群記牛肉圓豬手

營業中

休息中

聽人講過下,去開聯和墟又試下law ..招呼無o也.. 坐低等你叫.. 當然係試牛丸啦..又點埋辣椒醬.好爽口細細粒加埋辣椒醬正到爆..腐皮卷都好好味...真係得豬手同牛丸別無其他選擇, 不過呢八掛問d 亞姐夜晚賣到幾點..都好把閉賣晒就收檔平日6點就收檔..假期仲早4,5 點唔定...無冷氣夏天就咪搞...加陣涼涼地不妨去下

群記o既辣椒油可以講係我吃過之中最好味的~它不只辣咁簡單,重好好味添~點解我咁講呢,因為呢種辣椒油不是一般店子的"多油少渣", 宜係"渣多油少",呢d渣其實係蒜蓉+江瑤柱等物煮成的...所以喜歡蒜頭味的朋友一定好鍾意群記辣椒油,相反受不了蒜頭的朋友就會怕怕囉~這裏的牛丸是自家手打的,雖然細細粒,但好咬口...最佳吃法是:先夾起牛丸放在辣椒油裏碌一碌,再咬一半牛丸,慢慢咀嚼,另一半牛丸即放回辣椒油的小碟中,又碌一碌,done!呢度o既生牛丸和辣椒油都可以買走的,段所秤,不過都好貴買,也不是時時也可以買到....當店子不夠牛丸用或辣椒油未夠時間發酵,他們一概也不賣.我都試過買過d辣椒油回家吃,閒時食即食麪時,挑一兩匙下去,真係快活過神仙!

小弟住係粉嶺都有幾年,呢間都去過十次八次,d牛丸就一般,話說上個禮拜同囝囝行街,又冇胃口食飯,見佢啱啱開門,點知老闆娘叫我10分鐘後再黎,但出面30幾度,仲要抱住個仔,於是死都唔走(睇下佢地點整都好)佢地先將d米粉用滾水汆水,然後放係枱到整鬆佢,順便睇下有冇d一嚿嚿既米粉唔要,再等佢涼d用(唔知d枱乾唔乾淨)講真我對佢d牛丸感覺一般,以前係土瓜灣美景街見人親手整個d就一流,豬手就唔錯la,爽口彈牙,如果肉小皮多就仲正,牛肉卷從未試過,不願置評,但係辣椒醬我就次次都厚顏無恥自己走去攞多碟食~~~~~~~hehe不過d米粉仲係鞋口d,可唔可以轉d滑小小貨(不過已經比德發好得多)老闆娘下次比多小小笑容喇,唔好成日黑口黑臉.......

由細食到大, 都冇裝過一部冷氣機, 有的只是現在沒幾多個人用的吊風扇. 大熱天時三十幾度, 個個食到汗流浹背, 你都咪話. 但唔好意思, 都要等位. 有人幾乎個個weekend 由赤柱去粉嶺食豬手, 個個就係我舅父. 講到好似好誇張咁, 但事實是這樣. 食晏時間去人多到不禁說一句:"嘩, 有冇咁誇張呀?" 最好三點後去, 但可能有d野賣哂, 尤其是炸卷. 佢地五點鍾就可以收工, 又經常休息唔使開鋪, 我都想有間咁既鋪頭^o^.食物水準shadowmoon君已介紹過, 不用再多講. 一碗大丸米加一碗大淨手已經好滿足, 人多可以叫埋炸卷. 唔夠喉可以叫個豬手外買留番夜晚做餸; 這個就是我^_*.唔...諗起都想即刻去食. enjoy .

其他野唔食唔緊要千祈唔好錯過辣椒醬簡直錦上添花!!

粉嶺o既聯和墟真係好多好o野食, 淨係一條聯昌街就有"爵士拉麵", "山東餃子店", 同埋呢間"群記".呢間舖係o係"爵士拉麵" o既斜對面, 環境又舊又地茂, 但係就好似"澳洲牛奶公司" 咁旺場, 時時都坐無虛席. 原來呢間o野o係「食神」梁文韜o既飲食指南介紹過, 仲推介佢地o既鎮店四寶: 牛丸, 豬手, 家鄉炸卷, 同埋辣椒醬, 所以我今晚就慕名而來, 一次過試齊晒佢地!我就由最好食o個樣講起先啦:家鄉炸卷($18 兩條) - 係炸腐皮牛肉卷. 腐皮炸得夠鬆脆, 牛肉餡係粗身o既免治牛肉同冬菜, 所以好有咬口, 相當煙韌, 比酒樓o既山竹牛肉好食得多! 我覺得點浙醋o黎食會奪晒牛肉o既鮮味, 就咁一片片啖啖肉已經好好味! ^_^淨豬手(細碗; $17) - 豬手唔係南乳, 而係鹵水. 即使係細碗o既份量都幾驚人, 足夠一位男士享用. 豬手o既鹵水味唔算太強, 似白圾多o的. o的豬手好大件, 但件件都好多肉, 皮夠爽, 肉唔會太淋, 點辣椒醬o黎食就最o岩!淨牛丸(細碗; $15) - 一碗有七粒, 但屬於細粒個種. 牛丸o既質地較軟, 雖然係好爽口, 但質素就較為一般, 牛丸始