222
26
35
港鐵尖沙咀/尖東站 L5 出口, 步行約7分鐘 繼續閱讀
電話號碼
21573128
開飯介紹
來自北京的人氣烤鴨店,餐廳環境舒適並擁維港海景。招牌烤鴨提供三種食法,分別是鴨胸皮配藍莓醬及爆炸糖、鴨胸肉配芥末醬及鴨腿肉配饃皮京葱等配料的傳統食法。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master 現金 銀聯
其他資料
Wi-Fi
酒精飲品
電話訂座
加一服務費
室外座位
食評 (332)
等級4 2019-01-19
103 瀏覽
曾經女朋友問我細個嘅時候最鍾意食咩,我即刻回想起小時候老母帶我返大陸食片皮鴨,因為好味又好玩,自己非常享受包裹既過程。估唔到今日女友就帶咗我去鼎鼎大名既羲和雅苑。入座嘅時候大約九點,但門口依然好多人排緊隊,可見餐廳嘅受歡迎程度。我哋坐係窗口位,成個維景一覽無遺。餐廳室內設計係不折不扣既中國風,不失高貴典雅,燈光非常充足。自己之前上YouTube睇謝霆鋒整鋒味獅子頭,今次終於有機會試到獅子頭。味道果然如YouTube片所講,肉質非常柔軟,亦非常多汁,下飯既話一流,所以餐廳亦會送上一細碗白飯。食緊獅子頭嘅同時,第二道菜已經上左,就係松露牛肉羹,湯羹晶瑩清澈,每一羮都見到松露嘅蹤影,松露既香的確抵擋唔住。牛油芝士焗大蝦總共有四隻,每一隻都肉質鮮甜,配上牛油芝士汁,更加滋味無比,真係想連汁都食埋。第四道菜係清梅一字骨,醬汁本身亦唔會太稠,豬肉本身亦唔會太肥,整體酸酸甜甜唔太膩。當師傅行過嚟嘅時候,我就知道主角係時候出場啦,係我期待已久嘅片皮鴨!首先職員送上一個八寶盒,裏面有青瓜絲、京蔥絲、甜面醬、洋蔥、山楂條、藍苺醬、爆炸糖同芥末醬。欣賞完師傅嘅刀工後,三款烤鴨就呈現係我面前,包括有鴨胸皮、鴨胸肉同鴨腿肉。首先鴨胸皮蘸上藍苺醬同爆炸糖,鴨皮本身非常酥脆,有入口即融嘅感覺。鴨片配上藍苺醬爆炸糖看似九唔搭八,但味道卻非常夾,爆炸糖喺口裏跳動嘅感覺亦非常有趣。至於鴨胸肉方面,職員建議蘸芥末醬,鴨胸肉非常嫩滑,蘸上芥末醬變得酸酸甜甜唔會太膩。最後鴨腿肉方面,除咗傳統方法:青瓜絲京蔥絲甜面醬加鴨餅,餐廳提供一個嶄新,比較西式嘅食法,就係洋蔥條加山楂條,兩款食法各有特色,但最重要嘅我終於可以重拾當年包裹既興奮心情。今餐最後一道菜就係百年醬肉配荷葉包,醬肉被切成簿片,荷葉包非常軟稔,將數片醬肉放係荷葉包中間,百年美味就此誕生。個人認為高質素嘅中菜比西餐更加難能可貴,所以就算價錢比較貴,我遲啲一定帶老母嚟食,重溫昔日一齊食片皮鴨嘅美好時光。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-17
2975 瀏覽
海港城有好多餐廳都有得睇靚景,一直都想試呢間嘅片皮鴨,就搵左一日約埋朋友去尖沙咀試下依間餐廳喇去到餐廳門口都幾多人等位,平日都要排隊,好彩我有book到枱過不過窗口位就坐唔到,有啲可惜。入到去見到有staff切緊招牌嘅烤鴨,相信每枱都一定會叫個鴨黎嘅時候會係我地面前切,上菜嘅時候碟底係會有野發熱幫啲鴨一路加熱,會出住煙~好適合打卡~而最吸引嘅就係佢跟埋嘅八寶盒,正常嘅片皮鴨只會有三至四種配料,但係呢個有好多唔同嘅醬好似藍莓醬、爆炸糖、特製芥茉醬等等,食落去嘅感覺係會有非常唔同嘅口感,而我自己最鍾意嘅就係佢嘅蜜糖芥茉醬,估唔到同鴨嘅味道會咁夾,爆炸糖放耐左會淋,所以要快手食。仲有叫左但沙律,個名只係普通嘅凱撒沙律,但係佢嘅配搭同埋醬料嘅混合都好特別,估唔到中菜嘅Cesar salad 都咁好食。之後叫咗個鹹蛋黃炸魷魚,鹹蛋黃汁配魷魚夠哂高膽固醇 好邪惡不過味道好正,用黎送酒岩哂然後個叫左份雞同埋羊架,兩樣嘅味道都唔錯,羊架嘅味道唔會好蘇同調味幾好,食落好惹味!雞嘅份量都算幾多下,多到兩個人食唔哂!最後仲有食甜品,叫左個楊枝甘露 60蚊用茶杯上,味道不錯,抵唔抵食就見人見志啦 總括來講餐廳嘅食物都唔錯,如果坐到有景嘅枱都可以一試 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-12
2236 瀏覽
又到年尾,完晒project,梗係要同一大班朋友慶功,話明係慶功宴,當然要搵一個比較有體面嘅地方,慢慢食慢慢傾,最近見網上有人推介海港城呢間京菜館,決定喺度豪食番次!剛剛點完菜,一個好有笑容嘅店員建議我哋出去睇吓景吹下海風,影吓相,服務好貼心啊!如果瓶片的話,相信景色會好靚!原來戶外都有卡位,秋天嚟食坐戶外位,一定係超級享受。不過依家冬天,寒風刺骨,都係坐返室內好啲。喺戶外影相10幾分鐘,一返到黎見到大部份菜式已經上齊,準備開動啦! 打頭陣嘅係馳名烤鴨,店員將全隻新鮮熱辣辣嘅烤鴨端出來,係我地面前一下一下咁將鴨皮同肉片出來,見到烤鴨冒著絲絲輕煙,真係流晒口水。店員逐一介紹不同部位的食法,首先係鴨胸皮,點藍莓醬和爆炸糖,鴨胸皮喺口中慢慢溶化,加上藍莓嘅甜味慢慢滲出,口味獨特,當爆炸糖都開始溶化時,口中噼噼啪啪的響着,係前所未有嘅口感,真係好欣賞廚師嘅創意。店員建議較多肉嘅部份點芥末醬食,自家調配嘅醬汁果然係唔同啲,滲透出一陣陣芥末籽香氣,又不太嗆鼻,加上有少少酸酸甜甜,食多幾件都唔覺得油膩。其他部份嘅鴨肉,就可以用餅皮包住,店員推薦一種西式食法,就係山楂條加青瓜絲,真係點都估唔到山楂條嘅酸甜果香會同鴨肉咁夾,我想這和野莓薄荷醬點鹿肉嘅原理差不多吧。跟住就係一大盤正宗水煮桂花魚!桂花魚味道10分鮮甜,爽口彈牙,而且廚師早已將魚片片開,淡淡都係肉,不用吐骨。水煮湯底有大量配菜,有薯粉和芽菜,食完成條魚之後仲有好多配菜可以食,芽菜針浸係充滿花椒香味嘅湯底,索晒汁好好食。 這是我全年食過最好食嘅口水雞!口水雞的精髓在於醬汁和雞肉的質地,這個醬汁10分濃郁,加入大量花生碎、麻醬、白芝麻、京蔥等等,味道層次豐富,每一夠嫩滑嘅雞件都被醬汁重重包圍,值得一讚。雖然人均消費一啲都唔低,但有180度無敵維港景色,加上高水準著名京菜,貴啲都值得。 繼續閱讀
(以上食評乃用戶個人意見 , 並不代表OpenRice之觀點。)
📍尖沙咀📍一味三食🆙✨北京片皮鴨🦆✨傳統食法VS新派🆕爆炸糖食法💥大比拼‼️‼️平時好少食中菜🙈難得放假,就book咗呢間,因為想試下佢哋獨有嘅爆炸糖食法🤣🤣因為係位於海港城嘅盡頭,餐廳可以望哂成個維港,仲有室外area⛱如果再涼少少就坐出去,吹下海風🌊今次就叫咗個二人餐,其實我覺得係夠2-3人食,有哂前菜主菜甜品😍前菜就係磯煮鮑魚,真係好鮮味🤓🤓湯就係黃扒魚肚,個魚肚超淋,湯係用日本有機南瓜同本地南瓜加雞湯煮,唔怪得咁入味🤤之後再嚟芝士牛油焗大蝦🍤啲蝦好大隻下,又好重芝士味😎😎肉末脆黃瓜🥒我真係食咗好多,因為炒得入味之餘,又辣辣哋,好惹味😚張氏獅子頭就好濃味,所以就有一小碗白飯,俾您一啖獅子頭一啖飯,平衡一下☺️食完無耐,主菜嚟啦😍❤️大廚會出嚟係您面前將鴨胸皮、鴨胸肉同鴨腿肉三個部位,切片後再放係發熱盤保溫🔥保證keep住熱辣辣😆傳統食法就係青瓜、京葱、紅洋葱、山楂條♥️伴住甜麵醬再包住嚟食😎😎但係我最有興趣就係個新派食法🤩💥爆炸糖💥同藍莓醬配片皮鴨🦆食落甜甜哋😆或者蘸黃芥末都幾唔錯🤓🤓仲有個XO醬稻庭麵,炒得好入味🤤🤤最尾上埋一個好精緻嘅甜品🥣不過要預早叫定,因為要等15分鐘⏱燕窩紫薯蒸蛋白🤤夠哂滋補養顔🤣上面仲有金箔✨整體上成個用餐感覺都好好❤️由環境到食物同服務💯啲staff都好有心機講介紹食法😍會再去💓 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-18
12758 瀏覽
耷耷眼時常話我眼大,前面有舊屎都睇唔到,我睇唔到啫,但又踩唔到,佢眼細,乜都睇到,睇到不合意,就唔開心。餐牌相又係靚,室内設計以中國典雅及簡潔風,配合北京菜風味;白牆,黑木條,想起吳冠中雙燕,但配新穎枱椅,又有不同看法。未埋位我就發現匙花,即鋼水差(但六公館,遠望都令立立,可照鏡),最弊是茶壼,玻璃咖啡壼,完全破壞整體環境,放一大包普洱茶,好快深,$20位茶,茶葉不需要多,要香滑。食物賣相都無失望,盛載器皿,日本式,不過不失(六公館有自家美學)。桂花蜜山藥$48,爽,少黏液,桂花香味小。黑醋雲耳$48,红辣椒粒,酸辣蒜,初初無問題,量都大,因其他食物都有醋,所以食到一半,就會過酸辣,頂唔住,用水沖淡。獅子球$48,網球大小,無肥肉,嫩到溶,做得算錯,要熟又不鞋,考工夫,有醋味,但不酸,有味又不太咸,配小碗白飯,絕對對。炸醬麵$78,豬肉炸乾在黑麵醬内(咸),辣油(好辣,少少就夠,香),醋,大豆(?無味,吾知點解放,北京?),大白菜,白蘿蔔絲(染淺粉),芽菜,青瓜絲,白麵條~淋身,無特別麵香,係食醬。青梅一字骨$138,大件糖醋骨,青梅得2點,唔講都唔知,即糖醋骨,大大件,醋味濃,有嚼勁,起碼不會淋,但夜上海質素好些。因為叫食物都又辣又酸,攪到條脷,似隻狗,條脷係咁伸。看食評,午市有套餐$128,現在無,真唔抵,送現金券。 繼續閱讀
(以上食評乃用戶個人意見 , 並不代表OpenRice之觀點。)