道更加濃烈，喜愛蕃茄濃味嘅朋友一定喜歡👍🏼👍🏼而薯仔和蕃茄煲林後，更加入味，滋味100分😚森仔亦都叫左好多食物，如：頂級安格斯牛頸脊，韭菜餃，唐山菜，炸芋片，支竹，百福豆腐，白豬仔牌午餐肉，稻庭烏冬，竹蔗茅根。樣樣都份量十足，擺設精美👍🏼我最欣賞既係頂級安格斯牛頸脊，韭菜餃和白豬仔牌午餐肉。頂級安格斯牛頸脊

今日係星期一，又係另一個blue Monday，仲有holiday mood，返緊工已經諗緊夜晚食咩好，同女朋友傾左好耐，最後決定去打邊爐，因為會去太子附近買野，所以就打開openrice 睇吓嗰度附近有咩新開高分餐廳，最後揀咗間近深水埗既叫老百姓火鍋。去到客人唔多，所以唔洗等位就入得，裝修新淨企理，都算闊落。我哋望咗陣點菜紙，就決定叫個滋潤百姓湯，因為見佢勁多料，又花膠、又螺頭、又雞湯，重點係竟然有哈蜜瓜，第一次打邊爐，個湯底放水果🤣 原本唔想試，覺得伏伏地，點知個店員極力推薦，所以最終都決定試試佢。跟住又叫左脆炸魚皮、招牌鴛鴦滑、頂級安格斯牛頸脊、海蝦、油麥菜、皇帝菜，最後叫埋一渣竹庶茅根。首先黎左個湯，勁大煲，仲有成隻雞，雞上面有螺片花膠，雖然唔多，但感覺好足料，等個湯滾左，就迫不及待飲碗雞湯先，果然店員冇推介錯，個湯好鮮甜，雖然並唔係老火湯，但以打邊爐湯底黎講十分高質，我連續飲左兩碗，熟既哈密瓜第一次食，但又出奇地好食，唔錯，推薦。至於食物，係我哋飲緊湯既時候都陸續上枱，食物質素幾好，夠新鮮，當中最令人驚艷既係頂級安格斯牛頸脊，肥瘦適中，濃郁既牛味，口感豐富，呢個價錢，十分值。

呢間🥘火鍋店環境好正，仲有好靚嘅霓虹燈牌，真係好特別，坐得又舒服，店員nice 火鍋湯底就揀咗 ~ 🍄野菌花甲鍋勁多菇類，勁足料，個湯底鮮味濃郁，超好飲，花甲、蜆勁大隻，真係正到不得了；首先要飲湯先，再食埋啲花甲(🤭食極都食唔哂)，就可以加水打邊爐 手打鮮蝦丸 ~ 呢個唔叫嚟食一定唔得，唔止係無打碎哂啲蝦肉🦐，仲見到未打碎嘅蝦身在內，鮮甜美味，最正係勁爽口彈牙🤭大大粒，好食到不得了(好鍾意隻碟😍) 桂花蚌 ~ 鮮甜爽脆又好味(🤭比個玻璃兜吸引住) 鮮魷 ~ 原隻切開一截截，🤩嘩好大條魷魚呀🦑雞髀菇 ~🍄好like大大塊，吸哂湯汁，超正黃喉 ~ 爽口彈牙，大大塊羊肉片 ~ 🤩好大塊好正，羊肉嫩滑🐐豬頸肉 ~ 肉質嫩滑到不得了🐖萵荀片 ~ 新鮮好味竹庶矛根(一渣) ~ 打邊鍋唔少得飲品，仲係自家製，一啲都唔甜，夠哂清甜好飲，冰涼解渴🎋仲有甜品桂花糕🏵，好香桂花味又好好食 @老百姓火鍋刺身深水埗福華街39號地舖