翠林辣蟹舫

友人說想食蟹，以前食過橋底那間，感覺一般聽聞這間不錯，便三人行來試個究竟一出LIFT已看見門口的簽名牆，原來不少名人也到訪過包括廚藝出眾的鼎爺，和在內地紅得發紫的CHEF NIC鮑汁鳳爪 鮑汁味濃郁，熱辣辣時食口感軟腍冷掉肉質會變得煙韌，建議熱食較好食黑松露意大利菇龍躉球黑松露味香得來柔和，沒有遮蓋龍躉的鮮味龍躉肉新鮮，肉質彈牙配上啖啖肉的燒烤蘑菇，滿足香辣醬油蟹蟹已斬件，蟹味鮮甜三人每人都能夠食到三大件，和平分享香辣醬油只是微辣，醬油很惹味，單食的話味道會偏鹹，但用來送飯是無得輸白雪紅梅骨 是很夠鑊氣的一道小炒酸酸甜甜的醬汁食完濃味的醬油蟹食是令味覺有重新的感覺脆脆米浸花膠想不到脆米浸在湯裡還有點微脆的口感上湯清甜，花膠厚身，食時感受到有豐富骨膠原這無疑是女性養顏恩物海苔脆脆勾起了童年回憶食時超級鬆脆，很久沒有食過如此高質素的蛋散甜度又剛好，味道令本人感動總括而言，味道的確不俗，感覺比橋底的好服務態度慇懃，值得一試

阿女阿仔由細到大都喜愛食蟹，但我就是不敢劏惟有要幫襯外面食肆啦！雖則價錢會貴些，但能滿足他們食慾之餘，又能安安樂樂地享受美食亦是人生樂事。翠林辣蟹舫出名食海鮮，已有大半年沒幫襯過；難得今天大家有空齊齊吃飯就一於舊地從遊去食過飽飽。鮑汁鳳爪 首先來個小食先，鳳爪大大隻，鮑汁味濃和炆得很腍；膠質豐富。香辣醬油蟹這間食肆本來避風塘炒蟹係最出名的，但覺得冇乜新意一於接受服務員意見試吃香辣醬油蟹。這是廚師新創的菜式，自家製醬料和辣椒炒得份外惹味；最重要是無減蟹肉鮮甜。而隻蟹份量都頗大，所以食落啖啖肉；幾乎十隻手指都出齊。紅莓班球班球炸得皮薄鬆脆，肉質結實鮮甜；混上紅莓汁酸酸甜甜，味道唔錯幾開胃。蜜桃格格骨與一般咕嚕肉差不多，沒太驚喜；只是太耐冇食偶爾食下感覺唔錯。脆脆米煮花膠花膠滋陰養顏，爽脆清甜的青瓜做配搭是我第一次食。以奶白濃郁的魚湯一齊炮製，再夾埋炸過D米脆卜卜令口感豐富不少。

有一位國內的好友這幾天來香港旅遊, 晚上大家約出來聚一聚, 因為他會在尖沙咀逛街, 當然我帶他去吃好菜! 朋友還是喜歡中菜類型的, 所以介紹辣蟹店! 這家以前吃過覺得挺好的!就在海防道中間的樓梯上去亞士厘道, 走幾跑抬頭就看到, 樓下入口看到很多明星在餐廳的合照, 餐廳應該有名氣的。首先點一款清淡的花膠湯脆米, 花膠又厚又滑!!最好食的一定是炸了的米粒, 有點像上海鍋鈀, 脆米連著湯一齊吃口感很好。 職員介紹了一個新口味的醬油蟹, 聽說是用小蟹及蝦整成的醬油, 一份的蟹兩個人分享剛好! 醬油是小辣的, 有點鮮味, 雖然看起來顏色比較深, 但是不會咸, 蟹肉部份也挺多, 朋友在國內很少吃這款覺得很棒!因為不要浪費醬油蟹的醬油, 所以點了蟹皇炒麵, 再加一些微辣的醬油,吃一定停不下來!! 炒麵很乾身帶點蟹油香, 裡面有一些韭黃增加口感。最後的蛋散不得不讚揚一下! 蛋散一咬即碎十分鬆脆, 而且可以同時吃到紫菜, 芝麻香及蜜糖的甜, 真心覺得驚喜!

蟹痴的我又出動了。每隻蟹都大過手掌，有彩光夠新鮮。平常食的薑蔥炒，蛋白蒸已經食膩了。今日搞搞新意思，香辣醬油炒。第一口己感覺到那辣的威力，如喜歡嚐辣的一定鐘意。辣中帶香，蟹肉的鮮並沒有蓋過，反而更添鮮味。手忙腳亂地完成了食蟹的時候，停下來可慢慢嘆隨之而來的美食。鮑汁鳳爪味道濃郁，充滿著骨膠原，軟熟滋味！另一味小菜是紅梅班球，魚塊炸得香脆可口。紅梅醬汁略為鹹了。食過濃味的幾款餸菜，點番一個清淡的脆脆米煮花膠。嘩啦！剛才的鳳爪骨膠原還末夠，再來花膠，食後一定靚靚。花膠數量頗多，有嚼口。湯底清甜。有青瓜，木耳的伴菜，口感味道非常豐富。

上星期和朋友到翠林辣蟹舫食晚餐，餐廳是朋友所推介的中菜餐廳；第一次食，不知道味道會如何？ 黃金流沙蝦球：和朋友也十分欣賞這道菜式，蝦球炸至金黃色，口感很香脆；而蝦球肉質彈牙又實肉。另外有沙律可以連同蝦球食用，味道甜甜的，更加可以令油份大大減至最低。 香辣醬油蟹：到了蟹舫，今次order香辣醬油款式既蟹。賣相已經相當吸引，可以看到香辣既粒粒佈滿在蟹上，味道果然惹味啊！而且蟹既size適中，肉質同樣實肉，鮮味因香辣味道更為突出！真的想不到香辣既蟹不會因香辣而大大蓋了鮮味～大家可以一試！ 黑松露斑球：斑球放在大啡菇上，斑球肉質嫩滑，更有魚鮮味而不是雪味呢！黑松露味好香口，令整個菜式香味區全！ 香辣福菜花：菜炒得好夠火喉，口感不硬。 海苔脆脆酥：好似一道甜品菜一樣，因它連同蜜糖一起食用，味道好甜；而且脆脆酥口感好鬆化，相信大人小朋友刀一樣喜歡！

跟朋友到尖沙咀行街，見到一間門囗好多明星相既樓上舖，主打食蟹，打算一試，反而點驚喜。入座後，老板娘向我們介紹了幾款菜式，在此跟大家分享分享。紅梅斑球其實不是斑球，有四大斑塊連皮炸，炸得金黃色，不帶油，斑塊上的甜酸醬帶出魚的鮮味，爽脆可口。蜜桃格格骨還以為普通咕嚕排骨，同樣是甜酸味道，但排骨是先炸後炒，肉質好脆囗，而且肉跟骨吃時不會黏著一起，像吃肉腩一樣，跟平時的咕嚕排骨不一樣，不是三色招，是炸了的蕃薯粒，同樣爽脆，像吃薯條，加上蜜桃更給排骨帶上一點果香味。脆脆米煮花膠可以說是完全無油的清雞湯，喝來很淸但滿有雞味，很好喝，內面加了芹菜、雲耳、青瓜，當然少不了花膠及脆米，花膠份量也不少，很彈囗，難得雞湯沒有一點油，整鍋湯都喝光了。鮑汁鳯爪跟平日吃的不一樣，鳳爪烹調後保留原有的樣貌，不是像斷枝那樣，加上鮑汁很甜美，皮跟骨吃來還是很分明，如果能稍稍冧一點會更好。香辣醬油蟹整晚最期待的，沒有令我們失望，醬油很惹味，老板娘說這是新菜式，師傅花了很多心機調製香辣醬油，蟹使用肉蟹，連同醬油一起吃，吃得愛不釋手，而且辣醬油沒有蓋過蟹的鮮味，相反相得益彰，是一項成功的新菜式。

朋友喜歡吃辣和蟹，專誠帶我來試這家以辣蟹出名的中菜館。菜館門口貼滿老闆與明星的合照，似乎口碑不足。我們點了5款菜式，十分滿意。香辣醬油蟹上碟擺設好吸晴，肉蟹大隻，醬油配上香辣醬，醬汁炒得有鑊氣好香，望見都想吃。肉蟹新鮮，肉質鮮嫩，保留肉汁，醬汁有豉油的鮮味帶出蟹的鮮甜，少辣的香辣醬十分惹味，果然是招牌菜。紅苺斑球班球是龍躉肉，魚皮膠質重，彈牙，魚肉鮮甜厚肉。不得不提渣漿做得很薄很趣口不油膩，紅莓醬汁酸酸甜甜，很醒胃，並不是人工做的酸味。脆脆米煮花膠湯底清甜，是雞湯，沒有一點雞油。花膠分量很多，並且大大塊，青瓜爽脆，雲耳亦很爽口，當中加入了芫荽及中國芹菜很香。脆米香口有米香。士多啤梨格格骨當日士多啤梨沽清，這道菜的士多啤梨換上了蜜桃。排骨先炸然後兜上微酸的醬汁很惹味香口，配上新鮮蜜桃，爽甜多汁，令菜式清新，另外，有一些炸番薯粒，不油膩，友人十分欣賞此菜式，看似簡單菜式但令人吃不停口。鮑汁鳳爪鮑汁帶少許甜味，不過咸，鳳爪大隻，頗入味，膠質重，個人覺得若鳳爪能炆煮更久，使其更加腍，定必更佳。

今次同屋企人去食中菜 發現左間有水準同 有食得出的堅持 的中菜館點解講話係食得出的堅持呢 因為有啲菜色你一食落口其實就知道唔簡單 講緊嘅係做法一啲都唔馬虎 好似個班塊 一咬落去 你一定會認同我的講法 好有層次 首先係最頂嘅咋香咗嘅脆脆條 之後係出面嘅醬汁再下面又係一層好香脆的魚皮 而最底就係仲好多汁的班塊🤤用左咁多篇幅講個魚 但其實佢都未係最好食😂😂 因爲依間野主打的係蟹 一個招牌炒肉蟹都成$588哇果然香口又啖啖肉啖啖鮮味😍殼入面蟹膏除左好香 我都唔知仲可以點形容最後我仲推薦佢個脆脆米煮花膠 重點係佢個湯底到🥰兩個字 足料 再兩個字 滋補好滿足呀～～

我好中意食蟹, 自己係屋企煮又欠缺穫氣, 出街食怕被呃秤又怕海鮮價超出預算~ 今日剛巧有位內地同事到港, 從旅遊書得知尖沙咀有間炒蟹專門店---翠林辣蟹舫, 又正又抵食, 連我呢個本地人都未試過, 於是今晚就相約一試!係樓下張貼左唔少名人幫襯,翠林辣蟹舫沒有豪華裝修, 但地方整潔, 設卡位, 更有VIP房。黎到當然必點【香辣醬油蟹】HK$588辣蟹被斬件, 再拼回完整賣相上碟; 辣醬油味慢慢散發, 聞到都流哂口水...蟹膏唔算多, 但味道甘香, 蟹身部位似乎被拖過油, 似有薄薄炸皮包住, 炸皮完全索左辣醬油, 令蟹身平均沾到醬油, 味道平均, 更保留到蟹肉原汁鮮甜味, 辣醬油沒有覆蓋蟹既鮮味, 反而愈食愈惹味。【黃金流沙蝦球】HK$56蝦球炸後表面不帶油膩, 入口很脆, 內裡既蝦鮮甜juicy又爽口, 配上沙律醬 (醬中混入了果粒同埋青瓜粒), 甜甜地帶點清新, 又不失口感, 配搭很match!【香辣福菜花】HK$88椰菜花炒得有穫氣, 口感keep到爽脆, 帶少少辣【黑松露斑球】HK$128松露味非常突出, 斑球質地嫩滑, 食落冇雪味, 打左個茨汁, 好似平時係酒樓既食到既質素差不多

第一次食依間翠林辣蟹舫, 當然要試試佢嘅蟹🦀💁🏻‍♀️香辣醬油蟹個醬唔會得個"辣"字, 係真係好香好惹味!!由於本身我唔算好食得辣, 餐廳應我地要求減左少少辣~因為係肉蟹, 所以個份量其實都好多~蟹肉夠鮮甜, 連埋個香辣醬一齊食, 正‼️💁🏻‍♀️紅梅脆斑球食脆斑球我最怕層粉好厚好硬, 依度嘅脆斑球完全無依個問題!!新鮮龍躉肉外面包一層好薄嘅粉, 外脆內嫩, 一食落去就知有幾新鮮~重點係要配埋個紅梅醬汁, 夠開胃!! 佢唔係好假溝出黎嘅普通紅梅汁, 店員叔叔話係用新鮮紅梅打汁, 唔怪得咁特別🤩另外值得一提嘅係, 店員叔叔姐姐們都好好服務, 笑容滿面😄

公司春茗在這裡舉行，菜單公司一早已訂好，由於春茗關係，第一味菜是撈起，有多款水果切絲，加上麻醬，超級開胃；辣蟹坊當然有辣蟹，但這裡的辣蟹不只是蟹，還有龍蝦，擺盆已經令人流口水，香味四溢，再黎雞煲翅，翅好味唔在講，雞肉滑到成條冇剩；還有黃金蝦，咸蛋及蝦的比例恰到好處；魚唔記得是什麼魚，佢用酒店餐廳咁件上，但同時保留魚頭好魚尾，好貼心，唔使摷到條魚爛晒，成件事好簡潔好方便；仲有醬鵝，呢味菜係未食過，講真香港除左去深井食燒鵝同埋打冷之外，其他中菜餐廳好難食到鵝，仲要超大隻；這裡每一味也值得再回味，減肥唔好黎，因為一定忍唔到口

今日試左呢間翠林辣蟹舫🦀叫得辣蟹舫，又點可以唔食蟹呢🦀叫左個香辣醬油蟹，一開始仲以為係韓國生嗰d醬油蟹，原來係熟架😂😂只係用醬油炒出嚟，用嘅係越南大肉蟹，大大隻，啖啖肉，好新鮮😋另外想特別介紹嘅係紅梅脆斑球🐟，紅梅汁好特別，酸酸甜甜，第一次食到呢種味道，斑球都好新鮮，絕對唔係雪魚👍🏻黃金炸蝦球都好食，係新鮮大蝦🍤，個皮嘅粉漿又唔會太厚，配埋咸蛋王，好香口🤤仲食左脆脆米煮花膠，士多啤梨格格骨同埋甜品海苔脆脆酥，好飽飽呀🤭🤭仲有，全部staff d 服務態度都好好架👍🏻👍🏻

🦀🦀🦀🦀講左咁耐食蟹～今日終於坐言起行Book枱！香辣醬油蟹🦀 （推介👍🏻👍🏻👍🏻）好正啊～原來呢道菜系新出嘅！炒得超香既醬油蟹超級入味，有小小辣辣地蟹肉嫩滑吾會煮到太熟或好乾咁，味道好鮮甜😋坐我格離果個平時吾食辣，但今日食到冇停手😅蟹鉗好多肉啊😍 差吾多3分二手掌長度好大隻蟹～好大隻蟹～好大隻蟹～。可以話系必食菜式～黃金流沙蝦球-$28/隻咬落系超香脆既炸蝦球💕💕外皮厚度適中食得出系好濃厚嘅鹹蛋黃味，入口冇油膩感下次再食多幾隻😍黑松露斑球情人節前夕聽說系廚師特別炮製平時冇咖💗松露混入中式既煮法😳斑球入口好香滑，大菇滑得黎配埋斑球就更有口感，松露同斑球簡直就系my favour ，旁邊仲有菜苗，仲有好靚嘅蘋果天鵝🦢伴碟💕💕香辣福菜花晚餐點都要有碟小菜，所以就隨便order左道菜，小小辣🙈對於無辣不歡既我黎講～呢種程度送飯一流海苔脆脆酥 一食就食吾停口，系晚餐後既甜品平時對炸既甜品冇咩興趣今日反而食得好滿足😋😋

This restaurant is known for spicy crab. But this is only offered in dinner time. And we go during lunch time, a list of lunch set is offered.The waiter recommended those fried dishes, but not much choice, so I chose braised rice with crispy chicken chop. Chinese soup comes first, and it tastes niceBig big chicken chop is really attractive and crispy, it's really full to finish it. But braised rice is just so-so, not enough and not so tasty. But overall still quite nice.Cause no chocolate, order

其實就算限時 都唔洗 坐都未坐定就吹人叫野食既 仲要企係你張枱死唔行開 野食幾好食都係假啦又想迫人食海鮮 上去食要聽佢講 仲要黑面 老闆咁又點 開得門做生意 緊係有人想等齊人先叫野食嫁啦 真係請都唔會再去