翠林辣蟹舫

其實味道真係好個人，我個人覺得一般般！整體食物質素都有進步空間，始終食海鮮為主，好難可以整得好難食。亦都不算貴，如果叫套餐的話。但服務質素有進步空間🤢 每位平均消費$300以上，但服務質素個人覺得比茶餐廳更差勁。

於尖沙咀想食中菜 朋友帶路嚟到翠林辣蟹舫聽講尼度最出名就係避風塘菜式喇黃金流沙龍蝦🦞半價優惠 $294 (原價 $588)新鮮游水澳洲龍蝦好厚肉地 彈牙又鮮味 外層的炸到好香脆 夠哂鹹香惹味 我第一次食咁做法嘅龍蝦菜式 好特別半價真心抵食！食神炒飯 $188嘩~係鯉魚造型！令我有充滿好運、吉利嘅感覺以蟹子鋪成魚身紋理 別具創意 又能增添美味採用意大利野米混合日本珍珠米 炒得粒粒分明 仲有蝦仁同豆 啖啖惹味 口感十分過癮整個炒飯夠鑊氣 有賣相 屬高水準之作👍🏻多款8折優惠菜品 今次點咗兩款話梅涼瓜 (原價 $68)有驚喜！無苦味！係非常酸甜爽脆 令人好開胃我平時唔食涼瓜竟然食咗3 條！藥膳蒸雞 半隻 $168蒸到好香呀 雞肉軟熟入哂味原汁原味確係好好味

睇社交平台咁啱見到朋友轉發晚飯做緊半價優惠放工即刻嚟試下本身想食蟹 但原來蟹得8折但龍蝦係半價呀折完294 自己買一隻都2百幾啦即刻叫左隻避風塘用嘅係澳洲龍蝦我個位對正個魚缸 睇住佢撈 勁生猛好惹味 唔係話勁辣 但好重蒜香龍蝦肉質彈牙又飽滿 連個頭都好多肉呀黃金涼瓜平時多數都係黃金豆腐 呢度仲有涼瓜呢個選擇薄薄嘅炸衣 沾滿晒咸蛋碎 涼瓜帶有微甘 呢個配搭唔錯花膠濃湯雞 都係半價呀！折完344 有半隻雞 仲有勁大份量嘅厚身花膠 非常濃郁鮮甜雞係用浸熟嘅方式去煮 非常嫩滑花膠煲到起晒膠 補充番啲骨膠原最後叫個拍蝦湯浸娃娃菜比平時啲上湯娃娃菜更好味多左一種鮮蝦嘅甜味非常滿足嘅一餐 希望keep住有特價啦仲想試埋佢其他煮法嘅龍蝦呀

去尖沙咀尋食  這次去較為隱秘的內街亞士厘道的一間辣蟹專門店門口有對可愛的醒獅擺設一入坐 店員就推介晚市優惠套餐和單點優惠半價龍蝦優惠太吸引啦 其他有些菜式都有8折所以就點了以下的避風塘龍蝦又辣又香 大量炸蒜加上花椒辣椒等等的香料愈吃愈滋味澳洲龍蝦肉飽滿 非常新鮮黃金涼瓜外面的炸粉薄薄脆脆的 好香咸蛋黃味道蓋過了涼瓜的苦味茶樹菇鴨肉煲醬汁味道咸咸甜甜的濃濃的茶樹菇香氣鴨肉肥美又嫩滑拍蝦浸娃娃菜吃了幾道味濃的小菜點個清淡的蔬菜中和一下用了不少鮮蝦同煮 湯底鮮甜芋頭有稍為炸過表面 不會一夾即散整體不錯馬來西亞桔仔冰解辣又解渴

今日同朋友一同四人黎到尖沙咀呢間非常出名嘅海鮮餐廳食飯，去到門口都知道呢間餐廳名氣好大，黐住晒老闆同埋明星嘅合照。一入到去，店員都立即幫我哋安排座位，佢哋嘅服務態度好好，為我哋介紹餐牌上嘅唔同菜式。我哋四個人就點左六道菜左右，包括有酸菜魚啦、古法炆鴨、黃金龍蝦、炸豆腐、芋頭時菜同埋佢哋嘅招牌食神炒飯，呢幾道菜式真係非常豐富。等我即刻俾大家睇吓張相先。喺度特別想一讚呢間餐廳嘅炸物真係做得好好，好似炸豆腐咁樣，佢個皮好薄，唔會話油淋淋，豆腐質地軟滑，外脆內軟，真係忍唔住手想夾多幾舊食。又好似黃金流沙龍蝦咁樣，佢炸得黎又唔會失左龍蝦嘅鮮味，龍蝦食落鮮甜，配埋少少嘅鹹蛋味，龍蝦嘅鮮味就更加突出啦，食咗咁多次龍蝦，都未試過呢一種煮法，真係非常非常特別。澳洲龍蝦真材實料，肥厚多肉，性價比好高。除咗炸物之外，佢嘅其他餸菜都煮得非常出色，睇得出大廚嘅功力深厚。就好似炆鴨咁樣，佢配搭咗好多嘅茶樹菇，令到鴨嘅香味同埋鮮味更加突出。仲有好想讚一讚呢個食神炒飯，你淨係見到個樣都知道廚師真係好俾心機去擺盆。見到呢一條大魚，我啲朋友佢哋都忍唔住即刻攞相機出嚟打卡，呢條大魚嘅炒飯真係又美味又靚。炒飯嘅口感非常之好，

今個禮拜約咗同好耐無見但關係都一直有keep住嘅親戚食飯，佢地口味都比較傳統，就揀咗嚮尖沙咀小有名氣嘅中菜餐廳食飯，佢地話試過一次好好味，仲有好多明星幫襯過，絕對係好野。既然佢地都咁講喇，整到我都有少少期待。我地上到餐廳門口，又真係見到貼住好多大廚同明星嘅合影，心唸呢餐實好食。我地去嘅時候可能係因為working day嘅關係，人就唔係好多，老闆娘仲好熱情咁同我地傾下計，話以前好景嘅時候成日爆滿曬，又推薦我地一D呢間餐廳嘅拿手菜式，我地就一於信老闆娘，跟佢推薦order。我地一共點咗8個餸，都超級好食，我自己最中意嘅有3味。第一就係個古法碌鵝，呢個色水方面整到幾靚，顏色偏深但唔會係啞黑，望落已經好有食慾。調味方面都好特別，係鹹中帶甜，甜中帶甘，味道有層次得黎又好夾，系我未試過嘅味道，真係想問下師傅落咗D乜整到咁好味。鵝肉呢到就斬到細細舊，易D入味，整到連骨都入味，最緊要嘅係佢處理D鵝肉幾好，逼曬肥油出黎而又唔會令鵝肉食起身口感乾柴，真係超級正，送酒一流，食唔停口。第二樣中意嘅就係重頭戲黃金流沙龍蝦，其實我地本身想食蟹嘅，畢竟呢度出名，但老闆娘就推介話個日到貨嘅龍蝦好大隻好靚，又做緊特價

龍蝦價錢又高企 想食抵食龍蝦🦞朋友介紹我翠林辣蟹舫店舖做緊半價優惠 澳洲龍蝦為 $294 （原價$588）平時自己去街市買龍蝦都差不多價錢所以現在價錢真的超抵價💪🏻龍蝦有5種煮法這次試了黃金流沙龍蝦🦞儘管炸過 龍蝦鮮味依然配着黃金流沙一超吃 非常脆卜卜另外點了一個開胃菜 話梅涼瓜平日不太吃涼瓜的我也吃了不少涼瓜浸了話梅汁 完全唔苦反而酸酸甜甜 超開胃藥膳浸雞 （半隻)雞肉非常嫩口 用上杞子紅棗等藥材好入味 半隻雞眨吓眼就清晒食神炒飯名字聽落已經好有水準魚🐟型擺盆再加以三文魚子作點睛立即栩栩如生店主說這個炒飯準備時間起碼30分鐘絕對用心之作 總括而言海鮮新鮮 飯餸有鑊氣而且減價期間 價錢簡直超值

之前同同事嚟呢度食午餐，見到晚市有半價龍蝦優惠為左食抵食龍蝦，所以就約返同事喺呢度食晚市我哋揀咗黃金流沙龍蝦龍蝦大大隻，炸過有好香流沙味而且廚師已經將龍蝦分件，所以食落好方便又啖啖肉時間亦掌握得好好，外面香口得黎，入面嘅肉仲可以保持水份肉質係一梳一梳，幾新鮮另一重點當然係抵食啦，咁大隻半價後$300都唔使下一樣繼續食香口野，黃金豆腐份量比想像中多，差啲食唔晒外層炸漿脆薄，入面豆腐滑嫩，十分唔錯醬燒BB乳鴿係侍應推介，Menu上面仲未有餐廳標榜乳鴿30日大，所以比普通茶樓食到既乳鴿再大隻啲，就可以啖啖肉咁食肉質夠滑身，但肉汁就少D乳鴿上碟嘅時候，餐廳仲幫隻乳鴿綁咗個蝴蝶結，賣相加分最後怕唔夠飽，就加咗個桂花鮑魚炒魚翅因為有鮑魚、魚翅、炒蛋、蟹籽同其他配菜，所以口感較多層次，亦有鑊氣炒得香口整體性價比很高，雖然多左優惠，但食物質素無下降，值得推薦

限聚令完咗，今日終於出咗去同朋友食蟹。 好掛住呢種避風塘嘅味道，呢間辣蟹專門店，之前都聽過好多人去食過，已經想試，入到去店員幾好招呼，服務態度幾好！發現呢間蟹店，原來都攞過唔少獎同埋都有好多明星幫襯。座位都夠晒闊落，坐得好舒服避風塘炒蟹真係大大隻，而且擺盆好靚，每隻蟹鉗嘅蟹肉都好飽滿，食上去啖啖肉，而且避風塘配料好惹味，唔會太辣，呢種味道自己整唔到！店員介紹食招牌BB乳鴿，店員仲要特登等我哋打完卡先我幫我哋切，隻乳鴿燒得好均勻，睇落好肥美，唔會剩係得皮，入邊嘅肉都好嫩滑。芋頭娃娃菜，入邊嘅芋頭好鬆軟，而且係炸過再煮，有香脆嘅口感！食神炒飯擺到條魚咁，加入左魚子、蝦等，炒得好入味！

海鮮自己整好麻煩，尤其避風塘口味真係幾考功夫，自己好難整得好食，所以偶爾都會去餐廳食下避風塘炒蟹之類嘅菜！今次揀左呢間翠林辣蟹坊，入來門口就見到貼左好多名人幫襯嘅相，相信係遠近馳名！避風塘香辣蟹原隻避風塘炒蟹，大大隻，蟹蓋同蟹鉗裡面都有好多肉，十分足料。最欣賞係，味道整到好惹味嘅之餘，調味太濃太重，尤其係唔會太辣太麻，保留返蟹肉嘅鮮味，果然係鎮店之寶。依家有八折優惠，幾抵食，而且龍蝦都做緊優惠，半價就食到！食神炒飯據說係呢度嘅招牌菜之一，賣相非常用心，特意整成一條魚嘅圖案，再鋪上魚子，炒飯好有鑊氣，而且炒得粒粒分明.乳鴿乳鴿係原隻上，之後店員會幫你切件，燒得唔錯，裡面嘅肉都幾軟滑！拍蝦香芋娃娃菜通常中菜餐廳都係上湯娃娃菜，比較少會用芋頭來配搭，而且呢道菜嘅芋頭係先煎香過先再同娃娃菜一齊煮，所以食落有返少少香脆口感，唔會過淋，蔬菜嘅菜式來講整得都十分出色！

一向我都出沒尖沙咀，朋友介紹我去翠林辣蟹坊🦀，除了食物優質之外，現在還推出優惠價！🤩所以我即時去試。我們叫了話梅涼瓜、黃金龍蝦🦞、豉油王煎五花腩🐷和醬燒BB鴨🐤。話梅涼瓜味道很特別，味道相當夾，酸酸甜甜。黃金龍蝦，啖啖肉，入口香脆，不油膩，下次一定要再試。😋豉油王煎五花腩油脂分布平均，好厚身，配埋芽菜一起食，就沒有這麼油膩👍🏻。醬燒BB鴨肉質柔嫩，賣相亦相當可愛，配上自製醬汁，非常特別。🤩

之前食過佢地既避風塘炒蟹 回味無窮 今次再同朋友黎食 都依然有驚喜😋佢地長期都做緊唔同既優惠 有啲做8折 有啲做半價 都算幾抵食話梅涼瓜 ($68 另有8折)話梅既酸甜味 中和左苦瓜既苦澀味 食落有少少回甘味 幾開胃☺️生煎黃金五花腩 ($118 另有8折)望落去以為會好乾 點知又唔會 煎到金黃色 外層香脆 入面油脂感爆發 好正😛 上面放左幾粒紅椒幾解膩👍🏻黃金流沙龍蝦 ($588, 半價後$294)出面啲脆脆係有少少蛋黃味 完全唔油選用澳洲龍蝦🦞 肉質鮮嫩 啖啖肉 食到好滿足😋 超推薦🤩醬燒bb鴨 ($128)店員比我地影完相先切件 皮脆肉嫩 好juicy 沾上秘製醬汁更加惹味 幾surprised!😋馬來西亞咸水梅桔仔冰 ($18)咸咸甜甜 有啲似咸柑桔 🍊 幾開胃☺️

與同事Farewell，告別她3年外派工作，我帶她來品嚐香港經典名菜之一避風塘炒蟹🦀，訂枱時要求要坐卡位，舒服啲。我哋點咗：✨泡椒鳳爪$68先點個泡椒鳳爪，一邊傾計，一邊等避風塘炒蟹。鳳爪豐滿潔白，口感清脆爽口。🍍菠蘿咕嚕肉$98賣相吸引，選用了梅頭肉，肉質外脆肉軟，而且很掛汁，酸甜醒胃。🥓豉油煎五花腩$118五花腩皮肉分明，用豉油、酒和糖等醃好後，兩邊煎到金黃色，好香口。🦀避風塘炒蟹$588其實我自己好鐘意食避風塘炒蟹，話帶人嚟食，其實自己想食😆。大肉蟹肉質鮮甜嫩滑肥美，這道菜獨特之處就係姜、蔥、蒜蓉的香味浸透蟹內，味道濃郁，香辣惹味，讓人吃完蟹之後仍啜指回味😋。店員服務唔錯，常幫我們換碟加茶。而且仲有8折優惠。

滋味抵食龍蝦晚餐😋之前同事話佢食呢間餐廳lunch果陣見到佢龍蝦做緊半價優惠，於是乎就約咗收工一齊去試下😋餐廳環境闊落，枱與枱之間隔得好開下，防疫措施做得唔錯，值得一讚👍🏻黃金流沙龍蝦 🦞 先講今晚既主角黃金流沙龍蝦，龍蝦都幾大隻，啖啖肉，而且真係超級新鮮，即使炸完都依然食到啖啖肉質嘅鮮味，龍蝦頭都好多膏☺️黃金豆腐 ⭐️黃金豆腐炸得岩岩好，表皮酥脆，而入面啲豆腐就十分嫩滑，點埋啲泰式辣醬，真係一啖一件食到有啲停唔到口🤣食神炒飯 🏅🍚食神炒飯個賣相已經好有誠意，錦鯉魚外形嘅擺碟又好睇寓意又好☺️ 而個炒飯用料都好足，有唔少蝦仁同蟹籽。仲加咗啲類似紅米嘅米，令成個炒飯嘅口感豐富咗👍🏻潮式酸菜魚 🐟有別於出面食嘅酸菜魚有啲唔同，潮式酸菜魚係用咗龍躉，首先感覺高級咗🤣另外肉質都厚實咗，都幾得意幾好食，值得一試☺️好推薦大家黎尖沙咀試下，尤其趁呢排仲有優惠☺️—————————😋味道：9/10🤵🏻服務：8.5/10💰抵食：9/10⏳排隊時間：0分鐘

朋友約我喺尖沙咀食飯，話要帶我去一間蟹餐廳食好嘢，我問佢餐廳名字，佢話俾我知，原來我好耐之前曾經嚟過，咁一於同朋友食過番尋味😋- 鎮店之寶$588嘅「避風塘炒蟹」：上枱嘅時候放咗喺一個好似日本「鳥居」⛩️嘅紅色盤上邊，賣相靚靚🤩；蟹體積頗為巨型，肉質結實鮮甜，非常滋味，用避風塘方式炒，極香口；避風塘嘅蒜粒切得好細，炒得乾身又輕身，感覺唔油膩，要來撈飯食，食到舔舔脷😋- $118嘅「生煎黃金五花腩」：外邊煎到脆脆地，非常香口，五花腩半肥瘦，大部份肥油都煎晒出嚟，甘香而不膩😋- $98嘅「菠蘿咕嚕肉」：酸酸甜甜食落好開胃😋我哋叫呢幾個菜式而家都做緊八折優惠，朋友同我食得非常開心愉快😋