依度食過一次午餐,水準都唔錯,事隔二年多再來食晚餐,咁搵到少少咪可以食貴少少囉,最貴由一千五百至一千九百,就選擇左最貴既1900元未計加一既OMAKASE,這個價錢都係目前常見既價錢,有啲再貴就唔講住啦, 冬天都會食左口魚,食落幾肥,有甜味,有少少入口溶化感覺,很不錯,雖然唔係我目前食過最好,但都有水準. 鰤魚同樣冬天必食,我會覺得鰤魚比鮪魚更吸引,個皮燒過帶脆口,肉質夠肥,食此味都係厚切係王道,真係好似食燒肉咁,都唔錯,不過左口魚吸引少少 鮟鱇魚肝同皮剝,前者經過慢煮,仲要切成午餐肉咁厚,正常都會開心,很嫩滑質感,但味道偏淡,驚喜不及前二晚係鮨魂用蘿蔔夾住,皮剝既肝撈埋啲肉,其實都唔係食得出有咩味道,整體上二者都可以做得更好. 拖羅都係肥美,個醬酸酸地都幾好,美味但唔會有驚喜一品. 鰹魚,都新鮮,依一味都容易腥都爆,外表都會燒過,係有少少香味,不用沾醬汁會比較好 香箱蟹,今年第二次食,份量還好啦. 熟食有蠔同龍蝦,後者冇乜特別之處,普通,前者蠔配上柿都幾夾.一件蠔配上一件柿可以中和返個味,
依二個熟食既擺飾都幾好,但如果四百蚊之差係只多這二款而刺身壽司都相同,就唔係太抵, 鯖魚都新鮮,飯粒唔會太濕,這裏的飯都幾好. 銀鱈魚沒有特別,寧願給一件貝類 車海老,我很喜歡食,因為熟多過生,有甜味, 三文魚配上白子撈埋白飯,但個人感為比較浪費了白子,突出唔到,係全晚比較差 蟹肉蟹膏就夠甜 海膽配上用米製成既塩,少少咸配上海膽甜味,不錯,同埋海膽比既份量都幾多,雖然唔係夏天食,但都好食 這一餐晚飯很好的體驗,以1900元就有少少貴,有唔少都不錯,除左一,二道有點失望.我會喜歡握多二件壽司比起一碗一碗咁上,覺得廚師都要注意食客既反應,下次還未知去邊間食,

原來自己都有五年冇係OPENRICE寫過食評,咁唔寫唔代表平時唔外出食飯,所以今日開始間唔中更新一下啦,這處開左未夠半年,而自己都食左十次八次午餐,一直未食過晚餐,踏入2018年最後三日,決定黎食一次,冬天食壽司可以食到好多脂肪重既魚類,所以我都喜歡係依個時間食啦,而係大埔不及元朗或者九龍,港島咁出名,但都係處於開發緊,所以這裏係第一間貴價既壽司.
午餐300,450元選擇,晚餐800,1000,1300元三個選擇,,晚餐食的就係最貴一千三百,現在食貴少少都千五元起跳.這裏係刺身熟食壽司輪流上,不是先比刺身酒肴,之後再上壽司這個模式. 先付比啲清淡少少既食物,不過我係日本食壽司,第一味就係比海膽三文魚! 第二道就奉上北海道產蠔,大隻又夠肥美,一啖差啲食唔哂,食落冇腥味,質素很不錯,就算係日本食蠔都有唔少好腥呀第二道尾長鯛刺身,師傅將山葵早早放魚肉上面,唔洗自己去處理,係細心~薄切適中,唔會咬唔開,山葵係新鮮磨,不過食貴價壽司店邊有可能唔係原條山葵去磨?食鯛魚刺身都係薄切,不過係日本有啲地方都會厚切. 冬天就係會諗起白子,而食得最多一定係鱈魚白子,同樣香港都常見,酢,燒,鐵板燒,天婦羅既做法都食過,今晚食的就最燒,要趁熱食,滑溜既質感,非常正,除了鱈魚,油甘魚,鯛魚, 三文魚等都會有,但可遇不可求,有幸的我都食過,這裏比既份量都算多,起碼二,三啖先食完. 食完白子就接著第一件壽司,比左一件針魚(サヨリ),十二月開始有得食,去到三,四月都會見到,這裏用酢飯唔會過咸,又不會太濕. 鰤,即係油甘魚,冬天一定要食鰤(ブリ),佢既油脂可比鮪,燒過之後食落口油份滲透出黎,入口即溶,這種質素唔可以係放題之類搵到,如果佢係壽司形式上我更喜歡. 香箱蟹香港係比較貴既日本餐廳都會食到,當然也可以在食開既地方叫佢專訂都可以,前排係大埔街市都有魚販賣,食香箱蟹當然要食蟹子啦,這裏幫你拆哂肉,膏,蟹子,配上蟹啫喱. 蒸蛋,唔係放蟹柳嫁!裏面放左鮑魚 又變返壽司,梭子魚（カマス）,食開都係以燒為主,這裏都燒左層皮,魚則半熟狀 食完壽司又變返刺身,雖說刺身,但都會有去調味,加啲醬汁,令到突出味道,食落冇咁悶,牡丹蝦配上蛋黃醬,幾甜但唔膩我一向喜歡熟蝦多於生食,食完件蝦仲有少許汁剩餘就唔好浪費,叫師傅比一口飯,等我撈埋佢, 白子同鮟鱇魚肝我覺得係要一齊,好似一對拍檔,又或者一對情侶存在,魚肝係自己處理,唔同平常直接交貨,配上蘿白去中和返油膩味,當然同樣肥美啦,二件已經滿足. 由鮟鱇魚肝開始就正式爆肥路程,先來一件紫菜紫穌葉夾拖羅刺身,入口即溶,爽爆,紫穌葉中和返.之後就到赤身,我係喜歡赤身多於拖羅,赤身味道係濃,同埋醬油漬既時間好影響件赤身.食完赤身又再黎拖羅壽司,冇乜特別,但壽司店都會安排赤身.拖羅壽司差在幾多連發,不過我係日本都食過夜餐係冇鮪魚,拖羅壽司之後又係拖羅,但今次炭燒拖羅,做一個生菜包既方法一齊食.比起剛才既拖羅刺身及壽司更吸引,非常好食,食到這一刻都飽左九成,因為飲了清酒兼咁重口味會快飽. 海膽用北海道塩水海膽,都甜既,但唔係夏天,未去到最佳狀態,穴子個醬有啲甜.我勁喜歡食玉子燒,這裏中午同晚上比既玉子係唔同,晚上係會比蛋糕形式,中午就會比常見厚燒玉子,唔會過濕,幾好幾好. 最後仲有甜品同生果,真係好飽下,同場仲有其他客請飲酒,開心食飯又唔洗睇人面色啦,食左三個小時非常暢快,接下來間唔中會寫下,旁邊開了一間叫澄既壽司店,找天會食晚餐,因為晚餐係見真章既事候.

是晚與三名食友一齊來到美麗華商場旁邊的Grappa's Kimberley試食,位置非常顯眼,由地鐵站走過來都係約五分鐘,場內寬闊,約會或者一眾朋友飯局也能適合.這一次是自由選擇菜式,不會局限某些菜式,更能試得出餐廳的水準.這些選擇交由食友們去決定,始終比我更熟識

麵包不是熱燙,不過吃落就有軟身,配上黑醋是基本組合.羊奶芝士香梨沙律,如果羊奶芝士和其他配料好像格格不入,或許是芝士比較偏少,味道上沒有令到提升,但香梨甜美還可以的第二道菜式選了炸蟹餅,有著2件份量,炸得不油膩,吃落充滿不少蟹肉,比起沙津有驚喜,雖然有醬汁去伴食,但不添加都可以一枝獨秀.Gnocchi這個我就第一次,吃落有點腍身,不過勝在香濃的忌廉令到味道不錯,下次去其他意式菜館看下有冇此菜式.主菜之一燴牛面頰配意式粟米軟膏,牛面頰很腍,看樣子似薯蓉,吃落有粟米粒感覺的粟米軟膏都幾特別.有新鮮感,值得一吃.巴拿馬薄餅薄底做得不錯,雅枝竹就比較奇怪,主要是對味道沒有幫助,沒有它,靠火腿和芝士已經足夠,黑松露菌意大利飯配芝士薄脆,怎能不吃飯,有黑松露的香味,飯粒如果硬身會更好,不過本地的愛吃軟,不止於飯,麵也是. 
 
 
Tiramisu同樣是這店的推介,不計成本都要把挺身之餘,因為平常平價的只用魚膠粉去做,這裏就不斷用上芝士,酒味不濃厚,不致於被芝士味蓋過,

價錢上都合理,在者位尖沙咀,怪不得全店滿座,

最後結帳只係每人二百六十元,這個數已經包括請壽星女以及蛋糕費用,千鍋居只聽名字大約會估了是以火鍋為主,這裏有半數以前都以鍋物為主,當中以包火鍋,麻辣雞鍋等.當中有菜式由食友訂好,店內寬闊,餐桌之間保留一段距離,

清湯牛腩
食友所訂的菜式之一,一鍋其實份量頗少,如三,四人享用就會剛好,是晚九人只能分到一件左右份量,炆得幾腍,牛味略欠,當然比起在牛記茶室結束為好,蘿蔔同樣夠軟身,但不夠入味,水準只屬一般,下次來大可不吃.九製豬手
豬手吃落甜味非常,炆得和牛腩夠腍,用底部的汁撈麵和飯是一流,相比牛腩,這一鍋好吃得多.胡椒豬肚雞鍋
胡椒用的份量可以多番少許,不過都蓋過那陣腥味,水準都只屬一般田雞煲
小弟的家人都很愛食田雞,當然自己也是!田雞份量很多,每隻夠肥美,肉質也夠嫩,還有滲出薑蔥味道,斬田雞要手起刀落,一刀切,以前曾經買田雞,檔主居然冇氣力把田雞脫皮,那時候看到突眼.花蛤蒸蛋
蛋蒸很滑溜,雖然家中能
夠做出這種水準,但出來吃都有可能吃到蒸得過老的蛋,反觀這碟份量頗多,當然你可以說蛋值幾錢,嫌花甲比較悶,餐牌內還有一款魚蒸蛋,但記不起採用什麼魚一鉢碌鵝,醬油滲入了鵝肉,而鵝肉很肥而又唔靭,幾好食,但價錢不便宜,差不多四百六十元一隻,最後一道菜就係川椒桂魚,將魚起肉,放落辣椒等,吃落還有帶點麻辣,辣味程度絕對是香港人口味,不過魚肉嫩滑,只需將麻辣勁少許會更好吃.壽星女的生日蛋糕,店方很好服務,又幫切蛋糕,又興起唱生日歌XD,是晚真係太開心了.下次再來要食雞煲!

相信近期食日本菜最昂貴一餐必數這處,
其實自己真係沒有留意,或者這餐廳名稱很有港式味道,再者會被人誤會在葵芳那店是分店之類,這裏叫大葉日本料理,由香港人夫妻打理一切,若不是由食友介紹不會認識這裏,只要開價吃幾多錢,他們會控制這個價錢內,是晚每人六百元,只要聽這個價就會覺得貴,但吃日本菜要一分錢一分貨.第一道係沙津,用上日本蜜瓜!?我也不知道也可以像啫喱般透明,甜味非常,幾好!

芝士魚蛋
必需熱吃之物,魚蛋內裏芝士呈現流心狀態,也可以當它是流沙包看待,但吃得不夠痛快,刺身只是新鮮,味道不會差得哪裏,這一點我不太認,但切得好不好令到咬落質感,美觀很大影響,處理不當,令血水還在,必定腥味十足,還有擺放在碟上也有技巧,送上了連子鯛,左口魚邊,油甘魚腩,帶子,赤蝦,鰯.鰯魚即是沙甸魚,春天至入夏都是旬期,還記在唐津食得不錯鰯刺身,這裏處理都不錯,沒有腥味,帶子來得肥美鮮甜,自己比較愛吃熟,.赤蝦肥美,不過食蝦時期將過,還是留待十月份後再吃都未遲.

三文魚鮫
燒三文魚勝在夠肥美,油份滲出來,用來送酒不錯選擇.整晚令我最驚喜一定是天婦羅,用針魚,南瓜,五郎島金時,針魚用來做天婦羅我吃過不少,主要卷埋一齊炸,燒和炸不弱過刺身,那層皮也可以用來燒.炸得夠乾身,以不是專做天婦羅佢質素已經有番一定水準.吃完天婦羅還有燒飯團,剛才三文魚燒得不錯,相信飯團都不會差得遠,外面夠脆而內裏也夠乾身,水準比不少串燒店更好食最後甜品有二款,第一款係紅豆奶凍,是自家制,奶味不重,可以紅豆去搭救,雪糕同樣自家製,其中有一款麥皮乾果雪糕,我都係第一次吃,雖然六百元一人屬比較貴,但食材用得不錯,煮出來水準都有一定,如果在擺飾做得更會再好,創作和食誰說不好,在日本也有不少餐廳都是創作和食!

BUFFET雖然我較少接觸的一類,但近來都吃都算頻密,
不論放題,酒店自助餐等,在2-3個月才在隆堡國際酒店集團旗下的咖啡亭嘆了一餐值得一試的自助餐,近來在西環隆堡滿景酒店內glo restaurant + lounge推出了2小時內任食湯類,沙津,飯麵,主菜,甜品等.只係每位338.每一個月都轉一次餐牌,如不選擇任食也可以單點.
自己最喜愛就是燒蕃茄甜波椒湯,帶
有蕃茄味,中間夾雜了一點辣
味愛吃蠔可以選擇蔬菜濃湯伴日本鮮蠔,蠔來得夠肥美,一碗也有2-3隻份量,
燒蕃茄甜波椒湯生紅菜頭片和發達芝士沙律
紅菜頭是有益之物,可以用來榨汁.只要能接受它的特殊味道,紅菜頭薄切,吃落都爽,如果芝士再多少少更好~!
時蘿, 紅椒和檸檬腌三文魚伴柑橘法式酸奶油
三文魚是香港最愛魚類之一,肥美總吸引不少人,奶油配上三文魚味道不會過酸辣肉腸, 茄子炒天使麵
用上肉腸茄子辣椒等炒天使麵.天使麵煮得不爛,吃落帶硬身.配上辣味,不錯.
海蝦菠菜意大利飯
這個意大利飯內有咸蛋以及粟米在內,帶有咸味,
只可惜飯粒偏軟身,可以做回硬身會更好吃
意大利雲吞釀火腿和火雞肉
雲吞皮偏硬,但幸有茄蕃搭救了不少,郤可以做得偏身一
點帶子西蘭花長通粉
莫尼醬和帕馬臣芝士做成的汁令到質感很濃稠,吃落充滿芝士味道.非常適合愛芝士的食客.香煎吞拿魚
煎吞拿魚我真係第一次吃,將四邊煎熟,其造熟就好像日本壽司店,會將吞拿魚被熱水燙熟外層一樣,外邊就帶脆,內裏還是粉紅色,又沒有腥味已經是合格了,
香煎牛仔骨用黑椒去煎是正常又安全做法,煎得還嫩滑,我可以獨自吃足二碟,油浸挪威三文魚
如果嫌三文魚沙津太少份量,相信主菜的份
 
 
量絕對適合你.我想說三文魚厚切在香港是王道.吃落
帶油脂,嫩滑而不粗糙~海鮮高湯浸龍脷柳芥末迷迭香燒羊架
全晚我最喜歡一道菜,第一不會煎得偏生,內裏鮮紅色 羊羶味不強,單叫也要168元!所以任食吃多2碟也會回本!
黑松露薯蓉甜品
一共試了四款,其中海鹽朱古力需要單叫付錢的,但最好吃同樣是它,芝士蛋糕士多啤梨餡餅以及朱古力條則可以任食,芝士蛋糕軟熟,芝士味道濃,好食過不少地方,士多啤梨餡餅餅底有點硬身,只屬一般,朱古力條滑溜,朱古力味道濃厚,分有三層夾在一起 
 
 
 
 
海鹽朱古力
朱古力偏硬,但吃落鹽味十足,配朱古力很夾,份量細小但水準不錯,有點想回到六本木吃朱古力.每款吃少許都十分飽肚.想飲酒的話可以加98元來2小時無限任飲酒.計起來都抵.記得每月餐牌都不同,不會吃得悶!

一壽司就會聯想黑夜壽司,因為有半價優惠,有不少人為了這個優惠早在店外排隊,近來開設放題店,食友評價也不錯.終於找了一晚來到這處吃飯,選擇地點就係遙遠的將軍澳.夏日炎熱最好吃一點令開胃前菜,想不到迴轉壽司有供應海葡萄,有點驚訝,只怪自己有段間沒有接觸過迴轉壽司所給的海葡萄都頗多,最重要那杯醋令到沙津味道提升.這款自己選得不錯.

海膽雞軟骨

家庭成員當中我哥總會叫雞軟骨一客,不過是晚由另一位食友去點這客雞軟骨,吃落脆口,雖然有點油,但不太影響,海膽蟹籽魷魚刺身

一客不需要四十元,自已覺得全晚最抵食就是這款,魷魚切得頗多,海膽份量都有一匙,魷魚海膽本是情侶,放在一起才變得登對.海膽沒有什麼腥味,對於迴轉壽司質素已經合格有剩.之後再多一客,秘制汁火灸玉子

愛食蛋的我怎能沒有玉子製品?一客3件的火灸玉子,厚切當然是王道,吃落帶甜,暖身狀態還是最好吃,已經滿足了我這個愛蛋之人,是值得一吃.

三文魚,左口魚邊,秋刀魚

吃完前菜小吃怎能無刺身壽司?以下都是由食友們選擇,三文魚基本是香港壽司店會有的魚類,在高級壽司店我的確不吃養殖三文魚,不過這晚始終係迴轉壽司店,都會吃二件嚐試下,三文魚是灸燒,多年前接觸三文魚,覺得燒的美味程度大過生吃,因為會溶化.

辣汁三文魚,磯煮帆立貝軍艦三文魚,甜蝦以及油甘魚刺身,

刺身甜蝦是一壽司的強項,食友們很愛吃甜蝦,更有人可以在一壽司放題店連吃四十隻,自己只怪腸胃沒有能力應該,吃落都幾鮮味,收54元一客都可以的.

油甘魚與鱆紅魚法蓮草帆立貝配芒果汁

法蓮草即係菠菜,芒果汁是新鮮渣出來,個汁倒是和帆立貝,法蓮草幾夾,很甜都幾開胃,如果早少許放上桌會更,還放不少海膽,愛吃海膽也會叫抵.沙甸魚丸子磯邊揚

丸子其實都幾似在街邊所賣的章魚小丸子,內裏是由沙甸魚肉為主,咬落幾確認受到沙甸肉存在,沙甸魚這種魚旬期係約4-5月,二年前在九洲吃過很不錯的沙甸魚,這碟真有趣.創意不錯,味道也能兼顧

自己都吃不到太多東西,其剩的由食友們代勞,餐桌上鋪滿了各式料理,想下幾錢結帳,都只不過每人三百五十元左右,有不少食物都再叫,這一餐都有驚喜,下次會往其他分店嚐試一下它的宵夜壽司.

這晚由隆堡麗景酒店方面邀請來到位於1樓大堂的咖啡亭,
品嚐該處的自助餐,三,四月份會以泰越,海鮮為主題,餐廳環境麻雀雖小,但五藏俱全,在甜品櫃看見到用來提升西瓜菠蘿味道的梅子粉也有供應,這種調味料不常見,不要說自助餐,就連酒樓等都不一定有,對上次見到已經在皇仁書院那一餐飯,這處還有新鮮生蠔供應,每人可以每次限取三隻,有專人幫手開蠔,這晚的生蠔來自澳洲,美國以及西非,由最淡味的美國蠔,接著就是澳洲,西非就最為濃,自己吃蠔,同品種會第一隻不添加任何調味,第二,三隻先開始配其他.但在這個衛生問題,自助餐還有蠔供應已經愈來愈少,令我最驚訝莫過於蟹腳,想不到可以吃到巨型蟹腳,還可以無限地去自取,自助餐供應這樣子的蟹腳,倒是第一次見到,需要用上剪刀處理蟹殼,吃落沒有什麼雪味,試想想又可以大啖大啖吃蟹腳,爽到極點,香煎鵝肝

除了蟹腳還有鵝肝供應,,鵝肝的油份滲入口腔內,很邪惡但很美味,多士薄身一點會效果更佳阿拉斯加長腳蟹,,小龍蝦,翡翠螺,青口,烚蝦等海鮮,還有生蠔供應,滿足了愛吃海鮮以及吃到回本的顧客,自己不禁吃了不少蟹腳泰越為主題,自然前菜,頭盤以及熟食等統統變成泰國越南菜式,芭提雅菠籮雞肉沙津,雞肉嫩滑,菠蘿不會因為天然酸味令人郤步,反觀更令人開胃,二三下已經給顧客清碟

這個沙津是根據樓上的AVA參考而成,表面以蟹肉蓉,中層底部就以牛油果,木瓜,每隔一段時間都會變上不同水果,除此之外還有泰式生牛肉,泰式鳳瓜選擇,水準同樣出色,生牛肉鮮紅色,帶有辣度和蒜蓉包相隔一段距離都感受那份香味,吃落脆而乾身,配上黃咖喱也是適合,這一客水準絕對比不少西餐廳為佳泰式黃咖喱海鮮麵包

其中一個主菜.黃咖喱辣度是人人可以接受,帶有椰奶味道,這一刻真想配一碗白飯.冬蔭醬烤比目魚

全晚最為美味一道菜,比目魚中間極之嫩滑,沒有什麼腥味,生吃比目魚多會爽口,可以配上少許辣的冬蔭醬,但不配也非常美味.雖然甜品櫃種類不及其他自助餐,但最少有馬卡龍提供,是晚有榛子,檸檬以及朱古力味.,木糠布甸,奶凍等供應,還有泰式椰汁糕,芒果椰汁糯米飯,泰式甜品供應.

可惜自己食量頗小,每樣吃一點差不多飽肚,不過少吃多滋味,水準也是比預期中好,海鮮已經令人吸引死人

大家會否覺得用木盒去裝魚類貝類感覺很高級,某程度的確是,
以前在香港我沒有怎樣見過,二星那間壽司店當然還未光顧,想不到在ともえ鮨見到,不過用木盒不一定弄出來刺身壽司會優質,還要看師傅手勢,刀法,怎樣去將魚醃等等,在日本就較係常見.開業其實不久,是日有空就想過來試下手勢,定食由90至280不等,因為都有一段時間沒有吃過刺身關係,就想吃一客魚生飯,魚生飯只是二百元,定食還包括了茶碗蒸,天婦羅,烏冬.聽起來都幾抵,魚生飯內有平目,蝦,三文魚,八瓜魚,拖羅等,這個價錢有拖羅吃不是吸引不少香港人嗎?小弟其實喜歡吃過赤身,因為真係考師傅功力,因為漬那一下很重要,魚都新鮮,三文魚子咸鮮味十足,拖羅充滿油脂,赤貝帶爽口,都算合格有剩,只是玉子凍冰冰不太好吃.烏冬用幼身,用來做湯烏冬最為適合,也比不少地方做得出色,天婦羅有蝦你還想可以要求什麼?只是較為油,但天婦羅在香港真係找到好好吃有難度,

服務都算不錯,看過晚餐價錢定位不貴,幾百元就可以食套餐,真係吸引我再來吃一次晚餐,

在居酒屋吃飯沒有什麼拘謹情況,吃得輕鬆,又可以談笑風生,其實早在不久前在OR的更新得知這裏存在,走的中檔路綫,但和御家迴轉壽司沒有關係,這晚相約數名食友前來這裏試下手勢如何,

首先係醬油東風螺,常見的菜式,不少居酒屋都有供應,醬油味道不搶過螺的味道,還算肥美,如果醬油味重一點比較適合我口味.有一段時間在家中常常吃這一味,經曾變得怕怕.前後共來了二款沙津,分別蟹子沙津以及凍蕃茄,前者味道沒有特別之處,如果份量再多一點會更好,相比之下凍蕃茄就出色過前者,吃落冰凍帶甜,不需要那麼複雜,簡單就是美,不是嗎?吃完前菜後,再來就是燒物,分別有燒吞拿魚魚餃以及梭子魚一夜干,前者最好吃就是邊位,肉質尚可,始終吞拿魚燒熟透是比生吃差一點,味道不過鹽,都算不俗下酒之物.梭子魚燒得再乾身一點就更好,有點偏咸.刺身怎能會沒有呢?再先來就三文魚,深海池魚以及甜蝦.砌起來賣相只算一般,可以用回細一點的盤子會更好,若然厚然一點會更吸引,之後就來了一盤石坦魚刺身.相比之下就美麗得多,吃落有淡淡甜美,質素都不錯,切厚一點會爽一點.不過不足之處魚骨炸完出來還是硬身,咬不開,用來變回煮魚湯會更好串燒吃了三款,分別就係牛舌,雞翼以及雞軟骨,牛舌厚切當然是王道,味道郤有咸香,吃得過,當然無可能和伊呂波相比,雞翼沒有什麼高難度,肉質還是嫩,雞軟骨就脆卜,但比較咸了.可以更好.

再來三款壽司就是迷你份量,有帶子,吞拿魚腩以及花之戀,飯粒比較顯一點,男生不太適合吃,倒是女生就較好.

吃過不少東西後,就來了大蜆麵豉湯,湯郤有蜆味道,這個就不錯,如果有豆腐會更美宲天婦羅就來了炸蝦,茄子等,炸蝦少了海鹽輔助,味道偏淡,但蝦都算大份,反然我比較愛吃茄子,雖然有少許油,但不能怪,始終這裏不是專做天婦羅,在香港要吃貴價天婦羅店也不多.當吃完天婦羅最後就上了四款鍋物,分別泡菜,味噌,昆布以及牛奶湯底,配上豚肉以及烏冬,當中泡菜最為出色,帶有辣味,配烏冬最為適合,而牛奶湯底較為特別,還有骨膠原附送,烏冬滑溜不錯吃,沒有壓力底下談天說地誰不高與呢?