羲和雅苑

營業中

休息中

片皮鴨講究火侯，食材，醬料，配菜，餅皮，各種功夫配合，故香港可食到片皮鴨呢道菜嘅餐廳唔多。聽朋友講香港開咗羲和雅苑，慕名一試，餐廳位處海港城遊輪碼頭維港之畔，晚餐飽覽夜景，裝修精緻典雅，華麗而無土豪味，有民國時期風範，餐牌亦有驚喜，推介菜色輔以古詩詞介紹，未食先覺菜色有心思。片皮鴨，皮薄，刀工不俗，脆口，烤得均勻，肉烤得香味濃郁而肉質仍保持鮮嫩。餅皮薄，乾而軟身。最驚喜係藍莓醬，味道出奇配合，油膩中帶清新。其餘菜色如冰菜，乾隆白菜，紅酒雪梨蓮藕等，平凡食材中各顯心思新意，比其他只做傳統菜色嘅老牌餐廳大膽。

這天晚上去了新開的海港城睇下海景，咁就順便喺果度搵埋野食，見到呢間中式餐廳外觀唔錯裝潢幾特別，又好耐無食片皮鴨，於是就決定試吓，結果等左五分鐘左右就有得入去食啦。呢度有本好精緻嘅餐牌，每樣菜式都寫得好清楚，於是我地分別叫左: 前菜，磯煮鮑魚，賣相精緻，鮑魚夠鮮美，刀工不錯。再來，張氏獅子頭，賣相也都精緻，獅子頭軟熟香味十足，配上一口白飯來吃，令人感動。期待已久的馳名烤鴨半隻終於來到了，烤鴨真的沒有令人失望，外皮呈深紅色，紅亮剔透，鴨香撲鼻，而且師傅會喺面前切俾你睇，仲會分3種食法來分碟上，第一係只食皮，分中西式ge食法，點中式醬汁又得，西式的爆炸糖又得，很是新奇，第二款係鴨胸肉，同樣可以享受2款醬作配合，連埋肉一齊食好食d.另一款就係鴨腿肉，要用中間籠內的來自北京的簿餅皮包著京葱或者山楂條來吃，真的新奇又各有特色。之後還有椒麻澳洲牛肋條椒麻味香濃，不會過份辛辣，牛助條夠淋。然後甜品是紫薯燕窩蒸蛋白，味道則一般。是一餐豐盛又新穎的晚餐！

見到呢排好火紅既扁皮鴨餐好似真係幾正甘，就訂左枱同爸爸食餐好由於有d鼻敏感，就麻煩餐廳安排室外，坐得好舒服又唔會太涼鴨係到步先烤，建議訂枱時留定，唔係有機會冇得食等鴨時就叫左3款開胃菜蘑菇刺身 $68，食落酸酸辣辣，好開胃。份量唔算多，但勝在夠新鮮蝦乾冰草 $68，份量都幾多，咬落清甜有小小調味唔算多，蝦乾令呢碟菜昇華不小川汁青瓜球 $38，有四大粒，算係功夫菜黎。咬落青瓜粒爆出黎真係正，但有d偏辣佛跳牆 $128/位，係用松茸煮成，係素版既佛跳牆。好養生好鮮甜宮保大蝦球 $118，好好食！蝦好鮮好甜，有少許炸過但又冇炸粉！必食烤鴨半隻 $328，有3小碟不同部位，分別係鴨頸(好肥)，鴨胸同扁出黎既鴨皮肉。staff會好用心介紹要點食，當然可以按自己喜好~。食落係肥膩但配料可幫助減輕本身係叫俾爸爸食，因為自己食得多會起濕疹，但因為真係烤得好香好好味所以都冇點忍口最後叫左2個甜點紫薯燕窩蒸蛋白 $118，好香好滑，燕窩都幾多，值得一食古法朱古力蛋糕 $80，個樣平平庸庸，但食落真係嚇你一跳好濃朱古力味，有5個唔同既層次，有1層脆脆地可中和膩感

鴨鴨鴨🐧🐧今日嚟到近期大熱嘅羲和雅苑食飯💁🏻💁🏻 先點左磯煮鮑魚($78/1)👀好鮮甜，又夠新鮮，咬落冇渣好正❤️ 之後點左乾隆白菜($68)，上面淋左d芝麻醬，白菜原來可以咁樣凍食，好fresh😋😋 仲點左紅酒雪梨糯米藕($68)🙆🏻‍♂️好精緻嘅fusion菜，食落酸酸甜甜，雪梨依然爽口，蓮藕夠淋身👍🏻👍🏻 好開胃😀 川汁青瓜球($38)🥒有4粒，好可愛嘅，食落外層煙韌，入面清脆爽口😻辣度適中，好正！蝦湯海皇泡飯($98)🤖係食過最好吃嘅泡飯，湯好重海鮮味，飯粒泡得軟綿，配上脆米食口感十足😽😽 等左1個鐘終於到重頭戲片皮鴨❤️❤️ 不得不贊d皮好煙韌，青瓜洋蔥等配菜切得好靚，粗幼一致，師傅刀工一流！鴨皮好脆，皮偏濃，點藍苺醬食可以中和番😻 鴨脆肉點芥辣食好惹味，再夾青瓜好正！最後點左個紫薯燕窩蒸蛋白($118)🐷🐷蛋白好滑，啖啖都食到燕窩！非常足料😋 順便一提佢茶位收20蚊一位，揀左壽眉覺得幾好飲，係原片茶葉唔係茶支🙏🏻🙏🏻

媽咪生日諗住搵間好少少嘅餐廳慶祝，我哋就揀左呢間話係走中高檔路線～諗住冇死啦～質素應該會好好啦～點知竟然遇到位服務態度極差差差嘅經理～👎🏻👎🏻👎🏻我哋落Order時，問了他一些食物份量，不知道他為何《嘴藐藐》！說話態度都非常差！👎🏻👎🏻👎🏻至於食物又未講到咁好食😟🙏🏻希望貴公司會改善一下員工服務態度～

成日食西餐個d今日終於可以食下d特色中菜啦😙👍🏻 同朋友揀左係海港城新開嘅羲和雅苑🐧 2個人嗌左半隻片皮鴨($328)🙆🏻‍♂️ 佢係3食嘅，自己最鐘意佢嘅藍苺醬⭐️ 食落甜甜地，同片皮鴨嘅咸混合得好好，皮又夠薄，帶d煙韌，好出色👍🏻👍🏻 鴨嘅片烤得好脆身，就咁食都唔錯❤️ 另外點左蝦乾冰草($68)😍好爽口，凍食冰草真係第一次，原來可以咁fresh🥗 蝦干又鮮味十足🍤山藥燕窩羹($98)好足料！啖啖都有燕窩食到😍甜品嗌左薑茶芝麻湯圓($38)🙆🏻‍♂️ 薑茶好重薑味，湯圓大大粒，芝麻餡又唔會過甜😋😋

對上一次食京菜都已經係三年前去北京吃於是經朋友介紹，今日就book左枱去食京菜！餐廳環境很好，望出去就係維多利亞港，對住個海食野，感覺係唔同d的呢度最出名 就係鴨，出名在佢有唔同的食法師傅會即場切隻鴨，將鴨分為皮、髀肉，同埋鴨胸肉，而每個部分都有唔同的食法，譬如脆皮係加一d爆炸糖同藍苺醬。其實都幾意想不到，食鴨竟然會加爆炸糖，仲要幾夾，皮既脆加上爆炸糖既脆，口感上係無遺和感！！ 鴨肉係好嫩口，同埋有好多配菜，而且塊皮係非常之有口感，因為侍應話係人手整，所以唔可以長期打開個蓋，否則會無咁好。而我地再叫呢一個秋葵，係幾值得推介，因為佢個汁好特別，係非常開胃的另外我就叫左個炸醬麵，有好多配料，自己撈，份量十足！另外叫左個宮保雞丁，小小辣，好香口，而且份量算多的另外叫左個粟米魚肚羮，好入味呢度既鴨水準真係幾好，環境又好，我覺得值得同朋友黎吃晚餐聚會

話說那天睇到fb 見到呢個餐廳既廣告真係好吸引 靜係佢既燒鵝已經吸引左我同我朋友去食只係甘岩 當時唔知係咪岩岩開張 好似好多野都未係好識處理我地等左好耐 都未有位甘岩我地上個張飛仔既人係到投訴而就一連安排左我地3張台 去左一個貌似平時都唔會安排比客坐既房拿 講番個重點先 野係好食既只係服務態度唔夠一心諗住可以坐係一個好靚既位望住海景食飯同朋友傾下計點知坐左係一間唔舒服既房 完全睇唔到個海而且好多菜都已經無晒只好嗌左幾道菜食為有食完再落下場所以可以的話 要早d去食主菜 唔同醬汁 仲有無味既爆炸糖可以配燒鵝好食 脆口既咕嚕肉冰梅蕃茄仔+酸酸甜甜既苦瓜 呢個苦瓜好食 而且無乜苦味 相信好多人都食到獅子頭配白飯

首先，我係因為有個遠道由柏林黎既朋友又見到d傳媒係咁報導先訂既！環境係好既。好多人訓練不足，又冇禮貌，連有個老女人經理都好冇禮貌好黑人憎。當時我同工作上既客講緊電話，我男生朋友去左洗手間，個經理放低張單企喺度睇住我講電話，我就話你等等。之後男生朋友返黎，我仲未講完。個女經理大大聲話，你女仔朋友話等你返黎先比錢喎。好彩我朋友同我熟姐，你埋數大晒？隻鴨要50分鐘先起又唔講，要我聽到隔離枱先知係要。好啦，講嘢食。叫左個冰菜，酸酸甜甜，脆既，ok。芥末鴨掌，好似白云鳯爪加芥末醬，好難食。清酒鵝肝好流，食多塊都驚心臟血管阻塞。辣青瓜球普通。再叫左個干煸四季豆，我整一定好食過佢。拆肉骨白菜，中規中矩。黑松露蠔仔炒蛋，直頭難食。叫左半隻鴨，一句講晒，好少見一隻鴨又瘦又油，好似油到食風咁。到底係炸定燒？總之我想叫你地團隊快d徹離香港因為我2個人食左1300蚊垃圾完。

朋友飯局，有人想叫鴨，所以一大班朋友相約出來叫鴨，羲和雅苑，雖說在海香港城，但內裡位置頗偏僻多位朋友要問客服路才懂進來，沒問路的多要花時間找路，人齊坐下后，就叫了六人餐加多只鴨，本來六人餐裡就有一只鴨，現在是另外再多加叫一只，始終來這就是食鴨嘛前菜，蘑菇刺身，生蘑菇切成絲拌鹽和香油，上面加了可食用金萡，很精緻，但有點略咸雜菜炒帶子，帶子大粒，很有肉感爽口獅子頭，迷你碗配飯，滷水汁充分浸入獅子頭那肉球裡，非常香口餸飯，小小一個配一小團飯吃，份量剛好，很配搭的一個組合上面這是薑蔥炒鴨，炒得鴨肉很嫩，配酒很不錯，可惜當晚沒朋友喝酒重點來了，鴨，全部都係鴨，片皮鴨有三種食法，由左至右，左1:配酸梅醬和爆炸糖食，沒錯，就是爆炸糖，這部分鴨皮充滿脂肪，入口即溶，但隨即跟著爆炸糖連環爆發，很有特色吃法，中間那部分鴨肉較油膩，配黃芥茉食和大大減少油膩感，左1就是傳統上包著皮和配料的吃法黃黃一粒粒那就是爆炸糖，在這傳統菜色片皮鴨吃法裡，配合上爆炸糖來吃，而且很配合，不得不說很有創意

今日有開心事要慶祝一下，所以決定食好啲～ 知道海港城新翼有新餐廳開張，既可以試新野又可以食住晚餐睇海景，就揀咗「羲和雅苑」食晚餐～ 餐廳位於海港城新翼盡頭，裝修雅致，有室內或者室外坐位，都可以飽覽維港景色，座位好舒適，好闊落，餐枱擺設精緻，好細心咁有黑白色嘅公筷～ 餐牌食物選擇豐富，我哋book位時已經預留左半隻烤鴨，另外仲叫咗好幾款小菜～ 芥末鴨掌＄88鴨掌係去骨嘅，好特別，啱曬我啲懶人～ 然後加上芥末醬，酸酸地，好開胃，鴨掌好滑好爽口，作為前菜一流👍🏻 川汁青瓜球＄38好精緻，一小碗有四粒，每粒其實係細細粒嘅青瓜粒被啫喱包住，然後沾上川汁食，既得意，味道又唔錯～ 馳名烤鴨半隻＄328一定要食招牌菜馳名烤鴨～ 師傅即場喺我哋座位附近片皮切鴨，片皮鴨分開三碟上，有三個部位，三種不同食法，各有各不同的好味道～ 1. 燒鵝皮沾上藍莓醬同爆炸糖一齊食；食法新穎特別，品嚐鵝皮的油香的同時，又可以減少油膩感👍🏻～2. 帶皮的鴨胸肉沾上芥末醬一齊食；鴨胸肉切得厚薄適中，加上芥末醬味道好夾，令人忍唔住食完又想再食😋～3. 連皮的鴨腿肉用餅皮包住青瓜條、洋蔥絲、蔥條、山楂條、再加甜面醬一齊食的傳統食法

看到雜誌寫既食評推介，介紹呢間新開新派京式菜，仲有我最愛既片皮鴨，即刻相約朋友前往一試，不過都幾full booking....,要早2-3個星期訂枱。餐廳限定6時半至8時15分。一行六人，看了menu後好似不太多選擇，我們點了一隻片皮鴨，麻辣海蜇頭，芥未鴨掌，水煮魚，羲和小肉餅，炒菜，仲有芝麻餅。片皮鴨分成三份，第一分係鴨頸部份，很鬆脆，可以直接點藍苺醬及爆炸糖，感覺幾新奇有趣。第二份係頸對落既部份，都係唔係包，直接點黃芥未醬。最後一份，就可以用傳統方式包藍苺醬同山渣糕。片皮鴨都幾好食，係鴨油味不足，但鬆脆程度比得上係北京食。同埋加左新元素，確係不錯。另外值得一讚既係水煮魚，煮得好有水準，好有返內地食既感覺。個環境都好舒服，望住海境，遺憾係唔可以坐太耐，因為下一場既客已經要入座。同埋好多侍應都太新，唔識答問題。

之前係Facebook 見到人哋話有間係北京黎既烤鴨店幾好味環境唔錯，為食既我梗係9秒9暗示男朋友想食啦😚烤鴨大餐主角一上枱，好開心想食😍男朋友竟即刻影底我既衰樣🙄話要留做紀錄為咗隻鴨既蠢樣個師傅係我前面不停地片片，片到一片片放係個碟度，分咗3個碟。有個職員拎咗啲配料俾我哋，之後教我哋點食。第一個方法鴨胸皮點爆炸糖呢個真係一塊皮，本身冇點任何嘢，食落脆脆地。點咗爆炸糖後，我覺得更加好食，爆炸糖係口嗰度卜卜響。都可以點藍莓醬，但覺得點完就較甜。第二個方法鴨胸肉點芥茉醬點呢個芥末醬，覺得幾開胃，會令人食多幾舊第三個方法包麵皮呢個食法係我最期待嘅，用一塊麵皮包住青瓜、洋蔥、京蔥、甜醬同山楂條。第一次食北京烤鴨有加埋山楂條🤔，覺得幾特別，味道酸酸甜甜。桂花蜜山藥呢個我好鐘意食😍，山藥爽口，加埋淋上蜜糖，重點係食落有桂花香。男朋友不懂得欣賞，覺得甜。百年醬肉個肉係半肥瘦，加上咸醬汁，如果加碗飯會更好，好啱啲食肉獸。宮保大蝦球呢個有少少辣，個蝦球都幾大粒，食落啖啖肉。羲和小肉餅呢個餅入面夾住啲肉碎，咸咸地脆脆地，見到內面都有好多層，食完飽飽地。芒果黑糯米芒果新鮮配上黑糯米，食完個甜品就滿足了，如果

標明烤鴨出色，吃了簡直垃圾，連其他前菜及熱盤都是一樣，簡直是中㑀。片皮鴨，皮硬鴨有酥味多油獅子頭麵粉太多滑潺潺完全無口感，口水雞只有辣沒有雞味，芥茉鴨掌亦是只有芥茉重完全沒有酸酸辣辣的味道.......簡直中㑀不會再光顧

睇到好多人介紹呢間既扁皮鴨就黎同朋友試下，但呢間餐廳真係有d難搵，要不停問路先搵到😂黎到午餐時間，其實都幾多抵食set但想食鴨同其他菜式就選擇左單點😋安排左海景位十分舒服☺️⭕️馳名烤鴨 半隻 $328師傅會上枱先即切，係一個po ig既好時機😂等左40分鐘先會上枱，有好多唔同醬料，侍應會一一介紹清楚。個人認為鴨頸個d太肥膩，不是特別喜愛。反而喜歡另外2款肉包d皮同醬青瓜再架爆炸糖，呢個係自創，但真心正😋😋😋朋友最中意掂佢既蜜糖芥末醬，係幾突別😆⭕️川汁青瓜波 $38有4大粒，口感十分豐富，加上辣辣地既汁，十分開胃！⭕️青梅一字骨 $128都有差不多10件，肉多過骨，又骨肉分離，汁唔會過酸過甜，恰到好處👍🏻⭕️羲和小肉餅 4件 $36層次非常多，但偏油膩，一定要掂醋食。但肉味同蝦唔會過重，味道幾夾☺️💁🏻午市茶芥要$20一位，頗貴，但茶葉夠濃味，每次加水都唔會令茶變淡😂👍🏻呢度仲有室外坐，但今日天氣麻麻就冇出去坐💁🏻同佢地唔會趕客，同朋友坐到3點幾先走，又勤加茶，真心不錯☺️👍🏻