羲和雅苑

營業中

休息中

因近日不斷有post 推呢間餐廳，所以與朋友一起來試食。一入到去服務態度十分差，想落order 根本冇人理你。呢間係國際連鎖餐飲完全冇諗個係普通茶餐廳既服務質素。成餐飯就係俾距地搞到飯到食唔落😡。真係俾錢買難受。其次他最有名氣的鴨子，也不好吃，只有虛名，鴨有好重騷味。花咁既價錢，不如食北京樓好過食物份量極其少，$48既獅子頭連碗只不過係拳頭咁大，迷你都以為係模型🤔。菜既價錢都100-200起跳但份量少得可怕。真係唔建議大家去試。

烤鴨從來都受大眾歡迎！如果想在合理的價位、不俗的味道、舒適的環境及無敵靚景下選擇，相信羲和雅苑才能達到您要求！ 來自北京的「北京羲和雅苑烤鴨坊」已經登陸香港選名為羲和雅苑 ，位於海港城海運大廈2樓新翼，位置較入如搭船在碼頭上最近便！不過正正因此所以得了一個超美的海景靚位！ 欣賞完迷人維港夜景後大家便回到私密度高的廂房內享用晚餐！ 前菜先來蝦干冰草＄68冰菜並非第一次吃多數做沙律或輕炒來吃！這兒則用上微酸汁醬配合帶鹹的冰菜本人挺喜歡這組合！ 接下來是美艷的紅酒雪梨糯米藕＄68，此等功夫菜售價真是幾真十分便宜，帶著幽幽桂花香氣的雪梨及蓮藕帶給味蕾無限溫柔可口非常！ 這個是我個人挺喜歡的川汁青瓜球＄38，並非什麼高貴菜式但心思及手藝確實值得欣賞，用上類似水晶包的做法包裹著爽口的青瓜粒，咬破後清爽惹味共冶一爐很可愛！ 不過論到我最喜歡反而是這一個芥末鴨掌＄88，芥末汁調教得恰到好處香而不搶喉，加上巳去掉骨頭的爽口鴨掌吃得份外爽皮！另外還配有津自作伴估不到跟芥末汁也十分合襯呢！ 我們亦點了枝點女士最愛的Gemma Di Luna Moscato！這一個絕美粉藍不禁令大家諗起某手飾品牌，但套

Happy Friday，一於分享本週最期待也是最精彩的一頓，就是在尖沙咀海港城新翼，新開張的羲和雅苑。 雖然坐擁絕美開揚海景，食物出品精緻美味又有特色，定價卻比預期中親民，值得推介給各位烤鴨迷！ 羲和雅苑的首間店舖，於2007年在北京海淀區中關村開業，獨創的羲和烤鴨及烤鴨三吃嶄新食法，大受歡迎，至今在中國已是擁有八個品牌，及於各大城市設立超過四十家分店的國際餐飲機構！ 新店選址海港城海運大廈新翼盡頭，步行過來要花點時間，抵達之時已經餓腸轆轆，對於接下來的烤鴨晚宴更加期待了！ 新店的裝修可說是古今交融，環境很吸引；然而週四的晚上，餐廳幾乎全爆滿，甜魔媽媽只能盡量挑食客未到的地方拍照。其實由於人滿未有拍下的卡位坐，比圓桌更加迷人呢！ 餐廳又有一個開揚的室外露台位置，分別可望到 ICC 以及中環的璀璨景色。可惜下午忙看功課遲了來到，否則在這裡欣賞日落以及 Magic hour 的天色變幻，肯定是絕美難忘的回憶！ 肚子的鼓聲越來越大，好吧，也是時間去祭祭五臟府了！餐廳有兩間包廂，各有不同人數上限及消費要求，這晚我們也是在包廂中用餐。 以上就是餐碟 set up，個人特別喜歡玻璃隔層茶

在北京很有名氣的烤鴨名店 - 羲和雅苑進駐香港尖沙咀海港城，位於海運大廈坐享無敵海景，不論在白天或是黑夜，景色都是獲很高分的評價！只聽過朋友說這間的烤鴨有多好吃，不親身嚐過也不心息！ 由於是剛開店的關係，預先訂枱和片皮鴨是必需的。在那天在門口等候時有很多人打算walk in卻被拒諸門外，所以有心來吃的，還是乖乖打電話預訂吧。 羲和雅苑的片皮鴨很有看頭，與北京店一樣都用高溫紅外線磚爐烤鴨，把鴨掛在烤至50-60分鐘，烤鴨皮脆肉嫩。大廚更會在客人面前切片皮鴨，分成鴨胸皮、鴨胸肉及鴨腿肉。 平時吃北京烤鴨都是配搭著大葱、青瓜條和甜醬，由荷葉餅包裹著放到口中，而羲和雅苑的特色是除了有傳統吃法之外，還有配搭爆炸糖的新食法。根據羲和雅苑的建議，鴨胸皮（淨皮）沾上藍莓醬及爆炸糖，鴨胸肉（鴨皮及鴨肉）沾上芥末醬，而鴨腿肉（淨鴨肉）則用傳統的吃法 - 即沾上甜醬，一鴨三食。 配搭爆炸糖的食法相當特別的，把沾有爆炸糖的鴨片放到口中後爆炸糖霹靂啪嘞的響，口中火花四起，味道跟鴨胸皮意外的合拍，是個新奇的嘗試。而芥末醬也是羲和雅苑特意製作的，味道跟鴨片的配搭也不錯。雖説如此，嚐過幾個不同的食法後我還是喜歡沾上

見有新地方同鍾意食既片皮鴨即刻約朋友, 地方裝修唔錯,但檯同檯好迫, 張凳向後少少都撞到. 有1個侍應向先到的朋友講隻鴨要等45分鐘,問可唔可以上菜,朋友見我地已向途中所以就說可以. 但隔5分鐘後另1位侍應又問,我地講已要求上菜, 但不到10 分鐘, 鴨已出爐,我地好嘩然因為有1位朋友還未到, 那位侍應才講如已預早訂鴨就會好快上菜, 那45分鐘說法係耍我地嗎, 因要等齊朋友, 鴨好快就凍哂, 而再好食亦覺得食之無味, 加爆炸糖亦不覺太特別.口水雞落單已要求少辣, 但最後無人能食多過2件, 其他食物還好, 但奇怪既服務態度已大打折扣, 鴨要600元, 我地覺得大都及北京人家比呢度好太多, 真係試一次無回頭.

第一次寫食評，我的覺得價錢ok ,2個人食左七佰幾！view ok , 服務員因為大多都係新人，係到睇到太多負評仲諗緊去唔去食，但好彩有去唔好太大期望只為食鴨ok！我同朋友食得好開心又覺得幾好食，跟著個指示邊碟鴨點咩汁配，好好食！仲有個甜芋一定要食！個肉卷可以不試！獅子頭麻麻地。扒魚肚都好味！但係甜品可以加多啲新式甜點！好難book 位，booking 去到兩星期後，但片鴨師傅都幾好！我同朋友都會再去，未至於其他評價咁唔再去。

今次係特登過黎試新野 - 羲和雅苑先講環境先 , 環境一流👍👍👍被景色吸引了食飽後, 仲可以出去欣賞下風景 吹吹海風 呼吸下環境一讚👍然後, 講下食物啦 我點佐 招牌烤鴨和必點的小肉餅嘩 烤鴨 好正 有師父在旁即表演 原來呢度 既烤鴨好特別有3個部位食法 皮 胸 腿唔似出去食既片皮鴨 呢一點值得讚仲有佢地窩心的員工即時介紹食法服務讚其次 佢地仲不停幫我們加茶加水 辛苦啦🙏埋單先知道 冇收茶錢抵抵抵今次整個午飯都好滿意 我地仲會再來幫襯嫁

1. 室內設計差 - 收銀旁有個撞頭位，要不斷提客人小心，自己伙記都不斷撞頭，絕對可以報工傷2. 服務差 - 冇笑容，冇服務，唔熟自己餐牌有啲乜，叫又唔應，問又聽唔到佢講乜，經理都係咁3. 份量差 - 小份得驚人，包你唔餓死都嚇死。4. 食物質素差 - 搞噱頭嘢，又話爆炸糖又話要點咩醬，但隻鴨一啲都唔可以話好食，咁就收你六百幾蚊5. 流程差 - 一個套餐有半隻鴨，我哋人多加多半隻，佢哋竟然分兩次上菜，食完半隻，要等，再上另外半隻，超低能

其實原本冇諗住寫食評，但係希望大家唔好中伏。第一個問題：乜嘢都冇。我哋6點半入坐，已經有3樣嘢賣晒，menu本身已經唔多野揀，重要有3樣餸冇（重要唔係小菜，係主菜）。打電話確定訂位果陣又話除咗隻鴨，冇嘢都唔洗訂。第二個問題：分量少得可隣。我唔建議多過2位，最多4個人去食，除左一字骨同烤鴨，其他嘢食都係2人分量。第三個問題：唔係特別好食... 可能因爲報紙講到好hit，我期望幾高，所以失望都幾大。嘢食普普通通，冇乜驚喜。其實真心烤鴨係好食，皮脆肉嫩，肥瘦適中。獅子頭都好味，不過分量超少。總括嚟講：物不所值。

之前行過lcx,發現裝修完，好奇行到尾尾見到多左好多餐廳，有海景餐吃，今日見有5個人所以試吓中菜-獅子頭1人份量，加個飯仔，幾香口，2啖吃晒。唔油，肉有口感-燒鴨40日自家養既鴨有藍莓醬加跳跳糖可以伴鴨前胸進吃（爆炸糖），但傳統既我唔想試😂朋友話似藍莓味雪糕加上KFC嘅炸雞皮第二隻肉直接加芥末吃鴨前腿肉就可以加饃饃吃，但我呢個填皮鴨怪感得三樣都麻麻地-磨菇刺身有小小辣，好爽-蜜汁脆芋條好好味，甜而不滯-青梅一字骨唔係好吃到青梅味，但唔太甜幾入味-干扁四季豆好甜，份量細左少少-百年醬肉好香，有豆腐墊底，半肥瘦唔覺滯-蝦湯海皇泡飯好香好有味，之後有叫多兩碗，脆脆好好味-潮式蠔仔泡飯蠔仔中粒，不過唔多，有苦瓜有甘苦。但相對蝦湯泡飯差少少-小肉餅有4件同8件，個皮有啲硬，味道唔出，我自己唔多鐘意-酥皮酸辣湯我覺得中湯加酥皮既配搭怪怪的，但湯得半隻匙羹高，有點兒少得過份，但個湯夠酸夠辣，正正有啲姐姐好遊魂，問佢份量有幾大，佢話有大有細。我指住樣餸問多次，佢都係話有大有細，明顯唔熟悉情況。要多加訓練

被爆炸糖填鴨吸引來一試。一開始感覺良好，有房坐，有海景，menu 上的菜式亦吸引。點知好戲在後頭⋯先講服務－奇差！伙計無端端開我們的房門，又唔係上菜，一言不發就出咗去，當然亦冇關門，其他侍應亦好冇禮貌。大佬，你假假地都係間高級餐廳，服務質素同收費是背道而馳的。食物嘛，味道是可以的，但實在overpriced 得濟。先說signature dish 的烤鴨，一鴨三吃，最特別的是連爆炸糖一起吃，講真，兩樣野一啲都唔㚒，玩 gimmick 而矣！而一隻鴨上枱只得三小碟，感覺像前菜，$500一啲都唔值，還是北京樓的比較美味。其他菜式的份量亦相當小，細到有啲搞笑。究竟是中菜還是法國菜？!最恐怖的是甜品，要了一碗湯圓，sorry, 應該是一杯湯圓，因為是一隻茶杯大小內有三粒迷你丸子，救命!薑水值幾多錢？！老闆也賺得太盡了。

同屋企人試新野，見到廣告就諗住去試下。因為大家都好鍾意食片皮鴨。啲菜都幾特別，例如個青瓜球，酸酸辣辣幾開胃。個鴨真係幾好食!蝦球夠爽~like。整體價錢唔算太貴。講完食物講服務，作為1名客人對服務點都有啲要求。講真一般般!普遍都ok，但係個別比較差。希望有改善!ps.可能呢間野都知人手，服務唔得╮(╯▽╰)╭，所以都有幫我地免左個茶芥。btw，工作人員邊啲好邊啲差有眼睇。無謂個別成員拉低成間野既質素!我都從來5會寫食評，但都忍唔住要寫。

I had my dinner with friends on Wednesday night. Bad services were provided from the very beginning until I checked my bill. Rude attitude (a middle-age, short waiter without name tag) were served. Cold food were delivered. I could not believe I encountered such incredibly unsatisfying and disappointing services in ocean terminus Tsim Sha Tsui. The so called "manager" (previously mentioned in other comments here) explained to me as they are new and many staffs are part time and they are lack of

從來唔寫食評，但呢次既經驗令我不得不分享，以免更多人有不愉快嘅經驗。前LCX位置開咗幾間新餐廳，試過兩間日本菜，非常好，呢間中餐係好多報章雜誌Facebook 都有賣廣告，大讚佢嘅片皮鴨同裝修都好與眾不同，所以我都慕名而來，嘗試佢嘅商務午餐一打開餐牌，見到最平嘅午餐都＄125，呢個午餐價錢係尖沙咀黎講都算中上，同樓上嘅日本菜差不多價錢，但質素簡直差過一個＄30嘅飯盒午餐有一個前菜，一個主菜，我揀咗宮保雞丁，一個白飯，以及一個甜品1. 先講上菜次序，上完宮保雞丁，先上前菜，然後無啦啦攞碟花生上嚟，再要等我哋催左幾次先上個白飯2. 個宮保雞丁已經超級細碟，點知入面嘅雞仲少，一碟雞丁得兩三舊雞，其他全部都係蔥同辣椒3. 個前菜未食完， 就有侍應行埋黎問我地仲要唔要4. 個白飯啲米根本未煮熟5. 個甜品係楊枝甘露，個碗係人哋食日本菜用嚟裝蒸蛋嗰啲碗，但楊枝甘露得一半，隻匙羹仲要超級污糟，唔明點解一間咁新嘅餐廳啲食具都可以污糟成咁6. 所謂嘅總廚，出到嚟同我地講解個餐嘅時候，一行埋黎勁大浸煙味，真係不知所謂

$125 的午市商務套餐, 份量少得可憐之餘, 連白飯也未熟透, 完全不能接受. 餐廳的服務亦十分差, 作為海港城的其中一間餐廳, 位置亦十分偏僻, 只可以說一句： 「祝君好運! 」