翠林辣蟹舫

朋友之前食過呢間餐廳，強烈推薦我食，今日放假一於帶家人嚟試。見到餐廳咁多明星嚟幫襯，果然無令我失望。小食「紅燒滷肉」好入味，肉質好軟滑。餐牌見到半價，揀咗「黃金流沙龍蝦」皆因平日好少食到呢個煮法，入口香脆，一啲都唔油。大大隻啖啖肉...強烈推薦。「酥脆蠔仔餅」第一次食蠔餅係咁大粒蠔，師傅炸得好鬆脆，蠔仔漲卜卜，好夠份量。「醬燒BB鴿」好Juicy嘅BB鴿，戴上黃色蝴蝶結，賣相好可愛，肉質好幼嫩。家人都大讚今餐食得滿足又滿意。