翠林辣蟹舫

今日同朋友係尖沙咀覓食，講起想食返啲撚手小菜，於是就嚟到呢間店試試，果然係有驚喜！我哋4個人叫左5道菜啦，第一味係椒鹽炸豆腐，個豆腐真係好嫩滑，個皮外脆內軟，十分之出色！第二道餸我哋叫左個古法炆鵝，燒鵝食得多，第一次嘗試咁樣煮法嘅鵝，鵝肉炆得好入味，送飯一流！第三道係一道酸菜魚，但呢度係用上左龍躉嚟做主角，比起平時食開嘅魚肉呢度更加有口感！咁第四道菜呢就係今日嘅主角黃金沙龍蝦，平時去食開飯啦就食開呢個上湯龍蝦一係就芝士焗龍蝦啦，咁呢度係用咗呢個黃金沙嗰個煮法呢就真係第一次見，個龍蝦肉係十分之厚實，係可以食得出龍蝦係十分之新鮮，而並非用一般嘅冷藏龍蝦，而且肉量都十分之多！真係全晚最正嘅一道菜！最後我哋都嗌左一碟食神炒飯，咁你個炒飯啦就係用咗呢個紅米來作為一個飯底而並非一般嘅普通白飯嘅，咁食起個口感就係會更加有層次啦同埋個味道都係十分之出色嘅👍🏻👍🏻👍🏻

今日同三個朋友到此食晚飯。佢哋叫左個避風塘炒辣蟹，我沒食。但佢哋話好好食！個蟹一到！成台都香噴噴！好吸引！賣相都一流！另外我們點了一個「黃金流沙龍蝦🦞」，好彈牙，第一次食黃金流沙龍蝦，好特別，而且好好食，個蝦膏都十分香同濃郁。好味。沒想到龍蝦有如此食法，高水準！絕對值得一提是「花膠燉雞湯」，好足料，而且湯頭好香甜，好味！絕對值得推薦！個湯，仲有半隻雞，而且好好食😋！我哋都有點一個「炸豆腐」，外皮脆卜卜，內裡豆腐又都好滑溜！不錯👍🏻！我哋都有點了一個「豉椒炒蜆」都好食呀！最驚喜是，老闆佢哋有新菜式（甜品），是蒸高，好煙煙韌韌，不太甜。但口感一流！絕對是一個不錯的甜品。即使好飽，但仍然有空間吃得下！哈哈😄！

今日同朋友放工一齊去咗尖沙咀行街，行到攰攰地就周圍捐窿捐罅搵食！經過嘅時候，就俾門口招牌嘅大蟹吸引住，同朋友二話不說就決定食呢間！同其他中式餐廳一樣，會計茶位，可以一路等開餐一路食花生！避風塘龍蝦原本同朋友一開始，係諗住食避風塘炒蟹，但係店員推介同埋見到龍蝦有優惠，所以最後就決定試吓避風塘龍蝦！蒜蓉同乾辣椒炸到金黃色，聞落香辣，食落香脆，好啱送白飯。而龍蝦份量都好多，同朋友每人食到好多舊，大大啖！黃金豆腐小小嘅豆腐磚整齊排列，睇見都唔想破壞佢！份量仲超多，一碟有20幾粒！豆腐表面有少少椒鹽粉，所以就咁食已經好夠味，不過點埋個醬就可以解下油膩。黃金豆腐同避風塘龍蝦一樣，香口，好啱配飯食！上湯浸娃娃菜因為另外兩碟都係香口野，所以就叫多碟蔬菜，諗住清清地，上湯係配埋雞件嘅，飲埋湯都幾清甜，娃娃菜就吸哂啲湯汁！山椒炒老蛋最後，仲叫咗野山椒炒蛋，山椒有紅有綠，睇埋好開胃。味道唔算辣，唔係好食得辣嘅朋友都食到，覺得啲蛋炒到好香。

同事知道我好鍾意食海鮮，尤其是係蟹就特登介紹我去試呢間嘅避風塘炒蟹，話呢度係佢屋企人嘅飯堂首先，前菜叫咗泡椒鳳爪，都好夠味，辣辣地啱晒我哋鍾意食鳳爪，好開胃川味椒麻龍蝦原本真係想食蟹，但係見到呢個做緊優惠，朋友又想食龍蝦🦞就試呢個呢個川味椒麻味真係冇得頂，好似避風塘咁有啲炸蒜蓉，又有川味椒麻口感唔會好辣，但係就好惹味，龍蝦斬咗件，啖啖肉，食得好滋味椒鹽一字骨面頭沈上孜然粉非常香醬燒BB鴨 只有三十天嘅BB鴨，肉嫩多汁，先醃好後再燒，真係咩醬料都唔使點

放工之後 係尖沙咀行完街 睇吓openrice 有咩食 見到呢間有好多人推介 而且依嫁做緊優惠 一於試吓泡椒鳳爪先叫左個前菜先，有小小酸，辣度剛剛好 鳳爪好入味 如果鍾意食鳳爪 不妨一試😋川味椒麻龍蝦🦞好正呀 啖啖肉 賣相相當吸引 依嫁做緊半價優惠 炸蒜好香口 用嚟拌飯岩岩好酒香子然骨 呢款如果子然味重d會更加好 排骨好淋身 另外 店員推介我地點呢隻鴨原隻上枱 店員會先叫我地影相 好有趣 然後好細心幫我地再切小件 皮脆肉嫩果然無介紹錯🤩今晚好滿足 環境好乾淨 坐得好舒服 下次一定要再試吓避風塘炒蟹 🦀

好耐冇食過海鮮🦞今次特登同朋友去呢間翠林辣蟹舫食😍門口大大隻蟹🦀🦀超吸睛😍😍仲有兩隻小獅子🦁️係門口見到餐牌Wow 龍蝦🦞有半價 實在不得不嗌😍就叫咗一隻避風塘炒龍蝦🦞大量嘅炸蒜圍繞着龍蝦🦞，香口味深重，龍蝦已切好，一舊舊方便食用。雖然係避風塘口味，但龍蝦肉質鮮嫩👍🏻👍🏻👍🏻野山椒炒老蛋估唔到椒同蛋咁夾👍🏻唔會搶咗味道，炒到好香。濃湯娃娃雞雞湯濃烈，啲娃娃菜浸晒雞湯味，每口都好有營養😍😍黄金豆腐啲豆腐細細粒，每口一粒，岩晒啲細口既人士，外脆內軟，入面啲豆腐軟滑，配上外層既鬆脆，令人食完又食

約咗好朋友一齊食午餐，朋友係呢到地膽，我唸係昵區無乜邊間食肆佢係未去過，我去勻十八區，佢去勻尖沙咀😂今日帶我去食咗一個平靚正的午餐👍😋入門口的靚靚佈景「使徒行者」一定要係到留下靚照😂😆😁———————🟩大碟又抵食午市折扣更超值兩個女人兩個餐食唔曬仲可以打包🟩👍😂—————————🟫麻辣雞絲炒紅薯粉：我好鍾意食薯粉，鍾意咬落煙煙靭靭的口感，仲滑溜溜的，炒得夠香又夠滑，足料雞絲、配料青椒🫑紅椒🌶️、大蔥、韮王、芽菜........等等。配料爽脆鮮甜，配搭煙靭的薯粉，好食➕好味➕好正➕真係好好味呀😂😂😂😂😂—————————🟥霸王麻辣紅薯粉：又係超大碗、超低食、超多餸的一碗薯粉。麻辣湯泡製，好惹味⋯⋯咁多款餸，認真抵食，「滷肉、豬腩片、豬皮、水魷、大魚蛋、酸豆角、雪耳、青瓜、豆卜⋯⋯」🔸1-滷肉：做得好出色的滷肉，味道令人吃一口之後就越吃越想吃，滷得夠焾又入味，味道出色，又要讚下㕑師的手藝了得👍😋———————🔹2-豬腩片：足料➕滑溜➕肉質嫩口的，係我最愛嘅豬膈肉、又有最愛嘅豬膈肉😂😂——————-🔸3-豬皮：炆得入味夠焾———————🔹4-水魷魚🦑：爽口好味———————🔸5-大魚蛋：真係大

今日心血來潮想食海鮮，尖沙咀呢間辣蟹專門店出哂名多名人幫襯。餐廳環境夠寬敞，坐得舒適。前菜小食嘅花生又香又脆。水缸見到好多隻新鮮游水龍蝦，一於試下「黃金流沙」煮法，原隻龍蝦大大隻，好新鮮，連外殼都又薄又脆，龍蝦肉好爽口，自己真係煮唔到。揀咗個小食「紅燒滷肉」肉質又淋又滑，滷水汁入哂味👍🏻「酥脆蠔仔餅」嘩...勁大碟，仲要裡面嘅蠔，根本不是蠔仔，而是又大隻又肥美。果然又酥又脆，第一次食到咁好味嘅蠔餅。「醬燒BB鴿」30天大嘅BB鴿，肉質最嫩滑，最好食。擺得好精緻，店員再拎去切完上碟，沾上醬汁更好味。下次一定再嚟。

朋友之前食過呢間餐廳，強烈推薦我食，今日放假一於帶家人嚟試。見到餐廳咁多明星嚟幫襯，果然無令我失望。小食「紅燒滷肉」好入味，肉質好軟滑。餐牌見到半價，揀咗「黃金流沙龍蝦」皆因平日好少食到呢個煮法，入口香脆，一啲都唔油。大大隻啖啖肉...強烈推薦。「酥脆蠔仔餅」第一次食蠔餅係咁大粒蠔，師傅炸得好鬆脆，蠔仔漲卜卜，好夠份量。「醬燒BB鴿」好Juicy嘅BB鴿，戴上黃色蝴蝶結，賣相好可愛，肉質好幼嫩。家人都大讚今餐食得滿足又滿意。

趁而家限聚令仲可以食晚市，梗係趁收工同朋友喺尖沙咀周圍搵吓有咩好食啦。醒起以前食lunch喺亞士厘圖見到有唔少餐廳，今次就決定過去。亞士厘道個位其實有少少難搵，需要喺海防道穿過寶豐大廈個大堂。餐廳位於二樓，座位之間都好闊落。侍應姐姐好熱情咁介紹我哋今期特價之選，餐廳而家唔同嘅菜式分別做緊五折同埋八折，海鮮都有呢個折頭真係好抵！今次我哋食咗3道餸，首先係瑤柱龍蝦。第一次是用瑤柱同埋香辣肉碎等嘅配料去炒龍蝦肉，非常新鮮同埋惹味，而且肉質好鮮嫩。再加上做緊五折抵呀！跟住就係避風塘豬手雖然價錢平但係份量好十足，平時食避風塘最鍾意就係佢啲炸蒜而佢哋都整得好香辣。唔似得平時喺出邊食，佢哋仲有精心擺盤。最後一道就係金銀蒜蒸茄子食咁多肉梗係要食返少少蔬菜啦，我哋揀咗食茄子。餐廳好用心咁整走晒茄子嘅紫色皮，驚影響口感。呢味餸不得了送飯一流，如果我仲食得落嘅話一定會加一碗白飯，實在太香口！最後兩個人埋單$598，包埋菜芥。今餐飽到連豬手都食唔晒。對於海鮮餐來講我覺得價錢差唔多啦，雖然佢有做好多優惠但係絕對冇Hea你嘅感覺。下次再嚟嘅話我要試吓佢嘅蟹。

今日行經尖沙咀見到這間餐廳好吸引，因為三月做緊半價龍蝦優惠，龍蝦嘅煮法有五種，分別係避風塘，黃金流沙，芝士焗等。最後我哋揀左上湯龍蝦，龍蝦肉好實又新鮮，味道一流😋。我哋亦叫左黃金豆腐，餐廳職員好Nice, 特別提醒我哋一定要趁熱食，夠熱外皮先會夠脆。口感好特別，豆腐內軟又滑，但皮脆且香，正！😆我地亦叫左避風塘豬手，火候啱啱好，令到豬手外皮脆但唔會太硬太乾，豬手肉嫩身且Juicy! 🎊最後唔夠喉，再叫左份醬煮BB鴨，鴨皮香口，鴨肉多汁又嫩！好味！兼且有餐廳職員幫我哋剪開鴨肉，唔使自己用手撕，方便很多！服務一流！👍🏼我打算下星期會再嚟，趁住三月仲有半價食龍蝦嘅優惠，抵食！自己煮都冇咁平呀🥳🥳

聽講呢間餐廳做緊龍蝦半價，於是急不可待訂位嚟食返餐正嘅！黃金豆腐 ，外脆內嫩，豆腐非常嫩滑， 熱辣辣，趁熱食，好野味，食完一件又一件。上湯龍蝦，擺碟好靚， 龍蝦肉質彈牙，啖啖肉。又切好曬，一口一啖肉，正！ 仲要有半價，CP值勁高！避風塘豬手，一上即聞到香味撲鼻，第一次食擺得咁靚嘅豬手， 而且起咗肉， 食得好方便！豬肉嫩稔，豬皮好滑唔覺肥。火喉剛剛好。比平時其他餐廳食嘅豬手好食好多。 眨吓眼就清曬成碟豬手。BB鴨，原隻鴨上，打卡一流！ 然後有師傅幫手剪開，剪完都擺返隻全鴨樣，靚！皮好脆，肉好嫩。配上特製醬，提升味覺享受！ 餐廳環境非常乾淨，食得好安心！

家姐之前來翠林辣蟹坊食蟹，覺得又好食又抵食，所以介紹我同朋友來。今日呢兩樣最抵食，濃湯花膠雞半價，原價$688、現在$344，鎮店之寶全部八折，原價$588。今晚我最鍾意呢幾款。平時我怕苦鍾意食涼瓜，但呢款新菜黃金涼瓜真係得，涼瓜煮得已經唔苦，再加上黃金金沙餵滿，食起來非常惹味，唔記得自己食緊苦瓜，爽爽地，好食。醬燒 bb 鴨好得意，只係燒定幾隻，手快有手快冇，$128/隻，足夠四個人食，個脾好大隻但隻翼就好細！師傅在客人面前剪開，好似堂前表演咁，皮脆肉嫩汁又多。呢排龍蝦平，整返隻芝士龍蝦，大滿足。

近排晚市回歸報復性出動，今晚在尖沙咀亞士厘道翠林辣蟹坊食晚飯。澳洲龍蝦滯留香港食客有福，我們都唔執輸，點了芝士龍蝦，幾大隻，足一斤重，芝士汁煮到軟滑而又不會太濃郁，龍蝦肉質結實，食起來有汁，如果有個伊麵打底會更完美。因為朋友早已在OpenRice上訂位，所以半價食，即是$588/2。醋香骨酸甜味，入味，香脆，唔差，大碗白飯食一流。亦吃了女服務員非常落力推介的今日限量醬燒BB鴨，是鴨不是鴿，一般吃到的鴨都是成人，小型少見。餐廳亦非常識做，客人可以相機先吃，然後先在你面前展開小件，方便進食，若然在家我更喜歡用手食。肉質又真似比賽滑，心理作用還是賣相影響。今日的菜是風沙涼瓜，可能是素菜中最好味的瓜菜，惹味，有水凖，吃過翠林幾款黃金菜式都做得唔錯。街坊式飯店，環境可以，服務熱誠。

濃湯花膠雞湯用料夠，味道濃郁，花膠有厚度，食落去好有口感，性價比高黃金豆腐，炸綠非常薄，好好味，絕對唔會油膩蒸腩肉味濃但唔會老咸，好野味！ 金沙黃金蝦球，勁彈牙炒土豆絲好爽脆