影片
更多
2020-04-22
213 瀏覽
復活節假去咗奧海城行街，但商場內嘅餐廳都係連鎖店多，喺其他地方都食到，所以我哋決定行去真正大角咀內圍覓食。呢個地區我就好少去，但我都知有條街叫埃華街有勁多餐廳。 其中見到有間台灣餐廳門口好多人，感覺有信心啲😝。餐廳裝修有啲似學校課室咁，環境幾唔錯，廚房嗰邊就似台灣夜市攤檔。不過餐枱比較細張，食物爭啲放唔哂🙈。另外，餐廳好似真係有部份店員係台灣人，唔太識講／聽廣東話。食物選擇主打台灣菜同小吃，包括滷肉飯、牛肉麵、蛋餅以及唔同嘅炸物。價格唔算貴，但當然同真正台灣物價無得比🇹🇼。🍱滷排骨便當($62)，便當無整色整水以便當盒嘅造型現身，係一大碟飯上面再加塊豬扒。呢個飯配有頗多嘅蔬菜🥦，同時亦有唔少滷肉粒、滷蛋及滷豆腐，整體份量幾多。🐷依塊滷排骨夠厚肉，幾好食；我欣賞佢唔係炸，無咁熱氣。🍜秘製麻辣牛三寶麵($78)，雖然碗麵寫住係中辣，但我又覺得唔多辣🌶，只有好微嘅麻，而且好似仲落咗蕃茄咁？湯頭比較杰身，個人唔太喜歡。🐮不過碗麵嘅牛三寶都唔錯，有牛腱、牛肚同牛筋，牛腱肉有好厚嘅兩片，唔會唔夠喉。🦑香炸魷魚鬚($35)，呢個小食好正😋，睇嚟佢嘅酥炸系列應該幾好。炸魷魚鬚好香口，唔會太厚粉或太乾，
復活節假去咗奧海城行街，但商場內嘅餐廳都係連鎖店多，喺其他地方都食到，所以我哋決定行去真正大角咀內圍覓食。呢個地區我就好少去，但我都知有條街叫埃華街有勁多餐廳。 其中見到有間台灣餐廳門口好多人，感覺有信心啲😝。
餐廳裝修有啲似學校課室咁，環境幾唔錯，廚房嗰邊就似台灣夜市攤檔。不過餐枱比較細張，食物爭啲放唔哂🙈。另外，餐廳好似真係有部份店員係台灣人，唔太識講／聽廣東話。
食物選擇主打台灣菜同小吃，包括滷肉飯、牛肉麵、蛋餅以及唔同嘅炸物。價格唔算貴，但當然同真正台灣物價無得比🇹🇼。
滷排骨便當
$62
32 瀏覽
0 讚好
0 留言
🍱滷排骨便當($62)，便當無整色整水以便當盒嘅造型現身，係一大碟飯上面再加塊豬扒。呢個飯配有頗多嘅蔬菜🥦，同時亦有唔少滷肉粒、滷蛋及滷豆腐，整體份量幾多。
香滷排骨
12 瀏覽
0 讚好
0 留言
🐷依塊滷排骨夠厚肉，幾好食；我欣賞佢唔係炸，無咁熱氣。
秘製麻辣牛三寶麵
$78
2 瀏覽
0 讚好
0 留言
🍜秘製麻辣牛三寶麵($78)，雖然碗麵寫住係中辣，但我又覺得唔多辣🌶，只有好微嘅麻，而且好似仲落咗蕃茄咁？湯頭比較杰身，個人唔太喜歡。
🐮不過碗麵嘅牛三寶都唔錯，有牛腱、牛肚同牛筋，牛腱肉有好厚嘅兩片，唔會唔夠喉。
香炸魷魚鬚
$35
4 瀏覽
0 讚好
0 留言
🦑香炸魷魚鬚($35)，呢個小食好正😋，睇嚟佢嘅酥炸系列應該幾好。炸魷魚鬚好香口，唔會太厚粉或太乾，加上魷魚本身新鮮，口感彈牙。
起司肉鬆蛋餅
$35
11 瀏覽
1 讚好
0 留言
🥚起司肉鬆蛋餅($35)，我自己唔鍾意食蛋餅嘅，主要係朋友想食，我只係試咗一件，味道無乜特別，但食完成份應該會飽飽的。
6 瀏覽
0 讚好
0 留言
飲品方面，我哋要咗凍麥仔茶($18)同凍三寶奶茶($30)，但張點餐紙無得填冰度同甜度，我哋又唔記得問，因此兩杯都比較甜😅。人大咗，太甜真係會吃不消...。
總括嚟講，呢餐晚餐都還可以，每人百頭已經食到好飽。我哋離開嘅時候，餐廳門口有唔少人等緊位，睇嚟台灣味道真係好受歡迎哈👏。
張貼
