影片
更多
2004-02-27
20 瀏覽
粉嶺o既聯和墟真係好多好o野食, 淨係一條聯昌街就有"爵士拉麵", "山東餃子店", 同埋呢間"群記".呢間舖係o係"爵士拉麵" o既斜對面, 環境又舊又地茂, 但係就好似"澳洲牛奶公司" 咁旺場, 時時都坐無虛席. 原來呢間o野o係「食神」梁文韜o既飲食指南介紹過, 仲推介佢地o既鎮店四寶: 牛丸, 豬手, 家鄉炸卷, 同埋辣椒醬, 所以我今晚就慕名而來, 一次過試齊晒佢地!我就由最好食o個樣講起先啦:家鄉炸卷($18 兩條) - 係炸腐皮牛肉卷. 腐皮炸得夠鬆脆, 牛肉餡係粗身o既免治牛肉同冬菜, 所以好有咬口, 相當煙韌, 比酒樓o既山竹牛肉好食得多! 我覺得點浙醋o黎食會奪晒牛肉o既鮮味, 就咁一片片啖啖肉已經好好味! ^_^淨豬手(細碗; $17) - 豬手唔係南乳, 而係鹵水. 即使係細碗o既份量都幾驚人, 足夠一位男士享用. 豬手o既鹵水味唔算太強, 似白圾多o的. o的豬手好大件, 但件件都好多肉, 皮夠爽, 肉唔會太淋, 點辣椒醬o黎食就最o岩!淨牛丸(細碗; $15) - 一碗有七粒, 但屬於細粒個種. 牛丸o既質地較軟, 雖然係好爽口, 但質素就較為一般, 牛丸始
呢間舖係o係"爵士拉麵" o既斜對面, 環境又舊又地茂, 但係就好似"澳洲牛奶公司" 咁旺場, 時時都坐無虛席. 原來呢間o野o係「食神」梁文韜o既飲食指南介紹過, 仲推介佢地o既鎮店四寶: 牛丸, 豬手, 家鄉炸卷, 同埋辣椒醬, 所以我今晚就慕名而來, 一次過試齊晒佢地!
我就由最好食o個樣講起先啦:
家鄉炸卷($18 兩條) - 係炸腐皮牛肉卷. 腐皮炸得夠鬆脆, 牛肉餡係粗身o既免治牛肉同冬菜, 所以好有咬口, 相當煙韌, 比酒樓o既山竹牛肉好食得多! 我覺得點浙醋o黎食會奪晒牛肉o既鮮味, 就咁一片片啖啖肉已經好好味! ^_^
淨豬手(細碗; $17) - 豬手唔係南乳, 而係鹵水. 即使係細碗o既份量都幾驚人, 足夠一位男士享用. 豬手o既鹵水味唔算太強, 似白圾多o的. o的豬手好大件, 但件件都好多肉, 皮夠爽, 肉唔會太淋, 點辣椒醬o黎食就最o岩!
淨牛丸(細碗; $15) - 一碗有七粒, 但屬於細粒個種. 牛丸o既質地較軟, 雖然係好爽口, 但質素就較為一般, 牛丸始終係海防道"德發" o既大大粒山竹牛肉式牛丸最好味.
豬手同牛丸o既湯好重"師傅", 少飲為妙.
呢度o既辣椒醬係自家製. 正如韜哥所講, 味道相當之好, 但就好"京" 貴, 每人只係得一小碟o黎點o野食, 仲不設外賣, 實在有o的可惜.
聽到隔離檯o既幾個食客係專登由市區入o黎呢度食o既, 都咪話唔誇張. o黎食開"爵士" 或者"山東" o既食家, 記住留番小小肚o黎呢度食家鄉炸卷啦.
張貼