老厝邊 (已結業)

早排見到依個鋪位新開左間台式餐廳，一向中意食台灣菜嘅我當然要試下啦。不過近排因為疫情關係，就諗住買外賣唔堂食。睇個餐牌啲單點嘅價錢都ok，不過可惜午餐佢就無lunch set，淨係有做promote主食+指定飲品會減$12，減完之後都要$60-70，喺大角咀黎講午餐唔係平。好欣賞佢嘅滷肉飯同大腸麵線有兩個size選擇，岩哂啲樣樣野都想食下嘅人。我揀左個細嘅滷肉飯，再另外配培根起司蛋餅做小食。雖然叫左細滷肉飯，不過我覺得分量都ok，滷肉都幾多而且有肥有瘦，食落口感唔錯。同埋佢啲汁都比得好多下，完全足夠撈哂成碗飯。不過我嫌佢啲汁嘅味道唔夠重，而且無咩滷肉嘅香味，食落覺得同正宗台灣嗰啲比始終有差。對於中意食滷肉飯嘅我黎講，只係平平無奇，唔會令我印象深刻。不過佢嘅蛋餅就抵讚，切完之後大概有6塊。佢係買左蛋餅皮黎整，個人覺得通常用蛋餅皮整都唔會難食。而且佢啲起司超多，仲有拉絲，芝士味好濃。蛋餅皮又煙韌，再配埋培根一齊食啲口感好豐富，好好味。建議大家如果黎食一定要試下蛋餅。